دوشدوم گجه نین وقتی عجب مشگله الله

راه شام


دوشدوم گجه نین وقتی عجب مشگله الله
رحم ایله منه گوزدن ایتوب قافله الله

سالدی منی گوزدن نجه بیر سلسله یارب
چوخ یالوارورام دادیمه اکبر گله یارب
بس هاردا قالوب گلمور او قاره گِله یارب
سالدی بو فلک آیریلیقی یوز ایله الله


یوسف کیمی خوشدور منی غملر آپاریدی
بیر چاهه دوشیدیم غم دیگر آپاریدی
اوردان چخادیدی منی اکبر آپاریدی
شاماته چاتیدی یورولان قافله الله


هجران داشینی کاش بو صحراده آتیدیم
یول یولداشیمون بیرده قوجاقینده یاتیدیم
عمرومده قوتارسیدی گیدوب شامه چاتیدیم
چون قول ویروب شامه بابامدا گله الله


خوشدور که غم و حسرت جاناندان ئولیدیم
شامه یتیشوب محنت ویراندان ئولیدیم
ای کاش گوریدیم بابامی اوندان ئولیدیم
یا اینکه ویریدی منیده حرمله الله


آی چخدی گجه ایلیه صحرایه تماشا
چولده بیر اوشاق گوردی قاچور یکّه و تنها
باشینده قرا معجری وار حُنی دل آرا
کیمدور بو بالا چولده دوشوب مشکله الله


غم هاله سی گویده آیون اطرافنه گلدی
باخدی او قزا گوردی اوزوندنده گوزلدی
زلفی بلشوب توپراقا بی مثل و بدلدی
خار اوسته قاچور قبلیه ساری چوله الله


عیب ایتمه دیسم مختصر آی اندی اشاقه
یول گوستره اللهه گوره خردا اوشاقه
گوردی بالاجا قزدی قاچور هی صول و صاقه
ناگه یتشوب زجر او خونین دله الله


اطرافه بیر آز قاچدی او قز قلبی شکسته
دوشدی نفسی تنگه اوتوردی یره خسته
زجری او زمان غیضیله گوردی باشی اوسته
قمچی صاق النده ئوزی بی حوصله الله


فوری او بالا وحشتیلن دوردی یریندن
قویدی الینی باشه سلام ایلدی بیردن
ویرما منی یا شیخ دید باشلادی شیون
روای دیر آز قالدی او چولده ئوله الله


من زجره دیدیم غیضیله چوخ کینه ده دورما
گل مهر و وفا رشته سینی بو گجه قیرما
وار خوردا قیزون اللها باخ بو قزی ویرما
باخ صورتینه بنذوری سولموش گوله الله


صبر ایله دیدی باری چاتوم قزلارا ئولدور
بابامی گوروم قمچیه اوندان دولا ئولدور
عمَّم نگراندور منی گورسون صورا ئولدور
چولده منی دفن ایلدی شاید هله الله

#دوشدوم_گجه_نین_وقتی
#راه_شام
#رقیه

فایل صوتی👇👇👇
🆔@turki_noohalar
منبع : تورکی نوحه لر - توحید قربانعلی زاده www.noohalar.blogfa.com

عمه سادات بیقراره

عمه سادات،بی قراره
غصه و غمهاش،بی شماره
تموم غصش،غم یاره
تنها امیدش،بی پناهه
روزای سختی،توی راهه
رو خاک سوزان،پا می زاره
ذکر آسممونها(وای زینب)3 وای
ذکر کهکشونها(وای زینب)3 وای
ذکر خاک صحرا(وای زینب)3 وای
ذکر سینه زنها(وای زینب)3 وای
شعله می کشه خورشید
زمین می سوزه از تب
ابرا همه می بارن
توی چشای زینب
میون سینه،دلی که تنگه
غم غروب رویا شه
شان نزول،سوره بارون
توی فرات چشماشه
عمه سادات بی قراره
غصه غمهاش،بی شماره
تموم غصش،غم یاره
تنها امیدش،بی پناهه
روزای سختی،توی راهه
رو خاک سوزان،پا می زاره
ذکر ریگه صحرا(وای زینب)3 وای
ذکر سینه زن ها(وای زینب)3 وای
کبوترا بی تابن،تو آغوش محملها
توی نگاها پیداست،بی قراره دلها
از انعکاس،خبر تخلی
دل شریعته بی تابه
رو نیزه هایی،که بی شماره است
یه سر سرخی می تابه
حالت صحرا،که عجیبه
غرق سکوتی،پر فریبه
پر از نسیم،بوی سیبه
غروبه سردش،پر رازه
مثه شبایی،که درازه
سینه خورشید بی شکیبه
عمه سادات،بی قراره
غصه غمهاش،بی شماره
تموم غصش،غم یاره
بیا توی آغوشم،داداش پریشونم
توی نگاه تلخت،دردت ورو می خونم
عزیز خواهر،تب نفسهات،دل من و می لرزونه
اگه نباشی،حتی یه لحظه،تمومه دنیا زندونه
دلشوره من،بی حسابه
بگو که اینها،همه خوابه
لشکر دشمن،یه سرابه
بغض غریبی،تو گلومه
بارون چشمام،نا تمومه
پر از سؤال،بی جوابه
عمه سادات،بی قراره
غصه و غمهاش،بی شماره
تموم غصش،غم یاره



#عمه_سادت_بیقراره
#زینبیه
#راه_شام
فایل سبک👇👇👇👇
🆔@turki_noohalar

🚩کانال تلگرامی تورکی نوحه لر🚩

منبع : تورکی نوحه لر - توحید قربانعلی زاده www.noohalar.blogfa.com

ای یارالی گوز تیکیب

حضرت زینب ( س ) در راه شام
ای یارالی گوز تیکوب بو کاروان منه
دوش قباقه ویر بو یوللاری نشان منه
چوخ یورولموشام دیندیرون منی
ناقیه گلین میندرین منی
کاروان گیدور باغری قان گیدور
زینبون حسین ناگران گیدور
قمچی الده باشیم اوسته ساربان دوروب
ساق صولومدا شمر و خولی و سنان دوروب
بو یارالارون باغلیامادیم
ایل قبیلمه آغلیامادیم
کاروان گیدور باغری قان گیدور
زینبون حسین ناگران گیدور
کربلاده آخدی ظلمیله آی اولدوزون
جانه دویدی سینه ن اوسته خیرداجا قیزون
شامه و کوفیه قافیلم گیدور
زینبون الینده علم گیدور
کاروان گیدور باغری قان گیدور
زینبون حسین ناگران گیدور
گون اوینده بی کفن یارالی یاتموسان
بو یامان گون اهل بیتی گوزدن آتموسان
من مسافرم خسته جان حسین
دور دالیمجا ویر بیر اذان حسین
کاروان گیدور باغری قان گیدور
زینبون حسین ناگران گیدور
ناقه اوسته غم کتابینی وراقلارام
بو رقیّه نی گوز اوسته منده ساخلارام
قویمارام بونا قمچی لر دَیَه
بار غم بونون قامتین اَیَه
کاروان گیدور باغری قان گیدور
زینبون حسین ناگران گیدور
قویمارام جهاندا بو آخان قانون باتا
گر ئولمده قویمارام بو پرچمین یاتا
دخت حیدرم ، زیب منبرم
حافظ مرام پیمبرم
کاروان گیدور باغری قان گیدور
زینبون حسین ناگران گیدور
اهل بیتین ال قولوندا قید و سلسله
شامه و کوفیه گیدور بو غملی قافیله
یولدا ناقه لر گوز یاشین الر
اصغره باخوب آهولر ملر
کاروان گیدور باغری قان گیدور
زینبون حسین ناگران گیدور
هر دقیقه قلبیمی بو غصّه تازه لر
گون ایوینده عمری تازه ،گول جنازه لر
باخ بو باشلارا ، گوزده یاشلارا
نوک نیزه ده ، باغری قانلارا
کاروان گیدور باغری قان گیدور
زینبون حسین ناگران گیدور

#ای_یارالی_گوز_تیکیبدور
#کاروان_گئدور
#راه_شام
#زینبیه

فایل صوتی👇👇👇

🆔@turki_noohalar

کوفیان گورنجه یاندیردی منی

‍ راه شام زبانحال حضرت رقیه


کوفیان گور نجه یاندردی منی
اشک محنتله بویاندردی منی

بی بی زینب منه رحم ایله دایان
کاروان گئتدی آدامسیز قالدیم


عمّه من چرخ حیا اولدوزیام
خاندانِ علوینون دوزویام
هامیدان یاخچی تانورسان منی سن
آتامون من دیلی شیرین قیزیام
بی بی زینب ...


بو فنا دهره کی گلدیم آنادان
منی نازیله یاراتدی یارادان
سیرِ اقبالیمی دؤندردی فَلَک
خوش گونوم گئتدی تماماً آرادان


چرخِ دون سالدی بلایه باشیمی
آتا قارداش منیم آتدی داشیمی
صود امر جیرانیما دلخوشودوم
اوچیلار اوخلادی غم یولداشیمی


سندروب چرخ دنی شهپریمی
حبس ائدوب دیلده شیرین سوزلریمی
باخورام قورخولی صحرایه مَلول
توکورم دامَنَه اشکِ تریمی


عمّه سن مندن اوزاق یاتمازیدون
درد و غم یولداشیوی آتامزیدون
ئولمَسِیدی منیم اللرده آتام
سن بو تئزلیکده منی آتمازیدون


سنه قربان بئله تک قویما منی
قورخورام اینجیده بو قوم دنی
یول قرانلوق من ئوزوم خردا اوشاق
یورقونام ساخلا گئدن قافله نی


شمر الیندن یایاقیم یارَه لَنوب
تشنه لیکدن دوداقیم پارَه لَنوب
ایستورم قافلیه ساری قاچام
یره گلمور ایاقیم یارَه لَنوب


سینه ده تنگه دوشوبدور نفسیم
بو فنا عالم اولوبدور قفسیم
بیر دایان قوللاریوی بوینوما سال
واردی آغوشیوه دلدن هوسیم


آز قالور قلبیمی غم تیری بُوله
بیر ترحُّم ائله بو خسته دله
منی چوللرده قویوب گئتسون اگر
ایلَرَم جدّیمه محشرده گله


غصّه دن ساغر صبریم جالانوب
تللریم گرد و غباره بویانوب
سسلورم هر کیمی من یوخدی جواب
اوره گیم لاله مثل پارچالانوب


عمر شیرینه چاتوب دستِ عدم
آتورام صحنۀ مُحنتده قدم
غرق دردم نه دوا وار نه طبیب
نیلیوم بس بو چوله نابَلَدم


بختی قاره اوشاقام خونجگرَم
برگ گل تک غم الینده اَسَرَم
یتشون دادیمه اللهه گوره
یوخدی الدن دوتانیم دربدَرَم

#کوفیان_گور_نجه_یاندیردی_منی
#راه_شام
#رقیه
🆔@turki_noohalar

شیعه بی باک ترین مکتبی ایجاد ایلیوب

✔️راه شام .....

شیعه بی باک ترین مکتبی ایجاد ایلیوب
شیعه ویرانه حریتی اباد ایلیوب
شیعه حزب شرفی قانیله بنیاد ایلیوب
شیعه چوخدان قوشولوب بیعت پروانه لره
اگمیوب اگمیجک باشینی بیگانه لره


شیعه مستکبر و طاغوتیله پیکاریده دور
رمز پیروزی بی وقفه سی ایثاریده دور
اوج پرواز و تجلاسی سر داریده دور
قلب میداندا گزر جاهد نستوه کیمی
شیعه ظلمین قاباقیندا دایانار کوه کیمین


شیعه بوینون نه سلاطینه نه تهدیده بورار
قاف غیرتده ابوالفضل کیمین خیمه قورار
شیعه نون باشیده گئتسه سوزونون اوسته دورار
شیعه تاریخ بشرده حرکت باعثی دی
یعنی یتمیش ایکی وارسته قانین وارثیدی


شیعه عالمده گرک عاطفه فریادی اولا
یتیشه بیر یره کی معرفت استادی اولا
ئوز زمانینده پیام آور آزادی اولا
دوشه زینب کیمی چولدن چوله حقدن دانیشا
گلمیه قمچی الیندن دیله حقدن دانیشا


کوفه دن شامه وورا باشه حسین وای چاغیرا
توش اولاندا آقاسی داشه حسین وای چاغیرا
باخا سر نیزه ده قارداشه حسین وای چاغیرا
دئیه ای فاطمه ریحانی فدا گوزلروه
اوخی قرآن باجوون جانی فدا گوزلروه


ای قلم شام یولوندان سوز آچیلدی غمه باخ
گئچمه سوزدن دایانوب بو محن اعظمه باخ
کاروان اسراده علم ماتمه باخ
ناگهان گوردیله گویده مه روشن دایانوب
نیزه شاه شهیدان حرکتدن دایانوب


نیزه ترپنمدی سعی ایلدی دشمن نه قدر
هامی حیرتده قالوب بیربیرینه ائتدی نظر
دئدیلر راز امامی تک امام اوغلی بیلر
گلدی سجاد باخوب وضعه اولوب حالی غمین
اسرادن دئدی یولدا ایتنی واردی یقین


اسرادن سان آلوب فورا او دم زینب زار
گوردی اول غم زده پروانه لرین هاموسی وار
جمع ماتم ده فقط یوخدی بیر اوچ یاشلی نگار
مضطرب اولدی اوشاقلار اوجالوب آه و نوا
زجر مامور اولوب آهوی گریزانی تاپا


گئتدی تاپسون دل ظلمت ده رقیه خانمی
دئمورم گوردی نه حالت ده رقیه خانمی
قیتروب فورا او ساعت ده رقیه خانمی
گلدی دوز گئتدی خانم راس شهیدانه طرف
باخدی نه زینبه نه جمع اسیرانه طرف


ئورگین قهریله دریای بلایه ووردی
راس سلطان جنانیله مقابل دوردی
گوردی بیر ایش کی هامی قلبیلری یاندیردی
محفلی محفل عشقیله صفا فرض ائله دی
چوخ ادبلن یارالی باشه سلام عرض ائله دی


دئدی ای شاه سنه روح و روانیم قربان
قوریان لبلروه سوز نهانیم قربان
باخ منه دردیم آزالسون سنه جانیم قربان
تیتریئن دل دوداقیم مشگله سالمیش ئوزومی
دانیشا بیلمیورم سن اوخی گوزدن سوزومی


آتسا هر بلبلی گر باغ و چمن والله ئولر
کیمی صحراده اسیر ائتسه محن والله ئولر
قورخودان من کیمی احواله دوشن والله ئولر
ئولمدیم گلدیم ئوزونلن بابا صحبت ائلیم
زجریدن محضر پاکونده شکایت ائلیم


وار یادوندا دئیریدون منه مرضیه مرام
ایندی بیر دقت ائله ای ئورگی داغلی امام
هر جهتدن باخاسان فاطمیه اوخشیورام
عمری تک خارین الیلن گل عمریم سولدی
بیر گوزوم قانی آزیدی اودا تکمیل اولدی


ثانی ِ ثانی بیابانیده تاپدی منی تک
من دئدیم یوخدی الیمده سند ملک فدک
دئدی تکرار اولا یثربده کی برنامه گرک
ووردی بیر سیلی او دم جانیمی سالدی خطره
یوخودی دوره ده دیوار یوزوم دگدی یره


اوچ گئجه سن ساچیمی هورمدون الان منه باخ
آخی آغوشیده یر وئرمدون الان منه باخ
کوچه ده گر آنووی گورمدون الان منه باخ
سپمیشوک حق یولونا هر ایکیمیز قان یارالی
فاطمه سینه دن اما من ایاقدان یارالی


سرنوشتی عجب اوخشور بو ننه ایلن نوه نین
اودا اللرده ئولوب ئولملیم منده یقین
ولی بیر فرق ائدروک عاقبت ای سرور دین
اونا حیدر ائلیوب غسل کفن بوکدی گئنه
من قرا معجر ایچینده گئدرم قبر ائوینه

#شیعه_بی_باک_ترین
#راه_شام
#تورکی_نوحه_لر
فایل صوتی 👇👇👇👇
🏴 @turki_noohalar 🏴

قارداش بوباش سیزعترتون

راه شام
زبانحال حضرت زینب (س)

قارداش بوباش سیزعترتون
                   شامه یولار گیسو گیدر
باشون دالنجه بیر سوری
                   گویا دوشوب آهو گیدر


زینب باشندا جذبۀ عشقونده بیرتأثیره باخ
ال چکموری اولدورسه لر سنده بوگون تقدیره باخ
مقصد اوزاق  عریان دوه بوینوندا بو زنجیره باخ
آردینجه ایمدی یوزقویوب قارداش دیوب هرسو گیدر


قارداش مبادا اینجیه بو خاطرون مندن بوگون
بیرجه دویونجه من سنه تا ایتمدیم شیون بوگون
آنجاق الیمدن بوگلور آیرولمادیم سندن بو گون
اولموش شکسته قلبیوه زینب بوگون دلجو گیدر


گونلر اوگونده نیزه ده چوخ یول گلوبسن خسته سن
گاهی گیدوب گاهی دوروب آمّا کیمه وابسته سن
بو گول یوزیوی توز دوتوب یا یاتموسان کول اوسته سن
ابر شفق آلتوندا گور قالموش او ماه رو گیدر


قربان او قانلی گوزلره آز باخ منِ محزونیوه
باخدوقجه گویلوم قان اولور بو دیدۀ پرخونیوه
چون تشنه سن سو دگویوب بوللم لب گلگونیوه
زینب گوزونده ساخلیوب وار سندن اوتوری سوگیدر


من تابعم قارداش سنه هر نه بلا یتسه منه
اوز باشیمی سندیرموشام همرنگ اولام ناکه سنه
صبرایلرم سن تک حسین جوروجفای دشمنه
ایتموش اسیر ایمدی منی اول شمر کینه جوگیدر


دار جداده عالمه عیسی کیمی سن ویر نفس
قوم یهود ایتسون منه قوی طعنه و آزار بس
من آغلارام دشمن گولر باخ چولقیوب دنیانی سس
فریاد و افغانیم او دور تا قُبّۀ مینو گیدر


موجه گلوب درد و بلا باشدان آشوب دریا کیمی
بو قبطیان شام آلوب دُور و بَرون موسی کیمی
ایلوب تجلّی شعلۀ آهون ید بیضا کیمی
مَحو رُخ آلون اولوب بو فرقۀ جادو گیدر


اُلسون باجون بیر باخ گلن باشیمده کهنه معجره
سندن اوزاقلاشدیم حسین دوشدوم بو قاره گونلره
بولمزلرآخرمن کیمم  قارداش یتوشسم هریره
باجون کنیزه اوخشادار هیچ کیم دیمز بانوگیدر


واردور یری عالم بولور عرش احتجاب اولسون منه
گون باشیم اوسته سایه تک چتر و حجاب اولسون منه
لازمدی قارداش بوزمان زلفوم نقاب اولسون منه
من  اشک ریز آل علی یکسر پریشان مو گیدر


(غمناک) اَل چک قصّۀ جانسوز راه شامیدن
زینب نه چکدی کیم بولور درد و غم ایامیدن
آگاهیدور بیرجه حسین باشی اول سرانجامیدن
افلاک قدّین ایمدیده خم ایلوب اول ابرو گیدر

مرحوم غمناک تبریزی

  منبع : تورکی نوحه لر - قربانعلی زاده www.noohalar.blogfa.com

رقییّم باشیم بلالی اولدی

زبانحال حضرت رقیه  (س)
بایاتیلار

سیفی اردبیلی

رقییّم باشیم بلالی اولدی
آرخام ائلیم مندن آرالی اولدی
آینا کیمی سئندیم قضا داشیندان
درد الیندن قلبیم یارالی اولدی


اوچ ایل منه بهار اولدی یاز اولدی
آییم گونوم نعمت اولدی ناز اولدی
ارث آپاردوم دردی بُیوک ننمدن
نازلی گونوم گُلَش یوزوم آز اولدی


خانملقیم کربلاده یوخ اولدی
منیم غمیم نَنَمدَندَه چوخ اولدی
ئوز بی بیمه دینمدیم دردیمی
نسگللریم قلبیمه بیر اوخ اولدی


من بیر قیزام شیرین شیرین سوزوم وار
کمان قاشیم شَوه کیمی گوزوم وار
اوچ ایل کئچوب هله تَوّلدومدن
منده نجه دوگولمگه دوزوم وار


من بیر قیزام عزیزِیدیم ائللره
آدیم سانیم ازبریدی دیللره
یالان اولدی آیدین گونوم جفادن
آتام ئولدی دوشدی یاخام اللره


من بیر قیزام زمانه ساتدی منی
قزل گول تک غملر سارالتدی منی
ساربانلار قوللاریمی باغلادی
سویقونچلار ناقه دن آتدی منی


من بیر قیزام حالیمه بیر یانان یوخ
یورولموشام پیکریمده توان یوخ
قان سوزولور قابار ایاقلاریمدان
آدامسیزام یاره می باغلیان یوخ


من بیر قیزام دردیمی یوخدور بیلن
غصه توزین قرا تِلیمدن سیلن
ئولسم اگر بو  وحشتلی دمنده
 کیم غسل ایدر منه کیم ایلر کفن


من بیر قیزام آتدی منی ائللریم
غم دیزیمیده داراخلانوب اللریم
گوز اولومشام گوزدن بیله دوشمشم
آلتی آیدور دارنمیوب تللریم


سو آخماسا چمن لاله بترمز
قورد اولماسا قویون سوری ایترمز
اوچی قوان مارال کیمی ایتمیشم
هیچ کیم منی ائللریمه یترمز


قلبیم کیمی داغلار باشی دوماندی
گوزلریمده حسرت سرشکی قاندی
سنّیم اوشاق نابلدم یولارا
شامون یولون تاپانمورام هایاندی

  منبع : تورکی نوحه لر - قربانعلی زاده www.noohalar.blogfa.com

 

باشیوی جداده گورن دیر گل گلستان رباب اوغول

 

✔️راه شام

✔️ مرحوم حسینی سعدی زمان

 

باشیوی جداده گورن دیر گل گلستان رباب اوغول

بو جهاندا آل امیّه نین ایوی کاش اولیدی خراب اوغول

 

بو طرفده بیر قوری نی کیمی ایدورم نوا من بینوا

او طرفده چنگ و ربابیله بیزه پیشواز ایدوب اشقیا

قاریشوبدی بیربیره نای و نی چخوب عرشه ناله ایله نوا

بو طرفده ناله رباب ایدر او طرفده ناله رَباب اوغول

 

سرِ نِی ده گون تک اولوب باشی آتاوین مروّج شرع و دین

ولی گیزلدردیله قوم کین باشون اولماسیدی اونا معین

باشون ایلوری اَمَویلرین هامی کفر و ملعنتین مبین

نه کسوبدی بیر سودامر باشین نه کسر بیر اهل کتاب اوغول

 

نه اولوبدی بیر اوشاقا ستم سنه یوز ویرن بو ستم کیمی

بیر آنایه نه یتیشوب الم ایویمی یخان بو الم کیمی

ایله دلده موجه گلوبدی غم داشوری گوزوم یاشی یم کیمی

نه اولار غمون کیمی بیر عزا نه منه مثال مصاب اوغول

 

غم و غصّه یوز ویروری گوزوم باخوری بو شهریده هر یانا

گورورم که بیر سودامر بالا آلوب اوز قوجاقینه هر آنا

آخوری عذاره گوزوم یاشی گلورم فغانه یانا یانا

ایشیدن سیزیلتیمی سویلوری یانوری اود اوسته کباب اوغول

 

ایکی حسرت اللریمی گهی دیزیمه قووشدورورام علی

گهی سینمین سودی موج ایدور سینمی اوغوشدورورام علی

بو طریقیله اورگیمده کی اودیمی سووشدورورام علی

چوخ عجبدی صاق قالوب اُلموری بو ایوی خراب رباب اوغول

 

دگوری صبا یِلی نیزه ده حرکت ویرور بالا تِل لره

پوزوری شماتت ایدنلری ایدوری ملول بو منظره

او غمیکه یاندورا دشمنی گور اولار نه سوزشی مادره

آنانین داش اولسا اگر دلی گور ایدر تحمّل و تاب اوغول

 

بیر اووون بالاسینی رسمیدور ایلیه بیر اوچی شکار اگر

آناسی دالنجا دوشر ملر بالاسی گیدن یولی طیّ ایدر

باشیوین دالنجا اودور دوشوب بو ایوی یخلمش آنان ملر

ایدر اوز دقایق عمرینی اجلی گلینجه حساب اوغول

 

فلک هدایته شمسدور آتاوین کسوک باشی نیزه ده

قمر منیریدی تک به تک هامی قوم و قارداشی نیزه ده

او گویون ستاره سی دور باشون مه و مهر یولداشی نیزه ده

ایله بیر ستاره گوروب نه یر نه بو هفت پرده قباب اوغول

 

هله گرمدور ایله داغ دل که بولنمورم اثراتینی

بولرم مرور زمانیله بو مصیبتین حرقاتینی

ایشیده اگر بیر آچوخ قولاق بو یارا دلین ضرباتینی

غم اودی بولر سو کیمی ایدوب بو یارالی قلبی مذاب اوغول

 

آناوین الیندن آلوب ایله بو ملال تاب و توانینی

که چکوب سس آغلوری باخموری ایشیدولّه داد و فغانینی

منه ویرسه لر او کسوک باشون یووارام سرشکیله قانینی

گلسرخ تک اُپوب ایگلرم سپرم او گل یوزه آب اوغول

 

هله بو اسارت غمفزا هله بو شماتت اشقیا

اولور آغلاماقلیقا مانعیم دیه بولمورم سوزیمی بالا

دولانوب اگر گله بیر زمان بو اسیرلیقدان اولام رها

ایله آغلارام یم اشکیمه گورونر بو چرخ حباب اوغول

 

بیر حسین نوکری که اونون بو حسینه چوخدی محبّتی

لقبی هنرور آدی حسین حاجی بقّال اوغلیدی شهرتی

دیدی یاز «حسینیه» اصغرین باشنا بو شرح مصیبتی

باشیوی جداده گورن دیر گل گلستان رباب اوغول

منبع : تورکی نوحه لر - قربانعلی زاده www.noohalar.blogfa.com

 

اهل حرمین دل داغلی شاماتی گزور قول باغلی

کوفه - راه شام

بهلول حبیبی زنجانی

اهل حرمین دل داغلی
شاماتی گزور قول باغلی

اللریمی جور زمانه
باغلادی بیله ریسمانه(2)
هم پیکریم هم قوللاریمی
یول یول ایدوبدی تازیانه(2)

ایوای یارالی جان یارالی(3)





گوردوم اوجا نیده باشین
توکدوم یوزومه گوزیاشین

آغلور ملک اول حال و روزه
باخ نیزه دار کینه توزه(2)
قرآن تلاوت ایلیینده
داش ویردی آنیندان عجوزه(2)

ایوای یارالی جان یارالی(3)






باخ نیزه باشیندان باری
ویر قیزلاریوا دلداری

دییردیم آند اولا زبوره
صحفدا آیه های نوره(2)
ایوین خراب اولییدی خولی
باشین نیه قویوب تنوره(2)

ایوای یارالی جان یارالی(3)





چکدی بو باشین جریانی
خولی ایوینه زهرانی

آنام دیدی ای نور عینیم
منزل مبارکدی حسینیم(2)
ایوای امام مشرقینیم
لای لای امام مغربینیم(2)

ایوای یارالی جان یارالی(3)


✍️ زبدة الاشعار ✍️

  منبع : تورکی نوحه لر - قربانعلی زاده www.noohalar.blogfa.com

کوفه - راه شام
زبانحال حضرت زینب سلام الله علیها

حیدری زنجانی

سرنیزده ای قانه باتان باش سنه قربان
ای کولرین اوستونده یاتان باش سنه قربان


واگیر:
زینب سنه آغلار
عالملر ی داغلار

وای قارداشیم ای وای 2




اون دورت گیجه لیک آی سنه حیراندی حسینیم
اولدوزلاریوا باخ نئجه گریاندی حسینیم
اوت دوتدی غمینده اورگیم یاندی حسینیم
ای زینبی آواره قالان باش سنه قربان


اهل حرمین سینه سی هجروندن آلیشدی
دگدی لبیوه قمچی چوخ احوالی قاریشدی
زینب سنون  عشقینده فصاحتله دانیشدی
ویر بیرده بو یولاردا اذان باش سنه قربان


گوز قانلی اشاره ایلدون  ولوله سالدیم
قالسین آرامیزدا نیه باش محمله چالدیم
تنها سنون عشقینده حسین کوفه نی آلدیم
ای جسمیمه جان روحه روان باش سنه قربان


دنیانی سن آلدون دل میداندا حسینیم
تاواردی نفس سسلرم هریاندا حسینیم
امداد ایله بو غملی بیابانا حسینیم
ویر زینبه روحیه توان باش سنه قربان

  منبع : تورکی نوحه لر - قربانعلی زاده www.noohalar.blogfa.com

ای بابا گور سالوب نجه حاله بو ساربان منی

[Forwarded from ✍️ زبدة الاشعار ✍️]
راه شام
زبانحال حضرت رقیه سلام الله علیها با رأس مبارک پدر

سبک : واردی باشیمدا یاحسین هوای بین الحرمین ... ای حرمینه ناز ائدن ... عطری گلور محرمون ...


ای بابا گور سالوب نجه
                     حاله بو ساربان منی
جور و جفائیله ایدوب
                     گور نجه باغری قان منی


کرب و بلاده نعشیوین
اوسته ایا شاه زمن
قویمادی آغلیام سنه
بیرجه دویونجا اوردا من
گوردون اوزون عیان بابا
سندن آیردی ظلمیلن
ووردی او قدر قمچی چون
ایلدی ناتوان منی


ظلمی یتیشمیوب هنوز
باشه او دونِ ناکسون
ایمدیده قویمور اوج ایده
ناله سی گور بو بی کسون
ای باباجان سولار یوزوم
هردم آلاندا من سسون
بسکه ووروبدی قورخودوب
ای شه انس و جان منی


ظلمیله اختیاریمی
الدن او ساربان آلوب
نازلی قیزون سکینه گور
بیر نجه حالته قالوب
بابا منِ بلاکشی
دشتیده ناقه دن سالوب
بی کس و زار و پرخطر
چولده قویوب اینان منی


بحر بلاده گلمیشم
موجه غمیله داشمیشام
اشک بصر برهنه پا
گه صول و صاقه قاچمیشام
بابا بو کهنه معجری
چولده باشیمدان آچمیشام
باغلامیشام ایاقیمه
گور شه بی کسان منی


نی کیمی من او پرخطر
دشتیده داده گلمیشم
گه سنی سسلیوب گهی
عمّه می داده گلمیشم
آبله دور ایاقلاریم
بس که پیاده گلمیشم
گور نه فراموش ایلیوب
زینب مهربان منی


عترتیوی گیدنده سن
جمله سپرده عمّه مه
ایلدون ای شه حجاز
بیر بیر او یرده عمّه مه
ایله سپرده بو قیزون
ای بابا بیرده عمّه مه
بلکه فراموش ایتمیه
بیرده او باغری قان منی


چوخ ایدرم من آرزو
بیر بو زمان شه جهان
بیر ساق اولیدی کاش عموم
یاعلی قارداشیم بو آن
بیرجه ویریدیم ای بابا
قمچی لرین یرین نشان
تا که گوریدیلر نیدوب
فرقۀ شامیان منی


گه منی ساربان ووروب
گاهی او زجر نابکار
گه یوزیمه ووروب بابا
سیلی او شمر بدشعار
گور بو جهاندا من کیمی
هانسی یتیم اولوبدی زار
گه وورا ساربان گهی
فرقۀ کوفیان منی


من او سکینوم رضا
اولمازیدون فغانیمه
آچ بیر او گوزلریوی باخ
اشکِ تر روانیمه
جسمیم اولوب بنفشه تک
قمچی ووروبلا جانیمه
گور نجه ایلیوبدی زار
آخری بو زمان منی


✍️ زبدة الاشعار ✍️   

  منبع : تورکی نوحه لر - قربانعلی زاده www.noohalar.blogfa.com

یخیلمیشام کجاوه دن بو غملی چولده عمه جان

راه شام

حاج حسین غفاری اردبیلی

سبک : حسین دوشوبدی مقتله ... تا مشکتو تو آب زدی ...

اَلیم یتیشمیور سیزه

اوزاقلاشوبدی کاروان

چکوبلر گویا قرا پرده آسمانه

اولوب عمه قورخودان قلبیم شانه شانه

گوزوم گورمور بو بیابان هر یر تیکاندی

سنی زهرا هاردا اولسون تز گَل آماندی

حسینون مارالی

اولوبدی یارالی

بو چول سالوب قرا لچک

منیم کیمی عزالیدی

او قدری قاچمیشام بی بی

ایاقلاریم یارالیدی

پریشان زلفیم اَسن یللردن کوسوبدی

سینان قلبیم قارداشیم اصغردن کوسوبدی

گلایم واردی یولوم دوشسه کربلایه

ایکی قارداشدان بیری یوخ گلسین هرایه

حسینون مارالی

اولوبدی یارالی

آماندی قویما ئوزگه لر

گله آپارماقا منی

دینن گرک ئوزوم گیدم

گتیرمگه رقیه نی

گوزوم قورخوب کربلاده طوفانیلردن

بیزی تشنه ساخلیان بی وجدانیلردن

اَسور قلبیم قورخورام عمّه قمچیلردن

منی سن بیل ئوز وقارون سالما نظردن

حسینون مارالی

اولوبدی یارالی

بابام گیدنده خیمه دن

ئوزوم ائشیتدیم عمه جان

منی سنه ویریب دیدی

بو سن بو طفل نیمه جان

آماندی قویما توکه اشکین دانه دانه

آماندی قویما بونا دگسین تازیانه

همان قیز الان قالوب قارداشسیز کمکسیز

همان قیز الان قالوب چوللرده لچکسیز

حسینون مارالی

اولوبدی یارالی

نه باعث اولدی بیلمورم

منی فراموش ایلدون

چراغ عشقیمی منیم

ئورکده خاموش ایلدون

گورر زحمت همسفر یولدا همسفردن

دوزوب هر بیر مشکله سالمازلار نظردن

نه گوردون یوللاردا بو بی کس یولداشوندان

منیم آتدون عشقیمی غربتده باشوندان

حسینون مارالی

اولوبدی یارالی

✍️ زبدة الاشعار ✍️   @nohe_torki

  منبع : تورکی نوحه لر - قربانعلی زاده www.noohalar.blogfa.com

بار الهی بو اوشاق کیمدی هراسان دولانور

✔️ راه شام ✔️

✅ افتادن حضرت رقیه«س» از ناقه

«مجید قلعه بیگی»

بار الهی بو اوشاق کیمدی هراسان دولانور

نصف شب قورخلی صحراده پریشان دولانور

-----------------------

آی سالوبدور دل شب،نورینی دشت و دَمنه

آیری بیر جلوه وئروب،نیمه ی شب اول چمنه

اوینوری خار مغیلان یِل اَسن وقته گنه

    قورخلی چولده او قیز تکدی هراسان دولانور

    گاه بیر سمته قاچور،گه یخیلور،گه دایانور

 

گردش چرخ زمان محنته سالدی باشینی

ویردی قهریله فلک،پنجه ده گیزلین داشینی

اول فلک آلدی الیندن صود امر قارداشینی

    شیر دل قارداشینی،کوفه لیلر دوغرادولار

    بالاجا اللرینی،بیربیرنه باغلادولار

 

سیندیروب دست طبیعت نجه گور شهپرینی

یِل اسنده داغیدور،باشدا قرا تللرینی

قورخودان گه یوموری،گه آچوری گوزلرینی

    سیخیلوب قوش کیمی بیر گوشه ده محزون دایانوب

    گوزلری یولدا قالوب،غملیدی دلخون دایانوب

 

عاقبت گلدی دیله فاطمه ی کرب و بلا

بالاجا اللرینی قوزادی محبوب خدا

دیدی یارب من هارا،نیمه شب بو چول هارا

    او قدَر آغلادی داشلاردا او چولده مله دی

     قدسیان عرشیده او ناله یه قانیاش اله دی

 

صحبت ایلور اوزونه من علوی اولدوزویام

خوان اجلال علینون دادیام هم دوزویام

باشی دالدان کسیلن شاه جنانین قیزیام

    لحظه لحظه او قیزون ناله سی عرشه اوجالوب

    دئدی یا رب گورسن عمه لریم هاردا قالوب

 

گوردی بیر سس گلوری دختر فرخنده لقا

دیدی عمه مدی،گلوبدور منی بوردان آپارا

ناگهان گوردی بیر آتلی،بالا دوردی ایاقا

    غیظیلن اندی آتیندان ثمر تخم حرام

     قورخودان دست ب سینه،او خانم وئردی سلام

 

اهریمن اندی سلیمانه مقابل دایانوب

یرده داش،گویده کی قوشلار بئله ظلمه اوتانوب

تازیانیله سلامین عوضین ظالم آلوب

     صاغ الین قوزادی ویردی او گلِ طاهایه

     ایله بیل ثانی ویروب سیلی گینه زهرایه

 

 

بولمورم من نجه زهرا بالاسی دوشدی یولا

یاخشی سین یوسف زهرا بولوری،اهل وفا

یازوری بعضیلری،خاریده قاچدی او بالا

     منه چوخ تزدی هله،پی آپارام مطلبینه

    الغرض قافیلیه چاتدی وئروب زینبینه

 

 

باشلادی درد دیلین زینبه باشه گلنی

دئدی چوخ اینجیدوب عمه منی بو قوم دنی

گوزلریندن ایراق اوردان بوراجان ویردی منی

   قورخودان آغلامادیم،گورمه دی هئچ گوز یاشیمی

بی بی آچ معجریمی،قمچی یاروبدی باشیمی

 

   «فقیرخویی»

  منبع : تورکی نوحه لر - قربانعلی زاده www.noohalar.blogfa.com

 

امر ایله ئوزون دایانسون غملی کاروانی عمّه

راه شام

رضوی زنجانی

امر ایله ئوزون دایانسون

                         غملی کاروانی عمّه

قالمیشام بو چولده الان

                         دل دونوبدی قانه عمّه

 

کوچ ائدوب گئدوبسن الان عمّه سندن هئچ خبر یوخ

قالمیشام بو چولده تنها کاروانیدن اثر یوخ

بیلمورم هایاندی بو یر بیر بئله یره گذر یوخ

قیل نظر عنایت ایله سن بو خسته جانه عمّه

 

 

قالدی خردا بیر سفیرون گوزلرینده اشک حسرت

بیلمورم نه سمته گئتدون عمّه ای سحاب رحمت

من غریبی سالما گوزدن ای منه مدال عزت

سایه وی جهاندا وئرمم کل بو جهانه عمّه

 

 

همرهین بو چولده قالدی قورخورام اماندی گئتمه

رنگی گول کیمی سارالدی قورخورام اماندی گئتمه

گون باتوب هوا قاردالدی قورخورام اماندی گئتمه

اشک خون آخار عذاره گلَّم هی فغانه عمّه

 

 

درد و غصّه لر الینده عمّه گور نجه اسیرم

خسته دی بو جان بدنده روزگاریدن ده سیرم

قویما سن قالام بو چولده شامیده سنه سفیرم

هئچ دئمورسن هاردا قالدی خردا نازدانه عمّه

 

 

کربلا چولونده عمّه غارته گئدوب جلالیم

غصه مرگ ائدر بو طفلی باشه یتمین ملالیم

صرصر بلا اسوبدی گول کیمی سولوب جمالیم

باخماسان منه یقیندور گول گئدر خزانه عمّه

 

 

بو چولون هواسی غمدی بیر نفر بیر آشنا یوخ

کربلا کیمی هوادن غم یاغور داخی صفا یوخ

قورخورام هرایه تئز گل آشنا و رهنما یوخ

اکبریمدن اصغریمدن قالدی غم نشانه عمّه

 

 

جانه دویموشام حهاندا روزگاره وار گلایم

مهربان علیِّ اکبر گول عذاره وار گلایم

گئتدی باخمادی دالیجا شهریاره وار گلایم

اشک غم آخور عذاره ایندی دانه دانه عمّه

 

 

سالدی غم منی جهاندا چوخ فشاره نیلمیشدیم

سالمیشام بو سنّیلن من باشه قاره نیلمیشدیم

ظلمیله ئوکک باشیندان دگدی یاره نیلمیشدیم

سن منی گوزوندن آتما وور باشیما شانه عمّه

 

 

غملره بو دشت غمده صید تک شکارم عمّه

سنّیم آز ولی غمیم چوخ بسکه اشکبارم عمّه

قارداش و آتا غمینده گور نه داغدارم عمّه

گل منی چخاتما یاددان گوهر یگانه عمّه

 

 

ای رقیّه ای حسینه پربها یگانه گوهر

درد الینده قویما قالسون بیقراریدور بو نوکر

هم وطن غریبی اولموش هم نشان تیر دیگر

سن دئنن ئوزون نظر قیل غملی نوحه خوانه عمّه

سبک های مشابه

سو_یوخومدی_قیزلاروندان_بیلوسن_خجالتم_من صدیف

یارالارسینونده_قارداش_گل_گلستانه_بنذر سلیم

یانور_اصغریم_سوسوزدان_ائله_چاره_نهر_علقم پیرمرد

سنه_سو_دین_دوداقلار_نیه_یاندی_نهر_علقم سلیم

✍️ زبدة الاشعار ✍️

   منبع : تورکی نوحه لر - قربانعلی زاده www.noohalar.blogfa.com