فاطمه قبرون اوسته من گلمیشم آغلیام گئدمز

✔️زبانحال حضرت امیرالمومنین (ع) در کنار مزارحضرت زهرا (ع)

 

فاطمه قبرون اوسته من گلمیشم آغلیام گئدم

ائوده یاتوب حسین حسن گلمیشم آغلیام گئدم

 

گون باتوری قرا سالور باشه حجاز داغلاری

آغلوری دردیمه منیم حسرتیلن بولاقلاری

یل اسوری چالور عجب غملی ترانه باغلاری

غملیدی گلشن و چمن گلمیشم آغلیام گئدم

 

 

 

ائوده گئدر گجه هامی مرد و زن استراحته

گون باتوری علی باتور بحر غم و ملامته

بوش گوره بیلمورم یرون نایل اولا زیارته

قبروون اوسته گلمیشم آغلیام گئدم

 

 

 

ریشۀ صبر حیدری سیل فراقتون یولور

یاده سالاندا محنتون گوزلریم اشگیلن دولور

خردا بالالار آغلاشور گول کیمی زینبون صولور

غربت اولوب منه وطن گلمیشم آغلیام گئدم

 

 

 

رحلت ایدن زمان آتان باشیوه قاره باغلادون

من بله بیلدوم هجرت احمده سینه داغلادون

بیلمزیدوم یارالیسان سن گجه گوندوز آغلادون

ایندی او سرّ اولوب عَلَن گلمیشم آغلیام گئدم

 

 

 

خیمه وروبدی غصّه و غم دل داغداریمه

یاده سالاندا یاره وی اشگیم آخور عذاریمه

حسرتیلن دوشور گوزوم قبضۀ ذوالفقاریمه

چکمم اونی غلافدن گلمیشم آغلیام گئدم

 

 

 

واردی یادیمدا بیر گونی سن منه ایلدون خطاب

چِک گیله ذوالفقاریوی حقّوی آل ابوتراب

ایندی علینون ایلوری قلبین او منظره کباب

یوخدی علینی دیندیرن گلمیشم آغلیام گئدم

 

 

 

آلدیلار حقّیمی منیم مجلس شور قوردولار

بوینونا شال سالدیلار شیر خدانی یوردولار

سن کمک ایلدون سنه ظلمیله قمچی وردولار

توپراقا دوشدون اوندا سن گلمیشم آغلیام گئدم

 

 

 

تحت نظرده دور منیم منزل وحی مُنزَلیم

سن ساقیدون بیر آز گینه ائوده واریدی گئت گلیم

گئتدون الیمدن ایندی سن باغلی قالوب قاپیم الیم

یوخدی بیزه گلوب گئدن گلمیشم آغلیام گئدم

 

 

 

گرد غمون نشست ائدوب قلبیمه چوخ چتین سیلم

جان یتیشوب دوداقیمه فاطمه راضیم ئولم

گلمیشم ایندی قبریوون اوسته بیر آزجا دینجلم

ئولمور علی ندن؟ ندن گلمیشم آغلیام گئدم

 

 

 

سن ائویمه گلین گلن وقته یوخیدی چون آنان

غصه لَنَردون هر زمان گوز یاشین ایلدون روان

زینب عروس اولان زمان بخت ائوینه گیدن زمان

فاطمه نیلوم اوندا من گلمیشم آغلیام گئدم

 

 

 

آیریلیقون سالوبدی اود بو دل پر شراریمه

یالوارورام یوخی گَله دیدۀ اشکباریمه

محسنی آل قوجاقیوه گَل یوخودا کناریمه

روح تاپا بو خسته تَن گلمیشم آغلیام گئدم

 

 

 

محنت فاطمه سنی ایلدی «عینی فرد» حزین

قلبووی یاندیرار چخار سینه دن آه آتشین

شعر یازاندا صدقیلن یاز ائله پاک نیّتین

گور نه گوزلدی سر سخن گلمیشم آغلیام گئدم

 

✔️ حاج غلامرضا عینی فرد زنجانی

فایل صوتی در کانال تلگرامی وبلاگ موجود است.

  منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

مست عشقم باصفا صهبانی گوزلر گوزلریم

مهدی زهرانی گوزلر گوزلریم ...

 

مست عشقم باصفا صهبانی گوزلر گوزلریم

طور حقده سینه سی سینانی گوزلر گوزلریم

طلعتی مَه قامتی طوبانی گوزلر گوزلریم

وامدار تاجِ کرّمنانی گوزلر گوزلریم

قطره یم من ، صولت ِ دریانی گوزلر گوزلریم

دردمندم مهدی زهرانی گوزلر گوزلریم

 

 

گل آقا گل،ایندی سن سن جلوۀ محرا بیمیز

بادۀ وصلین اولوب هردم شراب نا بیمیز

نقش وجه ِ طلعتیندن زینت آلدی قا بیمیز

هرگونوزخورشیدیمیز سن هرگئجه مهتا بیمیز

سن سن آقا دار دنیاده بیزیم اربا بیمیز

مشعل تابندۀ عرفانی گوزلر گوزلریم

 

 

گوزلرون شهلادی بیرایماسی مین طوفان سالار

سوزلرین غوغادی بیرفتواسی قلبه قان سالار

قامتین طوبادی مین لر یوسفی حیران سالار

نرجسین عیساسی سن دم وئرکی جسمه جان سالار

زادۀ زهراسن آدون دردلره درمان سالار

مَفخر انسیّۀ حُورانی گوزلر گوزلریم

 

 

یابن زهرا جلوه گاه حُبّ جانان سنده دی

مرهم درد تمام دردمندان سنده دی

رهبروفرمانرواسن حُکم و فرمان سنده دی

بیز مطیع امریوخ گوزلر کماکان سنده دی

شاه اقلیم معانی سن بو عنوان سنده دی

گوهر گنجینۀ طاهانی گوزلر گوزلریم

 

 

غملی دوراندی ولایت ملکی سلطان آختارور

وادی ظلمت ده بیر خورشید تابان آختارور

دل دوشوب تاب و تبه دلبند و جانان آختارور

منزل قلبیم منای حقده مهمان آختارور

مبتلادور چاره سیز بیر درده ، درمان آختارور

چاره سیزلر دردینه درمانی گوزلر گوزلریم

 

 

یابن زهرا قلبیلر عشقونله بس لبریز اولوب

انتظارینده بهار دیده لر پائیز اولوب

تاج عزّت تا قیامت آدیوه تنفیذ اولوب

جام وصلیندن کیم ایچمیش مست وشورانگیزاولوب

بادۀ عشق ولایت دردیمه تجویز اولوب

گل آقا گل ساقی صهبانی گوزلر گوزلریم

 

 

یابن زهرا انتظاریندن دونوب قانه شفق

مقدمین تابوت شامی ایلیَر صبح ِ فلق

گل ایاقیندن ئوپوم ای تاجدار ما خلق

خاک پاین دورسنون هرشش جهات و نُه طبق

قیل منّور قلبیمی ای مظهر انوار حق

شام ظلمت ، نیّر تابانی گوزلر گوزلریم

 

 

یابن زهرا سن سن اقلیم ولانین گوهری

طائر قرب ِ خدای لایُریٰ نین شهپری

رتبه ده ، شان و وجاهتده علی نین بنزری

هاشمی خالون قویار حسرتده هر مه پیکری

خضر و الیاس و مسیحا و ملائک لشگری

اوچ یوزاون اوچ عاشق شیدانی گوزلر گوزلریم

 

 

کعبه دن ظاهر اولاندا ای فروغ ماسوا

اوندا کی ائتدون طواف خانۀ حقّی ادا

اونداکی آلدی وجودیندن صفا ، سعی و صفا

اوندا بیردشت بقیعه قوی قدم ای مه لقا

انتظارینده سنون قان آغلوری خیرالنّسا

پاسدار ِ درگه سوزانی گوزلر گوزلریم

 

 

گل آقا کربوبلا دشتینده قان اولدی خضاب

مست ائدوبدور یتمیش ایکّی عاشقی صهبای ناب

وئرمیوبلر آلتی آیلیق اصغره بیر جرعه آب

باغلیوبدور طفل نازین اللرین بیکس رباب

شاهد عشقه اوگون بیراوچ پراوخ اولدی جواب

اصغرین قانین آلان سلطانی گوزلر گوزلریم

 

 

یابن زهرا دشت غمده رونق ایمانه باخ

قتلگاه ایچره کسیلمیش باشه باخ قربانه باخ

سجده گاه عشقیده رزم آورِ عطشانه باخ

قانلی مقتلده پوزولمیش مصحف قرآنه باخ

جدّوین رگلردن آخمیش چشمه چشمه قانه باخ

پاسدار خون عاشورانی گوزلر گوزلریم

 

یابن زهرا وار گلایم ....

 

محمد علی مصیبی تبریزی

  منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

 

بیر گون عالملری آیینه نور ایلر آقا

✅ حضرت مهدي علیه السلام

آرزوی ظهور

 

بیر گون عالملری آیینه نور ایلر آقا

الده برنامه سی اعلان حضور ایلر آقا

 

 

غیبدن ظاهر اولار جامه عدل اگنینده

مسند حقده دوروب رفع امور ایلر آقا

 

 

یار و انصاری رکابینده گزر یئر یوزونی

دولانوب عالمی هر ملکه عبور ایلر آقا

 

 

هر یئره گئتسه بیر عده چاغورار یا مهدی

باخوب انصارینه احساس غرور ایلر آقا

 

 

ظالمه ویرمز امان فاسدی رسوا ائلییر

چشمه فسق و فساد و شری کور ایلر آقا

 

 

سالار اوت بار دگر نسل ابو سفیانه

فتنه برنامه لرین زنده بگور ایلر آقا

 

 

دولانار حال مکدرله بلا چؤللرینی

کربلا واقعه سین بیرده مرور ایلر آقا

 

 

جدینون ماتمینه گؤزدن اولار اشکی روان

ئورگین غصه لره سنگ صبور ایلر آقا

 

 

فاطمه قبری نه مدتدی نهاندور آقامیز

گلسه بیربیر آییروب فک قبور ایلر آقا

 

 

جمعه لر مهدیه مختصدی زهرا بالاسین

گؤز گؤرنمز ولی دللرده ظهور ایلر آقا

 

 

عشقوی ذره کم ائتمه آقیا منتظر اول

اولماسا عشق مگر قلبه خطور ایلر آقا!؟

✍🏾 ابوالفضل عباسی معروفان اهری ( معروف )

  منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

باخ علی گوزلریمه

زبانحال حضرت زهرا سلام الله علیها

 

باخ علی گوزلریمه

غصه لی سوزلریمه

لطف ائدوب ایله عمل

بو وصیتلریمه

غسلومی وئر گئجه دفن ایله منی

سنه تاپشوردوم حسین و حسنی

 

آز ملال ایله علی

آز خیال ایله علی

باغریقان فاطمه نی

گل حلال ایله علی

تک قویور فاطمه وجه الحسنی

سنه تاپشوردوم حسین و حسنی

 

آی منیم دادرسیم

منیم عشق و هوسیم

باشیم اوسته گل اوتور

داخی چخمور نفسیم

ترک ائدور فاطمه بیت الحزنی

سنه تاپشوردوم حسین و حسنی

 

سیلی دگدی یوزومه

اثر ائتدی گوزومه

گوردو آغلور حسنی

منیم آخر سوزومه

کوچه ده گوردی او درد علنی

سنه تاپشوردوم حسین و حسنی

 

سینه مون وار یاراسی

یارامون یوخ چاراسی

یاره مه باعث اولوب

در و دیوار آراسی

ائتدی مسمار پر افتاده منی

سنه تاپشوردوم حسین و حسنی

 

منه یاس ساخلیاسان

اوخشیوب آغلیاسان

گلن اولماز یاسیما

قاپلاری باغلیاسان

بالالار گرم ائده بزم محنی

سنه تاپشوردوم حسین و حسنی

 

قاپوم اوتلاندی منیم

شهپریم یاندی منیم

سینه مون آخدی قانی

کوینگیم قاندی منیم

زینبیم گورمیه اول پیرهنی

سنه تاپشوردوم حسین و حسنی

 

عشقیمی آتمیاسان

منی آغلاتمیاسان

یاتمیونجا زینبیم

لطف ائدوب یاتمیاسان

قویما پوزقون گوره سولموش چمنی

سنه تاپشوردوم حسین و حسنی

کربلایی ابوالفضل عباسی معروفان اهری

 
 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

نوگل باغ حسنم ای قوشون

رجز حضرت قاسم (ع)

 

 نوگل باغ حسنم ای قوشون

باش و جانیندان کئچنم ای قوشون

 

اکبر دالیجا میدانه گلدیم

تاکی باتام من القانه گلدیم

 

 

گرچه اوشاقم ولی وار قدرتیم

دینه فدا اولماق اولوب نیتم

قانیمه باتسام چوخالارعزتیم

منده غزال وطنم ای قشون

 

 

آند اولا عباس عمومون جانینه

اکبر عم اوغلوم کی باتوب قانینه

منده گرَگدور یئتوشم یانینه

ئولمه‌گی آرزی ائده نم ای قشون

 

 

غیظیله بیر یول گر آلام تیغ اله

قانوزی یکسر توکرم بو چوله

بلکه بیر آزجا اورگیم دینجله

جنگه زره‌سیز گلنم ای قوشون

 

 

ازرق ملعون گله گر جنگمه

شیشه‌ی عمری توش اولار سنگیمه

اوندا گرفتار اولاجاق چنگیمه

تیغیله باشین کسنم ای قشون

 

 

گلشن و باغ و چمنمه بولبولم

همده ولایت باغینا بیر گولم

باد خزاندان پوزولان سونبولم

عطر گل یاسمنم ای قوشون

 

 

جانیمی قربان ائدرم قرآنا

بو هدفییمده باتارام القانا

محشر اولاند گئدرم رضوانا

شهد شهادت ایچنم ای قوشون

 

 

داده چاغورم سنی من ای عمو

گل باشیم اوسته بو زمان دیلده هو

یاره لی ام من ائدورم گفتگو

آهوی دشت ختنم ای قشون

 

 

اولدی "بشیر"ین اورگی منفعل

قبریمه حسرت چکوری ایل به ایل

نوحه یازار او آدیما بی بدیل

شعرینه قیمت وئرنم  ای قوشون

سید بشیر حسینی میانجی

 
 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

دور گلموشم داده ابولفضل

زبانحال حضرت اباعبدالله الحسین (ع) در بالین برادر


دور گلموشم داده ابولفضل
ای قهرمان زاده ابولفضل
سرسپاهیم دور ایاقه

ای اهلبیتون نورعینی
تک قویما قارداشین حسینی
تکیه گاهیم دور ایاقه

آچ گوزلرون شأن و وقاریم
آی ابولفضل آی ابولفضل
آتما منی دار و نداریم
آی ابولفضل آی ابولفضل






نه قوللارین سالمدی تنده
نه صاف یرین واردی بدنده
اهلبیتون پاسبانی

جسمین سراسر اوخدی قارداش
بیر بوسیه یر یوخدی قارداش
حیدر کرار ثانی

سو داغ داشا صحرایه آخدی
آی ابولفضل آی ابولفضل
قیزلاریمی یاندیردی یاخدی
آی ابولفضل آی ابولفضل






ازبس ویروبلار تیر و پیکان
قلبین اولوب سیننده شان شان
یاره لر گلمز شماره

آچ گوزلرون دیندیر حسینی
امّ البنین نورعینی
قلبیم اولدی پاره پاره

من نیلویوم دنیاده سنسیز
آی ابولفضل آی ابولفضل
عریان قالوب جسمین کفنسیز
آی ایولفضل آی ابولفضل






نوفل سنی گوردی کمکسیز
ویردی عمود آهن خبرسیز
تار اولوب دنیا گوزومده

قان لخته سی باشیندن آخدی
عرش اهلی گویدن فرشه باخدی
عالمی یاندیردی یاخدی

مندن قاباخ چاتدون مرامه
آی ابولفضل آی ابولفضل
سن پیش مرگ اولدون بالامه
آی ابولفضل آی ابولفضل

مجید قلعه بیگی (فقیرخویی)

 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

یا ابوالفضل_بیر توکون بیز

مدح حضرت ابوالفضل العباس علیه السلام

 

یا ابوالفضل_بیر توکون بیز

ویرمروخ روضه ی جنات برینه

ئورگدوبسن_درس غیرت

عرشیده حضرت جبریل امینه

 

( لک لبیک لک لبیک

لک لبیک آقا آدیوه قربان ) (2)

 

عبدصالح_یار قرآن

گوزل عنوان و نشان و لقبیندی

قسم عشقه_ایکی دنیا

سنی عباس الیین ئوز ادبیندی

 

( لک لبیک لک لبیک

لک لبیک آقا آدیوه قربان ) (2)

 

آل هاشم_آییسان سن

باشین اوسته دولانان ستاره لردی

بالاقیزلار_علی اکبر

سنون عاشقین بلکده صودامردی

 

( لک لبیک لک لبیک

لک لبیک آقا آدیوه قربان ) (2)

 

جان ابوالفضل_دیل آچاندان

یاحسین بن علی اولوب شعارین

بامرام و _باادب سن

آنان ام البنینه چکوب وقارین

 

( لک لبیک لک لبیک

لک لبیک آقا آدیوه قربان ) (2)

 

سروقامت_آلاگوزلر

قدیوه غبطه ایدر شاخه ی طوبی

هاشمیسن_علویسن

فخر ایدر قوللاریوا حضرت زهرا

 

( لک لبیک لک لبیک

لک لبیک آقا آدیوه قربان ) (2)

 

کربلاده_نینواده

ساقی اهل حرمسن آی ابوالفضل

هم علمدار_هم سپهدار

صاحب مشک و علمسن آی ابوالفضل

 

( لک لبیک لک لبیک

لک لبیک آقا آدیوه قربان ) (2)

 

سنه زینب_جان دییردی

متقابلا خانم جان ایشیدردی

حرم اهلی چوخ سووردی

اوچ یاشیندا بالیا نوربصردی

 

( لک لبیک لک لبیک

لک لبیک آقا آدیوه قربان ) (2)

 

سس دوشوبدی_کربلاده

گلوری جهاده حیدرین بالاسی

رزمگهده_تلین اوستن

مرحبا دییور اونا حسین آقاسی

 

( لک لبیک لک لبیک

لک لبیک آقا آدیوه قربان ) (2)

 

نهرین اوسته_قاچاقاچدی

لشکر دشمنه ولوله سالوبدی

همتیلن_بو دلاور

نجه گور فراتی  یک تنه آلوبدی

 

( لک لبیک لک لبیک

لک لبیک آقا آدیوه قربان ) (2)

بهلول حبیبی  زنجانی

 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

ای حسین عاشقی فخر ایله قرا کوینگووه

مقدمه درباره پيراهن سياه عزاداري

گريز به راه شام

 

ای حسین عاشقی فخر ایله قرا کوینگووه

وئره جک فاطمه محشرده بها کوینگووه

 

رخت شاهانه گیوب فخر ایلین سلطانلار

باخاجاق حسرتیلن روز جزا کوینگووه

 

عشقووین عطرینه هر ائیل بویا اول صورا گی

ساخلا زینب کیمی آداب وفا کوینگووه

 

حرمتین حفظ ایله قرآن کیمی ئوپ قوی گوزووه

سعی ایله قویما دگه رنگ ریا کوینگووه

 

آند اولا کوینگی اللرده قالان سلطانه

زیر و رو اولسا فلک یوخدی فنا کوینگووه

 

آناوین قدرینی بیل قاره گیندیردی سنه

دئدي اوغلوم آنوون جاني فدا كوينگووه

 

گئت دئدی سینووه وور سسله علمدار آقاوی

ایلسین عرض ادب شاه و گدا کوینگووه

 

هر نئین قیمتی وار مشتری سین تاپسون اگر

ساتما ، هر کس وئره مین کیسه طلا کوینگووه

 

قبریده گورسه ملکلر قره پیراهنووی

اولاجاق مهر ملوکانه ادا کوینگووه

 

ائله کی پیکرووی قبره قویوب گئتدی هامی

باخاجاق قبریده شاه شهدا کوینگووه

 

دیه جک کوینگون اوخشور قیزیمون کوینگینه

قوی ووروم بوسه مستانه عزا کوینگووه

 

کوینگون سالدی منیم یادیمه مظلوم بالامی

احترام ایلر اودور آل عبا کوینگووه

 

شام یوللاری اوزونلوقدا غمیم واردی منیم

باخبر اول گوزوین یاشی آخا کوینگووه

 

اوقدر قمچی وورولدی بالاما یوللاردا

اوخشادی قوللارینون رنگی قرا کوینگووه

 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

کیمدی زینب پاسدار نهضت سرخ حسین

 کیمدی زینب ؟!     گریز به قتلگاه

 

کیمدی زینب پاسدار نهضت سرخ حسین

کیمدی زینب یادگار خیبر و بدر   و حنین

کیمدی زینب حلقه اهل کسایه   نور  عین

زینبون شان و مقامی   واقعا   ارزنده دی

تا حسین وار کربلا وار نام زینب زنده دی

 

 

کیمدی زینب شیر عصمت جام زهرادن ایچن

کیمدی زینب یاره خاطر ئوز وجودیندن کچن

کیمدی زینب قتلگهده اللرین خنجر بیچن

روح ایثار و شجاعت زینبین  قانینده وار

شور حیدر لحن زهرا صوت  قرآنینده وار

 

 

کیمدی زینب زینبی   زین العبادن  آل خبر

کیمدی زینب غیرتین کرب و بلادن آل خبر

کیمدی زینب عصمتین  آل عبادن   آل خبر

معجرین یازما آچوبدور زینب آچماز معجرین

عفتین حفظ ایلیر گر ئوپسه خنجرایلدی اللرین

 

 

کیمدی زینب بش یاشیندان سالدی قاره باشینه

نینواده قلبینی سئندیردیلاردد غم داشینه

قویدولار حسرت او یورقون باجینی قارداشینه

گئتدی الدن یدی قارداش یدی قاره باغلادی

گه ابالفضل گه حسن بیر عمر حسینه آغلادی

 

 

کیمدی زینب سن سوروش عالم دئسون فرزانه دی

شمع ٬ رخسار حسین زینب اونا پروانه دی

کیم حسینه منکر اولسا زینبه  بیگانه دی

وصلت دلداره خاطر شوق دلبر باشدا وار

هر نه احساس و صفا وار بو باجی قارداشدا وار

 

 

یادگار حیدر   و    زهرادی بو قارداش باجی

باجی قارداش فخری قارداش باجینون باشدا تاجی

هر بیری فیض لقاء اللهه چوخ چکمیش آجی

قارداشین پیراهنین قانلی مناده سویدولار

باجینی قارداش دالیجا دیده گریان قویدولار

 

 

دوزدی جسما آیری اما روح واحددور بولار

خلقتا سر فنا فی اللهه   شاهددور   بولار

مدعی جهل ایلمه جاهد مجاهددور بولار

باشدا شوق نینوا شهر نبی دن چخدیلار

قانیلن٬ گفتاریلن ظلمون بناسین یخدیلار

 

 

تا حسین سجاده سالدی سجده گاه عشقده

باشلادی راز و نیازه   قبله گاه   عشقده

معنویت اوجه یتدی سر سپاه   عشقده

سسلنوب الله اکبر عشقی برپا    ایلدی

عرصه طوفاندا الله امرین اجرا ایلدی

 

 

شه نمازینده دیوردی قل هو الله احد

تلیدن زینب چاغوردی سسله الله الصمد

لم یلد یولد ٬ خدا واحددی ذاتا بی ولد

آند اولا اللهه بیز غیر از خدادن قوخماروق

دینه هر کس ایستیه ضربه وورا بیز قویماروق

 

 

شاه مقتلده اوخوردی شاه بیت آخرین

زین اب تل اوستن اوخشوردی حسینون دیللرین

سسلیوردی ای خدا حفظ ایله دینون لنگرین

ماه گردون صدمه گؤرسه بی گمان کوکب سئنار

شهپر دینون اگر سئنسا پری زینب سئنار

 

 

زینبم اما منه دنیا حسینسیز تنگدی

روح زینبلن حسین هم خوی و هم آهنگدی

لنگر دین بی حسین آری بنادن لنگدی

قانیلن قارداشیم آلسا قتلگهده دستماز

زینبه واجب اولار نار ایچره احیای نماز

 معروفان

 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

شبیه مصطفیٰ اکبردی اکبر

✅ شجاعت حضرت علی اکبر(ع)

 

شبیه مصطفیٰ اکبردی اکبر

     دُر بحر سخا اکبردی اکبر

اَله تیغ شررباری آلاندا

مثال مرتضی اکبردی اکبر

 

 

 

نهنگ بحر قهر استقامت

فقیه اعظم دین و ولایت

شبیه حضرت ختم رسالت

         علینون عشقی زهرا یادگاری

        حسینون قبضه سینده ذوالفقاری

 

 

شجاع مرد شریف آل هاشم

عقاب اوسته اولوب میدانه عازم

حسینون تیپینه لشگر نه لازم

       چیخوب قاف اوسته سیمرغ شرافت

       باش اگدی اکبره،روح شجاعت

 

 

اولوب میدانه عازم ماه پاره

دوشوب یِر لرزه یه چون گاهواره

ائلیر کروبیان رزمین نظاره

       لبینده ذکر یا سبحان دئیوردی

     ولی شمشیریده قان قان دئیوردی

 

 

 

الینده مرتضانین ذوالفقاری

سالوب میداندا غوغا اقتداری

اولوب میدانیدن چوخلار فراری

      دئیوردی کیم دئیور اکبر گلوبدی

     قاچون اکبر دگول،حیدر گلوبدی

 

 

 

یخیردی مرکب اوستوندن هژبری

بوغاردی پنچه سی،دوتسایدی ببری

قازاردی شمرین،اَر گلسیدی قبری

      کسوردی باشلاری مرآت طاها

      او چولده ایلدی صفینی احیا

 

 

 

قالوب حیران عدو بو طرز فنده

تاپولموردی حریفی تن ب تنده

توان یوخدی یازام،او حالی منده

       شکستی ایلدی سعد اوغلی احساس

     دوروب تلّ اوسته ده،عشق ایلیر عباس

 

 

 

دوتوب یوز پادگان اشقیایه

بویوردی فرقه ی پست و دغایه

باخا کیم چپ،شهِ کرب و بلایه

      چکوب بیر صف هاموزی باغلارام من

    وجودیزه سراسر دوغرارام من

 

✍️مجید قلعه بیگی (فقیرخویی)

 
 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

گوهرکنز پربها زینبین اللرینده دی

مدح حضرت زینب سلام الله علیها

 

گوهرکنز پربها زینبین اللرینده دی

رمز کلید مدعا زینبین اللرینده دی

دردیوه ایستسن دوا زینبین اللرینده دی

چاره ی کل ابتلا زینبین اللرینده دی

ناخوشا نسخهٔ دوا زینبین اللرینده دی

 

 

 

حجت حق او زادهٔ فاطمه ی مکرمه

توصیه ایلیوب هامی ملتمسان عالمه

ئوز سوزیدور او حضرتین مطلبمه مقدمه

دردوز اولاندایالوارون صدقیله زینب عممّه

حاجتی ایلماق روا زینبین اللرینده دی

 

 

 

باجی زمانه گورمیوب زینب او با وفا کیمی

ایلیه خدمت اللی ایل قارداشینا آنا کیمی

سوزدانیشانداکوفه وشامیده مرتضی کیمی

کامه چکردی خطبه سی دشمنی اژدهاکیمی

چشم کلیم باعصا زینبین اللرینده دی

 

 

 

زینب او دخت فاطمه عالمه بی معلمه

دوقوز امامین عمه سی شهره اولان عوالمه

منطقی محکم ومتین نابغه ی مکالمه

قبره گئدنجه صبر ائدوب اگمه دی باش تألمه

آری صحیفهٔ ولا زینبین اللرینده دی

 

 

 

ای ره وصلت آختاران سالما ئوزون مشقته

قوی قدم عشق یاریله دایرهٔ محبته

ئوپ گوزل آستانه سین چات درجات رفعته

زینبه عرض ائله خانم یوللا منی زیارته

چونکه برات کربلا زینبین اللرینده دی

 

 

 

مکتب مرتضی علی زینبی ائتدی تربیت

تا وئره اقتداریلن عالمه درس معرفت

بعد شهادت حسین تاپدی بیر اوزگه منزلت

اولدی یگانه رهبر قافله ی مقاومت

رونق دین مصطفی زینبین اللرینده دی

 

 

 

بیر خانمی که خادم درگهی جبرئیل اولا

آدینی انتخاب ائدن ذات حق جلیل اولا

مدحت زین العابدین عزتنه دلیل اولا

حقه قسم عزیز اولارهر کس اونا دخیل اولا

دیده ی شاه و هم گدا زینبین اللرینده دی

 

 

 

سینه دن عشقی زینبون رفع غم و بلا ائدر

قلبی توز آلسا نورینون جلوه سی پرجلا ائدر

جذبه ی حسنی عالمی عشقینه مبتلا ائدر

لطفیله باخسا هرکسه جان مِسینی طلا ائدر

جوهر پاک کیمیا زینبین اللرینده دی

 

حاج ولی الله کلامی زنجانی

 
 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

 

دل شب ایلیوب سفر

زبانحال حضرت زینب (س) در شهادت حضرت زهرا (س)

 

دل شب ایلیوب سفر

هارا گیدورسن آی ننه

قالوبدی دورد بالون ملر

هارا گیدورسن آی ننه

 

 

 

توخاندی شانۀ اجل

او طرّۀ مُعَنبره

گییندون آغ لباسیوی

شکنجه دیده پیکره

شبیه ائدوبدی آغ کفن

سنی بیر آغ کبوتره

شکسته دل شکسته پَر

هارا گیدورسن آی ننه

 

 

بهار وقتی سن کیمی

شکفته لاله سولمادی

تانیشلارون آچوب باشین

جنازون اوسته یولمادی

ایوین چوخ ایستیر هامی

ایوین سنه ایو اولمادی

ایویندن اینجیین گیدر

هارا گیدورسن آی ننه

 

 

مَصون اولار تَعدّی دن

او قوش که آشیاندادی

امان سیز اولدی منزلون

بلا بو دودماندادی

بو ایو سَنه خوش اولمادی

تَزَه ایوین هایاندادی

گیجه زمانی بیخبر

هارا گیدورسن آی ننه

 

 

حبیب لَم یَزَل قیزی

خدایه سن حبیبه سن

نژاداً هاشمیه سن

اصالتاً نجیبه سن

یوخوندی بیر کسون مَگَر

بو شهریده غریبه سن

غریبه دَنده چوخ بَتَر

هارا گیدورسن آی ننه

 

 

غمون گَلوسینی دوتوب

حسن دینمیور سوزون

گهی باخور جنازووه

گهی یومور گوزل گوزون

کیچیک باجیمدا مَطلبی

بولوبدی ئولدورور اوزون

قویوب حسینی خونجگر

هارا گیدورسن آی ننه

 

 

گوزینده حیدرین جوشوب

آخور سرشک جوهری

وفالی همسر آغلادار

مگر وفالی همسری

علی ایوی خزینه دور

سنیدون عالی گوهری

قالور خزینه بی گُهر

هارا گیدورسن آی ننه

 

 

چخوبدی گویده سیر ایدور

آیین طَرب زمانی دور

نسیم نَرم و سَرد اَسور

نه تاب و تَب زمانی دور

باخور ستاره لر یِره

نماز شب زمانی دور

توقف ایله مختصر

هارا گیدورسن آی ننه

 

 

شهید محسنون غمی

سنی چوخ ایتدی دل کباب

دیدون بالام صود اَمَّمدی

گوزوندن آخدی اشک ناب

سنون بو گیتمگون ایدور

علینی خانمان خراب

تفاقنه دوشوب شرر

هارا گیدورسن آی ننه

 

 

قوناق سن پیمبره

گلوبدی سرّی دعوتی

ولی بو زینبون سنه

ئورکده چوخدی صحبتی

گیجه مسافر اولماقین

نه حُسنی وار نه لذتی

قالوب ایوینده گیت سحر

هارا گیدورسن آی ننه

 

 

هر اوخشاما دیور قیزون

داش اولسا قلبی یاره لر

نمونه بیر سخنورم

سوزومده وار اشاره لر

بو قاره که باشیمدا وار

دالیجا چوخدی قاره لر

اولام چتیندی بختور

هارا گیدورسن آی ننه

 

 

کچیکدی سنّی زینبون

بؤیوک ملالیوی قانار

سرشکینی روان ایدر

یوزه نقابی ایسلانار

یانان قاپوندی منظره

گوزوم باخار اورک یانار

آز اولدی نسگلون مگر

هارا گیدورسن آی ننه

 

 

مدینه نون خانملاری

گیدوبدی خوابه چوخ گران

جلال سیز اولور سنون

مزاره میّتون روان

بو رسمدور که منزلین

جنازه ترک ایدن زمان

عزایه قونشولار گلر

هارا گیدورسن آی ننه

 

مرحوم انور اردبیلی

 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

ای امامتین آسمانینه

زبانحال حضرت زهرا سلام الله علیها

 

ای امامتین آسمانینه

بیر مه منوّر عم اوغلی جان

آغلاما، گئجیله گونی منه

ایلمه برابر عم اوغلی جان

 

 

منده تا نفس وار بیله خیال

ایلمه وطنده غریب سن

فکریوه گتورمه کمکسیزم

ایل قبیله دن بی نصیب سن

من مریض عشقم منیم بو گون

درد عشقیمه سن طبیب سن

تاپشیروب امانت سنه منی

حضرت پیمبر عم اوغلی جان

 

 

ای وصیّ پیغمبر خدا

وی ولیّ خلّاق کردگار

ایمدی هوش آپاردی بابام گلوب

گوردوم عارضینده غبار وار

بار غم بوکوب گوردی قدّیمی

منده قالمیوب تاب و اختیار

گوردوم آغلوری، انتظاروام

سویلوری او سرور عم اوغلی جان

 

 

من شراب عشقین ازل گونی

نوش ایدوب او می مست مستیم

ظاهری جهانه گلوب سنون

رشته ی علاقنده بستیم

جور و ظلمیدن دل شکسته سن

منده سن کیم دل شکستیم

آتش غمون قلبیمه سالوب

سونمیَن بیر آذر عم اوغلی جان

 

 

آچمورام سوزون اوستونی نلر

چکمیشم یانوب درگهیم منیم

دوشموشم فشاره سخلدی چوخ

یاندی بو دل آگهیم منیم

ثانی ووردی سندی قاپی او دم

تار و مار اولوب خرگهیم منیم

آشیانیم اود دوتدی قوش کیمی

یاندی بال و پرلر عم اوغلی جان

 

 

من ریاض عشقونده یاعلی

دورت قزل گله باغبانیدیم

زحمتین چکردیم گئجه گونوز

دورت گلون، اوزوم شادمانیدیم

نه آنا نه باجی نه قارداشیم

وار اودور که من باغری قانیدیم

تک سنی بُلردی امید دل

روز و شب بو مضطر عم اوغلی جان

 

 

دوقّوز ایلده اولدی سنه منیم

هر نه قدر عفو ایله زحمتیم

دوقّوز ایل سنه همسر اولموشام

اوج ایدوب منیم شان و شوکتیم

خدمت ایلدوقجا سنه منیم

آرتدی حق حضورینده عزّتیم

گَل حلال ایله حقّیوی منه

ای بتوله سرور عم اوغلی جان

 

 

ایلرم سپر هر بلالره

سندن اوتری بو خسته جانیمی

قویمارام حسابه توکوبدولر

پشت درده توپراقه قانیمی

دوزمرم دیدیم حالینی گورم

منقلبدی روح و روانیمی

شاهد عرضیمون صدقینه اولار

ربّ حیّ داور عم اوغلی جان

 

 

غسل ویر گئجه دفن و کفنیمی

قبریمی ایله گیزلین آغلاما

دفن ایله بیر آز قبریم اوسته دور

عارضه دُر اشکی باغلاما

صبر ایله دایان هر مصیبته

هجریمه یانوب سینه داغلاما

آغلاسان مزار ایچره غملنَر

حالیوه بو مضطر عم اوغلی جان

 

 

دورت بالام آناسیز قالور منیم

دوت دله اوزون قویما آغلاسون

زینبیم دوزنمز فراقیمه

مانع اولما قوی قاره باغلاسون

مانع اول حسینیم گر آغلاسا

مندن اوتری او سینه داغلاسا

قبر ایوینده قلبیم یانار اولار

غملریم مکرّر عم اوغلی جان

 

 

دردی اولسا هر کیمسه نون اگر

عرض قیلسا گر شیر داوره

دردینه علاج ایلیر یقین

دیمیه داخی شخص دیگره

خدمت ایله #یعقوبی صدقیله

توشه اخذ ایله روز محشره

فاطمه دیه گوز تیکوب بیزه

حشریده بو نوکر عم اوغلی جان

 

حاج حسن یعقوبی

 
 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

 

یابن زهرا ای صفای گلشن حیدر

استغاثه محضرامام زمان(ع)


یابن زهرا ای صفای گلشن حیدر
ناخدای کشتی دین عالمه لنگر
داغ هجرانینده مولاقان توکورگوزلر
ای عالمه سلطان - جانلارسنه قربان ؛ آقا


سن حبیب کشور احباب سن مهدی
سن سپهر عصمته مهتاب سن مهدی
بیزرعیت سن بیزه ارباب سن مهدی
ای عالمه سلطان - جانلارسنه قربان ؛ آقا


میوه قلب نبی ای منصبی اولا
گوزلریم یوللاردادی عالملره مولا
چیخ حجاب غیبدن سن بیل آنان زهرا
ای عالمه سلطان - جانلارسنه قربان ؛ آقا


یوز وئرر بیزدن خطا اما عطا سندن
بی دوا دور دردیمیز درده دوا سندن
التجا بیزدن برات کربلا سندن
ای عالمه سلطان - جانلارسنه قربان ؛ آقا


هاشمی خال لبون افسونیم تئز گل
آفتاب حسنیوون مفتونیم تئز گل
لیلۀ هر زلفیوون مجنونیم تئز گل
ای عالمه سلطان - جانلارسنه قربان ؛ آقا

محمد علی مصیبی تبریزی

 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

پهنه بیکرانیدور بحر سخاسی زینبون

مدح حضرت زینب سلام الله علیها

 

پهنه بیکرانیدور

بحر سخاسی زینبون

مشعل جاودانیدور

یوخدی فناسی زینبون

 

مشگل گشادی

باب رجادی

هر دردون اولسا

زینب دوادی

 

هر نه کی مدحنامه وار مدحتینه مقدمه

نطقی فصیح و دلربا عالم بی معلمه

درس عفافی ئورگدیب نکته به نکته مریمه

زینبه ئورگدیب همان درسی آناسی زینبون

 

مشگل گشادی باب رجادی

هر دردون اولسا زینب دوادی

 

دشت و کویره لطفیلن قویسا قدم جنان اولار

گئتسه بهشته خشمیلن گل سارالوب خزان اولار

عزم و اراده ائلسه گون ئوزی سایبان اولار

سائلی پادشاه ائدر لطف و عطاسی زینبون

 

مشگل گشادی باب رجادی

هر دردون اولسا زینب دوادی

 

قوللاری باغلی دشمنی سالدی کمند ظلمته

کسب شرافت ایلدی دشمن ایچینده امته

باشیمی اگمرم دئدی هرزه روان جماعته

سالدی یزیدی تختیدن نطق رساسی زینبون

 

مشگل گشادی باب رجادی

هر دردون اولسا زینب دوادی

 

کوفیه چکدی ناقه سین دست زمانه لاجرم

ایلدیلر اسارته عشقینون اوسته متهم

دادستان کربلا فرصتی بیلدی مغتنم

محملون اوست قوزانوب عرش خداسی زینبون

 

مشگل گشادی باب رجادی

هر دردون اولسا زینب دوادی

 

من دئدی خبره تاجرم واردی الیمده گوهریم

قیمتی فهم و درکیدور حیف اولا یوخدی مشتریم

نیزه لر اوسته باخمیون پرپر اولوبدی گللریم

هر گل خوش طراوتین جانی فداسی زینبون

 

مشگل گشادی باب رجادی

هر دردون اولسا زینب دوادی

 

سعی ایلیون کی بستر جهل و خطاده یاتمیون

بسدی بو قدری ساده لیک ظلمتی نوره قاتمیون

غیرتوز اولسا نازنین قیزلاریما داش آتمیون

باشلانا یوخسا قورخورام بزم عزاسی زینبون

 

مشگل گشادی باب رجادی

هر دردون اولسا زینب دوادی

 
 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

 

ظلم اودیله درگهون اودلاندی یا زهرا سنون

سوزانیدن درگه حضرت زهرا سلام الله علیها

 

ظلم اودیله درگهون اودلاندی یا زهرا سنون

محسنون سقط اولدی قلبون یاندی یا زهرا سنون

 

هر طرفدن چون سنه تنگ ائتدی دشمن عرصه نی

گوردیلر یا فاطمه یالقوزلیوب محنت سنی

آلدیلار حقون اَلوندن ظلموله قوم دنی

حقّووی حق بولمینلر داندی یازهرا سنون

 

اولمادی ثانی رضا گُلماقه بیر لحظه یوزون

اود وروب درگاهوی یاندوردی آغلاتدی گوزون

سندیروب پهلوی نازون قالدی دلده حق سوزون

قتلیوه بو صدمه بیر عنواندی یازهرا سنون

 

 

دوشدی ظلم اشقیادن بسکه امرون مشگله

گرچه یاندون آغلادون دردون ولی سالدون دله

جانه گلدون آغلاماقه گئتدون آخرده چوله

صبریوه قدّوسیان حیراندی یا زهرا سنون

 

 

بس دگولدی بیر بئله جور و جفا آیا سنه

ائیلدی آخر پیمبردن صورا اعدا سنه

بیرده ظلم فاحش ائتدی ثانی یا زهرا سنه

باخمادی کوئلون لبالب قاندی یازهرا سنون

 

 

آشکار عرض ائتمرم نئتدی سنه اول نابکار

ضرب سیلیدن قولاقون پارچالاندی آخدی ثار

گُل جمالون اولدی نیلی ای دُر گنج وقار

قاتلون مطلق او بی ایماندی یازهرا سنون

 

 

گورمدون خوش گون بو عالمده سن ای کان وفا

آشکارا حقّووی غصب ائیلدی اهل جفا

اولدی لیکن ظلم اعدادن سنون دفنون خفا

قبر پاکون ایندیده پنهاندی یازهرا سنون

 

 

کاش اولیدی بی مروت قنفذون شل اللری

شیر حق غسلون وئرنده تازیانه یرلری

آغلادوب اول شاهی مطلق یاندیروب پیغمبری

هر غمون مین موجب افغاندی یا زهرا سنون

 

 

گرچه چوخ ظلم ائتدی یا زهرا سنه دشمنلرون

اولمادی غارت ولی باشدان ستمله معجرون

نه یارالاندی خانیم بیر معجر اوسته اللرون

نه اوگون بارماقلارون دوغراندی یازهرا سنون

 

 

ای بلا کاشانه سی وی دختر خیرالورا

زینبه نه ظلم واردی ائتدی شمر بی حیا

آغلاسان جنتده بو ظلمه یقین صبح و مسا

زینبه دائم گوزون گریاندی یازهرا سنون

 

 

گورمسیدی گر سنه ثانی ایاق ظلمین روا

ائیلیینمزدی او ظلمی زینبه شمر دغا

بیر بلالی زینب اولدی بو جفایه مبتلا

بیرده قلبون بو جفادن یاندی یازهرا سنون

 

 

نچه ایل دور که اولوب بیر درده عاصی مبتلا

هر دیلیله یالوارور اوغلون اونا ائتمور دوا

سنده دور یا فاطمه بو دردیمه قطعی شفا

بیر نگاهون دردیمه درماندی یازهرا سنون

 

مرحوم عاصی تبریزی

 
 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

غمون علینی ایلدی

زبانحال حضرت علی (ع) در شهادت حضرت زهرا (س)

 

غمون علینی ایلدی

غم آشناسی فاطمه

گَتوردی تنگه سینمی

باشون بلاسی فاطمه

 

 

 

 

بو رسمیدور که اهل دل

دل اهلینون سسین تانور

دلیمده سسلورم آدون

دل ملائک اودلانور

جواب ویر بو بی کسه

اورگیمون باشی یانور

دانیش که تا اله گَله

اورک رضاسی فاطمه

 

 

 

 

علینون حقّی وار اگر

هی آغلیوب ملول اولا

فنا جهاندا قورخورام

بو زندگیده طول اولا

قالینجا کاش تیز ئولم

مرام دل حصول اولا

که یوخدی سنسیز عالمین

منه وفاسی فاطمه

 

 

 

 

گونوزلر ایوده اگلشوب

یانان قاپینی باغلارام

یتیم اوشاقلاریم باخار

دیزلریمی قوجاقلارام

هامی ایوه گیدن زمان

گَلوب بقیعده آغلارام

بقیعده سنله دفن اولوب

ایویم صفاسی فاطمه

 

 

 

 

دوشنده آغلیان گوزوم

قاپیمدا کی مناظره

سپاه غصّه غفلتاً

منی ایدور محاصره

ئورکده نقش باغلیوب

او فاجعه او خاطره

دوشور خیاله دشمنین

هامی جفاسی فاطمه

 

 

 

 

بجادی روز و شب منیم

سرشکیم آخسا دامنه

زمانه ایلدی سنی

نشانه تیر دشمنه

نه اولدی دردیوه دوا

نه قالدی محسنون منه

الیم بلیمده قالدی ای

الیم عصاسی فاطمه

 

 

 

 

نیه دانشموسان داخی

بو رازداره رازیوی

علی ئورکده ضبط ایدوب

نوای جان گدازیوی

اذان چاقیندا زینبون

آچاندا جانمازیوی

گوزیمی آغلادار اونون

هر اوخشاماسی فاطمه

 

 

 

 

منی قوجاتدی ئولماقون

اورکده تاب قالمادی

تعجّبم نیه اجل

بو جانی مندن آلمادی

باشون غمی آزالمادی

یارالارون ساقالمادی

شماره گَلمدی سنون

باشون بلاسی فاطمه

 

 

 

 

دور ای حبیبه ی خدا

منیله سینه داغلیاق

یانقلی آهیلر چکاق

عذاره اشکی باغلیاق

ویراق بو چولده سس سسه

حسینه باهم آغلیاق

حسینیمون سولوب یوزی

ئووب آناسی فاطمه

 

 

 

 

قطا سماده وای دیر

چخاندا عرشه وایلاریم

زمانه دن داریخمیشام

ایله دونوبدی آیلاریم

سالور جهانی لرزیه

نوالریم هارایلاریم

نوالی نیلرین هانی

بیله نواسی فاطمه

 

 

 

 

بو بس دگول که اهل کین

اهانت ایتدیلر سنه

بو بس دگول توکولدولر

در ولیّ ذوالمنه

گیچنده ایمدی کوچه دن

سنی ووران گولر منه

دعا ایله ئولوم داخی

دلون فداسی فاطمه

 

 

 

 

ای عشقباز ممتحن

منیمده عشقه خو واریم

#کلامی یَم سیزه گوره

یوزومده آبرو واریم

بو درگهه یخلمیشام

ئورکده آرزو واریم

دوتوبدی پاک دامنون

قاپون گداسی فاطمه

ـــــــــــــ

✍️ زبدة الاشعار ✍️

کلامی زنجانی

 *فایل صوتی در کانال تلگرامی وبلاگ👇👇👇

 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

ای آسمان محنتین

زبانحال حضرت علی (ع) بر سر مزار حضرت زهرا (س)


ای آسمان محنتین
باتان هلالی فاطمه
بقیعه مرتضی گلوب
اویان یارالی فاطمه

دور آی زهرا اوستومه درد و غم توکولدی
دور آی زهرا قبرون اوسته قدّیم بوکولدی
سنی مندن آلدی ظلمیله اهل کینه
منه زندان اولدی سنسیز مُلک مدینه

غریبم،غریبم(٢)




سن آیریلاندان ئوز ائویم
اولوبدی محبسیم منیم
مدینه نون غریبی ام
یوخومدی بیر کسیم منیم

دور آی زهرا رشته عشقی پاره قویما
دور آی زهرا مرتضانی آواره قویما
سنه دوقّوژ ایل دی من یارم گوزدن آتما
منیلن خوش خاطراتی یاددان چیخارتما

غریبم،غریبم(٢)




نه تئز قوتاردی فاطمه
منیم صفالی گونلریم
سن اولماسون بو دهریده
کئچر عزالی گونلریم

یوزوم گولمز ماتمونده دل داغلارام من
دوشر کئچمیش گونلریم یاده آغلارام من
او ائوده دائم محبّت رختین گییردون
هاچان من زهرا دئسیدیم سن جان دییردون

غریبم،غریبم(٢)




بو مدّتی نه چکمیشم
مدینه اهلی بیلمه دی
اقلّی بیر نفر گلوب
یوزومدن اشکی سیلمه دی

عجب امّت دوز چورک حقین داندی زهرا
قاپیمدان آرتیق یانان قلبیم یاندی زهرا
نفسدن دوشدوم منه دور تازه نفس وئر
علینون قلبی سنقدی سن باری سس وئر

غریبم،غریبم(٢)

مهدی قلندری اردبیلی

 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

الهی آنامدان ، اوزولدی الیم

✔️ زبانحال حضرت زینب سلام الله علیها در فراق مادر بزرگوارشان

 

الهی آنامدان ، اوزولدی الیم

بو هجران غمیندن نجه دینجلیم

 

اورک دولدی یا رب،یتیم اولدی زینب،آخار گوز یاشیم

توکر اشک حسرت،دییَر وامصیبت،حسین قارداشیم

 

—------------------

 

مدینه بو غمده سیه پوش اولوب

الهی وفا شمعی خاموش اولوب

آنام مُحسنیله هم آغوش اولوب

 

باتوب ماه عصمت،معین ولایت،آخار گوز یاشیم

 

—------------------

 

آناسیزلارین قلبی سوزان اولار

اذان وقتی حالی پریشان اولار

آنام گلمسه بو اورک قان اولار

 

قالوب جانمازی،منه سوز و سازی،آخار گوز یاشیم

 

—------------------

 

حسین سسلیَنده دوراردی آنام

باشی اوسته خیمه قوراردی آنام

او رخساره بوسه وراردی آنام

 

دییَردی گُلوم یات،آناوی آز آغلات،آخار گوز یاشیم

 

—-------------------

 

آنام سالدی الله گوزوندن منی

الیمدن چخوب رشتۀ دامنی

نشانه منه قالدی پیراهنی

 

اورکده فغان وار،بو کوینکده قان وار،آخار گوز یاشیم

 

استاد کلامی زنجانی

  منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@

 

موذن نبوی مرد با اراده بلال

اذان گفتن بلال

موذن نبوی مرد با اراده بلال

رضای حقه گوره صبر ایدوب بلاده بلال

 

 پیمبرین اتگیندن دوتوب شرافت آلوب

گوروبدی تربیتون دست آشناده بلال

 

سیاه چرده ولی قلبی آق مقامی اوجا

دولانمیوب ابدا جامه ریاده بلال

 

قویوبلا سینه سی اوسته نقدر سنگ مذاب

مرامین ائتمدی زایل او ابتلاده بلال

 

جلا و زیور دنیایه گوز یوموبدی تمام

سلیم قلبیله دائم گزوبدی ساده بلال

 

شیرین دیلیله وئرردی اذان به وقت نماز

گچوبدی عمر گرانمایه سی ثناده بلال

 

او گون که یومدی گوزون عالمه رسول خدا

آغیر گلوب بو محن عرق اولوب عزاده بلال

 

او گوندن اولدی مکدر بلال اذان دئمدی

قدر اراده ائدوب غرق اولا قضاده بلال

 

و لیک عالم رویاده بیر گجه رویت

ایدوب رسول خدانی شب دجاده بلال

 

یوزونده گوردی رسولین ملال و غم توزی وار

سوال ائدوب بو ایشون علتین خفاده بلال

 

بویوردی حرمتوی عترته کم ایلموسن

ندن اذان دئموسن صبح یا مساده بلال

 

اماندی دوش یولا زهرا اذانون عاشقیدی

گوزتلیور یولوی بال و پر فتاده بلال

 

دوشوبدی بستره آخر نفسلرینده گزور

اذان صداسی گله ماذن و مناده بلال

 

وفالی همسرینون غم دولوبدی سینه سینه

بالالاری دایانوب اللری دعاده بلال

 

رضا گر ایستیوسن من اولام بو دم سندن

اذان صداسین اوجات شهر مصطفاده بلال

 

آییلدی تا یوخودان باغلیوب بساط سفر

یتوردی تئز ئوزونی یثربه پیاده بلال

 

اولجه روضه پیغمبره سلام ائلدی

آلوب اجازه چاتوب منزل مراده بلال

 

ساتاشدی گوزلرینه حیدرین یانان قاپوسی

گوروبدی عالم دیگر در ولاده بلال

 

حسن حسین ائله که گوردولر بلال گلور

ئورکلنوب دئدیلر گل بو دمده داده بلال

 

مریضدور آنامیز حال احتضارده دی

نحیف جسمی قالوب ناتوان اراده بلال

 

وصیتون ائلیوب روبه قبله دور ننه میز

فراق سایه سالیب غملی غمسراده بلال

 

و لیک بیرجه تمناسی وار اذان دییه سن

بابام محمد آ ی نشر اولا سماده بلال

 

یوبانما ماذنه گئت قویما آرزیسی قالسین

اذان بو لحظه برابردی مین جهاده بلال

 

بلال اشک ترون توکدی ماذنه چخدی

اوجالتدی قلبه یاتان نغمه سین هواده بلال

 

دیلینده کلمه الله اکبری دیوبدی جلی

خدادی مالک اولان محشر و معاده بلال

 

گواهی وئردی سپس لا اله الا الله

که یعنی شک ایلمور وحدت خداده بلال

 

پیمبر آدی گلنده بیر آیری عالم اولوب

گوروبله فاطمه نی غرب اولوب نواده بلال

 

دئدی و یا دئمدی غملی سوزلرین زهرا

گولوب دوداقی ولی یومدی گوزلرین زهرا

 

قاچوب حسین و حسن دیلده وای ننم ئولدی

سالوبلا شهر رسالتده های ننم ئولدی

 

خطاب ائدوبله بلالی او نیمه جان گللر

عمو اذان دئمه گوز یومدی دای ننم ئولدی

 

اوخی اذان یئرینه غملی صوتیلن قرآن

جهاندا اولدی جوان عمری زای ننم ئولدی

 

ابوالفضل عباسی معروفان اهری ( معروف )

 

 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@