بو نفسین الینده اسیرم الهی

مناجات باخدا

بو نفسین الینده اسیرم الهی
قاپوندا گدای حقیرم الهی
بو درگاه لطفه امیدیله گلدیم
فقیرم الهی فقیرم الهی
الهی الهی۲



یوخوم سندن ئوزگه پناهیم الهی
خجالتدی روی سیاهیم الهی
یوزوم قاره اولموش گینه معصیتدن
باشیمدان آشوبدی گناهیم الهی



نه واردی مطهّر حیاتیم الهی
نه واردی امید نجاتیم الهی
منیم حمد و شکریم سزاوارون اولماز
محقّردی صوم و صلاتیم الهی



ئوزوم موریدن ده ضعیفم الهی
مگر دیوِ نفسه حریفم الهی
کرامت سنوندی شرافت سنوندی
سنه تکیه قیلسام شریفم الهی



حضورونده عبد ذلیلم الهی
کرم ایله زار و علیلم الهی
سرای نجاته امیدیله گلدیم
در رحمتونده دخیلم الهی



چیخور عرشه سوز و گدازیم الهی
واریم دلده راز و نیازیم الهی
دیلیم قاصر اولموش یوزی قاره لیکدن
قبول ایله ذکر نمازیم الهی



اگر خلقی یخسا ذلالت الهی
سنون لطفون ایلر کفایت الهی
خطائیله بحر ضلالتده غرقم
منه عافیت قیل عنایت الهی


مهدی قلندری اردبیلی

  منبع : تورکی نوحه لر - توحید قربانعلی زاده www.noohalar.blogfa.com