فلکلر آغلار-ملکلر آغلار
شام غریبان
فلکلر آغلار-ملکلر آغلار
گیوبدی زینب-قرا حسینه
قرا یل اسدی-بو سس نه سسدی
دوتوبدی زهرا-عزا حسینه
تالاندی باغلار-سونوب چراغلار
چمنده بلبل-گلون سراغلار
یانان چادردا-بنات زهرا
سوسوز شهیده-یاوشدان آغلار
نوا دلنده-بلا چولونده
یاتوب قوناقلار-یتیم اوشاقلار
اورکده وحشت-اسیر غربت
ایدور رقیه-نوا حسینه
گلوب فغانه-او ناز دانه
ئوزون یتوردی-حضور یاره
دیدی غریبم-بابا اسیرم
گونوز یوروبدی-منی سواره
سو اولدی آزاد-رباب ایدور داد
نه صود امر وار-نه گاهواره
یانور جگردن-بحال شیون
دیور بو جانیم-فدا حسینه
دوای هجران-بو درده درمان
نه منده واردی-نه سنده بابا
پوزولدی حالیم-داشوب ملالیم
او قور خولی یل-اسنده بابا
هوا قارالدی-بی بیم قوجالدی
باشیوی قاتل-کسنده بابا
ایشتدیم اوندا-دیردی زهرا
دوتوبدی ماتم-خدا حسینه
بو زاره سس ویر-منه نفس ویر
که مرغ روحیم-چخور بدندن
یاتوبسان عریان-چو ماه کنعان
عدو لباسون-سویوبدی تندن
نجه گیدیم من-بو انجمندن
مگر هزاره-دویار چمندن
گرک ئولونجه-دیم حسین وای
آنام ویره سس-او یا حسینه
کلامی زنجانی
منبع : تورکی نوحه لر - توحید قربانعلی زاده www.noohalar.blogfa.com
کانال تلگرامی:turki_noohalar@
لینک کانال کانال تلگرامی تورکی نوحه لر و ارتباط با ما: