شعر جدید در فراق پدر

به سبک می‌گذرد کاروان


دهریده سندن صورا
اولدی اورک قان بابا
گون کیمی آخشام باتوب
قلبیمه وردون یارا

دردیمین درمانی جان بابا
گوزلرین قربانی جان بابا

جان بابا جان بابا جان بابا 2بار

سنسیز اورک قان اولوب
سینه میزه غم دولوب
ایندی بوتون ائللرون
غصه و غمده صولوب

گول کیمی صولماقان آغلارام
سینه می آتاجان داغلارام

جان بابا جان بابا جان بابا 2بار

ای منه روح و روان
وی منه آرام و جان
تئز سنی آلدی فلک
ائتدی بیزی باغریقان

قلبیمیز غصدن اولدی قان
سس ویر ای مهربان بیر اویان

جان بابا جان بابا جان بابا 2بار

گلشن عمروم بابا
دوندی صولان گلشنه
قالدی دالینجا گوزوم
باخ باباجان بیر منه

دردیمین درمانی آی بابا
بیرده گلمز سنه تای بابا

جان بابا جان بابا جان بابا 2بار

آیریلقون ائللری
ائتدی پریشان بابا
یاندیراجاقدی بیزی
بو غم هجران بابا

سینه می غملرده داغلارام
اوخشار ام یانارام آغلارام

جان بابا جان بابا جان بابا 2بار

ای بیزی آغلار قویان
تئز بوجهانان دویان
آی کیمی آخشام باتوب
یاتما بابا جان اویان

آیریلق اود سالوب جانیمه
آچ گوزون باخ بابا حالیمه

جان بابا جان بابا جان بابا 2بار

یاور و یاریم بابا
روح و روانیم بابا
قلبیمی غملر دوتوب
یوخدی توانیم بابا

ای منیم دلداریم هارداسان
غم گونی غمخواریم هارداسان

جان بابا جان بابا جان بابا. 2بار


ملتمس دعا مهدی ملکی