ئوزوم گوردوم قاپیم یاندی تماشایه گلن دوردی

‍ ئوزوم گوردوم...

زبانحال حضرت امیرالمومنین علیه السلام

ئوزوم گوردوم قاپیم یاندی تماشایه گلن دوردی
ئوزوم گوردوم که زهرانی او نامرد زَمَن ووردی

ئوزوم گوردوم اشاریله دیوردی قنفذا ثانی
دایانما ویر ایاقدان سال ئورگی داغلی زهرانی

ئوزوم گوردوم نه نوعیله یره زهرا یخلمیشدی
ئوزوم گوردوم که دیواره نه قدری قان یاخلمیشدی

ئوزوم گوردوم بالام محسن دوشوب یرده چخور جانی
نه زهرا گوردی ئوز اوغلون نه محسن گوردی زهرانی

ئوزوم گوردوم عُمَر آلدی الینه بیر یانق هیزم
منیم باغلیدی قوللاریم او ووردی من باخوب دوردوم

ئوزوم گوردوم حسینون گوزلری گریان دایانمیشدی
ئوزوم گوردوم که مسمارین اوجوندا قان دایانمیشدی

ئوزوم گوردوم قاچور زینب دیور وای بی کمک قالدیم
گلون آی قونشولار ئولدی ننم اللرده تک قالدیم

ئوزوم گوردوم حسن آغلور دیور الله ننم ئولدی
کیچیکدور سنّیم حیف اولسون بو غصّه قلبیمی بُولدی

ئوزوم گوردوم قیزیم کلثوم ائله رنگی سارالمیشدی
ایتیرمیشدی ئوزون گویا بالام آواره قالمیشدی

☑️ زبانحال حضرت امام حسن علیه السلام

رضا ماه پری زنجانی

ئوزوم گوردوم آنام زهرا سولوب گل تک سارالمیشدی
ایشقلی صورتین گوردوم که بیر سمتی قارالمیشدی

ئوزوم گوردوم آنام زهرا قالوب تک سینه داغلیردی
حیاسیندن یانایانه یواشجا سسیز آغلیردی

ئوزوم گوردوم آنام زهرا ائدوردی تکیه دیواره
ئوزوم گوردوم قولاقیندن یره دوشموشدی گوشواره

ئوزوم گوردوم آنام زهرا نه حالیله یخلمیشدی
قنادسیز قوش کیمی گوردوم که دیواره سخلمیشدی

دین اولمادی ای ظالم قباله ملکنی جیرما
پیمبردن امانتدور الین سینسین اونی ویرما
#ئوزوم_گوردوم
#فاطمیه

فایل صوتی👇👇👇
🆔@turki_noohalar

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar

عموغلی چوخ گول سارالار

[Forwarded from تورکی نوحه لر (Tohid_gh)]
✔️عموغلی چوخ گول سارالار...

عموغلی چوخ گول سارالار
آغلاما خداحافظ
بو سن بو ائو بو بالالار
آغلاما خداحافظ

بو ائوده هر درد و غمه
سنده یانموسان منده
یاتانمادیم چوخ گجه لر
سنده آغلادین منده
خیال ایله بیر گولودوق
سنده سولموسان منده
چمنده چوخ گول سارالار
آغلاما خداحافظ

عم اوغلی یانّام بو غمه
اولدی درگهون مقتل
بو نسگلون بسدی منه
فضّیه دئدیم تئز گل
منیم غمیم بسدی سنه
قوی گئدیم بیر آز دینجل
بو سن بو ائو بو بالالار
آغلاما خداحافظ

سنون بیله آغلاماقون
قلبیمی ائله داغلور
سنه باخور گول بالالار
گوز یاشون یوزه باغلور
گوزون یاشون توکمه بیله
آغلاما حسین آغلور
او آغلاسا دل یارالار
آغلاما خداحافظ

حسن بیلور کوچه غمون
قویمادیم دیله سالسون
او کوچه ده اولدی نلر
روز محشره قالسون
گرک گله مهدی بالام
انتقامیمی آلسون
گله حسین قانین آلا
آغلاما خداحافظ

اگر چه آز عمروم اولور
نسگلیم منیم چوخدی
ئورکده هر درد و غمیم
قلبیوی دَلَن اوخدی
ئوزون منی قبره آپار
قارداشیم منیم یوخدی
بو سن بو ائو بو بالالار
آغلاما خداحافظ

او ناگران گوزلرووه
گوزلریم فدا اولسون
من آغلورام آغلاما سن
قویما گوزلرون دولسون
بالالاریم نازینی چک
قویما گوللریم سولسون
تک ائوده قومیا قالالار
آغلاما خداحافظ

گجیله وئر غسل منه
دفن ائله گجه یاری
مزاریمی ایتگین ائله
ای بلا گرفتاری
مزاره قوی تئز گئت ایوه
قویما تک بالالاری
یولووی گوزلر بالالار
آغلاما خداحافظ

حسینیله زینبیمون
غصه قلبینی داغلار
حسینیم اللرده ئولر
زینبیم باخار آغلار
وئرنده جان گوزلرینی
کیم حسینیمین باغلار

#عموغلی_چوخ_گول_سارالار
#فاطمیه

فایل صوتی👇👇👇
🆔@turki_noohalar

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar

عمواوغلی دل نار غمه داغلاما سنه قربان

زبانحال حضرت زهرا سلام الله علیها

عمواوغلی دل نار غمه داغلاما سنه قربان

سن آغلوسان من دوزنمیرم آغلاما سنه قربان

هامی جوان وقتینی سویرگرچه زندگانلخدا

زبس من غصه گورموشم دویموشام جوانلقدان

اگر من ئولسم عذاریوه سیل اشکیوی آشما

فراقیمه صبر ایله دایان قلبه تیر غم ساشما

حسن یانندا عمواوغلی جان کوچه صحبتین آشما

چخا علی بلکه کوچنین درد ومحنتی یادان

نقدری من ئولمه میشم وار رمق هله تنده

اجازه ویر عرض ایدیم علی منده عهد ایدیم سنده

امیرالمومنین الین آلدی الینه دیدی عمواوغلی گرک عهد باغلیاخ،زهراسوزون نمنه دی

حسین دوشنده چوخور یره سنده گل علی منده

گلنده بیر کاسه سو گتیر

#عموغلی_دل_نار_غمه
#فاطمیه

فایل صوتی👇👇👇
🆔@turki_noohalar

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar

الهی دفن ایدیم نجه اوز اللریمله یاریمی

‍ ‍ زبانحال حضرت علی در شهادت حضرت زهرا علیهم السلام

الهی دفن ایدیم نجه اوز اللریمله یاریمی
مزاره تاپشورام گرگ گجیله من نگاریمی

بو درده یوخدور الیمده چاره
قویوم نه نوعی یوزون مزاره

جنازه سین گتورمیشم گجیله گورمسون بیری
نهان قالا بو شهریده همیشه قبرینون یری
عجبدی ئولمیوب قالوب بو غمده مرتضی دیری
نهان ایدیم گیدیم نجه بو در شاهواریمی

ئولونجه یانام آغلارام نه غملی ماجراسی وار
جفای روزگاریدن اورگده چوخ یاراسی وار
قویوم نه نوعی تپراقا ایوینده دورت بالاسی وار
تیکوبله گوزلرین یولا چکوله انتظاریمی

تمام اولوبدی دوقوز ایل قوتاردی عمرموز بجه
قویوم بو چولده یاریمی دوروم گیدیم ایوه نجه
گل ای اجل هایانداسان قوتار علینی بو گیجه
ئولیدیم ایندی کاش منیم قازیدیلار مزاریمی

ویرن زماندا غسلونی ایدوبدی مه عیان یوزون
او قدری با حیائیدی ایدردی تز نهان یوزون
ئولنجه ویرمدی منه او با وفا نشان یوزون
آلوبدی قلب زاریدن بو نسگلی قراریمی

قویاندا قبره جسمینی او عرصه گاهیلر یلی
عیان اولوبدی قبریدن پیمبرون ایکی الی
ندا گلوبدی صبر ایله دایان عم اوغلی یا علی
بو نوعی ویرمدیم سنه جهاندا یادگاریمی

گوزتله چوخ دیدیم سنه آناسی یوخ بلالیدی
گوزینده قانلی لکه وار ندن شکسته بالیدی
قابیرقالاری ظلمیلن سینوب نیه یارالیدی
سولوب گتورموسن علی گجیله گل عذاریمی
✍️فرهاد فکری اردبیلی

‍#الهی_دفن_ائدوم_نجه
#فکری
#فاطمیه

فایل صوتی👇👇👇
🆔@turki_noohalar

 

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar

یاروی گوردوم الیم بوینومدا قالدی فاطمه

‍ یاروی گوردوم الیم بوینومدا قالدی فاطمه
آچ گوزون باخ گور نجه حیدر قوجالدی فاطمه
بوترابی عیبی یوخ تیره ترابه ساتموسان
یات گجه لر یاخمیام زهرا نه راحت یاتموسان

(یارالی زهرا گت سنی تاپشیردوم آلها)

بیلمورم بو مدتی بویاریه دوزدون نجه
سن حسینه الده بیر کوینک توخوردون هر گجه
بیلمدوم زهرا چاره ایدردیم یاروه
چوخ اورکلندیم اوتاندیم باخماقا رخساروه

(یارالی زهرا گت سنی تاپشیردیم آلها)

قاخمیوردی بیر الون روشندی بو مطلب منه
کاش دیوردی سینوندا یارسین زینب منه
ایلیوب الان قرانلوقدا حسینون سینه چاک
عاجزم نیلیم اوشاقلارون ئوزین ایلور هلاک
غسلیدن اَل ساخلارام فکر اتمه حیدر دینجلور
من یودوخجا ایندی مسمارین یرینن قان گلور
گوزلریمدن قان سوزور سینده کی یاره کیمی
فاطمه آواریم طفلان آوارن کیمی

(یارالی زهرا گت سنی تاپشیردیم آلها)

من نه حاله قالمیشام گویا فقط زینب بیلور
قالخزور خیردا الین گوز یاشیمی یوزدن سیلور
وار قاباخدا آگهم نه ماجراسی زینبین
بیرده باشیدن آچیلماز باش قراسی زینبین
بو فلک قویماز قیزیم عمرینده لحظه دینجله
قوی سنه غسل ایلیم زینبده اورگنسون هله
بیر گونی زینب دوشر شامه وطندن دور اولار
اوچ یاشیندا بیر قیزا غسل ایتمگه مجبور اولار

#یاروی_گوردوم_الیم_بوینومدا_قالدی
#فاطمیه
 فایل صوتی👇👇👇
🆔@turki_noohalar

 

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar

روی لب ها نور و قدر و کوثر و طاها

متن نوحه الحمدلله که نوکرتم مهدی رسولی

روی لب ها نور و قدر و کوثر و طاها
ذکر نورانی عاشق ها تسبیحات حضرت زهرا
الله اکبر این همه جلال الله اکبر این همه شکوه
الله اکبر در راه علی فاطمه ایستاده مثل یه کوه
صلی الله علیک یا فاطمه صلی الله علیک یا فاطمه
صلی الله علیک یا فاطمه صلی الله علیک یا فاطمه
روی لب ها نور و قدر و کوثر و طاها
ذکر نورانی عاشق ها تسبیحات حضرت زهرا
الله اکبر این همه جلال الله اکبر این همه شکوه
الله اکبر در راه علی فاطمه ایستاده مثل یه کوه

میدونم که راز شهادته این اشکا
رنگ خدا میگیرم من با تسبیحات‌حضرت زهرا
الحمدلله که نوکرتم الحمدلله که مادرمی
الحمدلله که از بچگیام مادر سایه روی سرمی
صلی الله علیک یا فاطمه صلی الله علیک یا فاطمه
صلی الله علیک یا فاطمه صلی الله علیک یا فاطمه
از غصه ها چشم عاشقا شده دریا
روضه ی بعد نماز ما تسبیحات حضرت زهرا
سبحان الله باغ بهشت و دود سبحان الله از لحظه ی ورود
سبحان الله پیش چشم علی آیه های کوثر شده کبود
صلی الله علیک یا فاطمه صلی الله علیک یا فاطمه
صلی الله علیک یا فاطمه صلی الله علیک یا فاطمه

#روی_لبها
#فاطمیه
#فارسی

فایل صوتی👇👇👇
🆔@Turki_noohalar

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar

گل عموغلی ائتمه افغان

گل عموغلی ائتمه افغان
گل باشیمن اوسته اگلش اوخو قرآن
گل یولا سال خسته یارون
عالم وصلت قوتاردی گلدی هجران

بو حسین بو سن بو زینب
من خداحافظ عموغلی
بو حسن بو قان اولان لب
من خداحافظ عموغلی
جان عموغلی جان عموغلی
من سنه قربان عموغلی
توکمه اشکین یانه یانه
اشکیوه قربان اولا بو خسته جانیم

ای وئرن زینت جنانه
ای منیم جسمیمده روحیم
جسمه جانیم

آغلاما ای جان عالم
جان اونا قربان دی عالم
قورخورام سن آغلیاندا
آغلیا بو کل عالم

بو حسین بو سن بو زینب
من خداحافظ عموغلی
بو حسن بو قان اولان لب
من خداحافظ عموغلی

من بو ائوده دوقوز ایل دع
گول دن آرتیخ گورمدیم سندن عموغلی
ایش بئله گلدی گئدم من
بو گئدیش دن اینجمه مندن عموغلی
آغلییب چوخ پوزما حالون
عالمین پوزما نظامین
آغلیسان آغلیر ملک لر
جان عموغلی جان عموغلی

بو حسین بو سن بو زینب
من خداحافظ عموغلی
بو حسن بو قان اولان لب
من خداحافظ عموغلی

#گل_عموغلی_ائتمه_افغان
#فاطمیه
فایل صوتی👇👇👇

🆔@turki_noohalar

 

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar

سسیمه یوخدی سس ویرن دانیش منیله فاطمه

‍ سسیمه یوخدی سس ویرن دانیش منیله فاطمه

هارا گیدیم گئجیله من دانیش منیله فاطمه

 

وطن غریبی اولموشام یتیبدی غم نهایته

زمانه دن داریخمیشام اورک یانور بو محنته

بیری قاپومی آچمیور گله منلیه صحبته

ایویمه یوخ گلیب گیدن دانیش منیله فاطمه

اوزاقلادیب بیله منه وطنده آشنا اوزون

گوزوم گزور بیرین گورم دیئم اونا اورک سوزون

منی گورنده دوندرور بو شهریده هامی یوزون

بو غم چتیندی هر ندن دانیش منیله فاطمه

نه وعده لر حریص ایدوب بوامتی زمانیه

اوشاق بویوک بو شهریده کمک دوروبدی ثانیه

گوزوم دوشنده هر زمان او قانلی آستانیه

اورک یانور اسور بدن دانیش منیله فاطمه

کیم اولسا یاسلی رسمیدور گلوله دیده قونشولار

ویروله تسلیت اونا بیرآزجا قلبی رام اولار

دوشنده یاده نسگیلون اورک ملالیلن دولار

یاسیوا اولمادی گلن دانیش منیله فاطمه

بو چرخ کج روش دوروب مسیر جور و کینه ده

سالوبدی نقشه دست غم ستمله لوح سینه ده

قباقه ایش چیخوب بیله تانینمورام مدینه ده

وطن غریبی اولموشام دانیش منیله فاطمه

گونوزلر اوخشیور ایویم خزان کشیده گلشنه

اودور گونون باتان چاقی گلور بیر اوزگه غم منه

قرانلیق ایوده صبحه جک گئجه لر آغلارام سنه

گلیلیئم خزانیدن دانیش منیله فاطمه

شاعر(مرحوم معنوی اردبیلی)
مداح حاج سلیم موذن زاده

#لعن_الله_قاتلیک_یا_فاطمة_الزهرا

#دانیش_منیله_فاطمه
#معنوی
#فاطمیه

فایل صوتی👇👇👇
🆔@turki_noohalar

 

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar

گونی قاره زینبم من

السلام علیک یا فاطمه الزهرا (س)
زبانحال زینب کبری(س) در تشییع مادر

گونی قاره زینبم من
آنام ایوای آنام ایوای
زینبون دویمادی سندن
آنام ایوای آنام ایوای

اِئووندن
نصف شب هارا گدیرسن
سینه ده یارا گدیرسن

 

نچه آیدی اویمیزدن
اوجالور ناله صداسی
سنی آغلاداردی دائم
باشیوون دردوبلاسی
وای منه ساغالمیوبدی
قانلی سینوین یاراسی

اِئووندن
نصف شب هارا گدیرسن
سینه ده یارا گدیرسن

 

کیم گوروبدی بیر جوانین
قدّی سن کیمی بوکولسون
نیلمیشدون قاپیمیزا
نچه بی حیا توکولسون
سینوی میخ در اُؤیسون
زینبین قلبی سوکولسون

اِئووندن
نصف شب هارا گدیرسن
سینه ده یارا گدیرسن

 

آناجان جوانلیقیندا
رخت وصلی نیه سویدون
منی بو اوشاخلیقیمدا
سن اوزون یرونده قویدون
سنی درد و غصه یوردی
نیه مندن بئله دویدون

اِئووندن
نصف شب هارا گدیرسن
سینه ده یارا گدیرسن

 

بو گئجه قال آنا ایوده
سینه سین داغلیه زینب
صبحه تک سنه دویونجا
سس چکه آغلیه زینب
او دوزلمیین یاراوی
تازه دن باغلییه زینب

اِئووندن
نصف شب هارا گدیرسن
سینه ده یارا گدیرسن

 

ای پرستوی مدینه
دوشموسن دام بلایه
قوزانار ناله ی زینب
آناجان عرش علایه
ایاقونان اوپورم من
گله سن کربوبلایه

اِئووندن
نصف شب هارا گدیرسن
سینه ده یارا گدیرسن

 

رسم عالمدی آنایه
سویلییر دردینی هر قیز
محنت و غم لر الینده
قالدی زینب ولی یالقیز
(بیکَس) اولسا غم و دردین
کیمه سویله سین یتیم قیز

اِئووندن
نصف شب هارا گدیرسن
سینه ده یارا گدیرسن

✍️کربلایی مهدی عبادی (بیکس)

#گونی_قاره_زینبم_من
#فاطمیه
#بیکس
فایل صوتی👇👇👇
🆔@turki_noohalar

 

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar

قــــاپــــے جــــریــــانــــیــــنــــے قــــوے قــــالــــســــون آچــــوم یول فــــدڪــه

_______﷽__________

قــــاپــــے جــــریــــانــــیــــنــــے قــــوے قــــالــــســــون آچــــوم یول فــــدڪــه

فــــدڪ اوســــتــــونــــده گــــوروب فــــاطــــمــــه ســــیــــمــــاســــے لــــڪــه

انــــور ایــــســــتــــور بــــومــــصــــیــــبــــاتــــے گــــوزل نــــظــــمــــه چــــڪــه

مــــنــــده بــــیــــر شــــمــــعــــه دیــــوم تــــا گــــلــــه مــــنــــظــــوریــــم الــــه

فــــاطــــمــــه مــــدرڪــیــــن آلــــمــــوشــــدے ایــــدیــــردے عــــجــــلــــه

مــــالــــڪ مــــلــــڪ فــــدڪ مــــنــــزلــــه ایــــســــتــــوردے گــــلــــه

تــــئز چــــاتــــا مــــقــــصــــده تــــئز تــــئز گــــوتــــوروردے ایــــاقــــیــــنــــ

ثــــانــــے غــــیــــضــــیــــلــــه چــــخــــوب ڪــوچــــه ده ڪــســــدے قــــابــــاقــــیــــنــــ

دیــــدے زهرا نــــه ســــبــــبــــدن بــــلــــه شــــادان گــــلــــوســــنــــ

قــــدمــــیــــن تــــئز تــــئز آتــــوســــان نــــه شــــتــــابــــان گــــلــــوســــنــــ

الــــده گــــیــــزلــــتــــمــــه نــــشــــان ویــــر نــــدے هاردان گــــلــــوســــنــــ

شــــادلــــقــــون گــــورســــدور آثــــار اصــــول لــــلــــه دیــــ

ذڪــریــــن حــــمــــدا لــــڪ شــــڪــرا لــــڪ یــــا الــــلــــه دیــــ

فــــاطــــمــــه قــــوزادے بــــاشــــیــــن یــــوخــــارے همــــتــــیــــلــــنــــ

ثــــانــــیــــنــــون ویــــردے جــــوابــــیــــن دل پــــر جــــراتــــیــــلــــنــــ

آل هاشــــم بــــلــــے عــــزت قــــازانــــوب غــــیــــرتــــیــــلــــنــ

دیــدے ظــالــم گــوروســن غــمــلــر آلــوب صــاق صــولــومــیــ

قــوے گــدیــم مــنــزلــه گــوزلــور عــمــواوغــلــوم یــولــومــیــ

(عــلیــبــئلــه یــولــومــے گــوزلــور ایــوے داغــلــانــ)

ثــانــےهفــاطــمــه نــون ســوزلــرے چــوخ گــلــدے گــرانــ

رنــگــیــدن رنــگــه دوشــوب نــحــس الــیــنــه ویــردے تــڪــانــ

صــول الــیــلــن خــانــمــیــن صــاق یــوزونــے دوتــدے نــشــانــ

ضــرب ســیــلــے ســارالــان گــل ڪــیــمــے رخــســاره دیــوبــ

ســیــلــے صــاقــدان ویــرولــوب صــول یــوزے دیــواره دیــوبــ

مــردڪ پــســت ڪــه روزے نــمــڪ حــیــدر خــورد

نــعــره زد بــرســر مــادر بــه غــرورم بــرخــورد

(گــوردومــنــنــمــے ورور نــنــمــے ویــردیــم دالــیــا نــنــه قــارداشــیــن اولــســیــدے بــئلــه وراردلــار؟)

ایــســتــادمــبــروے پــنــجــه پــا امــا حــیــفــ

(قــاخــدےمــایــاقــا اوســیــلــے مــنــه دیــه)

دســتشــاز روے ســرم رد شــدو بــر مــادر خــورد

ســیــلــے دوتــدے خــانــمــے دور ویــروب دوشــدے یــره

مــجــتــبــے گــوردے ڪــے یــوخــدے ڪــمــڪ الــلــه گــوره

قــاشــدے فــورا خــبــریــن دلــبــر دلــداره ویــره

آیــرلــا بــولــمــدے زهرادن اوایــســتــڪــلــے بــالــا

اونــاخــاطــر دایــانــوب تــئز دونــدیــ

(امــامــحــســن آقــا دیــیــر یــوزومــے دولــانــدردیــم حــداقــل بــیــر ڪــیــشــے اولــا دیــیــم ایــوے داغــلــان نــنــمــے ئولــدورولــر،سنــاولــســیــدیــن نــه ایــش گــورردیــن اوردا؟نــجــوردوام الــردیــنــ؟)

آغــلــےاآغــلــیــا قــاچــدے نــقــدر ایــو گــوروب اول مــونــس غــمــ

آغــلــیــا آغــلــیــا قــاچــدے قــاپــســیــن دویــدے اودمــ

اوجــادان ســســلــدے فــریــاده گــلــون ئولــدے نــنــمــ

#قاپی_جریانینی_گوی_قالسین
#انور
#فاطمیه

فایل صوتی👇👇👇
🆔@turki_noohalar

 

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar

اوخلار ائدیب سینه می شانشان باجی

نوحه قتلگاه

اوخلار ائدیب سینه می شانشان باجی
یاره لر یمدن     سوزولور    قان  باجی
باغلا میشام     حقله     پیمان    باجی
من  ئولم   احیا   اولا     قرآن     باجی

جان سنه قربان باجی<۲>

 

یا ره لییم    تیکمه  من   گوز   باجی
سالما یانان سینه وه چوخ کوز باجی
صبر ائله  هر درد  و غمه  دوز  باجی
یاند یراجاق   قلبیوی  هجران  باجی

جان  سنه قر بان باجی<۲>

 

عهد ائله میشدیم   بو یانام   قانیمه
جا ن   وئر م     آ ئینیمه     قرآنیمه
وافییم  ئوز     عهد یمه    پیمانیمه
غم یمه چوخ  اولما پر یشان باجی

جان سنه قر بان باجی <۲>

 

خیمیه   گئت  باشیوه  یغ   قیزلاری
رام  ائله آی سیز قالان  اولدوز لاری
آغلاما      آغلاتما     آ دا مسیز لاری
ایندی قو پار خیمه ده طوفان باجی

جان سنه قر بان باجی<۲>

 

سینه ده  گر یاره لر یم سان وئریر
هر یارا بیرچشمه کیمین قان وئریر
یارلی  مقتلده  حسین   جان وئریر
زنده و جا وید اولا   قر آن  با جی

جان سنه قربان باجی<۲>

 

خیمیه  گئت قوی منی بو  حا لده
شمر     ستمگرله   بو    گو دا لده
باش کسه جک غملی بیر احوالده
قان ایچه جک خنجر   بران باجی

جان سنه قربان باجی<۲>

شاعر استاد حاج علی پور علی جاهد

#اوخلار_ائدیب_سینمی_شان_شان_باجی
#جاهد
#قتلگاه

فایل صوتی👇👇👇
🆔@turki_noohalar

 

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar

اگلش باشیم اوستونده عم اوغلی ویرورم جان

✔️زبانحال حضرت فاطمه زهرا عليها السلام در بستر شهادت

اگلش باشیم اوستونده عم اوغلی ویرورم جان
قرآن اوخی ای ناطق قرآن سنه قربان

الله سوزونی سندن ایشتماق نه گوزلدی
جان اوسته نظر حسنوه ایتماق نه گوزلدی

مدتدی سنه همسرم ای خسرو خوبان
بو مدتی قیلدون منه الطاف فراوان
گل بیر ده منه لطف و کرم قیل سنه قربان
گوگلوم غمین آل رفع ملال ایله عم اوغلی
زهرانی کنیزوندی حلال ایله عم اوغلی

چوخ عمر دیردیم منه لطف ایلسون الله
بو عمری سنه خدمته صرف ایلیم ای شاه
افسوس که تیز ایله دیلر عمریمی کوتاه
ناحق یره ظلم ائتدی منه اوّل و ثانی
ئولدوردی منی محسنیمون سقط زمانی

درک ایلیه لی محضریوه فیض تشرف
اولموب که اولا حضرتوه عرض تکلف
بو آیریلیقا غم یمه چوخ ایتمه تاسف
فرض ایله که زهرا یوخوموش دار فناده
یا بیر گلیدی سولدی گلستان وفاده

هر چند که گلشنده کی گللر گلیم من
بو فخر منه بسدی سنه سویگلی یم من
خار ستمون حیف اولا خونین دلیم من
گللر بوله جاق نسگلیمی خار آراسندا
بلبلده غم حسرت دیدار آراسندا

مندن صورا گلشنده آچار سوسنی گللر
ایستر بوله لر صورتی سوسن منی گللر
گتسن چمنه گورسله من سیز سنی گللر
انصاف ایلموب باخماسا نرگس گوزی حسرت
نه یوزله بنفشه یره تیکمز رخ خجلت

غصب ایتدی سنون حقویله ملکیمی دشمن
غملندیم اوتوردوم ایلدیم ناله و شیون
تا رخصت آلوب حقوی اثبات ایلیم من
مسجدده گیدوب ایلدیم حق سوزلری اعلان
طغیانیله بوبکر اوزیده اولدی پشیمان

گوردوم کمکون یوخ سنون ای شاه ولایت
هر کیم یتیشور ایلوری بیر نحو اهانت
ایفای وظیفه ایلیوب ایتدیم اعانت
ناچار قالوب خلق آرا مسجدده دانشدیم

اثبات ایلدیم حقوی جانلار سنه قربان
ثانی منیم حق سوزلریمه تاپمادی برهان
کسدی یولومی آچدی ال اول دشمن قرآن
ای تک یوزومی سالدی خسوفه او ستمکار
اولدوم او زماندان من عم اوغلی بیله بیمار

الطافوه چوخ شایقیم ای شمس هدایت
وی سایه سی عالم لر آرا سایه رحمت
دوشسه باشیما لطفویله ظل عنایت
عرشه اوجادار باشیمی ای روح روانیم
ای عالم آرا روح و روان و دل و جانیم

ساین نه گوزل سایه دی ای سرور دوران
ساینده سنون دالدالانور عالم امکان
سالسان باشیما سایه وی ای سایه رحمان
بو سایه چوخ عزت اولی زهرایه حبیبیم
گر چه سالارام چوخ باشا من سایه حبیبیم

آندا ایچمرم اول جانه اولا نقص ارادت
سوگند اولا اول خاکه که کویونده دی تربت
قلبیمده سنه موج ویرور مهر و محبت
بیر جوهره مهر که اوندا عرض اولماز
دنیا هاموسی مهر اولا اونلا عوض اولماز

«ذهنی» نه گوزل تاپموسان عالمده سعادت
بو تاپماقوا باعث اولوب خالق عزت
یاز بو سوزی زهرا دیدی ای شاه ولایت
الله سوزونی سنده ایشتماق نه گوزلدی
جان اوسته نظر حسنوه سالماق نه گوزلدی

✍️ مرحوم حاج عبدالعظیم ذهنی زاده

#اگلش_باشیم_اوستونده_عم_اوغلی
#ذهنی_زاده
#فاطمیه

فایل صوتی👇👇👇
🆔@turki_noohalar

✔️زبانحال حضرت فاطمه زهرا عليها السلام در بستر شهادت

اگلش باشیم اوستونده عم اوغلی ویرورم جان
قرآن اوخی ای ناطق قرآن سنه قربان

الله سوزونی سندن ایشتماق نه گوزلدی
جان اوسته نظر حسنوه ایتماق نه گوزلدی

مدتدی سنه همسرم ای خسرو خوبان
بو مدتی قیلدون منه الطاف فراوان
گل بیر ده منه لطف و کرم قیل سنه قربان
گوگلوم غمین آل رفع ملال ایله عم اوغلی
زهرانی کنیزوندی حلال ایله عم اوغلی

چوخ عمر دیردیم منه لطف ایلسون الله
بو عمری سنه خدمته صرف ایلیم ای شاه
افسوس که تیز ایله دیلر عمریمی کوتاه
ناحق یره ظلم ائتدی منه اوّل و ثانی
ئولدوردی منی محسنیمون سقط زمانی

درک ایلیه لی محضریوه فیض تشرف
اولموب که اولا حضرتوه عرض تکلف
بو آیریلیقا غم یمه چوخ ایتمه تاسف
فرض ایله که زهرا یوخوموش دار فناده
یا بیر گلیدی سولدی گلستان وفاده

هر چند که گلشنده کی گللر گلیم من
بو فخر منه بسدی سنه سویگلی یم من
خار ستمون حیف اولا خونین دلیم من
گللر بوله جاق نسگلیمی خار آراسندا
بلبلده غم حسرت دیدار آراسندا

مندن صورا گلشنده آچار سوسنی گللر
ایستر بوله لر صورتی سوسن منی گللر
گتسن چمنه گورسله من سیز سنی گللر
انصاف ایلموب باخماسا نرگس گوزی حسرت
نه یوزله بنفشه یره تیکمز رخ خجلت

غصب ایتدی سنون حقویله ملکیمی دشمن
غملندیم اوتوردوم ایلدیم ناله و شیون
تا رخصت آلوب حقوی اثبات ایلیم من
مسجدده گیدوب ایلدیم حق سوزلری اعلان
طغیانیله بوبکر اوزیده اولدی پشیمان

گوردوم کمکون یوخ سنون ای شاه ولایت
هر کیم یتیشور ایلوری بیر نحو اهانت
ایفای وظیفه ایلیوب ایتدیم اعانت
ناچار قالوب خلق آرا مسجدده دانشدیم

اثبات ایلدیم حقوی جانلار سنه قربان
ثانی منیم حق سوزلریمه تاپمادی برهان
کسدی یولومی آچدی ال اول دشمن قرآن
ای تک یوزومی سالدی خسوفه او ستمکار
اولدوم او زماندان من عم اوغلی بیله بیمار

الطافوه چوخ شایقیم ای شمس هدایت
وی سایه سی عالم لر آرا سایه رحمت
دوشسه باشیما لطفویله ظل عنایت
عرشه اوجادار باشیمی ای روح روانیم
ای عالم آرا روح و روان و دل و جانیم

ساین نه گوزل سایه دی ای سرور دوران
ساینده سنون دالدالانور عالم امکان
سالسان باشیما سایه وی ای سایه رحمان
بو سایه چوخ عزت اولی زهرایه حبیبیم
گر چه سالارام چوخ باشا من سایه حبیبیم

آندا ایچمرم اول جانه اولا نقص ارادت
سوگند اولا اول خاکه که کویونده دی تربت
قلبیمده سنه موج ویرور مهر و محبت
بیر جوهره مهر که اوندا عرض اولماز
دنیا هاموسی مهر اولا اونلا عوض اولماز

«ذهنی» نه گوزل تاپموسان عالمده سعادت
بو تاپماقوا باعث اولوب خالق عزت
یاز بو سوزی زهرا دیدی ای شاه ولایت
الله سوزونی سنده ایشتماق نه گوزلدی
جان اوسته نظر حسنوه سالماق نه گوزلدی

✍️ مرحوم حاج عبدالعظیم ذهنی زاده

#اگلش_باشیم_اوستونده_عم_اوغلی
#ذهنی_زاده
#فاطمیه

فایل صوتی👇👇👇
🆔@turki_noohalar

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar

 

اوغولسوزون غمینی اوغلی ئولموین بوله بولمز

‍ روضه حضرت علی اصغر(ع)

اوغولسوزون غمینی اوغلی ئولموین بوله بولمز

همیشه آغلار اوغلسوز ننه دیوب گوله بولمز

بیری ئوله باجیسی عمه سی اگرچه چوخ اوخشار

ننه نین اوخشاماسیندا ولی بیر آیری اثر وار

هر آه و داد و نوا اوخشاما حساب اولا بولمز

هر اوغلون اوخشویان عورت خانم رباب اولا بولمز

سوزوب نه سن تک سن ای بختیمین سهیلی گیدورسن

بالا الیوی باغلامشیدوم یقین گلیلی گیدورسن

دیور راوی گیده بولمیدی حضرت خیمیه ساری

اوجا بوی بیر خانم تل اوسته سسلور یا اخا گوردوم

حسین گل خیمیه قربانیوی چولده دولاندورما

گویه سن قان سپن وقته گولوردی اشقیا گوردوم

آناسیندان اوتانما اوغلونون اصلا آدین دوتماز

او گوندن که گلین گلدی ربابی با حیا گوردوم

دیدی زینب

منه شرمنده لیک ویرمه سنی عاشقلره فرمانده کل قوا گوردوم

ننه مین یاره سین فضیله اسما باغلیانمیدی

ولی سن باغلادون زهرا بویوردی مرحبا گوردوم

بابامین باشینه محرابیده شمشیر انن گونن

سنی دستمال الینده زخم بند مرتضی گوردوم

حسن قارداشیمون طشته جگر قانی آخان وقته

دوداقلارون یوردون جان دیوردی مجتبی گوردوم

توکوم من گوز یاشی سن اصغرین قانلی بوغازون یو

دیدی حسین

اجازه ویر فقط بیر یول رباب او قانلی قونداقی گورسون

(ربابه قانلی قنداقی گتیردیلر بولمورم ننه بالانی نجور اوخشادی )

منیم پرپر گلوم لای لای ، نوالی بلبلوم لای لای

ننه سیندن دویان لای لای ، اوخا دردین دین لای لای

(ابی عبدالله دیدی زینب ربابده اوغول ویریب گیدک ربابه ده بیر تسلیت دیاخ )

سن دوش قاباقا باجی بو بیر امر ثوابه

لازمدی تسلی ویریله ایندی ربابه

قلبیمده منیم واردی سوزوم اول قلبی کبابه

دور منله گیدک گویلون آلاق دردی آزالسون

هر درده دوزوب دایره صبریده قالسون

(زینب قاباخدا حسین دالدا گلیلر ربابین خیمه سینه رباب آقانین عطرین آلدی گوردولر خیمه دن ئوزون آتدی آقانین قدملرینه آقا جان بالامدا سنه قربان ئوزومده سنه قربان )

قربان گوزوه آغلاما یاندرما ربابی

اشک غم و ماتمله بویاندرما ربابی

سن بیل ننوین حقی اوتاندرما ربابی

(دیدی آقا من شرمندیم سندن ، دیدی نیه سنینده بالان منیم دینیمین یولوندا گیدیبدی دیدی آقا)

قوچون یاراشیقی وار من ولی قوزی ویردیم

ولیک سن آقاسان اوزگه بو نثاره گولر

آقا اجاره ویرسن اگر منده باشیوه دولانوم

#اوغولسوزون_غمینی
#اصغریه
#روضه

فایل صوتی👇👇👇
🆔@turki_noohalar

 

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar

جان گیدیر جانان یولوندا-گل حسن جان باشیم اوسته

شهادت امام هادی علیه السلام

جان گیدیر جانان یولوندا-گل حسن جان باشیم اوسته
راهیم قرآن یولوندا- گل حسن جان باشیم اوسته
هادی مغمومم اوغلوم-زهریله مسمومم اوغلوم
وارث آل عبایم-عاقبت مظلومم اوغلوم
--------------------------
ظلم و جور اشقیادن دوءندی قلبیم قانه اوغلوم
مرغ روحیم بو قفسدن پر آچوب رضوانه اوغلوم
عشقیمین یوخ حد و حصری حضرت جانانه اوغلوم
جان چیخور پیمان یولوندا گل حسن جان باشیم اوسته

هادی مغمومم اوغلوم زهریله مسمومم اوغلوم
وارث ال عبایم  عاقبت مظلومم اوغلوم
------------------
راهی کوی نگارم گل الست عهدی سنوندی
گلشن باغ ولانون شربت و شهدی سنوندی
افتخار هر دو عالم حضرت مهدی سنوندی
جان اولا قربان یولوندا گل حسن جان باشیم اوسته

هادی مغمومم اوغلوم-زهریله مسمومم اوغلوم
وارث ال عبایم- عاقبت مظلومم اوغلوم
----------------------
اولمادی بیر کس خبر دار بو اورکده نیسگیلیمدن
چوخ چتیندی آیریلام من سن کیمی بیر سیوگیلیمدن
زهر کین آرام آلوبدی یانمیشام اوغلوم دلیمدن
دوءزموشم یزدان یولوندا-گل حسن جان باشیم اوسته
هادی-----
وارث------
----------------------
احتضار حالینده یم من گل آنام زهرا ده گلمیش
روح اجداد مطهر، حضرت طاها ده گلمیش
روح اکبر روح قاسم  گل اوغول سقا ده گلمیش
عاشقم سبحان یولوندا گل حسن جان باشیم اوسته
هادی مغمومم اوغلوم  زهریله مسمومم اوغلوم
وارث آل عبایم عاقبت مظلومم اوغلوم

---------------------------
تشنه جام وصالم تا ایچم جانان الیندن
یوسف جان قورتولوبدی چاهیلن زندان الیندن
گل شهید اولدی آتان گل کینه عدوان الیندن
جان گیدیب ایمان یولوندا گل حسن جان باشیم اوسته
هادی مغموم-----
وارث ال عبایم-----

اشعار شاعراهلبیت رحیم شایان ارومیه
#جان_گئدیر_جانان_یولوندا
#شایان
#امام_هادی

فایل صوتی👇👇👇
🆔@turki_noohalar

 

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar

شه باغرینا باسدی پسر شیر خدانی

شجاعت و روضه حضرت ابوالفضل(ع)

شه باغرینا باسدی پسر شیر خدانی

گوردی دیور عشق عالمینون منظریم من

یا سیدی عشقون سره آهنگه گلوبدی

گوندر منی میدانه اورک تنگه گلوبدی

سفیان قوشونی بو چوله نیرنگه گلوبدی

سن امر ایله بولسونله علی جنگه گلوبدی

خیبر یخانون پور هنر پروریم من

اذن آلدی مینیب مرکبین اول عاشق دلگیر

مشک و علمی الده غلافینده دی شمشیر

دوردی اوجا تل اوسته دیدی بیر اوجا تکبیر

تکبیری ویریب لشکرین احوالینه تغییر

گلدوخجا دیور ئوز آقامون چاکریم من

خرمان نجه تشویشه دوشر داسی گورنده

آهن نجه مومه دونر الماسی گورنده

شام اهلی اله تیتردی عباسی گورنده

روحیه لر ئولدی بتل الناسی گورنده

سسلردی بنی فاطمه نین یاوریم من

ای فتنه روشلر بو حسد قلبیزی سخسون

قلبیم کیمی قلبیز بو بیاباندا داریخسون

عباس گلوب ایولریزی باشیزه یخسون

دین حقدی ، حسین حقدی یزیدین گوزی چخسون

بیر لشکر نامی اوجا سرلشکریم من

گر اوستومه لشکر توکوله داغ کیمی دورام

اذن اولسا جهاده قوشونی بیر بیره ورام

ال چکمم آقامدان سر راهینده اوتورام

العاندا امان نامه گتوسوز گینه جیرام

جمله عشاقه سرآمد بو ترابه نور عین

گچدی جانینن دیدی حقه ادا اولسون بو دین

باشدا یاره لبلری قانلی چاغردی یاحسین

کوی عشقونده آقا گل گور نجه مستانیم

بزم وحدتدوربوراسن شمع و من پروانیم

(امام گلدی عباسین باشینون اوستونه حسین)

اکبر یاراسی بسدی باخوب یارمه یانما

دشمن سونر باشیمون اوستونده دایانما

قوی باشیمی تپراقه گیت اخیامه یوبانما

عشقین اوخونا شکر اولا پیوسته نشانم

جان اوسته ئوزوم عالم عقبایه روانم

بیر سندن اخا بیر بالالاردان نگرانم

توکولنده سو یره اولدی سبب گوز یاشیما

گویلری وردولا گویا یارالانموش باشیما

عباس من

یری وار تیر غمی ایندی یانان قلبه اکیم

باشیوی قوی دیزیمین اوسته اوخا نقشه چکیم

صاغ گوزون یوم سن ابوالفضل اوخی آهسته چکیم

بولورم اوچ پر اوخون چخماسی آسان چخماز

قوی اوپوم اوخ یرینی اوپسم اگر قان چخماز

(گوزلرین آچدی دیدی حسین)

نگران اولما سن ای سرور عشاق جهان

بولوسن بو سه پر اوخ قدیمی ایلوبدی کمان

عوضینده بورویوب دوره بری عطر جنان

گدیرم اوپمه حسین قلبیوه آلما سوزومی

سن فقط چک اوخی زهرا ننم اوپدی گوزومی

#شه_باغرینا_باسدی_پسر_شیر_خدانی
#ابوالفضل
#عباسیه
#شجاعت
فایل صوتی👇👇👇
🆔@turki_noohalar

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar

ای خدا آیریلوق درده سالدی

*انتظار فرج*

ای خدا آیریلیق درده سالدی ،
یوسف فاطمه هاردا قالدی
هر مسافر گئدیب گلدی آخر ،
یوسف فاطمه هاردا قالدی

شأنیده رتبه ده بی بدل سن ،
هر گوزلدن آقا سن گوزل سن

کاش سنون گلماقون من بولیدیم ،
یوللارا سو سپیدیم سیلیدیم
بیر دویونجا گوریدیم جمالون ،
اللروندن ئوپیدیم ئولیدیم

شأنیده رتبه ده بی بدل سن ،
هر گوزلدن آقا سن گوزل سن

تنگه گلدوخ آقا بسدی هجران ،
کعبه دن گلماقون ایله اعلان
ظاهر اُول بیر گوزل پرچمیله ،
شیعه نی قویما چوخ دیده گریان

شأنیده رتبه ده بی بدل سن ،
هر گوزلدن آقا سن گوزل سن

عالمین ای ایشیقلی چراغی ،
شیعه نون یاور و دال دایاغی
قُوی قَدم رنجه لطف ایله مولا ،
بیر گجه بیزلرین اُول قوناغی

شأنیده رتبه ده بی بدل سن ،
هر گوزلدن آقا سن گوزل سن

آغلاماقدان گوزوم دوندی ابره ،
طاقتیم سیّدی یوخدی صبره
عمر گئچدی قوجالدوم اماندی ،
گورمه میش گئدمییم بلکه قبره

شأنیده رتبه ده بی بدل سن ،
هر گوزلدن آقا سن گوزل سن

سن ولی خدای ازل سن ،
یوخدی همتا سنه بی بدل سن
یر یوزونده گوزل چوخدی امّا ،
چوخ گوزل دن آقا سن گوزل سن

شأنیده رتبه ده بی بدل سن ،
هر گوزلدن آقا سن گوزل سن

منتظر عمروموز اولسا قاللوخ ،
چوللری سننن اوتری دولاننوخ
چونکی وار سنده زهرانون عطری
فاطمه عطرینی سنن آللوخ

شأنیده رتبه ده بی بدل سن ،
هر گوزلدن آقا سن گوزل سن

ای علی نون گوزل یادگاری ،
صاحب لایق ذوالفقاری
گَل تمام ایله زهرایه خاطر ،
عالمی یاندوران انتظاری

شأنیده رتبه ده بی بدل سن ،
هر گوزلدن آقا سن گوزل سن

سن عزیز حق ذوالمنن سن ،
بارگاهی اولان کوی ایمن
هر سفر ایلین تز قییددی ،
چوخ یوباندون ولی گلمدون سن

شأنیده رتبه ده بی بدل سن ،
هر گوزلدن آقا سن گوزل سن

ای قلم سوزلرینده اثر یوخ ،
آشنادن منه بیر خبر یوخ
گلدی بو جمعه ده گئچدی الله ،
فاطمه یوسفینن خبر یوخ

شأنیده رتبه ده بی بدل سن ،
هر گوزلدن آقا سن گوزل سن

#اللهم__عجل__لولیک__الفرج

#ای_خدا_آیریلوق
#امام_زمان

فایل صوتی👇👇👇
🆔@turki_noohalar

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar

 

زینبم جان اوستیم جانانی گوزلر گورلریم

✔️زبانحال حضرت زینب سلام الله علیها در لحظات احتضار

زینبم جان اوستیم جانانی گوزلر گوزلریم
یدی قارداش بیر آنام زهرانی گوزلر گوزلریم
آهیله دل داغلارام
غصه دن قان آغلارام

لیل یلدا اولدی شاماتی گورنده گوندوزوم
درگه باریتعالایه گوتوردوم ال اوزوم
عرض قیلدوم بارالهی یوخ داخی منده دوزوم
نیلورم دنیانی من عقبانی گوزلر گوزلریم

گرچه تبعیدم خداوندا دیار شامه من
چوخ مصیبت چکمیشم بو شهریده آگاه سن
لطف ایله قورتار بو عمریم ای خدای ذوامنن
جان نه لازم وصلت جانانی گوزلر گوزلریم

بیلمورم گلمور ندن جدیم رسول نیک نام
جان وئرنده باشیم اوسته حضرت خیر الانام
گلمدی جد کباریم گلمدی زهرا آنام
خیرةالنسوانی هم طاهانی گوزلر گوزلریم

نقد جان بذل ائتمگه آماده ام جانانیمه
واردور اما آیری علت ناله و افغانیمه
گوزلریم یولدا قالوب گلمور حسینیم یانیمه
جان چخنجا اول شه عطشانی گوزلر گوزلریم

وار یری توکسم بهارون ابری تک گوز یاشیمی
چرخ کج سالدی ننوعی گور بلایه باشیمی
جان چخور یوخدور یانمدا بیر جوان هاشمی
اکبریم تک قامت رعنانی گوزلر گوزلریم

زینبون واردور یری آهی جهانی داغلاسون
مونسیم یوخ جان چخاندا گوزلریمی باغلاسون
نه آنامک واردور نه باجیم اوخشاسون قان آغلاسون
دختران سرور بطحانی گوزلر گوزلریم

غربت اولکه جان چخور دیداریمه یوخدور گلن
چشم دنیا گورمیوبدور من کیمی بیر جان ئرن
غسلیمی یوخدور وئرن نه وار حنوط و نه کفن
ائتمه گه حاضر کفن سقانی گوزلر گوزلریم

اوچ یاشیندا بیر قزون دیدارینه گوز تیکمیشم
چون اونون بو شهریده من زحمتین چوخ چکمیشم
معجریله من اونی ویرانه ده دفن ائتمیشم
دختر شیرین دل سلطانی گوزلر گوزلریم

قالدی شهر شامیده خورشید رخشندم منیم
شامی تسخیر ایلدیم اولدی نمایندم منیم
ائتمیور یاد عمه سین اول ماه تابندم منیم
بلبل خوش نغمه و خوش خوانی گوزلر گوزلریم

زینبون محنتلری تاپماز «تقایی» خاتمه
بو عزاده ماسوا اهلی باتوبلار ماتمه
نسگل اولدی بو سوزی قلب رسول خاتمه
یدی قارداش بیر آنام زهرانی گوزلر گوزلریم

✔️حاج محمد تقایی اردبیلی

#سبک_زینبم_جان_اوستیم
#زینب
#تقایی

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar

مصطفادن چاتدی ارثیه بلاغت زینبه

مصطفادن چاتدی ارثیه بلاغت زینبه
مرتضادن چاتدی دریای شجاعت زینبه
حضرت زهرا آناسیندان شهامت زینبه
مجتبادن روح بی باک و صلابت زینبه
چاتدی ارثیه حسیندن خون غیرت زینبه
هئچ کیمون اولماز جهاندا بیر بئله ارثیه سی
حیرته دنیانی سالدی زینبون روحیه سی
نشر اولور الاندا عاشوراسینون نشریه سی
رشک آپاردی ظهر عاشور محرم زینبه
چون ابوالفضلدن یتیشدی قانلی پرچم زینبه
گوش عالم ایندیده وار خطبه نغزینده دی
جمله لقمانلار کلاس پند و اندرزینده دی
گنج های علم عالم زینبون مغزینده دی
باش اگر علامه های کل عالم زینبه
فخر ائدر بیر لحظه شاگرد اولسا ، مریم زینبه
بار سنگین بلا خم وئرمدی ابروسینه
اولدی غم موجی اثرسیز همت اقیانوسینه
مثل عنقا گتدی کرکس لر باشین زانوسینه
یعنی باش اندیردی تسلیم اولدی دشمن زینبه
سسلدی چوخ یرده دشمنلرده احسن زینبه
احتیاجه آچمادی ال دهرده هئچ کیمسنه
اوخشیوردی  استقامت وقتی محکم صخریه
تک نه بیزلر صبرینه ، یر گوی گرک احسن دئیه
باغرینی قان صحنه سی ، وحشتلی میدان یارمادی
گودی مقتلده حتی شمره ده یالوارمادی
ایلدی دائم تلاطم موجی لی دریا کیمی
پاسدار اولدی حریم عصمته سقا کیمی
ولوله دنیایه سالدی خطبه سی مولا کیمی
اوغلی ، قارداشی ئولنلر اولدی لشکر زینبه
افتخار  ایتدی سخن بزمینده حیدر زینبه
سر فراز ائتدی صلاته سر وئرن قارداشلارین
محمل اوستونده خضاب ائتدی آغارمیش باشلارین
قویمادی اصلا حسابه دشمنون پرخاشلارین
قلبینون غیرت رگین زخم زبانلار قیرمادی
دشمنی سیندیردی اما وقرینی سیندیرمادی
 دشمنه جانی چیخینجا دست بیعت ویرمدی
قزلارا هر نه بلا گلدی گزارش وئرمدی
کثرت قمچی یارالی قلبه لرزش وئرمدی
استقامت شعری یازدی آسمانلار زینبه
آخرالامر آغلادی قمچی ورانلار زینبه
کوفه ده حق حسینی خلقه اثبات ایلدی
گوردی بیر ایش چرخ دوّارون رُخین مات ایلدی
قاره بیر پرچم الینده قصد شامات ایلدی
امپراطور پلیدی گلدی تحقیر ایلی
اوچ یاشیندا بیر قیزیلا شامی تخیر ایلیه
بیر مجلل مجلس ائتمشدی او گون بر پا یزید
فکر ائدوردی چون اولوبدور حاکم  دنیا یزید
هئچ اینانموردی او مجلسده اولا رسوا یزید
ایستسه الله عدولر موجبات خیر اولار
حاصل سعی و تکاپوسی نصیب غیر اولار
حس پیروزی ائدوردی بزمیده بازنده لر
مدح ائدوردی آل سفیانی دنی خواننده لر
دوره ده ؛ نیزه الینده دیو خو درنده لر
غرقیدی قاره ئورکلر منجلاب کینه ده
قورخوسوندان حبس اولونمشدی ؛ نفسلر سینه ده
مجلسون آشمیشدی رعب و وحشتی اندازه دن
خوفیدن چخمیشدی جانلار رشته سی شیرازه دن
وارد اولدی ناگهان قول باغلیلار دروازه دن
خیردا قیزلار مجلسون وضعین گوروب آغلاشدیلار
وحشتیندن زینبون اطرافینه توپلاشدیلار
ائتدی فرمایش مبادا قلبوزی وحشت سیخا
ئولمیوب زینب هله گوزیاشلاروز گوزدن آخا
آههیمیله اودلارام هر کیم سیزه گر چپ باخا
قورخمیون؛ آغلاشمیون افغانه احساسیم گلر
لازم اولسا سسلرم نهر اوستن عباسیم گلر
باش اگوردی هی یزیده اهل بزمون تک تکی
چوخ غروریله اوتورمشدی دمشقون دلقکی
آیری عالملرده سیر ایلوردی مغز کوچکی
گه تمسخرله باخوردی مرتضی اولادینه
فکر ائدوردی اود وروب آل علی بنیادینه
یوخ سوزوم چوخ هرزه سوز آغزیندا نشخوار ایلدی
ایستدی مولانی خوار ایتسون ئوزین خوار ایلدی
یازمارام اول قانلی باشیله نه رفتار ایلدی
ایلدی توهین خلاصه زینبون قارداشینه
گوردی بیر ایش ؛ زینبون دنیا دولاندی باشینه
رگلرینده مرتضی دلبندینون جوش ائتدی قان
جنگجو بیر پهلوان تک دوردی یردن ناگهان
فرض ایله قوزاندی یردن شعله آتشفشان
گوئیا ایستور ائیده بوبکری رسوا فاطمه
سسلدی قولباغلی قیزلار هاموسی یا فاطمه
باخدی غیضیله دئدی یوم آغزوی آزدون یزید
آزماسیدن گر بو قدری خودسر اولمازدون یزید
خیزرانیلن بو گون ئوز قبرووی قازدون یزید
اعتنا من ائتمرم تهدیدوه ؛ پرخاشوه
آند اولا عباسیمه تختون چوئیرم باشوه
کیمدی بو عورت دئدی ؛سسلندی ظالم زینبم
هانسی زینب سن؛ دئدی برج ولاده کوکبم
چاشدی هند اوغلی دئدی قدرتده منده مرحبم
آغزوی باغلا دئدی مرحبلره باش اگمرم
مرحب اولسون سن اگر؛ من ذوالفقار حیدرم
دوزدی بو اوغلی ئولنلر یار و یولداشسیزدیلار
چوخلاری زهرا ننم تک بوردا قارداشسیزدیلار
سن بئله بیله فکر ائلمه عباس ئولوب باشسیزدیلار
من حسین بن علینون شیر بی پرواسیم
قاره معجر قیزلارون یعنی همان عباسیم
باخما چوخ تحقیریلن باشیمده قاره معجره
آند اولا طشتون ایچینده قانه باتمیش لبلره
من بو شهره گلمدیم تعظیم ایدم هر کافره
گلمیشم قلب دمشقه قاره پرچم ویرماقا
بیرده سنین شخصیتین سیندیرماقا

شاعـــر: فرهنگ خدایی اردبیلی

#مصطفادن_چاتدی_ارثیه
#زینبیه
#خدایی
فایل صوتی👇👇👇
🆔@Turki_noohalar

 

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar

عالمون داشون آتدون _یارالی زهرا
گوزلرون یومدون یاتدون _یارالی زهرا
علی دئسون دردینی کیمه؟
منه سس ور فاطیمه
علینی ترک ایلمه
قاپیمی یاندیران ظالیم_بئلیمی سیندیروب زهرا
منه گوره سنه سیلی_ویروب زهرا
"خانیم الوب باغریم قان خانیم سنه من قربان خانیم "
تاپشریم نجه قبره _سنی من زهرا
تاپشراجاقسان کیمه_منی سن زهرا
دوشور گوزوم مسماره خانیم
در و دیواره خانیم
ازون قیل چاره خانیم
منیم کی بیرکسیم یوخدی _علی یه رحم ائله زهرا
گلر کیم اشکیمی سن سیز _سیله زهرا
"خانیم الوب باغریم قان خانیم سنه من قربان خانیم "

#فاطمیه
#حاج_میثم_مطیعی
#نوحه_دلنشین
فایل صوتی 👇👇👇👇
🆔@turki_noohalar

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar

الله بو قلب زاری پیکان غم بولوبدی

نوحه راه شام از ناقه افتادن حضرت رقیه (س)

الله بوقلب زاری

پیکان غم بولوبدی

شامین یولی رقیه

آواره دی سولوبدی

ائللریندن آرالی

گزور حسین مارالی

قولوندا قمچی ردی

ایاقلاری یارالی

سه ساله قیز ، گزور یاقیز، آدامسیز یوخ پناهی

بو غم کشین ، بلا کشین ، ندور مگر گناهی

 

او خوردا قلبی غمدن دوشوبدی پیچ و تابه

الی ئورک باشیندا یوزون قویور ترابه

دیور منی خدایا یتور آنام ربابه

باتوبدی آی یئتیشدی ستاره نین زوالی

قرا گئجه اسیر دیار پر خطردی

ائلیندن آشنادن نه وقتدی بی خبردی

گهی دوروب ایاقه گهی یئره دوشردی

قولی قانادی سئنمیش پرنده نین مثالی

امان الله ، آدامسیزلیق، چتیندی هر محندن

سه ساله قیز ، قالوب چولده ، دوشوب آیری چمندن

 

قویوبلا چولده آی بابا آنام باجیم ملر منی

سالوبلار اوزگه لر کیمی گوزوندن عمه لر منی

بو آیدا چخمور از قضا بیر آز ایشیقدا آغلیام

ایاقیمون تیکانلارون چکوب جهانی داغلیام

آچوب بو کهنه معجری بولوب یارامی باغلیام

#الله_بو_قلب_زاری
#رقیه

فایل صوتی👇👇👇
🆔@turki_noohalar

 

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar

زینبون پاک آدی حلال مشاکل دی بیزه

حال احتضار حضرت زینب(س)

زینبون پاک آدی حلال مشاکل دی بیزه
نظر لطفی اونون شکر اولا شامل دی بیزه
وار یقینیم کی بو مجلس ده مقابل دی بیزه
گیمشوک قاره سینی مجلس غم برپادی
زینبیه ائله عاشقلره عاشورادی

کیمدی زینب سوزی مصداق هدایتدی بیزه
زندگینامه سی دیباچه غیرتدی بیزه
خانمون مجلس یاسی ائله جنتی بیزه
نقدر واردی توان تنده دئنن یازینب
حضرت مهدی دئیوب سنده دئنن یازینب

کیمدی زینب سوزی کسدی ستم ریشه سینی
سعی ایدوب قارداشینون نشر ایده اندیشه سینی
سیندیروب سنگ جفا گر چه ئورک شیشه سینی

او زمان باخمادیلار گوزدن آخان گوز یاشینا
ایندی اما دولانور قبرینون عالم باشینا

شهر شاماتی بو مجلس ده گورن اولسا اگر
دئدیگیم نکته نی حتما اودا تایید تاثیر
دولت باطلی. دست حق ایدوب زیر و زبر

پوزولوبدور اموی زاده لرون دبدبه سی
تیتره دور ایندی ده شامی خانمون اودلی سسی

کیمدی زینب اسرا لشکرینه سردسته
کیمدی زینب ئورگی جبر زماندان خسته
عاقبت شامه فلک گتدی اونی جان اوسته

غربا باغی وطن اولدی جلای وطنه
جان وئرنده بئله سویلردی شه بی کفنه

برج غمده دولانان کوکبه آخر گیجه دور
آز قالور دینجله تاب و تبه آخر گیجه دور
هارداسان قارداش حسین ،زینبه آخر گیجه دور

گوزلریم یولدا قالوب دادیمه یوخدور گلنیم
ای حصیره بوکولن یوخدی منیمده کفنیم

من سنون دامنی اللرده قالان زینبووم
کاخ ظلم و ستمه لرزه سالان زینبووم
قانلی پیراهنی دشمندن آلان زینبووم

قامتین بار مصیبتلر اگن زینبووم
باشین اوسته باشینا قمچی دگن زینبووم

قیزلارون غملرینی جانیمه آلدیم قارداش
کاش بیلردون نه یامان گونلره قالدیم قارداش
سن ئولندن صورا بیر گونده قوجالدیم قارداش

گجه لر آغلامیشام من سنه اولدوزلاریلان
قمچی آلتیندا حسین وای دئمیشم قیزلاریلان

الله عالمدی ئوزی هر گجه گوندوزلریمه
اوچ یاشیندا بالا شاهددی منیم سوزلریمه
ائل یاتاندان صورا گلموردی یوخو گوزلریمه

صبح اولونجا گجه لر غصه چکوب غم یمیشم
بالا قیزلار یاتیشاندان صورا نوحه دئمیشم

اللی ائیل هر نه بلا گلدی منه یوخ دئمدیم
قمچی دگدی باشیما صبر ائلدیم اوخ دئمدیم
غملریمدن نه دئسم آز دئمیشم چوخ دئمدیم

سالدی دیلدن منی آخرده حسین دیل یاراسی
قولدا قمچی یری وار باشدا دا محمل یاراسی

شامه گل اکبر و قاسمله منی یاد ایله
شهر غربتده آدامسیز باجووی شاد ایله
غم الیندن یورولان روحیمی آزاد ایله

باشیمون اوسته اوتور مست وصال ایله منی
خدمتیم آزدا اگر اولسا حلال ایله منی

رحمی گلمور فلکین گوزدن آخان گوز یاشیما
بش یاشیندان ایله سالدیم قره معجر باشیما
قلبیده واردی گلایه اوجا بوی قارداشیما

اینجیدور قوللاریمی ایندی ده قمچی آجیسی
تک ئولور شامیده غیرتلی ابوالفضل باجیسی

هارداسان قارداش ابوالفضل ئورگون داغلیاسان
باشیم اوسته اوتوروب باشه ووروب آغلیاسان
بیلورم یوخدی قولون گوزلریمی باغلیاسان

گوزومی باغلاما سوندا ئوزووی شامه یتیر
باشیمون اوسته رقیه بالامی فوری یتیر

او قیزلار گجه لر صبحه کیمی آغلامیشام
ماتمینده هامودان چوخ من ئورک آغلامیشام
جان وئرن لحظه سینمده گوزونی باغلامیشام

باشیمون اوسته آچوب باشینی اوخشار آغلار
گوزومی عمه سی قربانی رقیم باغلار

شاعر:محسن باکفی

#کیمدی_زینب_سوزی_مصداق_هدایتی_بیزه
#زینبیه
#نوحه_دلنشین
فایل صوتی 👇👇👇👇

🆔@turki_noohalar

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی(فایل صوتی)👇👇👇

🆔https://t.me/turki_noohalar