ای یوزی قاره کوفیان

ای یوزی قاره کوفیان عالمه مقتدا منم

محور آفرینشه نقطه ی ابتدا منم

کوفه لیلر ندن بله ظلمیده شدت ایلسوز

دوره لیوب قوناقوزی قصد جسارت ایلسوز

جدیمه موقع اذان عرض ارادت ایلسوز

بیر آیلون حیا ادون وارث مصطفی منم

جان مسیحی قورتاران قید طناب داردن

سس یارادان کلیم ایچون شعله ی نور و ناردن

مژده وروب حسینه ده فیض حضور یاردن

قورخما دیوب حسین من قانوه خونبها منم

خلقت اولاندا ابتدا من هله نور نابیدیم

پرده نشین عالم خلوت و احتجابیدیم

آدم اولاندا آب گل من گلیدیم گلابیدیم

ایندی ده کل عالمه سرور و مقتدا منم

شمری گورون هارالیدی من گل باغ حیدرم

خارجی سعدین اوغلی دی من نوه ی پیمبرم

ابطحیم حجازیم هاشمیم دلاورم

شهپر جبرئیل ده عرشه گدن بالا منم

معرکه ی الستیده دست گره گشا منم

ذبح عظیم تشنه لب جنته رهنما منم

حکم ضروری اجل شرط قبولی عمل

اهل یقینه ماحصل قبله منم دعا منم

کعبه ی قرب و منزلت مشعر لطف و مرحمت

زمزم اهل معرفت مروه منم صفا منم

گوهر تاج انما مظهر شاه قل کفی

مفخر میر هل اتی مشعل اقتدا منم

علت ابتدا منم خلقته منتها منم

وارث اوصیا منم وارث انبیا منم

نور منم شجر منم نخل منم صمر منم

فتح منم ضفر منم نطق منم صدا منم

فکر ادیسوز بو بیکسین یوخدی الینده چاره سی

آب حیاته حکم ادر قیزلاریمون نظاره سی

نهر فراتی قیترر اصغریمین اشاره سی

قاعده ی تصرفون رمزینه آشنا منم

واردی یزیدیلن اگر سیزلرین عهد و بیعتوز

دینوزی ساتمسوز هانی بس عربی حمیتوز

یونگولومش دیانتوز اوسته گیدوبدی غیرتوز

غیرت ایله بیزیمکیدور مظهر مرتضی منم

#ای_یوزی_قاره_کوفیان

#کوفه

فایل صوتی👇👇👇

🆔@turki_noohalar

شه تشنه زینب خون جگر

کوفه

شه تشنه زینب خون جگر

بیری نیزده بیری ناقه ده

باجی قارداش اولدیلا هم سفر

بیری نیزده بیری ناقه ده

.

بیریسی اوخوردی کلام حق

دم نی ده لحن حجازیلن

گه ائدردی راز و نیازینی

او خدای بنده نوازیلن

ولی زینب اوخشاریدی اونی

دوه اوسته سوز و گدازیلن

بیری بی بدن بیری دیده تر

بیری نیزده بیری ناقه ده

.

او باشی جداده گورن زمان

بیر عجوزه داشه ائدوب نشان

گوروب حالی زینب بینوا

ائدوب اشگ دیده سینی روان

باشینی ویروب دم محمله

یاریلوبدی باشی آخوبی قان

او باشی کسوک بو شکسته سر

بیری نیزده بیری ناقه ده

.

بیله سوز نه نوعی گئدوبدولر

ره شامی قوم ظلامیله

ویرولوبدی نیزه لر اوستونه

شهدا باشی نه نظامیله

دوه اوسته عورت اوشاق هامی

قولی باغلی رنج تمامیله

بیری ساکت و بیری نوحه گر

بیری نیزده بیری ناقه ده

.

اسرا نه حاله دوشردیلر

گورولن زمان شهدا باشی

آنالار گورردی اوز اوغلینی

باجیلار گورردیله قارداشی

هامی آه و ناله ائدردیلر

هاموسی توکردیله گوزیاشی

بیری بی پسر بیری بی پدر

بیری نیزده بیری ناقه ده

.

گهی دیر راهبه قویدولار

سر پاک شاه مشارقی

گهی گوردی مجلس عامده

ستم یزید منافقی

نه غم و بلا که گوروب حسین

غم زینب اولدی مطابقی

او شهید اولوب بو گوروب نلر

بیری نیزده بیری ناقه ده

 

مرحوم کاتب اردبیلی

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی👇👇👇

🆔https://t.me/turki_noohalar

اهل قبیله گلموسوز دفن ایدسوز ئولنلری

دفن شهدا

 اهل قبیله گلموسوز دفن ایدسوز ئولنلری

سیز کمک ایلیون منه من تانورام بدنلری

 

قافله کوچ ایدنده من دشمنه دستگیریدیم

یرده قویوب بدنلری گیتماقا ناگزیریدیم

مجلس کوفه ده ئوزوم منده بوگون اسیریدیم

امر خدا یئتیشدی گیئت دفن ایله جان ویرنلری

 

بو چوله منده گلموشم محفل غم قورام گیدم

کاسۀ چشم پر نمی اشگیله دولدورام گیدم

بوردا آتام جنازه سین قبرینه تاپشورام گیدم

کوفه ده منتظردیلر باجیلاری حرملری

 

 اوندا که ایستدی آتام بو چولی مسکن ایلسون

پول ویروب آلدی بو یئری وادی ایمن ایلسون

دینه فدا اولانلارون نعشینه مدفن ایلسون

تا که زیارت ایلیه حشره تک ایستینلری

 

بی کس آتام حسیندی بو جسمده چوخ یاراسی وار

پیکری پاره پاره دور نه الی نه لباسی وار

دشمن الینده باشینون غصه لی ماجراسی وار

سیرایدر ال به ال اودور نیزه باشیندا چوللری

 

 اوچ گون اولور بو گون قالوب یئرده بو جسم نازنین

ظلمیله پایمال ایدوب آتلار ایاقی پیکرین

بند زر اوسته اهرمن کسدی بلکدن اللرین

گیئتدی بوچولده نالیه فاطمه نی پیمبری

 

 سیز چکیلون دورون باخون جمله جوان و پیریله

عالم غیبدن کمک وار من دستگیریله

تا که آتام جنازه سین قبره قویام حصیریله

گون قباقندا قالمیه دفن ایلیم او سروری

 

 قارداشیم اکبری ایدوب قطعه به قطعه تیغ تیز

اولدی آتام حسین او دم قد خمیده اشگریز

قانلو جنازه سین قویون قبره ایاق طرفده سیز

بسکه آتاسی چوخ سور اوغلی علی اکبری

 

توش اولوب ای بنی اسد مین غمه بیر باشیم منیم

کشف ایلوری ئوره ک غمین گوزده کی گوز یاشیم منیم

وار بو ئولنلر ایچره بیر خورداجا قارداشیم منیم

دفن ائدرم آتاسینون سینه سی اوسته اصغری

 

قاسم عم اوغلومون یری ایستورم آشکار اولا

قبری علی اکبرین قبرینه همجوار اولا

ایستمورم بو دوره دن آیری دوشه کنار اولا

دفن ایدون ای بنی اسد بوردا او ماه پیکری

 

بلبلون عشقی وارگله قلبیمی حیرته سالور

بزم وصالی آختارور قیمت جانیمین آلور

دفن ایلیون بو دوره ده هر نه صحابه دن قالور

پادشهون اولا گرک تحت نظرده لشگری

 

 قالدی عموم جنازه سی گلم ئوره کده شیونه

الده چتیدن حمل اولا جسم شریفی مدفنه

نعشینی قبره قویماقا گلدی بابام کمک منه

پوزدی بو غملو منظره دلدن آتاسی حیدری

سید حسین کهنمویی ( ریاضی )

 

 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

اوچ گیجه گوندوز قالوب توپراقلار اوسته بی کفن

دفن شهدا

 

اوچ گیجه گوندوز قالوب توپراقلار اوسته بی کفن

اولمادی نعش حسینی بیر نفر دفن ایلیین

امر اولوبدی سیّد سجاده گلدی کوفه دن

دفن ایده گونلر ایوینده قالمیه مظلوم اولن

 

 

گوردی بیرعده اوجالدور ناله وشیون سسین

بیل کلنگ الده آلوبلار قتلگاهون دوره سین

گوردولر آتلی گلور گیزلتدی هرکس ناله سین

قورخودان اما یواش آعلور اوشاقلار مرد و زن

 

 

سویلدی اهل قبیله ایلییون شیون گلون

سری کتمان ایتمیون هرگز اولون ایمن گلون

اوغلیام من بو غریبون قورخمیون مندن گلون

گلموشم دفن حسینه سیزلره امداده من

 

 

گورموسوز کوه منایه بنزوری بو قتلگاه

باش بدنلردن گیدوب وار حقّوز ایتسوز اشتباه

آگهم من کیمدی بونلاردان رعیّت کیمدی شاه

سیز منه امداد ایدون مدفون اولا هر جان ویرن

 

 

 

بو منیم بیکس آتامدور خاکیله یکسان اولوب

بو گلستان وفاده گل کیمی خندان اولوب

ناطق قرآن اوزی شیرازه سیز قرآن اولوب

طعن ایدر اسلامه بو پاشیده اوراقی گورن

 

مرحوم سید حسین کهنمویی ( ریاضی تبریزی )

 

 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

زینبم درد هجرانه یاندیم

 ورود به کوفه

 زینبم   درد    هجرانه    یاندیم

کوفه شهرین پریشان دولاندیم

نیزه ده   باشوه   داش   دگنده

من باخیب گؤزلریندن اوتاندیم

 

سرزمین    محبت   سراجی

عشق بازارینون سن رواجی

ان اوجا  نیزه دن بیر اشاقه

زینبین وار  سنه   احتیاجی

 

 باشدا یاره حسین غملی ساعت

سوره       کهفی   ایله   تلاوت

صبر ایدنمور ئورک سن  یارالی

من    گزم   ناقه لرده   سلامت

 

 عاشقم   باشیمی منده  یاررام

قانیلن عشق باغین  سوواررام

باش یاراسین بو غملی سفردن

یثربه  الده   سوغات   آپاررام

 

 درد و غم زینبه یولداش   اولدی

دوندی اشک تریم قانیاش اولدی

سینه مه   کربلا   داغ   چکوبدی

کوفه کرب و بلادن باش   اولدی

 

 کوفه نین ملت   بی حیاسی

ائتدیلر    بیزلره    ناسپاسی

نیزه ده باشوه داش وورانلار

ووردیلار زینبه دیل  یاراسی

 

 قافله    باشینه     کوچه لردن

کول توکور کوفیان غرفه لردن

سن کولی   یاره وه مرهم ایله

من  دوا   آختاریم   نیزه لردن

 

عباسی معروفان اهری

 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

ویردی صفا بو قلبه

در کوفه

ویردی صفا بو قلبه

                قرآن صداسی قارداش

بیرده اوخی او لحنون

                زینب فداسی قارداش

 

ایوای یارالی قارداش

ایلدن آرالی قارداش

 

باشون جداده قارداش عزم ایلیوبدی شامه

دوندردی کوفه اهلی روشن گونومی شامه

بیربیله ظلم ایدوللر یتمور نیه تمامه

اول مونسیم بوچولده الله رضاسی قارداش

 

 

ای یوسف مدینه قرآن تلاوت ایله

منله دانش برادر مهرو محبت ایله

کیم قویدی کو للراوسته باشون حکایت ایله

سنده صورا کیمون وارکربوبلاسی قارداش

 

 

یانّام گورنده قارداش بوداش آتان جماعت

آد خارجی قویوبلار ایلور هامی شماتت

نامه یازان شقی لرهیچ چکموری خجالت

بو شهریده چوخ آز وار اولسون حیاسی قارداش

 

 

گتمه کناره قارداش بوردا دایان بیرآز قال

کهف آیه سین دوباره باشلا بوگویلومی آل

ماه منیرزینب ایتمه خسوف ایشق سال

سنلندی کاروانون نور و ضیاسی قارداش

 

 

بو داش آتان جماعت مندن توان آلو للار

بیر عدّه سی شماتت بیرعدّه کف چالوللار

حیدرآتام یاراسین بوردا یادا سالوللار

اولدی آتام سنون تک دینون فداسی قارداش

 

 

عرشه چخان بوباشون کامه چاتوبدی قارداش

دین اوسته ماسوانی گوزدن آتوبدی قارداش

مطبخ سراده کوللر اوسته یاتوبدی قارداش

بو باشوون نقدری وار ماجراسی قارداش

 

 

گوردون دولوبدی قلبیم آلامه بس یارالی

بوکوفه ایچره اولدون سن هم نفس یارالی

قرآن صداسی اولدی فریاد رس یارالی

وار دور تلاوتینده دردیم دواسی قارداش

 

 

اولدون بو دینه قربان دین اهلی اولسون آگاه

لازمدی هر مسلمان اولسون همیشه دین خواه

دینه خیانت اللر اولسون گرکدی کوتاه

خائین الی اولوبدی دینون بلاسی قارداش

 

 

یاززینبون دیلینجه (عدلی) بو نوحه اولسون

بوکاروان ایچینده بیر گل ندندی سولسون

سوایستین زماندا قونداقی قانه دولسون

باشین گورور بالانون آغلور آناسی قارداش

 

 

اصغرباشین نی اوسته گورجاق دیوری ایوای

گل سینمه صودوم وارگلمور بالا دیوروای

فرض ایلوری قوجاقدا سسلور بالامدی لایلای

آخرسوسوزویروب جان نازلی بالاسی قارداش

  حاج اصغر فرشچی (عدلی تبریزی)

منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

 

نیزه لر باشیندا کسوک باشون

درکوفه

نیزه لر باشیندا کسوک باشون

شمع کاروانیمدی یا حسین

قوی غمونده پروانه تک یانوم

غم انیسِ جانیمدی یا حسین

ای فدای قرآن

سرور شهیدان

زینبم غمونده

آغلارام حسین جان

 

 

 

سن امیر اردوی عشق سن

قانلی تاج و افسر باشندادی

اشتیاق وصل و محبّتون

پیروان حیدر باشندادی

یدّی ضربتیله گوزل باشون

ذبح اولوب جدالر باشندادی

عاشقم سنه باغلانان قولوم

عشقیمه نشانیمدی یا حسین

ای فدای قرآن ...

 

 

 

همسفردی پوزقون قطاریله

دست بسته دردانه لر منه

خط سیریمی ائتمرم عوض

طعنه وورسا بیگانه لر منه

شمع حُسنده یانمیشام، یانار

بزمِ غمده پروانه لر منه

بارگاه بیدادی یاندران

آتشین زبانیمدی یا حسین

ای فدای قرآن ...

 

 

 

دلبریم ئورک مُلکنی گزوب

دلبران محبوبه ناز ایله

مرحبا مَلَکلَر دیر سنه

امتحاندا ایوبه ناز ایله

گوزلرون فداسی بو حُسنیله

یوسفِ بنِ یعقوبه ناز ایله

نازنین گولوم سن کیمی گوزل

یار دلستانیمدی یا حسین

ای فدای قرآن ...

 

 

 

یوسفیم بو بازار عشقیده

جان بکف خریداریوَم سنون

مشتری لرون نوبته دوروب

نازیوی چکن یاریوَم سنون

اقتدار عباسه آند اولا

کوفه ده علمداریوَم سنون

غم سپاهیمون پشتوانه سی

حیّ لامکانیمدی یا حسین

ای فدای قرآن ...

 

 

 

سندیرانماز اهل ستم منی

قانلی پرچمون آلمیشام اله

ایستورم بو پوزقون سپاهیله

من گئدوب سالام شامه ولوله

همّتیم گوروب شرمیدن ئوله

نوفل و سنان، شمر و حرمله

انقلابیوی سرفراز ائدن

قامت کمانیمدی یا حسین

ای فدای قرآن ...

 

 

 

نیزه لرده ای یار آشنا

هر دیاره گئتسن گلر باجون

دردمندیوم هر نگاهیوی

درد عشقه درمان بولر باجون

سویگلوم گوزون یومما باخ منه

باخماسان بو یولدا ئولر باجون

آغلا حالیمه قان توکن قوشون

یولدا پاسبانیمدی یا حسین

ای فدای قرآن ...

کلامی زنجانی

  منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

 

 

گیرنده کوفیه زینب باخوب جدا باشین

 

ورود به کوفه «اثر حیسنی سعدی زمان»

 

گیرنده کوفیه زینب باخوب جدا باشین

دیردی درد دلین اوز یارالی قارداشینا

گلوبدی نیزده قانلی باشون دله قارداش

کلام حقی اوخور اهل باطله قارداش

 

دوباره یاره وروبلار آخار باشون قانی

یانار بلالی باجون بیله نسگله قارداش

گچن گجه باجون اولسون کول اوسته یاتمیشیدون

محاسنون بلشوب توپراقا کوله قارداش

اوقان دولان گوزون آچ در بدر عیالیوه باخ

ووروبدو بوینوموزا شمر سلسله قارداش

یاناندا خیمه لرون یانمیشام آنان اوغلی

دونوبدی آه دلیم اودلی مشعله قارداش

اوقدر قمچی ووروب شمر قوللاریم گویروب

بوغملریله باجون اولمیوب هله قارداش

ندن سوروشموسان احوالینی بوخون جگرین

سالار باجینی گوزوندن مگر بیله قارداش

منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

 

گوردوم ویروبلا باشین نوک جدایه قارداش

✔️ احوالات کوفه

گوردوم ویروبلا باشین نوک جدایه قارداش

باشون دالیجا گلدیم،سایه ب سایه قارداش

 

چیخموشدی عرش حقّه نی دن،او رأس اطهر

نیزه باشیندا گوردوم قرآن اوخوردی لبلر

عیناً تصوّر ائتدوم برپا اولوندی محشر

    باخدوقجا جان تاپوردیم،نوک جدایه قارداش

 

چیخدوم ازل اوزومدن،گورجک بو ازدحامی

آلموشدی زینبوندن اول قانلی باش دوامی

طوفان یاراتدی واللاه اول احمدی کلامی

    شکر ایلدیم دوباره،فضل خدایه قارداش

 

سندن سورا او چولده بیر آیری حاله قالدوم

باخدوقجا من جدایه،یاپراق کیمی سارالدوم

اولسون ایراق گوزوندن،قارداش دونن قوجالدوم

     دور گور نقدری دوشموش باشیم بلایه قارداش

 

هر غصه دن چتیندی بو عاشقه فراقین

سالدی منی ایاقدان،بو دردِ افتراقون

داش ویردولار او قدری،قانه دولوب دوداقین

   یوخ بیر نفر یتیرسین ایندی هرایه قارداش

 

اخیامه ویردولار اوت،مردانه من دایاندوم

بال و پریم توکولدی،ظلم آتشینده یاندوم

ایش بیر یره دایاندی،سولدی رباب اوتاندوم

   گلموشدی نینواده،نی تک نوایه قارداش

 

سن عهدیوه یتیردین امر شهادتیله

منده سنه شریکم، بو عهده همّتیله

کامل اولار بو نهضت قید اسارتیله

    تا گئتمه سین حقیقت،امری خفایه قارداش

 

 

 

چوخ ایستیرم حسینجان،وصله یِتم قاپوندا

یوخ بیر زادیم «فقیرم» چوخدی کرم قاپوندا

ارباب باوفاسن،منده ایتم قاپوندا

    نوحه یازوب سوروننم بزم عزایه قارداش

 

فقیـــــــرخویــــے

  منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

قبیله اهلی گلون دفن ایداخ اوءلن لری

✅دفن شهدا

 

سبک : یخلدی سقا یره باش یارالی قان گلور...

 

قبیله اهلی گلون دفن ایداخ اوءلن لری

کمک لشون تا تاپاخ بی کفن بدن لری

وار نه قدر عمروموز  بو محن ده آغلاروخ

کربلاده اءولن شاهه سینه داغلاروخ

 

گلین تاپاخ سینه سی اودلانان حسینی بیز

کسیک باشی ظلمولن ذبح اولان حسینی بیز

بو داشلار آلتیندا  کی اوخلانان حسینی بیز

شهادتین آختاراق شربتین ایچن لری

وار نه، قدر عمروموز بو محن ده آغلاروخ

کربلاده اولن شاهه سینه داغلاروخ

 

گورون هایاندا  دوشوب اکبرین جنازه سی

هایاندا دی قاسم  دلبرین جنازه سی

اورک لری داغلیار اصغرین جنازه سی

فلک گورنمز داخی بیله جان ویرن لری

وار نه، قدر عمروموز بو محن ده آغلاروخ

کربلاده اولن شاهه سینه داغلاروخ

 

گلون گیداخ منله بیر علقمین کنارینه

بیر آغلیاق ساقی و مشگ اشگبارینه

بیچیلمیش اعضاسینی دفن ایداخ مزارینه

فلک گورنمز داخی  بیله جان ویرن لری

وار نه، قدر عمروموز بو محن ده آغلاروخ

کربلاده اولن شاهه سینه داغلاروخ

 

بوچوءلده دی آختا رون عون و فضل و جعفری

بویرده عبداللهین دوشدی خیردا پیکری

هایاندا دی عمه مون نوگلان پرپری

فلک گورنمز داخی بیله جان ویرن لری

وار نه، قدر عمروموز بو محن ده آغلاروخ

کربلاده اولن شاهه سینه داغلاروخ

منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

گورنده کوفه ده عباس باشین زینب کبری

رأس مبارک حضرت ابوالفضل العباس علیه السلام در کوفه

 

گورنده کوفه ده عباس باشین زینب کبری

خطاب ایتدی او باشه بو زبانحالیله گویا

 

شمس دیندن آیریلوب باشون

آل هاشمین ماهی قاداشیم

سر سپاه اولان، تک قویار مگر

لشگری سینان شاهی قارداشیم

 

 

 

گون اگر چه اوج شرفده دور

جلوه گردی مرآت لَم یَزل

لیک تار و تاریکدور جهان

ظلمته ایشیق گون اولوب بدل

کوفه نین بو ساعاتی نحسدور

ایلیوب قمر عقربی محلّ

تک نه گون، عوالم یانار گوره

گر بو منخسف ماهی قاداشیم

 

 

 

اولین باشیکه جدا باشین

آل فَهردن ایتدی سرفراز ( 1 )

دین باشین اوجالدان باشون اولوب

ای قتیل اشرار حیله ساز

بیر شهیده آل خلیلدن

اولمیوب بو تحصیل امتیاز

کربلاده تک سن آپارمیسان

بو شرافت و جاهی قاراشیم

 

 

 

قول قاناد آچاردیم همیشه من

قدّووه تماشا ایدن زمان

افتخار ایدردیم او قامته

شکر ایدردیم آللّهه شادمان

ایمدی هر گلن طعن ایدور منه

دوره می آلوب شمریله سنان

باشیم اوسته خرگاه غم قوروب

اودلی قلبیمین آهی قارداشیم

 

 

 

نولدی بس او حیدر باخشلی گوز

ای منیم شهامتلی قارداشیم

تا گوریدی انظار خلقده

یوزده وار نجه قانلو گوز یاشیم

خرگه جلالیم یانوب ولی

قالمیوبدی بی سایبان باشیم

دود آه قلبیمله باشیمون

وار غریبه خرگاهی قارداشیم

 

 

 

سن الونده شمشیر اولان زمان

باغلادی هامی دشمنین الین

اللرون بدندن دوشن کیمی

آچدی ال بیزه فرقه لعین

حق سوزیله، سحر بیانیله

ایله باغلارام باطلین دلین

تا آچیلماسون بیرده حشره تک

اهل کفر افواهی قاراشیم ( 2 )

 

 

 

شاخ و برگ سیز قامتون سنون

ای عزیز جان ابوتراب

نهر علقم اوستنده تشنه لب

دشمن ایتدی تا زینتِ تراب

سویدی اهل بیت رسالتی

قویمادی قالا زینت و نقاب

بدرده ئولن بی حیالرین

وارثین خونخواهی قارداشیم

 

 

 

اشقیا امان نامه سی اگر

اولدی باعث خجلتون سنون

آستان زهراده بُول یقین

محترمدی شخصیتون سنون

قابل ستایشدی هر زمان

حسن نیت و خدمتون سنون

اولماسون بلند اولماقا باشون

اجتناب و اکراهی قارداشیم

 

 

 

اولین ورودینده کوفیه

دل شراره ریز ایتدی آهینی

عطف ماسبق ایلیوب سالوب

یاده اوز گئچن عز و جاهینی

خون دل یوزه توکدی گوزلریم

گوردی تا علی بارگاهینی

کاش اجل گله بیرده گورمیه

زینبون او درگاهی قارداشیم

 

 

 

آی یوزین بولود دوتسا تار اولار

اهل دل گوزینده هامی جهان

عقله گلمِیَن بیر بولود دوتوب

مه جمالیوی ای عزیز جان

دل تلاش ایدور گورماقا یوزون

ویرموری امان چشم خونفشان

بو بولود بو آی مثلینی جهان

گورمیوبدی واللهی قارداشیم

 

 

 

اودلانوب عطشدن یانان دلیم

گوزلریم دولوب اشگیله چو مشگ

اوخلی مشکوه قانلی اشکیمه

وار یری ایده سلسبیل رشگ

شاه و سرسپه رهگذارینه

گوزلریم سپوب سو یرینه اشگ

گل نشین ایدوب پای ناقه نی

ایسلادوب سرِ راهی قارداشیم

 

 

نسبت(حسینی) یتر بیزه

متقی اولا یا گناهکار

رجعیتینده بیت الحرامدن

سخت بیر صُداعه اولوب دچار ( 3 )

ایسترم خدا لطف ایده شفا

تا ایده بو لطفیله افتخار

بیز اگر امان ویرمیاق اونا

یوخدی بیر امان گاهی قارداشیم

مرحوم سعدی زمان

  منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

زینبــــم قارداش حسین قلبی یانان عاشقیوم

ورود کوفه (من کلام : نخستین)

زینبــــم قارداش حسین قلبی یانان عاشقیوم

کوفه و شامی دالونجـــــا دولانان عاشقیوم

 

زینبــــم قارداش حسین قلبی یانان عاشقیوم

کوفه و شامی دالونجـــــا دولانان عاشقیوم

محک عشقیوه صــــراف اجل چکدی منــــی

گوردی سرگشته عشقم سنه گوستردی منی

ای آنام فاطمه نـــــون یوسف گل پیرهنــی

الی قوینوندا گوزی یولــــدا قالان عاشقیوم

هارا گیتدون دیمه دون قتلوون اول گیجه سی

قتلگاهون آنام اوغلـــی او مجلل گیجه سی

نصف شب قانلی بیلکندن کسلـن ال گیجه سی

بیلوسن قارداش حسین من نگران عاشقیوم

هر یره گیتسون اگر ای یارالی بـــاش منه دی

طاقتیم یوخدی منیم هجروه قارداش منه دی

دیمـــــورم دگسه یارالی باشوا داش منه دی

یارالی پیکریوه ســـــــایه سالان عاشقیوم

منی دیندیر آنام اوغلی بو قدر ناز ایلمــــــه

ئوزووه قاتل بیرحموی همـــــــراز ایلمه

طاقتیم یوخدی منـیم روحیمی پــــرواز ایلمه

قالمیوب  منده داخی تاب و توان عاشقیوم

ئوره گیم یاره لیدی یاره لنن اعضــــــــا تک

موج ایدر درد و غمیم موجه گلن دریا تک

اوج اعلاده گنه سیــــــــــــر ایدرم عنقا تک

صحنه عشقی حسین جان ،پر آچان عاشقیوم

هم مرام سنیلن ، سن که مرامیم بیـــــلوسن

سن آنام فاطمه نون گلشنون بیر گلی سن

من سنه سویگولویم ، سنده منه سویگولوسن

غم هجرونده سنون قدی کمان عاشقیـوم

منی دیندیر آنام اوغلی ایلیوم دردیمی فاش

ئوره گیم یاره لیدی سن کیمی ای یاره لی باش

دوتما یانه یوزووی من باجیام سن قــارداش

قتلکهده باشــــون اوسته پر آچان عاشقیوم

زندگی ویردیم حسین عشقوی آلدیـم نیلک

سن دوشن ورطه طوفانیـــده قالدیم نیلک

گل کیمی گلشن عشقونده ســـارالدیم نیلک

یوسفیم ، کوی وفاده قوجـــــالان عاشقیوم

نیزه ده ایله تماشــــــا بیــــله تماشا اولماز

سن کیمی یوسفه فکر ایتمه خریــدار اولماز

شهد عشقوندن ایچن دیده سی خونبار اولماز

الده آغ زلفیـــم حسین پیره زنان عاشقیوم

منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

 

زینبم درد هجرانه یاندیم

سبک .... ای قلم سؤزلرینده اثر یوخ...

 

زینبم درد هجرانه یاندیم

کوفه شهرین پریشان دولاندیم

نیزه ده باشوه داش دگنده

من باخیب گؤزلریندن اوتاندیم

 

 

سرزمین محبت سراجی

عشق بازارینون سن رواجی

ان اوجا نیزه دن بیر اشاقه

زینبین وار سنه احتیاجی

 

 

باشدا یاره حسین غملی ساعت

سوره کهفی ایله تلاوت

صبر ایدنمور ئورک سن یارالی

من گزم ناقه لرده سلامت

 

 

عاشقم باشیمی منده یاررام

قانیلن عشق باغین سوواررام

باش یاراسین بو غملی سفردن

یثربه الده سوغات آپاررام

 

 

درد و غم زینبه یولداش اولدی

دوندی اشک تریم قانیاش اولدی

سینه مه کربلا داغ چکوبدی

کوفه کرب و بلادن باش اولدی

 

 

کوفه نین ملت بی حیاسی

ائتدیلر بیزلره ناسپاسی

نیزه ده باشوه داش وورانلار

ووردیلار زینبه دیل یاراسی

 

 

قافله باشینه کوچه لردن

کول توکور کوفیان غرفه لردن

سن کولی یاره وه مرهم ایله

من دوا آختاریم نیزه لردن

 

ابوالفضل عباسی معروفان

  منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

آچ گوزلرون اشراری رسوا ایله قارداش

احوالات کوفه_زبانحال حضرت زینب سلام الله علیها

سبک ها ::

اجرا با واگیر :: ای کربلانون تشنه لب ... مستان همه افتاده و ...

اجرا بدون واگیر :: ای درد بی درمانلارا ...

 

آچ گوزلرون اشراری رسوا ایله قارداش

قرآن اوخی قرآنی احیا ایله قارداش

واگیر :

سر نیزه اوستن باخ منه

جانیم اولا قربان سنه

یا حجت الله (2)

 

بو قافله سنسیز اولانماز شامه راهی

یول ایتمه سین الله یاراتدی نور ماهی

سنسن بو یولدا زینبین پشت و پناهی

آهسته گیت اما مدارا ایله قارداش

 

نیلوم سنه دلبستیم

آهسته یول گیت خستیم

یا حجت الله (2)

 

کیم باشووی سر نیزه نون اوسته ووروبدی

کیم ساقه سیندن بو گولی عطشان قیروبدی

آئینۀ پیشانووی داش سیندیروبدی

بیر یولدا قان آلتدان تجلاّ ایله قارداش

 

بو امّته دلسوز سن

ئولسونده سن پیروز سن

یا حجت الله (2)

 

 

 

 

 

بارماقیمه انگشتر دیداری تاخ گیت

سرنیزه ده اولدوز کیمی شاماته آخ گیت

گیتمه گیدورسن نیمه جان قزلاره باخ گیت

بی کسلرین دردین مداوا ایله قارداش

 

ای روح طاهر آچ گوزون

آللهه خاطر آچ گوزون

یا حجت الله (2)

 

 

 

 

 

 

سعد اوغلی ویردی خولیه باشون امانت

اما اولوبدی بو امانتده خیانت

گول چهره وین اوستونده وار کولدن علامت

بو سرّی آچ کشفِ معما ایله قارداش

 

واضح بویور سوز هر ندی

قارداش بو خاکستر ندی

یا حجت الله (2)

 

یوللاردا دوتما فاصله مندن حسین جان

گول آیری دوشمز چونکی گلشندن حسین جان

زهرانون عطرین قوی آلیم سندن حسین جان

گوز یاشیمی یوللاردا دریا ایله قارداش

 

سایون یُوخی هست ایلیر

عطرون منی مست ایلیر

یا حجت الله (2)

 حاج حسین غفاری اردبیلی

  منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

ای گل بدنی باشسیز

در کوفه

 ای گل بدنی باشسیز

               یرلرده قالان قارداش

وی نیزه لر اوستونده

               گون تک اوجالان قارداش

 ای شاه جهان قارداش

 

 

گل نطقه اوخی قرآن قرآن سسیوه قربان

قوی خلقی تحیر ده اعجاز یولین بیر آن

منده سوروشوم بیر بیر اول نامه یازانلاردان

علت نه اولوب دوندی سوز اولدی یالان قارداش

 

 

 

الله نجه گور دوتدی بو کوفهء ویرانی

قویدیلار ایاق آتدا اسلامیله قرآنی

الدوردی رعیتلر شاهنشه دورانی

اولده بولار سالدی اخیامه تالان قارداش

 

 

 

مشغولیدون عشقیله سن راز و نیاز وندا

سرگرمیدون ای عاشق معشوقه نماز و ندا

گوردوم دایانیب شمرین شمشیری بوغازوندا

من قالدیم امانسیز اول ورمزدی امان قارداش

 

 

 

گوگ قاره گینمیشدی یر قانه بویانموشدی

اطفال تالانموشدی اخیامده یانموشدی

دود شرر آهیم افلاکه دایانموشدی

دنیا گوزومه بیردن گورسندی دومان قارداش

 

 

 

بسلنمشیدون قارداش سن گللرین اوستونده

سایون واریدی دائم بلبلرین اوستونده

ای وای منه یاتمشدون بس کللرین اوستونده

پر قو لرین اوستونده نازیله یاتان قارداش

 

 

 

زهرا ننه مین سولدی یکسر گل و گلزاری

پرپر داغلیب خندان گللر کمی پرگاری

الان گورورم واردی آننوندا کل آثاری

اللم قاریشوب خاک و خاکستره قان قارداش

 

 

ای نور هدا قارداش وی قافله سالاریم

بی کس باجوام یالقوز یوخ کمسه مددکاریم

چکمه نظرون مندن اول محرم اسراریم

چون واردی آرامیزدا چوخ سر نهان قارداش

 

 

 

سیندیردیلا پیمانی بو کوفه نین اشراری

شمشیر به دست اولدی هر حمله سنه ساری

بی عاطفه عورتلر  اللرده کی داشلاری

بولدوکلرین ایلوللر  مردان و زنان قارداش

 

 

 

ای راهنما رهبر آهسته گیت آهسته

باخ زینبه یول گستر سیرینده جدا اوسته

طفلان ملک منظر پر بسته و دل خسته

دلدن یانوب آغلوللار ایلولله فغان قارداش

 

 

 

من قالموشام حیرتده بولمم بو نه سودا دی

قول باغلی اسارتده پیغمبرین اولادی

پیشاپیش امتده آبادی به آبادی

آواره و سرگردان هم اشک فشان قارداش

 

 

 

از بس که غمیم دردیم بی حد وحساب اولدی

قلبیم یاخلوب یاندی کوز اوسته کباب اولدی

هر نوحه""امینی""دن بیر نسخه کتاب اولدی

هم نوحه دیین آغلار هم نوحه یازان قارداش

 ای شاه جهان قارداش

  امینی خویی

 

  منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

 

آل علی به شام و کوفه روان شد

روضه شهادت حضرت امیرالمومنین علیه السلام

حضرت علی (ع) شب تا سحر کوچه پس کوچه های شهر کوفه را قدم میزد و کیسه نان و خرما و خوردنی را به دوش حمل میکرد و سفره های خالی یتیمان را پر مینمود . اینطور امیرالمومنین به یتیمان و مردم کوفه لطف و محبت میکرد . این مردم و همان یتیمان کوفه به یُمن وجود امیرالمومنین بزرگ و بزرگ تر شدند . حالا میخواهند محبت و لطف امیرالمومنین را جبران کنند . چه کردند ؟ کاروان اسرای اهل بیت هنگام غروب پشت دروازه کوفه رسید . دستور رسید کاروان اهل بیت و لشکریان عمر سعد شب رابیرون کوفه بمانند و روز وارد شهر شوند تا همه مردم بتوانند اسرا را ببینند . در بیرون کوفه چند خیمه به پا کردند . عجیب اینکه عمر سعد و ماموران در میان آن خیمه ها به سر بردند و اسیران را در بیرون خیمه ها سکونت دادند . درآن شب انواع غذاهای گوناگون را از درون شهر برای لشکریان عمر سعد آوردند . اما بچه های امیرالمومنین همه با شکم گرسنه سر بر سنگ های بیابان گذاشتند ..

گریز
آل علی به شام و کوفه روان شد
با کاروان غصه و غم هم عنان شد
از کوفه تا به شام نخوردند سیر شام
آری شدند سیر و لیکن زجان شدند
بر خوان روزگار در آن راه پر خطر
آن بی کسان به خون جگر میهمان شدند(#پرتو_تهرانی)


#گریز ترکی برای این روضه از مرحوم مولانا #یتیم_تبریزی

راوی دیر که کوفیه زینب یتن زمان
قارداش باشین مشاهده ایلردی دوردن

گوردی غریبه نخل سِنان اوسته منظری
بنزر کلیمه جلوه ایدن نوره طوردن

بیرده باخاندا گوردی بیر اوزگه نشانی وار
ایلر اشاره زینبه حال تنوردن

بی اختیار ووردی باشین چوب محمله
تا گیتدی اختیار دل ناصبوردن

عرض ایلدی که ای آنام اوغلی نه فایده
سندن صورا جهاندا مرور دهوردن

دوشدی بدندن آیری باشون راه عشقیده
امّا جداده دوشمدی بیر لحظه شوردن

قرآن سسون گَلور لب معجر بیاندن
قویموش تمام خلقی عبور و مروردن

امّا دیولّه خلق گَلور خارجی باشی
ای طینتی عجین اولونان محض نوردن

غم دفترین "یتیمدن" ایتسن شها قبول
بیر تحفه دور حقیر سلیمانه موردن

  منبع : تورکی نوحه لر - توحید قربانعلی زاده www.noohalar.blogfa.com

گوردوم ویروبلا باشین نوک جدایه قارداش

✔️ احوالات کوفه

گوردوم ویروبلا باشین نوک جدایه قارداش

باشون دالیجا گلدیم،سایه ب سایه قارداش

 

چیخموشدی عرش حقّه نی دن،او رأس اطهر

نیزه باشیندا گوردوم قرآن اوخوردی لبلر

عیناً تصوّر ائتدوم برپا اولوندی محشر

    باخدوقجا جان تاپوردیم،نوک جدایه قارداش

 

چیخدوم ازل اوزومدن،گورجک بو ازدحامی

آلموشدی زینبوندن اول قانلی باش دوامی

طوفان یاراتدی واللاه اول احمدی کلامی

    شکر ایلدیم دوباره،فضل خدایه قارداش

 

سندن سورا او چولده بیر آیری حاله قالدوم

باخدوقجا من جدایه،یاپراق کیمی سارالدوم

اولسون ایراق گوزوندن،قارداش دونن قوجالدوم

     دور گور نقدری دوشموش باشیم بلایه قارداش

 

هر غصه دن چتیندی بو عاشقه فراقین

سالدی منی ایاقدان،بو دردِ افتراقون

داش ویردولار او قدری،قانه دولوب دوداقین

   یوخ بیر نفر یتیرسین ایندی هرایه قارداش

 

اخیامه ویردولار اوت،مردانه من دایاندوم

بال و پریم توکولدی،ظلم آتشینده یاندوم

ایش بیر یره دایاندی،سولدی رباب اوتاندوم

   گلموشدی نینواده،نی تک نوایه قارداش

 

سن عهدیوه یتیردین امر شهادتیله

منده سنه شریکم، بو عهده همّتیله

کامل اولار بو نهضت قید اسارتیله

    تا گئتمه سین حقیقت،امری خفایه قارداش

 

 

 

چوخ ایستیرم حسینجان،وصله یِتم قاپوندا

یوخ بیر زادیم «فقیرم» چوخدی کرم قاپوندا

ارباب باوفاسن،منده ایتم قاپوندا

    نوحه یازوب سوروننم بزم عزایه قارداش

 

فقیـــــــرخویــــے

     منبع : تورکی نوحه لر - توحید قربانعلی زاده www.noohalar.blogfa.com

قارداش باشون جداده قرآن تلاوت ایلر

احوالات کوفه

مرحوم شأنی تبریزی ( شعر ناتمام از مرحوم شهاب تبریزی که توسط مرحوم شأنی تکمیل شده است )

قارداش باشون جداده
                         قرآن تلاوت ایلر
هر یرده اهل کفری
                         اسلامه دعوت ایلر


دونموش سنان سنانی نورونله نخل طوره
گلِّم یوزوند گورنده بی اختیار شوره
خولی قویوبدی باشون بولدوم گئجه تنوره
گول رنگی گول یوزونده حالون حکایت ایلر


سن نیزده یارالی من ناقه ده پریشان
سن قانیله مزیّن من زارو دیده گریان
دیندیر من غریبی ای خسرو و لب عطشان
باجی اولاندا غمگین قارداش محبت ایلر


تا وار نفس ئولونجه کسمم علاقه سندن
بو یولدا گوز گوتورمه سنده بیر آنی مندن
من سندن اؤتری قارداش آیریلمیشام وطندن
هانسی باجی منیم تک قارداشه خدمت ایلر


هر یانه گئتسه باشون نوک جداده گلَّم
هر بیر قدمده قارداش فریاد و داده گلَّم
گئتسن دالونجا بزم ابن زیاده گلَّم
هر بیر غمونده تک تک زینب شراکت ایلر


یوللار توزی سالونجا مه طلعتون خسوفه
ای کاش حسین دوشیدی عمریم گونی کسوفه
نه عصریدور نه گوندوز بو وضع حال کوفه
صبریم ائوین عزیزیم یکباره غارت ایلر


بولمولَّه بس کیموخ بیز بو اهل کوفه آیا؟
رحم ایلیوب ورولَّه اطفاله نان و خرما
کلثومیم ندن آرتوخ اودلار بو ملّت امّا
ناحق گورر بو ظلمی حقّه شکایت ایلر


قان توکسه گوزدن آزدور بو چشم اشگریزیم
بش ایل بو کوفه ده من خاتونیدیم عزیزیم
دنیایه باخ منه باخ گور ایندی اوز کنیزیم
بو دخت مرتضایه صدقاً حمایت ایلر


بیجا دگل که نطقیم بو نوع دل نشین دور
خردا اوشاقلار آهی از بس که آتشین دور
هر بیر مصیبتیندن بو چوخ منه چتیندور
اطفالون آغلیاندا دشمن شماتت ایلر


بیرحم ساربانلار اللرده تازیانه
اطفالووین فغانین الده ائدر بهانه
یوخ بیر دین بو شمره بو زجر و بو سنانه
مسلم اسیره بیله کافر اذیت ایلر؟


بو نوع که ائدوللر اطفالیوه اذیت
شاماتیدن حجازه بیرده ائدنجه رجعت
قالماز تمام اوشاقلار قارداش یقین سلامت
سندن منی بو مطلب بولَّم خجالت ایلر


«شأنی» حسین کاتب ایلوبدی بیله تصیب
بو ناتمام نوحه اولسون تمام تعقیب
مرحوم اولان «شهابی» یاده سالور بو تعقیب
قارداش باجون جداده قرآن تلاوت ایلر

  منبع : تورکی نوحه لر - قربانعلی زاده www.noohalar.blogfa.com

✍️ زبدة الاشعار ✍️