آدون فداسی یاحسین پوزما آفاقی
شهادت حضرت علی اصغر علیه السلام
کلامی
سبک: بزم عزاده گیمیشم قاره یا عباس
آدون فداسی یا حسین پوزما آفاقی
بو قدری باسما باغریوا قانلی قونداقی
گوزلرون قربانی آغلاتما زهرانی
آنام جانی بو حالیوه عرشیان آغلار
سمایه سپدیگون قانا آسمان آغلار
اولار غمونده زینبون باغری قان آغلار
گور ایسلادوبدی گوزیاشیم قاره تپراقی
گوزلرون قربانی آغلاتما زهرانی
بِجادی دردون عالمی دل ملول ائتسون
گرک سحر ستاره سی تِز افول ائتسون
بو آخرین شهیدیوی حق قبول ائتسون
پوزار بو قانلی منظره حال عشّاقی
گوزلرون قربانی آغلاتما زهرانی
سن آفتاب عشقیسن اصغرون بیر آی
ربابه بو باتان آیی وردی الله پای
گتور وئروم آناسینا هی دئسون لای لای
گتور یاراسینی ئوپه آیریلیق چاقی
گوزلرون قربانی آغلاتما زهرانی
منبع : تورکی نوحه لر - توحید قربانعلی زاده www.noohalar.blogfa.com
کانال تلگرامی(فایل صوتی)👇👇👇
🆔https://t.me/turki_noohalar
لینک کانال کانال تلگرامی تورکی نوحه لر و ارتباط با ما: