تورکی نوحه لر

الله الله بو حسین کیمدی بئله شالیخ ائدیر

باخیب الله سوزونه عالمه سلطانیغ ائدیر
 

بوحسین کیمدی کی گل تک قالانوب باتمیاجاخ

حشره تک زنده دی قاره علمی یاتمیاجاخ

بوحسین کیمدی کی عشق اهلینه پیغمبردی

ائله رهبردی که سرنیزه اونا منبردی

بو حسین کیمدی اورکلرده ویروب خیمه سی نی

ائشیدیب کرب و بلادن هامی زیبا سسینی

بو حسین کیمدی اورکده هامی اونان دانیشار

گر بیرینن کوسه زهرایه گوره تئز باریشار

بوحسین کیمدی آدی مژده ی پیروزی وئرر

اونا خاطر هامیا حضرت حق روزی وئرر

بوحسین کیمدی اسیر عرشیده یاسین علمی

انبیا سلسله سین مرثیه خوان ائتدی غمی

بو حسین کیمدی کی لبخند ویروب قاتلینه

نئچه یول وار یوخونی بذل ایلدی سائلینه

یوز گوزونن توکولوب رحمت و خیر و برکت

اوت گلستانه دونر لبلره وئرسه حرکت

بو حسین کیمدی شفاعت تاجینه لایق اولوب

عشقی خلق ایلین الله دا اونا عاشق اولوب

بو حسین کیمدی یزیدین ایشینی سخت ایلدی

اوچ یاشیندا قیزی هند اوغلونی بدبخت ایلدی

معاویه قصرینی بش ایلدی قویوب ویرانه

آچدی ویرانه ده قرآنه سفارت خانه

بو حسین کیمدی مبارک آدی هر درده دوا

قانلی توپراقینی الله الییب خاک شفا

بو حسین کیمدی کی حق اوسته سوسوز باتدی قانا

وئردی انگشتیلن انگسترینی ساربانا

بوحسین کیمدی کی مشتاقیدی هر گون قوناقا

بو گلنده هامی مسجد دع دوراردی ایاقا

ختم پیغمبر  اونون مقدمینه عطر سپیپ

منبر اوسته آلوب آغوشه بوغازینن اوپوپ

منبع : تورکی نوحه لر - توحید قربانعلی زاده www.noohalar.blogfa.com

فایل صوتی👇👇👇

🆔@turki_noohalar