تورکی نوحه لر

زبانحال حضرت امام حسن مجتبی علیه السلام

✍️مجید قلعه بیگی ( فقیر خوئی )

زینبیم یتیش اوت دوتوب یانیر
تار پودیم ای مهربان باجی
اولدی قاتیلیم ائوده محرمیم
عرشیان اولوب نوحه خوان باجی

کیم ائوینده اوز دادخواهینه
قاتل اولدی جعده اولوب منه
یوخ آنام گلوب دادیمه چاتا
دوشدی زینبیم زحمتیم سنه
یوخدی چاره گل قارداشین اؤلور
توکمه گوز یاشین بیله دامنه
کفن و دفنیمین گور تدارکین
گوز آچوب غمه یار اولان باجی

ائیله تشتی حاضر یانور دیلیم
بو غریبه سن آغلا زینبیم
قتلگه منه اولدی مأمنیم
وار یری سینه داغلا زینبیم
یوخدی فاطمه باغلیا گوزوم
گوزلریمی سن باغلا زینبیم
گوزلوری یولوم عدنیده آنام
الوداع منه قهرمان باجی

سعی ائله حسین نصف شبله بو
قارداشی مسافردی بولمه سین
تشتیده بو تکّه جیگرلری
قارداشین بو حالتده گورمه سین
چوخ چتیندی قارداش داغی باجی
قارداشی قباقینده اؤلمه سین
چوخ بلا باشیندا هله قالور
استقامت ائیله دایان باجی

گوزلریمی باغلا گرک گئدم
وصل یارین آیری صفاسی وار
داغ کیمی ولی سن دایان غمه
باشیوین سنین چوخ بلاسی وار
اول حسینه همدم بلاده سن
چون اونوندا بیر کربلاسی وار
کربلانی سال حیرته اوزون
عاشقانه وئر امتحان باجی

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی 👇👇👇

🆔https://t.me/turki_noohalar