خرابه قلبینی سیخان

خرابه قلبینی سیخان رقییه سلام اولا



خرابه قلبینی سیخان رقیّیه سلام اولا
یزیدی تختیدن سالان رقیّیه سلام اولا

.ایاقلارین تیکان ئوپن گل پیمبره درود
باشینا قمچیلر دگَن یتیمه دختره درود
خرابه ده افول ایدن ایشیقلی اختره درود
وئرن قوری یر اوسته جان رقیّیه سلام اولا
.
فلک لحاف و بالشین حصیر و پاره خشت ائدن
رضای حقیدن ئوزون رضای سرنوشت ائدن
خرابه یرده جان وئرن خرابه نی بهشت ائدن
چراغ و چشم کهکشان رقیّیه سلام اولا

آناسی فاطمه کیمی جمالی نیلگون اولان
جفا و ضرب سیلیدن گوزل گوزونه قان دولان
سموم ظلم و جوریدن گل چمن کیمی صولان
غمینده عمه سی یانان رقیّیه سلام اولا

.
دیلینده اکبرین آدی یاواش یاواش دیین اذان
عزیزه دوتدوقی آدی خرابه خاکینه یازان
گوزل آدی یازیب ئوپن گوزل آدی ئوپوب پوزان
یزیدی تختیدن سالان رقیّیه سلام اولا

شاعر ✍لاادری


#خرابه_قلبینی_سیخان
#رقیه
#لاادری
فایل صوتی 👇👇👇👇
🆔@turki_noohalar

🚩کانال تلگرامی تورکی نوحه لر🚩

منبع : تورکی نوحه لر - توحید قربانعلی زاده www.noohalar.blogfa.com

من عباسم منه دریالر آغلا

من عباسم منه دریالر آغلار
سوسوز احوالیمه سقالر آغلار
چاره سیز قالانلار
دردیلن یانانلار
سسلسون اورکدن ایوای ابوالفضل

منم ام البنینون دلرباسی
علاجی اولمیان دردین دواسی
غصه لی گرفتار
هر نه مبتلا وار
سسلسون اورکدن ایوای ابوالفضل

من عباسم هامی درده معالج
منه سویلر هامی باب الحوائج
جمله بینوالر
درده مبتلا لر
سسلسون اورکدن ایوای ابوالفضل

منی کیم سسلسه فریاده گلم
اونی تک قویمارام امداده گلم
اولسا هر مکاندا
جان ویرن زماندا
سسلسون اورکدن ایوای ابوالفضل

من عباسم سلیل مرتضایم
علمدار شه کرب و بلایم
تنگیده قالانلار _حاجتین آلانلار
سسلسون اورکدن ایوای ابوالفضل

منه کیم آغلاسا روز قیامت
اونا من ایلرم کُلاً شفاعت
اولماسون پریشان
اولسا غرق عصیان
سسلسون اورکدن ایوای ابوالفضل

🔹🔹🔹🔹🔹🔹🔹🔹🔹🔹🔹🔹🔹🔹
من عباسم منه دریالر آغلار
سوسوز احوالیمه سقالر آغلار
منیم هجرانیم آغلاتدی حسینی
ادبلی نوکره مولالر آغلار
جانم ابوالفضل ۴

هنگامه ی هیجاده تیغین اله تا آلدین
بیر حمله ده شیرانه نهر اوستنه آت سالدون
تسخیر الدین نهری افسوس سوسوز قالدون
ای ساقی سرمستان قربانین اولوم عباس
جانم ابوالفضل ۴


من عباسم یازا هر کیم عریضه
جواب عرضینی بیللم فریضه
عزا خانه م منیم دارالشفادی
شفا وئررم به اذن الله مریضه
جانم ابوالفضل ۴

#من_عباسم_منه_دریالر_آغلار
#عباسیه
فایل صوتی 👇👇👇👇
🆔@turki_noohalar



🚩کانال تلگرامی تورکی نوحه لر🚩

منبع : تورکی نوحه لر - توحید قربانعلی زاده www.noohalar.blogfa.com

آچ گوزلرووی گلمیشم امداده ابوالفضل

زبانحال امام (ع) دربالین حضرت ابوالفضل (ع)
آچ گوزلرووی گلمیشم امداده ابوالفضل
قارداشووی تک قویما بو صحراده ابوالفضل
اى شیر قوى پنجه باتوب قانه جمالون
قان پرده سی آلتیندا ایتوب هاشمی خالون
دیندیر منی احسان ائلمک اولسا خیالون
یا آچ گوزووی عاشق رخسارووه های وئر
بیر بوسه و یا قانلی گوزوندان منه پای وئر
ویرمزدی حسین بیر توکووی مُلک جنانه
جنت ائله سن سن کی باتوبسان بئله قانه
دنیانی اگر آختارالار خانه به خانه
همتا سنه هئچ عالیه انفاس اولا بیلمز
مین قارداش اولا هئچ بیری عباس اولا بیلمز
عرش اهلینه از بس کی آدون محترم اولدی
بو لشکر اسلامیده سهمون عَلَم اولدی
افسوس او عَلَم ساخلیان اللر قلم اولدی
عاشق تو که معشوقینه گوز یاش نه گوزلدی
قارداش باشی اوسته ئوله قارداش نه گوزلدی
ازبس توخانوب سینووه اوخ گوزگوز اولوبدى
گوز یاشیمه باعث ایکی قول بیر گوز اولوبدی
بیر سوز دانیش ، اولما آرامیزدا سوز اولوبدى
ظلمین قاباقین سدّ ائلین روحووه قربان
داغلی ئورگیم سینه ی مجروحووه قربان
الله ائوزی شاهددی کی مردِ عملیدون
سردار قوی پنجه ی جنگ و جدلیدون
سوز یوخ کی آنوندان دوغولاندان گوزَلیدون
خوش حالووه عاشقلره ضرب المَثّل اولدون
قان یوز گوزووه آخدی بیر آزادا گوزل اولدون
بازار بلادور بورا سرمایه سی غیرت
غیرت سنه مدیونیدی ای روح شرافت
آسان اَلَه گلمز بو رشادت بو شجاعت
زهرایه قسم ای خلف قائد اقدس
قانونده مقدس دی مرامونده مقدس
اسلامه شرف وئردی سنون طرز حیاتون
قرآنی مُسجّل ایلدی صوم و صلاتون
بیلدون کی شهادتدی فقط راه نجاتون
علت اودى اولدون بو یولا نور هدایت
ای گوزلریمون نوری مبارکدی شهادت
سردار گرک سن کیمی شوریده سر اولسون
فرمانبر فرمان قضا و قادر اولسون
قوی گُول کیمی عمرون گوزلیم مختصر اولسون
چهرون کیمی واضحدی کی زیبا قمر اولماز
آی باتماسا اما آتام اوغلی سحر اولماز
آچ لبلرووی حظّ آپاروم باری سوزوندن
ایستور ائشیده مطلبی قارداشون ئوزوندن
کیم چکدی بو اوچ شعبه لی پیکانی گوزوندن
داغون چکیلن قلبیمی اوخ داغلیا بیلمز
غیرت گوزین هئچ زهرلی اوخ باغلیا بیلمز
چالما ال ایاق قلبیمی یاندیرما ابوالفضل
گوز یاشیمه دنیانی بویاندیرما ابوالفضل
قارداشووی میداندا اوتاندیرما ابوالفضل
غیرتلی شرفلی علی اکبر سنه قربان
اصغر آدین آز دی علی اصغر سنه قربان
**

#وئرمزدی_حسین_بیر_توکوی
#مین_قارداش_اولا_هئچ_بیری_عباس_اولا_بیلمز
#عباسیه
#لاادری

فایل صوتی👇👇👇
🆔@turki_noohalar


🚩کانال تلگرامی تورکی نوحه لر🚩

منبع : تورکی نوحه لر - توحید قربانعلی زاده www.noohalar.blogfa.com

عمه سادات بیقراره

عمه سادات،بی قراره
غصه و غمهاش،بی شماره
تموم غصش،غم یاره
تنها امیدش،بی پناهه
روزای سختی،توی راهه
رو خاک سوزان،پا می زاره
ذکر آسممونها(وای زینب)3 وای
ذکر کهکشونها(وای زینب)3 وای
ذکر خاک صحرا(وای زینب)3 وای
ذکر سینه زنها(وای زینب)3 وای
شعله می کشه خورشید
زمین می سوزه از تب
ابرا همه می بارن
توی چشای زینب
میون سینه،دلی که تنگه
غم غروب رویا شه
شان نزول،سوره بارون
توی فرات چشماشه
عمه سادات بی قراره
غصه غمهاش،بی شماره
تموم غصش،غم یاره
تنها امیدش،بی پناهه
روزای سختی،توی راهه
رو خاک سوزان،پا می زاره
ذکر ریگه صحرا(وای زینب)3 وای
ذکر سینه زن ها(وای زینب)3 وای
کبوترا بی تابن،تو آغوش محملها
توی نگاها پیداست،بی قراره دلها
از انعکاس،خبر تخلی
دل شریعته بی تابه
رو نیزه هایی،که بی شماره است
یه سر سرخی می تابه
حالت صحرا،که عجیبه
غرق سکوتی،پر فریبه
پر از نسیم،بوی سیبه
غروبه سردش،پر رازه
مثه شبایی،که درازه
سینه خورشید بی شکیبه
عمه سادات،بی قراره
غصه غمهاش،بی شماره
تموم غصش،غم یاره
بیا توی آغوشم،داداش پریشونم
توی نگاه تلخت،دردت ورو می خونم
عزیز خواهر،تب نفسهات،دل من و می لرزونه
اگه نباشی،حتی یه لحظه،تمومه دنیا زندونه
دلشوره من،بی حسابه
بگو که اینها،همه خوابه
لشکر دشمن،یه سرابه
بغض غریبی،تو گلومه
بارون چشمام،نا تمومه
پر از سؤال،بی جوابه
عمه سادات،بی قراره
غصه و غمهاش،بی شماره
تموم غصش،غم یاره



#عمه_سادت_بیقراره
#زینبیه
#راه_شام
فایل سبک👇👇👇👇
🆔@turki_noohalar

🚩کانال تلگرامی تورکی نوحه لر🚩

منبع : تورکی نوحه لر - توحید قربانعلی زاده www.noohalar.blogfa.com

ای کمکسیزلرین یاری قارداش

ای کمکسیزلرین یاری قارداش
گل یخو بلار علمداری قارداش
قانلی شمشیریم الدن دوشوبدی
ال چالور شامین اشراری قارداش
܀܀܀܀܀
عازم اولدوم گلم خیمه گاهه
حمله فرمانی بتدی سپاهه
دوره می آلدی خصم مسلّح
غصه یوز وئردی بو بی پناهه
یاره ،قلب زاره ،دگدی زاره دگدی
گل باشیمدان یاره ،دگدی یاره دگدی
قلبیمون چوخدی اسراری قارداش
گل یخو بلار علمداری قارداش

من عزیز بوترابم
حامل پرچم انقلابم
اوخ ورولار دورت طرفدن
بیر قنادی یارالی عقابم
يوخ یساریم یمینیم برادر
گل امامیم معينيم برادر
آتدی اوخ بو منافق جماعت
پارچالاندی جبینیم برادر
من یخیلدیم، اشگیم ،آخدی اشگیم آخدی
قان ،توکنلر دوردی باخدی دوردی باخدی
اولموشام غم گرفتاری قارداش


گر اولا قطعه قطعه وجودیم
ائتمرم دشمن دینه تعظیم
خسته سربازیوی سرفراز ائت
ایلیوم جان حضورینده تعظیم
دل غمونده , قان اولوبدی , قان اولوبدی
گوزلریمه , قان دولوبدی , قان دولوبدی
یوخ سیلن چشم خونباری قارداش

ای مراد، قلب مهجور
ای مجاهد امام سلحشور
اهل بیته قیل اشاره
سویله دوتسونلار عباسی معذور
آل اطهاریدن ناگرانم
حال بیماریدن ناگرانم
مشگیمی او خلیان ال شل اولسون
عترت زاریدن ناگرانم
وای منه ،وای شیرخواره شیرخواره
وای رباب بیقراره بیقراره
اولدی مشگیم سویی جاری قارداش


کامه دل چاتدی الله اکبر
پرچمیم ياتدی الله اكبر
قانلی رخساری شرمنده لیقدان
اشگیم ایسلاتدی الله اكبر
حمدلله , روسفیدم , روسفیدم
حق يولوندا، من شهيدم، من شهيدم
پرچمون گل گؤتور باری قارداش


يوخ گمانیم آشنایه
ای منیم رهبریم گل هرایه
ئوز غلامین مفتخر قيل
سالگیلان باشیمون اوسته سایه
خنجر آلتدا بو حنجر سنوندی
تنده روحیم برادر سنوندی
ال سنون جان سنون باش سنوندی
قان دولان گوزده قارداش سنوندی
باش ،سنوندی جان سنوندی جان سنوندی
یاره لی قربان ،سنوندی جان سنوندی
درک ائله صاحب ایثاری قارداش

روح قرآن گرک زنده قالسون
جددیوون دینی پاینده قالسون
حاضرم هر مصیباته اما
آل پیغمبر ایمنده قالسون
گرچه صاحب , افتخارم افتخارم
قیزلاروندان , شرمسارم شرمسارم
قویما تنها بو پاسداری قارداش


✍کلامی _انقلاب حسینی


#ای_کمکسیزلرین_یاری_قارداش
#عباسیه
#کلامی
#متن_برای_اولین_بار_در_تورکی_نوحه_لر
فایل سبک👇👇👇👇
🆔@turki_noohalar

🚩کانال تلگرامی تورکی نوحه لر🚩

منبع : تورکی نوحه لر - توحید قربانعلی زاده www.noohalar.blogfa.com

ای یارالی گوز تیکیب

حضرت زینب ( س ) در راه شام
ای یارالی گوز تیکوب بو کاروان منه
دوش قباقه ویر بو یوللاری نشان منه
چوخ یورولموشام دیندیرون منی
ناقیه گلین میندرین منی
کاروان گیدور باغری قان گیدور
زینبون حسین ناگران گیدور
قمچی الده باشیم اوسته ساربان دوروب
ساق صولومدا شمر و خولی و سنان دوروب
بو یارالارون باغلیامادیم
ایل قبیلمه آغلیامادیم
کاروان گیدور باغری قان گیدور
زینبون حسین ناگران گیدور
کربلاده آخدی ظلمیله آی اولدوزون
جانه دویدی سینه ن اوسته خیرداجا قیزون
شامه و کوفیه قافیلم گیدور
زینبون الینده علم گیدور
کاروان گیدور باغری قان گیدور
زینبون حسین ناگران گیدور
گون اوینده بی کفن یارالی یاتموسان
بو یامان گون اهل بیتی گوزدن آتموسان
من مسافرم خسته جان حسین
دور دالیمجا ویر بیر اذان حسین
کاروان گیدور باغری قان گیدور
زینبون حسین ناگران گیدور
ناقه اوسته غم کتابینی وراقلارام
بو رقیّه نی گوز اوسته منده ساخلارام
قویمارام بونا قمچی لر دَیَه
بار غم بونون قامتین اَیَه
کاروان گیدور باغری قان گیدور
زینبون حسین ناگران گیدور
قویمارام جهاندا بو آخان قانون باتا
گر ئولمده قویمارام بو پرچمین یاتا
دخت حیدرم ، زیب منبرم
حافظ مرام پیمبرم
کاروان گیدور باغری قان گیدور
زینبون حسین ناگران گیدور
اهل بیتین ال قولوندا قید و سلسله
شامه و کوفیه گیدور بو غملی قافیله
یولدا ناقه لر گوز یاشین الر
اصغره باخوب آهولر ملر
کاروان گیدور باغری قان گیدور
زینبون حسین ناگران گیدور
هر دقیقه قلبیمی بو غصّه تازه لر
گون ایوینده عمری تازه ،گول جنازه لر
باخ بو باشلارا ، گوزده یاشلارا
نوک نیزه ده ، باغری قانلارا
کاروان گیدور باغری قان گیدور
زینبون حسین ناگران گیدور

#ای_یارالی_گوز_تیکیبدور
#کاروان_گئدور
#راه_شام
#زینبیه

فایل صوتی👇👇👇

🆔@turki_noohalar

کوفیان گورنجه یاندیردی منی

‍ راه شام زبانحال حضرت رقیه


کوفیان گور نجه یاندردی منی
اشک محنتله بویاندردی منی

بی بی زینب منه رحم ایله دایان
کاروان گئتدی آدامسیز قالدیم


عمّه من چرخ حیا اولدوزیام
خاندانِ علوینون دوزویام
هامیدان یاخچی تانورسان منی سن
آتامون من دیلی شیرین قیزیام
بی بی زینب ...


بو فنا دهره کی گلدیم آنادان
منی نازیله یاراتدی یارادان
سیرِ اقبالیمی دؤندردی فَلَک
خوش گونوم گئتدی تماماً آرادان


چرخِ دون سالدی بلایه باشیمی
آتا قارداش منیم آتدی داشیمی
صود امر جیرانیما دلخوشودوم
اوچیلار اوخلادی غم یولداشیمی


سندروب چرخ دنی شهپریمی
حبس ائدوب دیلده شیرین سوزلریمی
باخورام قورخولی صحرایه مَلول
توکورم دامَنَه اشکِ تریمی


عمّه سن مندن اوزاق یاتمازیدون
درد و غم یولداشیوی آتامزیدون
ئولمَسِیدی منیم اللرده آتام
سن بو تئزلیکده منی آتمازیدون


سنه قربان بئله تک قویما منی
قورخورام اینجیده بو قوم دنی
یول قرانلوق من ئوزوم خردا اوشاق
یورقونام ساخلا گئدن قافله نی


شمر الیندن یایاقیم یارَه لَنوب
تشنه لیکدن دوداقیم پارَه لَنوب
ایستورم قافلیه ساری قاچام
یره گلمور ایاقیم یارَه لَنوب


سینه ده تنگه دوشوبدور نفسیم
بو فنا عالم اولوبدور قفسیم
بیر دایان قوللاریوی بوینوما سال
واردی آغوشیوه دلدن هوسیم


آز قالور قلبیمی غم تیری بُوله
بیر ترحُّم ائله بو خسته دله
منی چوللرده قویوب گئتسون اگر
ایلَرَم جدّیمه محشرده گله


غصّه دن ساغر صبریم جالانوب
تللریم گرد و غباره بویانوب
سسلورم هر کیمی من یوخدی جواب
اوره گیم لاله مثل پارچالانوب


عمر شیرینه چاتوب دستِ عدم
آتورام صحنۀ مُحنتده قدم
غرق دردم نه دوا وار نه طبیب
نیلیوم بس بو چوله نابَلَدم


بختی قاره اوشاقام خونجگرَم
برگ گل تک غم الینده اَسَرَم
یتشون دادیمه اللهه گوره
یوخدی الدن دوتانیم دربدَرَم

#کوفیان_گور_نجه_یاندیردی_منی
#راه_شام
#رقیه
🆔@turki_noohalar

شیعه بی باک ترین مکتبی ایجاد ایلیوب

✔️راه شام .....

شیعه بی باک ترین مکتبی ایجاد ایلیوب
شیعه ویرانه حریتی اباد ایلیوب
شیعه حزب شرفی قانیله بنیاد ایلیوب
شیعه چوخدان قوشولوب بیعت پروانه لره
اگمیوب اگمیجک باشینی بیگانه لره


شیعه مستکبر و طاغوتیله پیکاریده دور
رمز پیروزی بی وقفه سی ایثاریده دور
اوج پرواز و تجلاسی سر داریده دور
قلب میداندا گزر جاهد نستوه کیمی
شیعه ظلمین قاباقیندا دایانار کوه کیمین


شیعه بوینون نه سلاطینه نه تهدیده بورار
قاف غیرتده ابوالفضل کیمین خیمه قورار
شیعه نون باشیده گئتسه سوزونون اوسته دورار
شیعه تاریخ بشرده حرکت باعثی دی
یعنی یتمیش ایکی وارسته قانین وارثیدی


شیعه عالمده گرک عاطفه فریادی اولا
یتیشه بیر یره کی معرفت استادی اولا
ئوز زمانینده پیام آور آزادی اولا
دوشه زینب کیمی چولدن چوله حقدن دانیشا
گلمیه قمچی الیندن دیله حقدن دانیشا


کوفه دن شامه وورا باشه حسین وای چاغیرا
توش اولاندا آقاسی داشه حسین وای چاغیرا
باخا سر نیزه ده قارداشه حسین وای چاغیرا
دئیه ای فاطمه ریحانی فدا گوزلروه
اوخی قرآن باجوون جانی فدا گوزلروه


ای قلم شام یولوندان سوز آچیلدی غمه باخ
گئچمه سوزدن دایانوب بو محن اعظمه باخ
کاروان اسراده علم ماتمه باخ
ناگهان گوردیله گویده مه روشن دایانوب
نیزه شاه شهیدان حرکتدن دایانوب


نیزه ترپنمدی سعی ایلدی دشمن نه قدر
هامی حیرتده قالوب بیربیرینه ائتدی نظر
دئدیلر راز امامی تک امام اوغلی بیلر
گلدی سجاد باخوب وضعه اولوب حالی غمین
اسرادن دئدی یولدا ایتنی واردی یقین


اسرادن سان آلوب فورا او دم زینب زار
گوردی اول غم زده پروانه لرین هاموسی وار
جمع ماتم ده فقط یوخدی بیر اوچ یاشلی نگار
مضطرب اولدی اوشاقلار اوجالوب آه و نوا
زجر مامور اولوب آهوی گریزانی تاپا


گئتدی تاپسون دل ظلمت ده رقیه خانمی
دئمورم گوردی نه حالت ده رقیه خانمی
قیتروب فورا او ساعت ده رقیه خانمی
گلدی دوز گئتدی خانم راس شهیدانه طرف
باخدی نه زینبه نه جمع اسیرانه طرف


ئورگین قهریله دریای بلایه ووردی
راس سلطان جنانیله مقابل دوردی
گوردی بیر ایش کی هامی قلبیلری یاندیردی
محفلی محفل عشقیله صفا فرض ائله دی
چوخ ادبلن یارالی باشه سلام عرض ائله دی


دئدی ای شاه سنه روح و روانیم قربان
قوریان لبلروه سوز نهانیم قربان
باخ منه دردیم آزالسون سنه جانیم قربان
تیتریئن دل دوداقیم مشگله سالمیش ئوزومی
دانیشا بیلمیورم سن اوخی گوزدن سوزومی


آتسا هر بلبلی گر باغ و چمن والله ئولر
کیمی صحراده اسیر ائتسه محن والله ئولر
قورخودان من کیمی احواله دوشن والله ئولر
ئولمدیم گلدیم ئوزونلن بابا صحبت ائلیم
زجریدن محضر پاکونده شکایت ائلیم


وار یادوندا دئیریدون منه مرضیه مرام
ایندی بیر دقت ائله ای ئورگی داغلی امام
هر جهتدن باخاسان فاطمیه اوخشیورام
عمری تک خارین الیلن گل عمریم سولدی
بیر گوزوم قانی آزیدی اودا تکمیل اولدی


ثانی ِ ثانی بیابانیده تاپدی منی تک
من دئدیم یوخدی الیمده سند ملک فدک
دئدی تکرار اولا یثربده کی برنامه گرک
ووردی بیر سیلی او دم جانیمی سالدی خطره
یوخودی دوره ده دیوار یوزوم دگدی یره


اوچ گئجه سن ساچیمی هورمدون الان منه باخ
آخی آغوشیده یر وئرمدون الان منه باخ
کوچه ده گر آنووی گورمدون الان منه باخ
سپمیشوک حق یولونا هر ایکیمیز قان یارالی
فاطمه سینه دن اما من ایاقدان یارالی


سرنوشتی عجب اوخشور بو ننه ایلن نوه نین
اودا اللرده ئولوب ئولملیم منده یقین
ولی بیر فرق ائدروک عاقبت ای سرور دین
اونا حیدر ائلیوب غسل کفن بوکدی گئنه
من قرا معجر ایچینده گئدرم قبر ائوینه

#شیعه_بی_باک_ترین
#راه_شام
#تورکی_نوحه_لر
فایل صوتی 👇👇👇👇
🏴 @turki_noohalar 🏴

الهی شیر خوارمی

‍ زبانحال امام حسین ع در بالین حضرت علی اصغر ع

✍حاج غلامرضا هادی اردبیلی

الهی شیر خواره می قویوب مزاره آغلارام
الیمده قوش تک اوخلانان گوزل شکاره آغلارام

سو تاپمادی قالوب سوسوز سارالدی غنچه لر کیمی
دوداقی اولدی خشک اولان چمنده برگ تر کیمی
سولوب سارالدی صورتی ستاره سحر کیمی
سحر ستاره سی سوزوب باتان مداره آغلارام

مزارون اوسته آغلیوب بونی چوخ اینجدنمرم
ترابه اصغری قویوب دوشوب یولا گئدنمرم
ئوزون عنایت ایتمه سون بو طفلی دفن ایدنمرم
آناسین آگه ایلیوب گلوب دوباره آغلارام

نمازه باشلادی غرض او سرور جهانیان
گوزونده اشگ حسرتی النده قان یوزونده قان
نمازی قورتاروب دیدی اَیا خدای لامکان
سنون رضایتوندی چون بو جان نثاره آغلارام

سنوندی داغلانان اورک دولوبدی سوز و سازیلن
شکسته دل ال آچمیشام حضوریوه نیازیلن
تحمل ایت منه عطا بو قیلدیقیم نمازیلن
که طاق اولوبدی طاقتیم چکوب شراره آغلارام

حسین نه کاره دور خدا صدف سنون گهر سنون
شکسته دل سنون کیدور بو اوتلانان جگر سنون
سوسوز قالانلاریم سنون بو اوخلی صودامر سنون
قنادی قانلی بلبله ایدوب نظاره آغلارام

بلا اوخی بوغازینه ایله اوتوردی بلمدیم
قانا بلشدی قوش کیمی یوزین گوزونده سلمدیم
گر ایستسون ننه م کیمی علامتینده گزلدیم
که اللی ایلدی روز و شب ایتن مزاره آغلارام

کوسوبدی گاهواره نون اوزی داشین آتوبدی بو
بشیکدن اینجیوب گلوب مزاریده یاتوبدی بو
ستاره سحر کیمی چیخوبدی تیز باتوبدی بو
باتان ستاره اوستونه توکوب ستاره آغلارام


#اصغریه
#هادی_اردبیلی
#بهزاد_حسنی
#الهی_شیر_خوارمی
🆔@turki_noohalar

من رقیه چمن آل علی بلبلویم

در مدح و شهادت حضرت رقیه سلام الله علیها


رضا ماه پری زنجانی

من رقیه چمن آل علی بلبلویم
اوچ یاشیم واردی حسین بن علی سوگولویم


شرف و شو کتیم عالمده منیم والادی
جدیم احمدی آنام فاطمه ی زهرادی
آستانیمدن ائدن کسب شرف حورادی
سینیم آزدی ولی دریای حیا و ادبم
من آنام فاطمه تک دهریده والا نصبم


منی عالم تانیور شاه ولانین قیزیام
اختر چرخ ادب مهر و وفا اولدوزویام
روضه لر سفرسینین هم دادیام هم دوزویام
بلون ای اهل ولا فاطمه ی ثانی منم
گلشن آل علینون گل ریحانی منم


قاپیمی کیم چالا عالمده گرفتار اولماز
آدیمی صدقیله سسلنسه بشر خوار اولماز
بی حجابدان منه اعلان ایدورم یار اولماز
حفظ دین حفظ حجاب اصل مرامیمدی منیم
ذکر تسبیح خدا دلده کلامیمدی منیم


افتخاریم بودی من دخت شه ذالکرمم
زینب عمم کیمی هر عرصده ثابت قدمم
کوری چشم عدو صاحب صحن و حرمم
اجنبی ایستوری خمپاره ویرا بو حرمه
یخارام ایولرینی آند اولا قانلی علمه


من همانم که اورک ملکلرین قان ایلدیم
کربلا شاهینی ویرانیه مهمان ایلدیم
من یزیدین قصرینی آهیملهویران ایلدیم
قویمارام داعش و وهابینی من اوز باشینا
باشلارین خورد الیوب چالام حقیقت داشینا


آهیمین وار کسری سوده ی الماس کیمی
بیچه جاخ هرزه علف تک اولاری داس کیمی
واردی غیرتلی عموم حضرت عباس کیمی
ظلمه باش اگممیشم چاتمشام عالی هدفه
دشمنیم خوار اولاجاق آند اولا شاه نجفه


آدینی شیعه قویانلار گرک هوشیار اولالار
پیرو مکتب دین جان بکف یار اولالار
هاردا ظلم اولسا گرک وارد پیکار اولالار
خطر احساس ایلیوب بید مثالی اسلر
دشمن آل علی نسلینی یردن کسلر


اهل تقوا اولا کیم فوری تاپار حق یولونی
بی دفاع ملته خاطر سپر ایلر قولونی
عموم عباس کیمین فدیه ویرر صاق صولونی
دایانار مردله مردانه دیر حق سوزونی
ساتماز عالمده اوجوز پست و مقامه ئوزونی


گون همان گوندی یقینیمدی همان یوم بلا
گنه تکرار اولونور واقع کرب و بلا
شمریلر باش کسیری هاردادی مردان خدا
قویمیون حرمللر عرصده فرصت تاپسین
بیرق کفری یخین جانلاری وحشت تاپسین


کوفه اهلی کیمی سیم و زره آلانمیاسیز
دینی دنیایه ساتان کافره آلانمیاسیز
وعدهء دشمن پست و شره آلانمیاسیز
یاپشین پرچممین گوشسینی عشقیله سیز
یالوارون حضرت زهرا ننمه صدقیله سیز


مشکلوز اولسا دیون حضرت زهرا ننمه
گوزی قانیله دولان غملری عظما ننمه
پشت درده یخلان ام ابیها ننمه
هم آنام صورتینه هم منه سیلی ویرلیوب
یوزی دیواره دیوب رشتهء الفت قریلوب


درد گوشوارنی هم من بلورم همده آنام
او یانان درده و مصیبتده گرک منده یانام
یول گیدنده در و دیواره آنام تک دایانام
قبره منده گئجه یاری گیدرم فاطمه تک
بلمورم عممه کیم ایلیجاخ اوندا کمک


بو خرابه اولاجاقدی منه اصل وطنیم
دینجلر تپراقین آلتدا بو گورمیش بدنیم
افتخاریمدی قرا کوینگیم اولسا کفنیم
تیکمیشم یولارا مدتدی بو آغلار گوزومی
باباما عرض ایدرم گلسه یانقلی سوزومی


چوخ چتین لحظه دی بو لحضه منیم تک اوشاقا
عمرومون آخریدی جان یتشوبدی دوداقا
گوگلوم ایستیر منی اکبر آلا بیرده قوجاقا
(ماه پری) یازما دایان قلبلری قان ایلدون
یازدون آغلار گوزیله گوزلری گریان ایلدون

#من_رقیه_چمن_آل_علی
#رقیه
#ماه_پری
فایل صوتی👇👇👇👇
🆔@turki_noohalar

🚩کانال تلگرامی تورکی نوحه لر🚩
منبع : تورکی نوحه لر - توحید قربانعلی زاده www.noohalar.blogfa.com

گل الینده گل جمالی

گون النده گول جمالی سارالان ستاره لای لای

یات اوغول گوزآچما بیرده بیله روزگاره لای لای

-------------------------

ایدن ای حسینی فاتح صود امر دلاوریم وای

گتورنمین ملالین دله دلسیز اصغریم وای

بویانان قانادی قانه یارالی کبوتریم وای

ئوزی پیرعشق فاتح آدی شیر خواره لای لای

-------------------------

ملر آهوان صحرا بالاسین یارالی گورسه

او دور اوچولار اوخ آتمازصود امر مارالی گورسه

اورگی یانار دیردیم اوخ آتان بو حالی گورسه

نجه آتدی اوخ سنون تک صود امر شکاره لای لای
-------------------------

سنی یوخ آلان الیمدن یانورام مصیبتمدن

دورا بیلمورم بو دشمن قاباقیندا غیرتیمدن

گیده بیلمورم خیامه بالا ئوز خجالتمدن

آنون ایندی گوز تکوبدور ره انتظاره لای لای
-------------------------

آناوا دیریدی قیزلار بو بالا هاچان ایمکلر

دل آچوب گزوب دولانسا داخی شاد اولار اورکلر

قوروسون گوروم شل اولسون سنه اوخ آتان بلکلر

کسیلوب سسون دوشوبدور نفسون شماره لای لای
-------------------------

آناوی حیا که قویماز چخا ایندی خیمه سندن

ادبندن آهی چخماز دل زار و واپسیندن

ولی دیسگینوب گوز آچسون باجیلاروون سسیندن

ئوپرم بو یوز گوزوندن دیرم دوباره لای لای
-------------------------
سینه سین خراش ایدرودون الوی قویوب بلکده

قالوب ایندی حسرتیلن گوزی یولدا ال اورکده

گله جک دله گورنده سحر اولدوزین فلکده

دیه جک جهاندا عمری آز اولان ستاره لای لای
-------------------------
قفسینده مرغ روحون ال ایاق چالوب یورولدی

نفسون یولی کسیلدی یوزون آی کیمین دوتولدی

دانشانماسونده آغلا نیه لبلرون یومولدی

دله گل یتور تسلی دل بیقراره لای لای
-------------------------
اجل ایستموردی گویا دوراسان ایاقون اوسته

اودی غنچه لقدا سولدون سوسوز ئوز بوداقون اوسته

اورگون یاناندا قویدون الوی دوداقون اوسته

دلون اولمادی الونله ایلدون اشاره لای لای
-------------------------

علی قبرایوینده سنسیز بلوسن که یاتمارام من

منیم عمده مدرکیم سن سنی گوزدن آتمارام من

چکرم سینمده نازون چاغروب اویاتمارام من

اولی بو یارالی سینم سنه گاهواره لای لای

-------------------------
اولاجاقدی گویده قانون قطراتی خوش علائم

یازا نوحه ((منزویلر)) ویره خلقه فیض دائم

قالا یرده گویده بو قان گله تا امام قائم

آلا قان ویره تسلی دل داغداره لای لای

شاعر✍مرحوم منزوی اردبیلی


#گل_الینده_گول_جمالی
#اصغریه
#منزوی
فایل صوتی👇👇👇👇
🆔@turki_noohalar

🚩کانال تلگرامی تورکی نوحه لر🚩

اوغول گئت قانلی - میدانه ولی آهسته آهسته
منی سال درد -هجرانه ولی آهسـته آهسته

رسوله بنزریم یواش گئت
ادبلی اکبریم یواش گئت

اوغول سن آل هاشمدن - جهاده آلموسان سبقت
جزاک الله بو ایثارون - اولار سرمشق هر امّت
قدم آتدیقجا سن روحیم - اوچور ای یار مه طلعت
عروج ائت اوج عرفانه - ولی آهسته آهسته


اوغول من حجت اللهم - امامت صبری وار منده

ولى سن اولماسان قلبیم - اولار دردیله آکنده
ورالار یاره با شوندن - مروّت یوخدی دشمنده
نشان اول زخم پیکانه - ولی آهسته آهسته

وداع ائتدون خواتینی – یول اوسته عمه لر دوردی
توکولدی دوریوه قیزلار - غمون زهرانی یاندوردی
خداحافظ دئدون چیخدون - حرملر باشینه وردی
گوزآلتی باخ بو طوفانه - ولی آهسته آهسته


علی عطری گلور سندن - اودور آدون على قويدوم
گینده سن کفن منده - لباس عشرتي سويدوم
اجازه ئولمقا وئردیم - ولی سندن دئمه دویدوم
ئوزون وُر بحر بحرانه - ولی آهسته آهسته


خدا شاهددی بو هجران - چتیندی آل طاهایه
دوشنده یادیمه جدیم - با خارديم قد رعنایه
گئت اول فردوس اعلاده - رسول اللهه همسایه
اليندن ئوپ یانا یانه - ولی آهسته آهسته



آچیلدی صبح عاشورا - سن اخلاصون نشان وئردون
نمازه دوردی عاشقلر - قباقدا سن اذان وئردون
جوانان سلحشوره - رمق وئردون توان وئردون
آخوب گوزیاشی دامانه - ولی آهسته آهسته

#اوغول_گئت_قانلی_میدانه
#اکبریه
#کلامی
#اولین_بار_در_تورکی_نوحه_لر
فایل صوتی👇👇👇👇
🆔@turki_noohalar

🚩کانال تلگرامی تورکی نوحه لر🚩

اوغول گئت قانلی میدانه

اوغول گئت قانلی - میدانه ولی آهسته آهسته
منی سال درد -هجرانه ولی آهسـته آهسته

رسوله بنزریم یواش گئت
ادبلی اکبریم یواش گئت

اوغول سن آل هاشمدن - جهاده آلموسان سبقت
جزاک الله بو ایثارون - اولار سرمشق هر امّت
قدم آتدیقجا سن روحیم - اوچور ای یار مه طلعت
عروج ائت اوج عرفانه - ولی آهسته آهسته


اوغول من حجت اللهم - امامت صبری وار منده ولى سن اولماسان قلبیم - اولار دردیله آکنده
ورالار یاره با شوندن - مروّت یوخدی دشمنده
نشان اول زخم پیکانه - ولی آهسته آهسته

وداع ائتدون خواتینی – یول اوسته عمه لر دوردی
توکولدی دوریوه قیزلار - غمون زهرانی یاندوردی
خداحافظ دئدون چیخدون - حرملر باشینه وردی
گوزآلتی باخ بو طوفانه - ولی آهسته آهسته


علی عطری گلور سندن - اودور آدون على قويدوم
گینده سن کفن منده - لباس عشرتي سويدوم
اجازه ئولمقا وئردیم - ولی سندن دئمه دویدوم
ئوزون وُر بحر بحرانه - ولی آهسته آهسته


خدا شاهددی بو هجران - چتیندی آل طاهایه
دوشنده یادیمه جدیم - با خارديم قد رعنایه
گئت اول فردوس اعلاده - رسول اللهه همسایه
اليندن ئوپ یانا یانه - ولی آهسته آهسته



آچیلدی صبح عاشورا - سن اخلاصون نشان وئردون
نمازه دوردی عاشقلر - قباقدا سن اذان وئردون
جوانان سلحشوره - رمق وئردون توان وئردون
آخوب گوزیاشی دامانه - ولی آهسته آهسته

#اوغول_گئت_قانلی_میدانه
#اکبریه
#کلامی
#اولین_بار_در_تورکی_نوحه_لر
فایل صوتی👇👇👇👇
🆔@turki_noohalar

🚩کانال تلگرامی تورکی نوحه لر🚩

ای شاه عالم من بیر گدایم

ای شاه عالم من بیر گدایم
محتاج جود و لطف و عطایم
نی کیمی غمنن گلدیم نوایه
قیل نظر آغا اهل عزایه
اربعین قسمت ایله بوجمعه
یول سالاخ باهم پایین پایه
سالار زینب سالار زینب سالار زینب

ای نام پاکون دللرده رایج
سقای عطشان باب الحوایج
کرب و بلانین ای علمداری
جانیمیز السون قبریوه قربان

مجلس غمدی گویلرده ماتمدی
آغلیور طاها باشه وورو مولا
اون بیر آی گوزلر اهل عزا یکسر
اربابین سسلر اون گون محرمده

قلبیلر قاندی دللر گینه قاندی
جان وئرن عطشان ای شام مظلومان
اربعین قسمت ایله بوجمعه
یول سالاخ باهم پایین پایه
سالار زینب سالار زینب سالار زینب

رقیه آدی درده دوادی
گوزل مزاری نه با صفادی
اول گوزل قبری گورمسم اوللم
یاز براتیمی اصغره خاطر
دعوتیم اولسا سورونوب گللم

کرب و بلانین ای علمداری
جانیمیز اولسون قبریوه قربان
اربعین قسمت ایله بوجمعه
یول سالاخ باهم پایین پایه
سالار زینب سالار زینب سالار زینب

#ای_شاه_عالم
#محرم
#حسینچی
🔹#اولین بار در تورکی نوحه لر
فایل صوتی👇👇👇👇
🆔@turki_noohalar

🚩کانال تلگرامی تورکی نوحه لر🚩

منبع : تورکی نوحه لر - توحید قربانعلی زاده www.noohalar.blogfa.com

کفن گییدی ایلیه دینه جان فدا علی اکبر

کفن گییدی ایلیه دینه جان فدا علی اکبر
آلوب سبقت ال هاشمدن - باوفا على اكبر

جنگه اولدی آماده - قهرمان آزاده
عترت رسول الله - گلدی آه و فریاده

گل زهرا مظهر طاها - نور دیده ی لیلا
گئدور رزمه فی سبیل الله - عهده ایلسون ایفا
اوغول آردیجا اوخور قرآن - حجت حق يكتا
ملکلرده عرشیده سسلور - مرحبا علی اکبر


خانم قزلار خیمه دن چیخدی – تا هامی وداع ائتسون
ولی اکبر چوخ شتاب ايلور - تئز مرادينه يتسون
امام امر ائتدی گئچور وقتی - دینمیون قویون گئتسون
گئدور مهمان جدینه شبه - مصطفی علی اکبر


کمربندین باغلادی محکم – کربلا کفن پوشی
گئدور عطشان با تماقا قانه – وحدتین قدح نوشی
سالور دلدن هر نگاهیلن - عاشقان مدهوشی
اولوبدی اللهه دلداده - دلر با علی اکبر


سلام اولسون اهل تقوادن - اول جوان والايه
اولوب الگو عزم و آهنگی - پیروان تقوایه
آتاسی سسلور بویون قربان - گئت حضور زهرایه
بهشت زهرایه مهماندی - باصفا على اكبر


اگر لیلا کربلا دیدی - حتماً آه و وادَيدى
اوغول میدانه گئدن وقته - بیر گوزی آنادیدی
بیر اوچ یاشدا نازنین طفلين - اللرى دعاديدى
رقیه آهیله سسلوردی - دور اخا علی اکبر


غرض گئتدی حامی قرآن - رزمگاهه مردانه
دوروب تل اوسته حسین باخدی - اول معین قرآنه
دئدی الله شاهد اول اوغلوم - آز قالور باتا قانه
قبول ایله اولدی عشقونله - آشنا علی اکبر

جهاد ائتدی یا علی دلده - دلربای آل الله
آخوب قانی گورسنوب گوزده جلوه ی جلال الله
او حالدا وجه اللهه باخدی - مظهر جمال الله
یارا باشدا حیدره ائتدی - اقتدا علی اکبر

#کفن_گییدی_ایلیه_دینه
#اکبریه
#کلامی
#اولین_بار_در_تورکی_نوحه_لر
فایل صوتی👇👇👇👇
🆔@turki_noohalar

🚩کانال تلگرامی تورکی نوحه لر🚩

منبع : تورکی نوحه لر - توحید قربانعلی زاده www.noohalar.blogfa.com

سسله حسین مستیم

سسله حسین مستیم عشق ایلیرم

کعبه سیز اول کعبه نی من نیلیرم

تا نفسیم وار اونا دل بستیم

اکبرینون نوکر دربستیم

سسله ضبیحا به قفادور حسین

قبله سرخ شهدادور حسین

بند دل آل عبادور حسین

بنده آیین نمادور حسین

خشت وگل بیت خدادور حسین

مروه دیسم آزدی صفادور حسین

معجزه خاک حسیندور حسین

مالک افلاک حسیندور حسین

اتیب الانفاس حسیندور حسین

غیرت عباس حسیندور حسین

ماه ترین ماه حسیندور حسین

شاه ترین شاه حسیندور حسین

یاز بو سوزی قلبیوه ای نور عین

خلقتین آقاسی حسیندور حسین

کیست حسین عرش نشین خدا

کیست حسین منجی دین خدا

کیست حسین مظهر آزادگی

کیست حسین مصحف دلدادگی

ذکر حسین به دل جلا میدهد

ذکر حسین بوی خدا میدهد

کیست حسین شمع بر افروخته

کیست حسین گنج دل سوخته

ذکر حسین درد دوا میکند

ذکر حسین شور به پا میکند

فخر ولا نور هدا دور حسین

جسمیلره روح و صفادور حسین

آل عبا فخر ایلیر جاهینه

معرفت آل عبادور حسین

درس شرف ویردی حسینچی لره

قلبیلره قبله نمادور حسین

سرور کل شهدادور حسین

زیب زمین شاه سمادور حسین

صورت والشمس والضحی دور حسین

تشنه لب کرب وبلادور حسین

#سسله_حسین_مستیم
#حسینیه
#ترکی
#تورکی_نوحه_لر
فایل صوتی👇👇👇👇
🆔@turki_noohalar

🚩کانال تلگرامی تورکی نوحه لر🚩

منبع : تورکی نوحه لر - توحید قربانعلی زاده www.noohalar.blogfa.com

قان یاغدی کربلاده

قان یاغدی کربلایه , صحرایه یا محمد
اولدی حسین خبر ور, زهرایه یا محمد

یئل اسدی گون توتولدی, آشوب کربلاده
لرزه زمینه دوشدی ,قان یاغدین اوسمادن
قاتل گلوب حسینون ,کسدی باشین غفادن
مظلوم حسین حسین جان, جانیم حسینه قوربان

بازار عشق ایچیده, تنها حسین دولاندی
بیرمعنوی تجارت, اقبالینیه توخاندی
وردی متاع عمرین ,حکم بقا قازاندی
الله رضاسین ائتدی, سرمایه یا محمد

قان یاغدی کربلایه , صحرایه یا محمد
اولدی حسین خبر ور, زهرایه یا محمد

ظالم قیافه سینده, اول شمر نامسلمان
گلدی حسینی گوردی, گودالیده وررین جان
سو ورمدی او حالدا , خنجر گویوبدی دالدا
کسدی اوباشی ساتسون, ترسایه یا محمد

قان یاغدی کربلایه , صحرایه یا محمد
اولدی حسین خبر ور,زهرایه یا محمد

قطع علائقیلَن, ترک ائتدی ما سوانی
ارنی دئمز ائشیتمز, آواز لنترانی
قانی یازار حسینین یا ربنا ترامی
بوعالمی نشامن ور موسایه یا محمد

قان یاغدی کربلایه , صحرایه یا محمد
اولدی حسین خبر ور, زهرایه یا محمد

صحرای کربلاده طوفاندی, یا محمد
گوندر کفن حسینه عریاندی,یا محمد

#قان_یاغدی_کربلاده
#یحیوی
#قتلگاه

فایل صوتی👇👇👇
🆔@turki_noohalar

سائل نالایقم من یا حسین

سائل نالایقم من یا حسین

ئوز سوزومده باقیم من یا حسین

هرنه اولسامدا عزادارم سنه

کربلا مشتاقیم من یا حسین

گویلوم ایستور اصغره لای لای دیم

قتلگه ده آغلیام ایوای دیم




عاشق عاشق اولسا دل عمان اولار

گوز یاشی آخسا یوزه طوفان اولار

بولمورم یارب نه حکمت وار مگر

تل زینبده ئوکلر قان اولار

گویلوم ایستور اصغره لای لای دیم

قتلگه ده آغلیام ایوای دیم





گلشن کرب و بلاده گل آچوب

نالیه دل صحنیده بلبل آچوب

ای صبا گیت دئه ربابه آغلاما

سینیه سلطاندا اصغر دل آچوب

گویلوم ایستور اصغره لای لای دیم

قتلگه ده آغلیام ایوای دیم





شور عشقی قلب و احساسیمده وار

بحر غمده نچه الماسیمده وار

گوزگوز اولسا دوز نظر سالسا گورر

قان حناسی خیمه قاسیمده وار

نه روادور سو چوله آخسون بیله

یا رقیه آغلیوب ایوای دیه

ایندیده گویا دیور عباس آقام

نعشمی قارداش آپارما خیمیه

گویلوم ایستور اصغره لای لای دیم

قتلگه ده آغلیام ایوای دیم

#سائل_نالایقم_من_یا_حسین
#اصغریه

فایل صوتی👇👇👇
🆔@turki_noohalar

منبع : تورکی نوحه لر - توحید قربانعلی زاده www.noohalar.blogfa.com

جگرقانین ایچن لایلای

نوحه حضرت علی اصغر(ع)
جگر قانین ایچن لای لای
شیرین جاننان گئچن لای لای
آنون اوخشار دییر اصغر
بوغازین اوخ بیچن لای لای
علی لای لای گلوم لای لای
یارالی بلبولوم لای لای
یا، طفل عطشان- لب تشنه قربان
****
علی شرمندیم سندن
سوسوز گیتدون بو سینمدن
گلیلی اولما چوخ مندن
عطش دردین چگن لای لای
علی لای لای گلوم لای لای
یارالی بلبولوم لای لای
یا، طفل عطشان- لب تشنه قربان
دولانان خسته میدانی
قان ایتدون قلب زهرانی
اوتا چگدون بو دنیانی
عطش جنگه گیدن لای لای
علی لای لای گلوم لای لای
یارالی بلبولوم لای لای
یا، طفل عطشان- لب تشنه قربان
غمینده سینه سوزانم
پریشانم پریشانم
سنین تک منده عطشانم
عطش جنگه گیدن لای لای
علی لای لای گلوم لای لای
یارالی بلبولوم لای لای
یا، طفل عطشان- لب تشنه قربان
قوجاقیمدا قالان عطشان
گیجه گوندوز ائدن افغان
یات آسوده سوسوز قربان
بوغازین اوخ بیچن لای لای
علی لای لای گلوم لای لای
یارالی بلبولوم لای لای
یا، طفل عطشان- لب تشنه قربان
چمنده گول کیمین صولدون
قرا یلدن خزان اولدون
قوجاقیمدان اوزاق اولدون
جفادن دینجلن لای لای
علی لای لای گلوم لای لای
یارالی بلبولوم لای لای
یا، طفل عطشان- لب تشنه قربان

نوکریمدی بو

#جگر_قانین_ایچن_لای_لای
#اصغریه
#سعدی_زمان

فایل صوتی👇👇👇
🆔@turki_noohalar

منبع : تورکی نوحه لر - توحید قربانعلی زاده www.noohalar.blogfa.com

یئل اسنده هر دم عموغلی جان

سینه زنی

زبانحال عروس قاسم

یل اسنده هر دم عمواوغلی جان گوزمون یاشین هدر ایلرم

چتین ئوز جمالیمی گیزلدوم نجه من سنه نظر ایلرم



قیل ئوزون دعا بو یل اسمیه

گوز ایوینده زلف معنبره

توکوله جمالیوه تلرون

چکه پرده قدرت داوره

پوزولاندا بیرده چتین گله

نظره تخیلی منظره

یل اسنده وقتیم اولور تلف

بیرآز عمرومی هدر ایلرم



منی شهریلرده گورن دییر

ایله بیل بوطوی گونی گورمیوب

بو اگر گلینی مشاطه لر

نیه بو هوروکلرین هورمیوب

دیه بولمورم منه بیر نفس

طویلان عزا آرا ویرمیوب

اریدوب حیا سوایدر منی

سوزی فوری مختصر ایلرم



اورگیمده کی غم وغصه مون

سایی یوخدی من گتیرم سانا

کیمه من آغاردیم اورک سوزون

نه باجی گرک بوله نه آنا

گلی دردیم ایستدیم ئیلیم

یل آپاردی قویدی یانا یانا

یل آپاردیقین آپارار ولی

اوخ اولا گوزوم سپر ایلرم



گئجه یاتمورام دوه زنگینون

سسینه هراس آییلام گنه

اورگیمده رام اولان عشقیمون

سانا قلبی اینجیه دیسگینه

بواورک دویونمه نی نظمیلن

قوشارام گئجه دوه زنگینه

گوره لر سبیل وفاده من

نه سیاقیلن سفر ایلرم



هره باشلیوبدی بیر اوخشاما

قاریشوبدی بیر بیره های های

سچیلور یانقلی سیزیلتدان

نچه وای وای نچه لای لای

من آنون باخا باخا سس چکوب

نجه سسلیوم وای عمواوغلی وای

اوخوسام هدی داشی آغلادوب

دوه لرده من اثر ایلرم



او قاشوندا قان قطراتینه

هامی یار ویولداشون آغلیور

باخانون گلور بله فکرینه

که گوزون گولور قاشون آغلیور

اوقدر که من سنه آغلورام

نه باجی نه قارداشون آغلیور

قورویان آغاجلارا آغلاسام

اونی اشکیمیله تر ایلرم



آچلان هوروکلریمی توکوم

یوزومون هاراسینی گیزلدیم

ال ال اوسته یا قویوب ایلشیم

الیمین حناسینی گیزلدیم

ولی گوزلرون بله آندرور

قلاقیم یاراسینی گیزلدیم

گوزون امر ایده نه قاداسی وار

گوزومی اونا چپر ایلرم

منبع : تورکی نوحه لر - توحید قربانعلی زاده www.noohalar.blogfa.com

ای وفا ملکنون شهریاری

جوشی :
حضرت قاسم <ع> 🏴🏴🏴🏴🏴
ای وفا ملکنون شهریاری

نینوا دشتینون تاجداری

تئز یتیش دادیمه ای عموجان
.
گئتدی الدن حسن یادگاری

قاسمی آلدی دشمن ا ر ا یه
گل عمو گل عو گل هرا یه

🏴🏴🏴🏴🏴🏴🏴

تئز یتیش داده ای شاه خوبآن

دو شموشم دامه صیاد الیند

خیمه لرده یوبانما اسیرم

رحمسیز قوم بیداد الینده

پیکریم گئتدی آت دیرناقیند

کاکلیم قالدی جلاد الینده

گل اجل باشیم سالدی سایه
گل عمو گل عمو گل هرایه

🏴🏴🏴🏴🏴🏴🏴

گل اجلدن قاباق سال عمو جاج

باشیمه سایه، دل کامین آلسین

جان وئرنده.گوروم.گول.جمالون

گوزلریمدن صورا نور آزالسین

یارلی باشیمی آل دیز اوسته

قوی.باشیم اوج عرشه اوجالسین

وئیر بها زاده ی مجتبا یه
گل عمو گل عمو گل هرایه

🏴🏴🏴🏴🏴🏴🏴

لطف وون سایسینده عمو جان

اون بیر ائیل فخریله دالدالاندیم

جان عمو سسلدیم جان.ائشیتدیم

اکبریله وطنده دولاندیم

تا رکا بینده تاپدیم سعادت

قانیمه حق یولوندا بو یاندیم

چاتد ی درد یم بو چولده دوایه
گل عمو گل عمو گل هرایه

________ تورکی نوحه لر 🌹
التماس دعا ♥️

منبع : تورکی نوحه لر - توحید قربانعلی زاده www.noohalar.blogfa.com

ای نور چشم مصطفی

زبانحال حر (ره)

کریمی مراغه ای
.
ای نورِ چشمِ مصطفیٰ، التّوبه توبه
ای زاده‌یِ خیرُالنّساء، التّوبه توبه
.
درگاهیوه گلدیم حسین، استغفرالله
یا مَن شفیع المذنبین، استغرالله
.
.
حرِّ غریبم رزملرده شهسوارم
شاها ریاحی قومینه من افتخارم
ایمدی قاپوندا بیر غُلامِ خاکسارم
بیچاره‌ام زار و حزین استغفرالله
التّوبه توبه (2)
.
.
شاها بو چولده باشیوی سالدیم بلایه
ای کاش ازلد‌ن گلمیییدیم کربلایه
ائتمه بابان پیغمبره مند‌ن گیلایه
یابن الامیرالمومنین استغفرالله
التّوبه توبه (2)
.
.
قورخوتدوم اهلِ بیتیوی ائتدیم هراسان
باعث منم جمعیتون اولدی پریشان
اوز ائتدیگیم اعمالیمد‌ن اولدوم پریشان
اوللم خجالتد‌ن یقین استغفرالله
التّوبه توبه (2)
.
.
من بیلمه‌دیم مُنجر اولار ایش بو مقامه
فکر ائیلدیم تنظیم اولار بیر صلح‌نامه
بی‌دین جماعت اولدولار یاغی امامه
قالدون بو چولده بی‌مُعین استغفرالله
التّوبه توبه (2)
.
.
شاها سنی وئرر‌م قسم خیرالنّسایه
جدّون رسوله هم آنان شیرِ خدایه
عفو ائت منیم تقصیریمی گئچ مُجتبی‌ٰیه
عرض ائیلیر‌م من یا حسین استغفرالله
التّوبه توبه (2)
.
.
اولسون شریح‌ین قانیله ساقّالی الوان
ائتدی جهاندا دینینی دیناره قربان
اویدی اونون فتواسینه بیر عدّه نادان
چکدی یوزیوه تیغِ کین استغفرالله
التّوبه توبه (2)
.
.
ال دامنوندن چکمر‌م ای شهریاریم
یوز قویموشام درگاهیوه وار انتظاریم
چوخ چوخ جسارت ائتمیشم وار اعتذاریم
ای پیشوایِ مسلمین استغفرالله
التّوبه توبه (2)
.
.
نذر ائتمیشم ائتسون منیم حقّیمده احسان
الان وئر‌م بو جانیمی عشقونده قربان
گل سال یولا قربانیوی ای شاهِ عطشان
ائیله منی قربانِ دین استغفرالله
التّوبه توبه (2)
.
.
کلاً کریم ‌الطبعسوز، سیز خانواده
تقصیری اولسا هر کسین حدد‌ن زیاده
نادم قَییتمز دورسا بو بابِ سخاده
قَیترمه حرّی دل غمین استغفرالله
التّوبه توبه (2)

.

#ای_نور_چشم_مصطفی_التوبه_توبه
#کریمی
#ای_نور_چشم_مصطفی
#حر

فایل صوتی👇👇👇

🆔@turki_noohalar

منبع : تورکی نوحه لر - توحید قربانعلی زاده www.noohalar.blogfa.com