تورکی نوحه لر

حضرت زینب سلام الله علیها

حاج بابا احمدزاده(غریب)

سبک:بیرقارداشیدون من بولورم...


غربتده بوگون زینب شیرین سخن ئولدی
  یوللاردا گوزی قلبی لبالب محن ئولدی


اللر اوگینده نفسی دوشدی شماره
افغان بلا اوج ایلدی عرش وقاره
هجران ترین آلنوندا اجل دؤزدی دوباره
کول باشینه دنیانون اولا شیرزن ئولدی


واردور یری جنتده آچا باشینی زهرا
واردور یری قان آغلیا بوغصه ده طاها
واردور یری ماتم توتا حیدر سالا غوغا
اظهار ائلیه عالمه بیر بت شکن ئولدی


واردور یری عاشقلری شیون ائده دلدن
معنای شرف گئتدی بوگون شیعه لر الدن
ظلمیله ائدیب قانلی فلک بلبلی گلدن
گلشنده گول ئولدی شجر ئولدی چمن ئولدی


جان سینه ده دوندردی یوزون کرببلایه
سسلندی حسین زینب ئولور دور گل عزایه
تعجیل ائله غرق اولدی باجون بحر بلایه
کفاریله دنیاده کشاکش ائدن ئولدی


من باغلامیشام یاروی ای شاه خجسته
گل سنده دایان جان وئریم آسان باشیم اوسته
لطف ایله باخوم گوزلروه من گوزی بسته
قانلی گوزوی کرببلاده ئوپن ئولدی


غربتدن آدامسیز باجووام جان دوداقیمدا
غمدن سارالوب جسمیم حسین گل سایاقیندا
حسرتدی باجون جان وئره قارداش ایاقیندا
کاش من تز ئولیدیم که حسین و حسن ئولدی


من گوردون حسین قبروه زوار گتوردوم
باشلاردا قرا غملی عزادار گتوردوم
بیر دسته هما دیده ی خونبار گتوردوم
گل سنده حسین دردیوی دلده چکن ئولدی

 

منبع : تورکی نوحه لر - قربانعلی زاده www.noohalar.blogfa.com