یانماسیدی باب زهرا ظلمیله شورا گونی

سرّ عاشورا ...

 

یانماسیدی باب زهرا ظلمیله شورا گونی

خیمه گاهی زینبون یانمازدی عاشورا گونی

 

 

حکم قرآنه او گونگی گونده اولسیدی عمل

مطلقا اولمازدی بر پا جنگ صفین و جمل

هم دولانمازدی حسینون قانلی باشی ال به ال

ایلمزدی پرده رخ صورت زیبا گونی

 

 

ایتمه سیدی حقیله باطل او گون جنگ و جدل

بیر به بیر احکام قرآنه ایدردی خلق عمل

دین اسلامه یتیشمزدی بو نوعیله خلل

روشن اولمازدی جهاندا کافر و ترسا گونی

 

 

چوخلارین خارج ایدوب دنیای جیفه دیندن

نفسینه تابع اولوب چخدی خلیفه دیندن

چخماسیدی سرنشینان سقیفه دیندن

دین ایوین یخمازدی شمر بی حیا هیجاگونی

 

 

زوریله غصب اولماسیدی بو خلافت منصبی

قورخودان گزلتمسیدی خلق اصل مطلبی

دستگیر اشقیا اولمازدی اولاد نبی

گوزلرینده ایلمزدی لیله یلدا گونی

 

 

چخماسیدی هر ستمگر منبر پیغمبره

ویرماسیدی بند ذلت بانوان حیدره

کوفه دن گلمزدی بو فرمان امیر لشکره

باغلا اطفالی طناب ظلمیله ایذا گونی

 

 

ایتمسیدی گر خلیفه غصب املاک فدک

بیر کس ایتمزدی خلافت امرینه القاء تنک

کربلاده روز عاشورا حسین قالمازدی تک

تیره گون اولمازدی گوزده زینب کبرا گونی

 

 

اونداکی گوردی اولوب قارداشی خندان گل کیمی

سینه سینده باش باشا اوخلار چاتوب سنبل کیمی

باشلادی شور و نوا شوریده بیر بلبل کیمی

ایلدی بیله مخاطب بلبل شیدا کیمی :

 

 

ای گون اینجتمه حسینی بی کفن دور بی کفن

گورموسن رحم ایلین یوخدور اونا رحم ایله سن

قویما یانسین گون قباقنده یارالی بو بدن

سایبانی اول اوزون ای خالق یکتا گونی

 

 

ای گون آرتدوقجا ستملر آرتوری نورون سنون

وار بو سوز و بو حرارتدن نه منظورن سنون

فرض ایداخ مجروح اولیدی پیکر عورون سنون

تیره شب خلقه ایدردون بیله نور افزا گونی

 

 

تاپمادون بیر گون طلوعنده حسینی خوابده

دائما گوردون عبادت وقتی پیچ و تابده

بو گونی اما یاتوبدور قانلی بیر محرابیده

تا اولوب لیله مبدل عترت طاها گونی

 

 

ایتمدی اوز خدمتنده قارداشیم هرگز قصور

هر یارا بو زخمداره آرتورور وجد و شرور

قانلی توپراقدا یوزی عرض ایلور ای رب غفور

دست خالی ایلمه اوز بنده وی سودا گونی

 

 

«کهنموئی» گون کیمی قالماز حقیقت ابرده

عاقبت شیرین ثمر وار ناگوارا صبرده

اهل حق المز اگر یاتسا مین ایل ده قبرده

سربلند ایلر اونی حق محشر کبری گونی

 

مرحوم سید حسین کهنوئی

 

       منبع : تورکی نوحه لر - توحید قربانعلی زاده www.noohalar.blogfa.com

کبوترین بو لانه دن گئدیر عم اوغلی یا علی

✔️ شهادت و وصیت حضرت زهرای مرضیه«س»

 

✳️ سبک: تا مشکتو تو آب زدی

 

کبوترین بو لانه دن گئدیر عم اوغلی یا علی

نگاریوی حلال ائله اؤلور عم اوغلی یا علی

عم اوغلی لطف ائله بیرآز اطاقی خلوت ائیلویَخ

دویونجا گوز گوزه باخاخ،دویونجا صحبت ائیلویخ

 

     علیجان اگلش کناریمده تکدی زهرا

     گئدیر زهرا صون نفسلرده قویما تنها

     اوخی قرآن باشیم اوسته ای روح قرآن

     شِرنگ مرگی دیلمده قیل شَهد اشهیٰ

      عم اوغلی غربیم(2)

 

 

عم اوغلی رنج و غصه دن،پوزولدی حال فاطمه

جفای جور ثانیدن گئدوب جلال فاطمه

قاپوم یانوب قولوم سینوب،بالام اؤلوب دایانموشام

اولوبدی نیلی سیلی دن،بئله جمال فاطمه

 

     ز بس اولدوم رنج و درد و غمدن معذّب

قاپومدا نه کشمکش اولدی گوردی زینب

     یخیلدوم غش ایلدیم ایش هاردا دایاندی

     دئیوردوم عجل الوفاتی هرلحظه یارب

     عم اوغلی غریبم(2)

 

 

عم اوغلی خواهشیم بودی گیجیله کفن و دفن ائله

آغالیق ائیله قویما تا نمازیمه اولار گله

سوزی آچیخ دئینمورم اجلسیز اؤلدی فاطمه

شهیدیم خمیدیم قاپومدا اولدی هلهله

 

     دئسم کامل مطلبی آغلار ذوالفقارین

اوگون قالموشدی ایاقلار آتدا نگارین

قیزیمدا قالدی اوگون زیر دست و پاده

     قالار بیرده بو شرایطده کربلاده

  

       عم اوغلی غریبم(2)

 

مجید قلعه بیگی (فقیرخویی)

      منبع : تورکی نوحه لر - توحید قربانعلی زاده www.noohalar.blogfa.com

قلبیم چکیر شراره دلداریم ئولدی الله

زبانحال حضرت علی (ع) درغم از دست دادان حضرت زهرا (س)

  قلبیم چکیر شراره دلداریم ئولدی الله

محنت سالیب حصاره غمخواریم ئولدی الله

 

 طاها ایدنده رحلت باران غم توکولدی

بو آستانه قوم ثانی شیم توکولدی

بیعت بهانه سیله اهل ستم توکولدی

اودلاندی آستانم درد و الم توکولدی

حرمت گیدیب فنایه معیاریم ئولدی الله

 

 

دیوار و در بولور کی زهرا نه حاله قالدی

نه چکدی پشت درده تا ناله سی اوجالدی

جاندان گیچبدی جانیم جانین بلایه سالدی

صدمه گوروب جفادن گل تک سولوب سارالدی

عشق و ارادتیله سرشاریم ئولدی الله

 

 

یوخدور بیلن کی یاریم نار جفایه یاندی

کیمدور بیلن کی عمروم سرمایه سی تالاندی

زهرا نه حاله قالدی شاهد بو آستاندی

هاردا دوشوب تواندان هاردا یره اوزاندی

جاندان دوشوبدی فخر ابراریم ئولدی الله

 

 

یاریم یارا گورنده دنیا خراب اولیدی

نه درگهیم یانیدی نه اضطراب اولیدی

نه گوزلریم گوریدی نه دل کباب اولیدی

نه آب عشق حیدر ناگه سراب اولیدی

دل محنتی چوخ اولدی دلزاریم ئولدی الله

 

 

مین درد و مین بلایه توش اولدی درده دوشدی

جانی مخاطراته وقت خطرده دوشدی

ناگه لهیب ظلمه سوزان شررده دوشدی

هر درده دوشدی یاریم اول پشت درده دوشدی

نالان درد زخم مسماریم ئولدی الله

 

 

یوخدور بیلن کی زهرا دوشدی نه تز ایاقدان

کیمدور بیلن کی حیدر قالمش ندندی گریان

نه روشن اولدی دردی نه اولدی درده درمان

او گیتدی اولدی راحت من قالمشام پریشان

قلبیم یانیر کی قلبی بیداریم ئولدی الله

 

 

یاریم یارالی گیتدی مندن آرالی گیتدی

یثرب دوشوب صفادن یثرب مارالی گیتدی

جان قویدی دوشدی جاندان قبره یارالی گیتدی

دنیایه هاردا گلدی اولدی هارالی گیتدی

خیرالنّسای زیبا افکاریم ئولدی الله

 

 

اسدی سموم محنت بو گلشنه جفادن

زیبا گلوم سارالدی گلشن دوشوب صفادن

یاغدی بلا تگرگی قورتارمادوخ بلادن

وَرد حیا سارالدی طغیان بی حیادن

پرکار درد و غمده پرگاریم ئولدی الله

 

 

محبوبۀ خدادور دارادی فرّ و مجده

هر نیمه شب ایدردی درگاه حقّه سجده

زهرا ایدنده سجده عالم گلردی وجده

ال سینه ده دعاده قالدی گوزی فرج ده

گوز یولدا قالدی نیلی رخساریم ئولدی الله

 

 

الله ایویم یخلدی برهم اولوب تفاقیم

زهرا کی یوخدی مثل زندان اولوب اطاقیم

حاشا کی شاد اولام من حاشا گوله دوداقیم

رویاده واردور آرزیم زهرا اولا قوناقیم

حوری صفت ، ملائک رفتاریم ئولدی الله

 

 

کبم بیلدی کی عزیزیم قانه ندن بویاندی

کیم بیلدی پشت درده زهرا ندن دایاندی

او دوردی پشت درده شاید عدو اوتاندی

الله یانیدی دشمن زهرا نجیکی یاندی

یاندی جفایه صورت گلناریم ئولدی الله

 

 

بوالفتنه گان دهری خوار ایتدی گیتدی زهرا

ترک ایتدی مرتضانی طاهایه یتدی زهرا

گیتدی ئوزی علینی آزرده ایتدی زهرا

حوریدی صدمه گوردی ناگه قیتدی زهرا

زیب جنان و زیب درباریم ئولدی الله

 

 

مندن حمایت ایتدی دوشدی باشی بلایه

جام بلانی ایچدی غرق اولدی ابتلایه

مندن بو دوقّوز ایلده هئچ ایتمدی گلایه

سالدی ئوزون بلایه حامی اولا ولایه

چشمی بصیر و قلبی بیداریم ئولدی الله

 

 

درد آشناسی گیتدی دردیم دواسی گیتدی

اشکیم آخیر عذاره دیدم ضیاسی گیتدی

آمالی قالدی دلده ، دلده یاراسی گیتدی

روحیم دوشوبدی تنگه روحیم صفاسی گیتدی

همدرد و هم عقیدم همکاریم ئولدی الله

 

 

مین زهره دن ایشقلی زهرا گیدیب الیمدن

حسّ ایلورم کی ایندی طاها گیدیب الیمدن

چرخ سپهر و طاق مینا گیدیب الیمدن

زشتی قالیب جهانده زیبا گیدیب الیمدن

مهر مضیء چرخ دوّاریم ئولدی الله

 

 

دنیا دولاندی کام اهل نفاقه دوندی

آهنگ چرخ گردون کام فُساقه دوندی

عشقیم چراغی سوندی وصلت فراقه دوندی

غم چکدی جانه دویدی مندن علاقه دوندی

معیار طهر و حسن و ایثاریم ئولدی الله

 

 

رحلت ایدنده طاها مندن زمانه دوندی

غم وردی مرتضایه کام فلانه دوندی

دنیانی خوار اولیدی نه ظالمانه دوندی

زهرا کی گیتدی الدن گوزیاشی قانه دوندی

یاندیم فراق اودوندا چون یاریم ئولدی الله

 

 

آرام جانیم ئولدی آرام جان آپاردی

گیتدی ئوزی مزاره مندن توان آپاردی

آز عدّه جسم پاکین قبره نهان آپاردی

پهلو شکسته یاریم قولدا نشان آپاردی

درمانسز اولدی دردی بیماریم ئولدی الله

 

 

عالی عیاریم ئولدی صبر و قراریم ئولدی

خستیدی دوشدی دلدن دل پر شراریم ئولدی

دوشمز غلط دیسم کی دار و نداریم ئولدی

هم اعتباریم ئولدی هم اقتداریم ئولدی

عالی عیار و درّ شهواریم ئولدی الله

 

 

دل داغلیام ، غمینم دل دردیمی بیلن یوخ

گوزدن سالیب زمانه گوزیاشمی سیلن یوخ

زهرا کی یوخ ایویمده کیمسه گیدیب گلن یوخ

چوخدور ئولن (هدایت) زهرا کیمی ئولن یوخ

معموره چرخی دونسون معماریم ئولدی الله

هدایتی تبریزی

      منبع : تورکی نوحه لر - توحید قربانعلی زاده www.noohalar.blogfa.com

عم اوغلی چوخ گول سارالار

وداع حضرت علی (ع) با ام ابیها(س)

عم اوغلی چوخ گول سارالار

آغلاما خداحافظ

بو سن بو ائو بو بالالار

آغلاما خداحافظ

 

بو ائوده هر درد و غمه

سنده یانموسان منده

یاتانمادیم چوخ گجه لر

سنده آغلادین منده

خیال ایله بیر گولودوق

سنده سولموسان منده

چمنده چوخ گول سارالار

آغلاما خداحافظ

 

 

 

 

عم اوغلی یانّام بو غمه

اولدی درگهون مقتل

بو نسگلون بسدی منه

فضّیه دئدیم تئز گل

منیم غمیم بسدی سنه

قوی گئدیم بیر آز دینجل

بو سن بو ائو بو بالالار

آغلاما خداحافظ

 

 

 

 

سنون بیله آغلاماقون

قلبیمی ائله داغلور

سنه باخور گول بالالار

گوز یاشون یوزه باغلور

گوزون یاشون توکمه بیله

آغلاما حسین آغلور

او آغلاسا دل یارالار

آغلاما خداحافظ

 

 

 

 

حسن بیلور کوچه غمون

قویمادیم دیله سالسون

او کوچه ده اولدی نلر

روز محشره قالسون

گرک گله مهدی بالام

انتقامیمی آلسون

گله حسین قانین آلا

آغلاما خداحافظ

 

 

 

 

 

اگر چه آز عمروم اولور

نسگلیم منیم چوخدی

ئورکده هر درد و غمیم

قلبیوی دَلَن اوخدی

ئوزون منی قبره آپار

قارداشیم منیم یوخدی

بو سن بو ائو بو بالالار

آغلاما خداحافظ

 

 

 

 

او ناگران گوزلرووه

گوزلریم فدا اولسون

من آغلورام آغلاما سن

قویما گوزلرون دولسون

بالالاریم نازینی چک

قویما گوللریم سولسون

تک ائوده قومیا قالالار

آغلاما خداحافظ

 

 

 

 

گجیله وئر غسل منه

دفن ائله گجه یاری

مزاریمی ایتگین ائله

ای بلا گرفتاری

مزاره قوی تئز گئت ایوه

قویما تک بالالاری

یولووی گوزلر بالالار

آغلاما خداحافظ

 

 

 

 

حسینیله زینبیمون

غصه قلبینی داغلار

حسینیم اللرده ئولر

زینبیم باخار آغلار

وئرنده جان گوزلرینی

کیم حسینیمین باغلار

عم اوغلی چوخ گول سارالار

آغلاما خداحافظ

 

       منبع : تورکی نوحه لر - توحید قربانعلی زاده www.noohalar.blogfa.com

 

زهرا زهرا گوزوی آچ یاندیردی

✅ شهادت حضرت زهرای اطهر«س»

✳️ زبانحال امام«ع»

سبک: صحرا صحرا دویده ام

 

زهرا زهرا گوزوی آچ یاندیردی

 غم دیلیمی

باخ آدامسیز عم اوغلووا،زهرا یخدین ایویمی

سنسیز دنیاده نیلیوم،گئتسن والله اؤلرَم

باخوب او قانلی درگهه،مسماره یاش الرم

 

    ای قدّی خمیده اویان--زهرایِ شهیده اویان

       زهرا دایان دایان

دویدی سنی قوم لعین--محسن اولا سقط جنین

     زهرا دایان دایان

 

 

بولدوم او تنگ کوچه ده،ثانی کسدی یولوی

هم سیلی ویردی بیحیا،هم سیندیردی قولوی

یاندیردی بابِ جنتی،دولدی عدوان قاپویا

گوردوم ویرهاور دوشوب یاخلدی قان قاپویا

 

    باغلوب آتان اللریمی--دشمن ویروب همسریمی

    گورسه دمه اونا یاروی--زهرا من آلوم قادوی

      زهرا دایان دایان

 

(اشک فقیر)

      منبع : تورکی نوحه لر - توحید قربانعلی زاده www.noohalar.blogfa.com

زهرا دیدی من جلوه ی نعیمم

 

مفاخرۀ حضرت امیرالمومنین (ع) با حضرت زهرا(س)

 

زهرا دیدی من جلوه ی نعیمم

مولا دیدی تفسیر حا و میمم

من اِهدناالصّراط مستقیمم

زهرا دیدی من آیه ی حجابم

خلقت هامی ذرّه من آفتابم

 

 

علی بیوردی حجّت اللّهم من

خانم بیوردی عصمت اللّهم من

علی بیوردی غیرت اللّهم من

جان قیدینی باشیمدن آتمیشام من

پیغمبرین یرینده یاتمیشام من

 

 

زهرا دیدی آلاّم فرشته دن باج

نور الهی دَن باشیمدا وار تاج

عرشه منیم آتام ایدوبدی معراج

شأنینده وار تکریم قاب قوسین

بنت الرّسولم افتخار کونین

 

 

مولا دیدی ایتدیم رسوله یاری

الاندا پیغمبر دلنده جاری

وار لافتی الاّ علی شعاری

انصار اُحد داغندا جار ایشتدی

لاسیف الاّ ذوالفقار ایشتدی

 

 

زهرا دیدی حقّین منم نگاری

ویردی کیمه اللّه بو افتخاری

عقدیم اولوبدی آسماندا جاری

اللّه طویومدا گوگلومی آلوبدی

یری گویی کابینمه سالوبدی

 

 

مولا بیوردی وُلد مُحصناتم

زهرا بیوردی بنت صالحاتم

مولا بیوردی کشتی نجاتم

زهرا دیدی من نیّر هُدایم

سن کشتی اولسان منده ناخدایم

 

 

مولا دیدی جمع کسایه جانم

زهرا دیدی من اوردا میزبانم

مولا دیدی مخدوم قدسیانم

زهرا دیدی مین ناز احسنیلن

اللّه سیزی تانتدیروب منیلن

 

 

ضمن مفاخره بیوردی طاها

ای گوزلریم نوری وفالی زهرا

هاردا علینون مثلی واردی آیا

هر کس سنه عرض ارادت ایلر

همین علی اونا شفاعت ایلر

 

 

زهرا دیدی هم شأن مرتضایم

منده بابا شفیعه جزایم

مولا دیدی من نفس مصطفایم

نورالعُلا مندن ایدور تجلاّ

عالی آدیم علیدی اللّه اعلا

 

 

زهرا دیدی وار منده ده مباهات

آرتیردی شأنیم کافی المهمّات

من فاطمه حق فاطرالسّماوات

مولاد دیدی قدسی منادیم من

کلّ موحّدینه هادیم من

 

 

زهرا دیدی من نور مشرقینم

مولا دیدی من فخر قبلتینم

زهرا دیدی من مادر حسینم

مولا دیدی الگوی مکتبم من

زهرا دیدی استاد زینبم من

 

 

مولا دیدی عیسایه ویرمیشم دم

زهرا دیدی مندن دم آلدی مریم

مولا دیدی ئوپدی آدیمدان آدم

زهرا دیدی آدم که توبه ایتدی

یا فاطمه دیدی قبوله یتدی

 

 

مولا دیدی مولای بی نظیرم

شخصیت مراسم غدیرم

زهرا دیدی من صاحب سریرم

ودیعه ی پیمبر امینم

سَیَدۃالنّساء عالمینم

 

 

مولا دیدی یوخ وقریمون شکستی

سندرمیشام اعراب بت پرستی

زهرا دیدی ای افتخار هستی

واردی منیمده عرشیده اَریکم

باش عرشه قُوزاسان سنه شریکم

 

 

مولا بیوردی مونه سرورم من

شهر علوم احمده درم من

زهرا دیدی قرآندا کوثرم من

مولا دیدی میداندا صفدرم من

حیدر آدیم فتّاح خیبرم من

 

 

زهرا دیدی شاه ولا سرشته

خاک قدومیمدن ئوپر فرشته

اوّل منم وارد اولان بهشته

مولا دیدی شرط ولایتم من

تنها قسیم نار و جنتّم من

 

 

سالار انبیا رسول خاتم

یوز دوتدی زهرایه بیوردی اول دم

ای سرور کلّ زنان عالم

باهمدی آیرلماز اوزوک قاشندان

دور ئوپ قیزیم عم اوغلووین باشندان

 

 

سانما علی تکدی گلوب به تفصیل

جبرائیل و میکائیل و روائیل

اسرافیل و عزئیلیه راحیل

حاضردی سکّزمین ملک بو یرده

ایلوللر حیدره کمک بو یرده

 

 

زهرا خانم بقیه النبوّت

امر رسوله ایلدی اجابت

فرق امامتدن ئوپدی او ساعت

تا ئوپدی فاطمه سر علینی

علیده ئوپدی فاطمه الینی

 

 

بو بوسه لرده واردی چوخ معما

تحلیل ایدر معنانی اهل معنا

ئوپدی نیه فرق علینی زهرا؟

یعنی بو باش نامحرمه خم اولماز

باش سینیادا شخصیّتی کم اولماز

 

 

اما اوخی تفصیلی مُجملندن

ئوپدی نیه علی بتول الندن

گویا علی بلورمیش اوّلندن

زهرانین اللری گره گشادی

مشگل گشایه یار باوفادی

 

 

گویا بلورمش کونه اود ورالاّر

اوچ یوز نفر قاپونی یاندرالاّر

همان الی قمچی له سندرالاّر

یاندی قاپی یاندی دلی علینون

اینان دیسم سیندی بئلی علینون

 

 

دوران دولاندی موسم غم اولدی

امنیّتین بساطی برهم اولدی

معناده قد مصطفی خم اولدی

گل تک حصار خاره دوشدی زهرا

بین در دیواره دوشدی زهرا

 

 

فضّه دیور گوردوم خانم یخلدی

سیندی قاپی توستی ایوه داغلدی

گویده ملک وحشت نمازی قیلدی

سسلندی فضه دوت منیم الیمدن

سوموکلریم سیندی یاپش بئلیمدن

 

 

گل فضه جان قلبون بو حاله یانسون

مرهم گتور سینم قانی دایانسون

اورت باشیمی قویما علی اوتانسون

کناره چک دورت نازلی نور عینی

تهاجمدی ایاقلالاّر حسینی

 

 

بلایه عهدیمدی بلی دیم من

بو ذکری با صوت جلی دیم من

سن گل اوتاندیم یا علی دیم من

بابام دیوب اوز ورما مرتضایه

سحر بابام مندن ایدر گلایه

 

 

علی منیم امام و سروریمدی

من پیشمرگیَم او رهبریمدی

بو آستانه قانلی سنگریمدی

ولایت اوسته ئولّم، عزّتیمدی

علی منیم شاه ولایتیمدی

 

 

آند اولسون آسمان بی عموده

قاپی دالندا خُرد اولان وجوده

یارالی سینه صورت کبوده

آلاّم جانا آلام بی شماری

من قویمارام سینسون علی وقاری

 کلامی

        منبع : تورکی نوحه لر - توحید قربانعلی زاده www.noohalar.blogfa.com

 

درگه والاده ثانی عصمت کبرانی ووردی

حالات حضرت زهرا(س)

 

درگه والاده ثانی عصمت کبرانی ووردی

پنجه ی ظلم و تعدی چهرهٔ تقوانی ووردی

 

بضعةٌ منّی دئمیشدی حضرت طاها بتوله

پاره ی قلبیدی یعنی فاطمه ختم رسوله

اول جنایتکه گتوردی ثانی ظالم وصوله

بو مسلمدورکه‌زهرادن قاباق طاهانی ووردی

 

 

آتش نمرود ثانی اولدی بهت آور خلیله

غصه تأثیر ائتدی طاووس ملائک جبرئیله

درب و دیوارون فشاری قیلدی زهرانی علیله

رعد ماتم شاخدی برگ شاخهٔ طوبانی ووردی

 

 

دست بیداد و شقاوت زینت جناتی یخدی

بار غم ناموس حی و قاضی الحاجاتی یخدی

تپراقا نامرد عالم جدّه ی ساداتی یخدی

آفت محنت بهار گلشن عرفانی ووردی

 

 

رسم عالمدور هر ائوده حامله اولسا بیر عورت

صاحبی سیر و سلوکینده ائدر مبذول دقت

یاعلی المرتضی بیلمم نه چکدون بس او ساعت

تازیانه آچدی قنفذ خیرة النسوانی ووردی

 

 

نقش اولوب تپراقلار اوسته فاطمه دلخسته قالدی

شهپری سیندی همای عصمتون بشکسته قالدی

سولدی طاهانون گل نو غنچه سی سربسته قالدی

هم گلی هم غنچه نی باد مخالف آنی ووردی

 

 

چشم لعیادن عذاره اشک پر سوزان توکولدی

جعبه ی ناموس عالمدن یره مرجان توکولدی

میخ آهن کچدی زهرا سینه سیندن قان توکولدی

طاق عرشه هاتف غیبی عزا اعلانی ووردی

 

 

بی مروت ثانی ائتدی نقشه ی ظلمی پیاده

سقط اولوب محسن یخلدی فاطمه قالدی آراده

درک ائدوب جریانی فضه سسلدی مولانی داده

یاعلی ثانی پیمبر تاپشوران زهرانی ووردی

 

 

شیر یزدان چخدی منزلدن دوشوب صحن سرایه

گوردی رکن منزلین یرده بوکوب فوراً عبایه

واردی حقون سسلدی مندن اگر ائتسون گلایه

من اولان یرده سنی گلدی ائوونده ثانی ووردی

 

 

زاده ی خطّابه اولدی حمله ور شیر الهی

فی المثل سیل خروشان قوزادی غیظیله کاهی

چشم ناحق بین ثانی عالمی گوردی سیاهی

مرتضی فوراً یره اول مرد بی ایمانی ووردی

 

 

قیلدی فرمایش هاچاندان سن بئله قدرت تاپوبسان

نقشه ی دیرینوون اجراسینه فرصت تاپوبسان

غزوه لرده گیزلنن نامردیدون جرأت تاپوبسان

بو فسادون بی خبرسن بیربیره دنیانی ووردی

 

 

من همان کرّار دشمن سن همان فرار دعوا

اللریم خیبر یخان اللردی بازولر توانا

دوشمیوب اصلا کسردن ذوالفقاریم تیز و برّا

گردن گردنکشان لشگر عدوانی ووردی

 

 

مصلحت واردی گتوردوم من بو اجحافون دوامین

یوخسا زهرانون همین ساعت آلاردیم انتقامین

ثانی جان تاپدی علینون درک ائدوب فکر و مرامین

تازه دن دوردی ایاقه بانگ نافرمانی ووردی

 

 

مسجده تا ایستدی جبراً آپارسون بوترابی

ضعف ائدن زهرا ایاقه دوردی دلده پیچ و تابی

قیلدی فرمایش لگدکوب ایلدوز شرم و حجابی

بابِ بابُ اللهه ظلموز آتش سوزانی ووردی

 

 

ترک ائدون صحن سرانی حضرت طاهایه خاطر

ال چکون مظلوم عم اوغلومدان حق یکتایه خاطر

قزلارین اوغلانلارین آغلاتمیون زهرایه خاطر

کیم حسینی آغلادا پیغمبر سبحانی ووردی

 

 

پیشوادور مسلمینه حقّینی الدن آلوبسوز

دین قالوب یرده خلافت فکرینه تنها قالوبسوز

وار نه تقصیری نه علت بوینونا شالین سالوبسوز

مرتضایه کیم تعدی ایلیه قرآنی ووردی

 

 

سامری سیرت سوز هاموز گلموسوز ظلمیله طوره

ظلمت ایستور ای عجب غالب اولا بو ائوده نوره

تا نفس وار منده امکان یوخ سیزه اعمال زوره

بیربیره بو هتک حرمت عالم امکانی ووردی

 

 

گوردی ثانی فاطمه چخمور ره مهر و وفادن

دامنین محکم دوتوب ال چکمیور شیرخدادن

قنفذه ائتدی اشاره کثرت ظلم و جفادن

قمچی سین آچدی او ظالم مفخر لعیانی ووردی

 

 

تازیانه قوللاریندان دگدی زهرانون کراری

ال چکوب شیر خدادن گتدی الدن اختیاری

ضعف ائدوب دورماقه بیرده اولمادی تاب و قراری

زینبون آهی هواده خیمه ی ظلمانی ووردی

 

 

زینب آدین یازدی خامه گئچمرم زینب سوزوندن

ایلورم دعوت منای عشقه زهرانون ئوزوندن

اود توکور شمرون قلنجی اشک آخور زینب گوزوندن

شمر ظالمده ال آچدی زینب علیانی ووردی

 

 

عمه وون یابن الحسن افغان سسی عرشه دایاندی

خنجر شمره ال آتدی اللری قانه بویاندی

تازیانه دگدی یخدی حالینه بیگانه یاندی

زلفینه قاندان نشان سرخ جاویدانی ووردی

 مرحوم انور اردبیلی

      منبع : تورکی نوحه لر - توحید قربانعلی زاده www.noohalar.blogfa.com

 

آدیوا هاردا قورولسا آناجان بزم عزا

در مصیبت حضرت زهرا سلام الله علیها

گریز به حضرت رقیه سلام الله علیها

 

آدیوا هاردا قورولسا  آناجان  بزم عزا

گلرم منده همان مجلسه اگنمده قرا

قوشولوب تعزیه داره  ایدرم  آه و نوا

آغلیان شیعه لریله سنه دیل داغلیارام

گوزومون یاشی قوتارسا ننه قان آغلیارام

 

 

الی قوینوندا مجالسده دولانام آناجان

مجلسنده قاپی آغزیندا دایانام آناجان

یاری یانمش قاپیدان آد گله یانام آناجان

دیرم قلبنی غم تیری بولن وای ننه وای

ظلم بی حدیله اللرده ئولن وای ننه وای

 

 

هی دوشر یادیمه هردم در و دیوارغمی

اینجیدر قلبمی ظالملرین آزار غمی

هر ندن چوخ اثر ایلر منه مسمار غمی

غسلده حیدر آتام بو غمه یاندی آناجان

آدوی سسلدی دیواره دایاندی آناجان

 

 

کوچه و سیلی سوزی تز سالار آلامه منی

دائما آغلادار اول پاره لنن نامه منی

گینه سیلی غمی آخر آپارار شامه منی

در ویرانه ده دورام یانارام چوخ بو غمه

هم رقیه حالنا آغلیارام هم ننه مه

 

 

اودا زهرا کیمی دنیانی گلوب باشدان آتوب

بالاجا قبرین ایچینده ایاقی یاره یاتوب

آناسندان او سه ساله بالیا ارث چاتوب

چون اونوندایوزونه زجرویروبدورسیلی

صورتی ضربه ی سیلی دن اولوبدور نیلی

 

 

بو آنیل ابالانون نسگلی چون باهمدی

قلبمی قان ایلین غمده ایله بوغمدی

بونا خاطردی که دائم بو گوزوم پرنمدی

شیعه لر آگه اولون قدیمی بو غملر اگوب

اونادا سیلی دگوبدور بونادا سیلی دگوب

 فرهنگی

       منبع : تورکی نوحه لر - توحید قربانعلی زاده www.noohalar.blogfa.com

آچ گوزلرون باخ بیر منه فرزانه زهرا

زبانحال حضرت علی (ع)

 

آچ گوزلرون باخ بیر منه فرزانه زهرا

سن شمعسن منده سنه پروانه زهرا

واگیر :

سولموش بهاریم

غملی نگاریم

مظلومه زهرا (2)

 

یاندون نه تئز پروانه تک عشقین اودوندا

دوشدون بلا دامانینه جانان یولوندا

آثار ظلمِ دشمنی گوردوم قولوندا

ناله م اوجالدی ارضیدن کیوانه زهرا

 

 

دنیا فراقوندا منه زندان اولوبدور

غملر بو یورقون سینه ده مهمان اولوبدور

فتّاحِ خیبر گور نجه نالان اولوبدور

تاب ایلمور غملی اؤرک هجرانه زهرا

 

 

سنسیز نه خیری عمریمون یوخدور صفاسی

گلسون بو جانه جانیوون درد و بلاسی

یاندیردی یانمیش قلبیمی سینون یاراسی

عادت ائدوبدور بوتراب افغانه زهرا

 

 

ای صانعین صُنعِ جهان آراسی صبر ائت

ای حیدرین بازوسینون یاراسی صبر ائت

حجب و حیا معناسینون داراسی صبر ائت

دیندیر منی اولما منه بیگانه زهرا

 

 

بیرده منیم گوز یاشیمی سیل گوزلریمدن

یاندی مدینه بو یانیقلی سوزلریمدن

غمگین اولوبدور هر گئجه م گوندوزلریمدن

یانماز چراغ ائو بنزیور زندانه زهرا

«حاج داود بیدق داری»

      منبع : تورکی نوحه لر - توحید قربانعلی زاده www.noohalar.blogfa.com

آپارمیون عم اوغلومی گَلنمورم یارالیم

 

️زبانحال حضرت زهرا به منافقین هنگاه به بیعت بردن امیر مومنان علی (ع) از آقای خسروشاهی

 

آپارمیون عم اوغلومی گَلنمورم یارالیم

آچون عم اوغلومون قولین گورنمیرم وفالیم

 

ولایت عشقی دولدوروب بو تار و پود جانیمی

بو نیّتیله گون چخار که اوپسون آستانیمی

قانیله میخ در یازوب علملره نشانیمی

جوان لیقیمدا حیف اولا که قامتی هلالیم

***********

همای باغ جنّتم بهشتیده اوچام گرک

حسین حسن اَلین دوتوب بو شهریدن قاچام گرک

شکسته دل عم اوغلومون بو قولّارین آچام گرک

که منده حلّ مشکله عم اوغلومون مثالیم

**********

او کس که یاعلی دیوب جهاد ایده سعید اولوب

شه ولا یولون گیدن همیشه روسفید اولوب

قاپوم یاناندا ظلمیله منیم بالام شهید اولوب

شهید آناسیم اوزوم دیمون که دست خالیم

************

علی قضاوت ایتمه سه خلل یتر عدالته

بیر عدّه نصب ایدر اوزین بو کُرسی خلافته

محسنیمون شکایتین ساخلاموشام قیامته

ظلمه باش اگمینلرین حشریده عرض حالیم

*************

آتام یرینده اگلشه یوخ اوزگنون لیاقتی

رسالتی تانیتدوروب عم اوغلومون امامتی

عبادته صفا ویرر فقط علی ولایتی

بیله امام و رهبرین جهاندا من عیالیم

*************

قسم رسول اکرمه وفا یولین ایتورمرم

بو دامن ولایتی اُلونجه من اوتورمرم

قولوم سینا، بالام اُله، علیدن اَل گوتورمرم

اوزوم اگرچه ناخوشام بو گون باشی بلالیم

************

ریاست اوسته تولانوب مسیر حقده قالمادوز

قیامتیله قبر ایوین بو گون خیاله سالمادوز

ندن سلام ویرمه دوز، علی سلامین آلمادوز

بو باره ده خدا بُلور اورک یانور نوالیم

************

مخالف ولایته قوشولمارام قاریشمارام

علی کوسنلریله من کوسولموشم باریشمارام

جهاندا بی حجابیله اُلم قالام دانیشمارام

ایویم سرای وحی دور حمیده ام حیالیم

*********

حقیقتی بوراخمیون جحیم اوتوندا یانمیون

سِلاحه سیز دایانمیون، خلیفه دن اوتانمیون

فدک منیمدی دانمیون، ثانی سوزین اینانمیون

من عزّت امامتم، رسالتین مدالیم

**********

بو مطلعی ویروبدی بیر صفالی نوحه خوان منه

ولی کیمون کلامیدی تانیش دگل یازان منه

هزار شکر لطف ایدور همیشه دوستان منه

بو یار و یولداش اولماسا حبیب لا اُبالیم

*********

      منبع : تورکی نوحه لر - توحید قربانعلی زاده www.noohalar.blogfa.com

اون سگّیز ایل عمر ایلیوب

زبانحال حضرت زینب (س) در عزای مادر

 

اون سگّیز ایل عمر ایلیوب

                    محنت چکن زهرا

قبره یارالی پیکری

                    گیزلین گئدن زهرا

 

لایلای ننم لایلای (2)

 

ای قامت پاکیزه سی ایمانه استوره

وی شأن کوثردن گلن قرآنچون سوره

دوشدون عجب دامِ غمِ شیخینِ منفوره

بلبل کیمی یوردی سنی زاغ و زغن زهرا

لایلای ننم لایلای

 

عمر ایلیوب گون گورمدون بو دهر فانیدن

گول تک گوگردی صورتون چنگال ثانیدن

جانه دویوب قان آغلادون بیداد جانیدن

غملی دیلون رام اولمادی غم غصّه دن زهرا

لایلای ننم لایلای

 

سینونده مدفون ائتدیگون آمالیوه یانّام

یاده سالوب هر دم سنون اقبالیوه یانّام

دست خطاده محو اولان اجلالیوه یانّام

بیچدی سنه دست اجل چوخ تئز کفن زهرا

لایلای ننم لایلای

 

 

ائتدون دفاع ئوز همسر والا تباریندن

گون گورمدون آز عمریده خوش روزگاروندن

کشف ائتمدون راز محن نیلی عذاروندن

سیلی یرین حجب و حیادن گیزلدن زهرا

لایلای ننم لایلای

 

غملر اریتدی جسمیوی محنت گران اولدی

ظلمون یلی طوفان سالوب عمرون خزان اولدی

دُؤشده صودون مسماریلن بیر پارچا قان اولدی

دؤزدون نجه بو ظلم بی پایانه سن زهرا

لایلای ننم لایلای

 

افراد کین ئوز ظلمینون سر حدّینه چخدی

چنگال جبرینده پریشان قلبیوی سخدی

سالدی سنی قنفذ اودا زینب ائوین یخدی

فریادیوه بحرانیده اولموب گلن زهرا

لایلای ننم لایلای

 

دیوار و در یخدی سنی سندردی چون گوهر

باخدی او حالتده سنه کام آلدی کافرلر

حکمت ندور دیلَّنمدی آیا آتام حیدر

بو سرّه واقفدور خدایِ ذوالمنن زهرا

لایلای ننم لایلای

 

محنتله آیدین گوندوزون لیل سیاه اولدی

سن قانه باتدون زینبون امراری آه اولدی

جبریل اؤپن یر محسنه آرامگاه اولدی

چوخ نسگل اولدی بو مصیبت هر ندن زهرا

لایلای ننم لایلای

 

تحسین ائده عالم گرک حیدر آتام صبرین

دؤزدی سنون تک همسرون توش اولدوقی جبرین

بیلمم ولی علت ندور گیزلین ائدوب قبرین

پوزقون مزاری ظلم الیندن گیزلنن زهرا

لایلای ننم لایلای

 

زینب قیزون قان ایلیوب هجرونده گوز یاشین

بش سنّیدن سالدی قضا محنتلره باشین

زلفیمله سیلَّم هر گلنده قبریوون داشین

تئز تئز اؤپوب وای سویلرم ناکام ئولن زهرا

لایلای ننم لایلای

 

سیفی اردبیلی

 

      منبع : تورکی نوحه لر - توحید قربانعلی زاده www.noohalar.blogfa.com

اوچ گوندی زهرا جان ویروبدور حیدر آغلار

روز سوم شهادت حضرت زهرا (س)

 

اوچ گوندی زهرا جان ویروبدور حیدر آغلار

باشین آچوب جناتیده پیغمبر آغلار

 

واگیر:

دفن اولدی گیزلین

ماه مدینه

یاسین دوتوبدور

شاه مدینه

 

 

اوچ گوندی زینب باشینه شانه ووران یوخ

آغلور حسینیله حسن دیل یاندیران یوخ

دلبند طاهایه عزا بزمی قوران یوخ

زینب دینده جان ولی داور آغلار

 

 

اوچ گوندی زهرانون سسی گلمور مدینه

بزم عزایه بیر کسی گلمور مدینه

اوغلانلاری بیر لحظه دینجلمور مدینه

هارون اوخور نوحه شُبیر و شَبَّر آغلار

 

 

اوچ گوندی زهرا تک قویوبدور مرتضانی

جریان کوچه یاندیرور شیرخدانی

دیلَّندیرور هردم امام مجتبانی

سیلی سوزون آلجاق امام مضطر آغلار

 

 

اوچ گوندی زهرا جدینه مهمان گیدوبدی

گوندز اولوب قبره گیجه پنهان گیدوبدی

زینب اوقدری آغلیوب حالدان گیدوبدی

سلمان و مقداد و ابوذر یکسر آغلار

 

 

اوچ گوندی گلزار علی پرپر اولوبدی

قرآن ناطق بی کس و یاور اولوبدی

غرق مصیبت ساقی کوثر اولوبدی

اولاد هاشم باشدا قاره معجر آغلار

 

 

اوچ گوندی یثرب آسمانون غم دوتوبدی

یرده علی گویده نبی ماتم دوتوبدی

باشه ملائک لر قرا پرچم دوتوبدی

زمزم گلوبدور جوشه حوض کوثر آغلار

 

 

اوچ گوندی طاق عرشه قاره باغلیوبلار

جناتیان بو غمده سینه داغلیوبلار

پیغمبرون دلبندینه یاس ساخلیوبلار

یوز یرمی دورد مین برگزیده رهبر آغلار

 

مرتضی اسکندری(ساعد  زنجانی)

       منبع : تورکی نوحه لر - توحید قربانعلی زاده www.noohalar.blogfa.com