تورکی نوحه لر

آبروی علوی شیعه گری مذهبیدی
دوز یول احمد یولیدی مکتب علی مکتبیدی
عصمتین اسوه سی استاد سخن زینبیدی
آند اولا زینبینون قانه باتان معجرینه
یاراشور دین علمی شیعه لرون اللرینه
شیعه نون مکتبینون منطقی دنیایه چاتار
یاتسا بو قاره علم پرچم قرآندا یاتار
دینی بیگانیه وهابی مزدور ساتار
شیعه نون دوزدی یولی باخما اجانب سوزینه
اوخ ایدوب وور بو قرا پرچمی دشمن گوزینه
ساخلیان دینی خطردن بو حسین وای سسیدی
قاره کوینک لر حسین یاور و یار و کسیدی
عارفانه توکلن گوز یاشی دینون بسیدی
هر آخان قطریه بیر کاخ ستمگر یاتاجاق
سیل اولوب دامنه سی کاخ سفیده چاتاجاق
دشمن اهدافینه زهرایه قسم چاتمیاجاق
شیعه ئوز مکتبینون عزتینی ساتمیاجاق
بو ابوالفضل علمی حشره کیمی یاتمیاجاق
ظاهره قاره علم کل جهاندان چیخاجاق
یخیدی خضرانی ، بوگون کاخ سفیدی یخاجاق
دین اسلامین اصولینده حسین الگودی
گلشن دینیده گل چوخدی بو گل خوشبودی
شیعه اربابیدن اورگشدی بیله حق گودی
گر حسین اولماسا بیر درهمه دنیا دگمز
شیعه تا واردی حسین دشمنه گردن اگمز
بیزیم اربابین آدیلا اوجالوبدور اسلام
بیزیم اربابین آدی دینه ویروب عمر مدام
بیزیم ارباب ایلیوب ظلم قباقینده قیام
بیزیم اربابیمز ئوز قانینی شمشیر ایلیوب
 آلتی آیلیق بالاسی دشمنی تحقیر ایلیوب
استاد هادی
                                                                           منبع : تورکی نوحه لر - قربانعلی زاده