تورکی نوحه لر

آلله هیچ قارداشسیزی تک قویماسین بحران ایچینده

قالماسین هیچ ناخدانین کشتی سی طوفان ایچینده

ای حسینی سسلین امداده نخلستان ایچینده

باغریم قان ابالفضل نه یاتوبسان قان ایچینده

زینبم پیکارائدیب پیروزیدان چیخمیشام من

شامه یورقون گلمیشم عشقه نگهبان چیخمیشام من

هامینی یاده سالاردیم ایندی یاددان چیخمیشام من

گل حسین غربتده تاپ ایندی وطنسیز زیبنبی

آی شهید بی کفن قویماکفن سیز زینبی

فکریمه گلمزدی اصلا بیرده شامه یول سالام

فکریمه گلمزدی جان اوسته بئله شهپر چالام

فکریمه گلمزدی غربتده ئولنده تک قالام

هیچ اینانمازدیم منیم قبریم وطنده اولمیا

هیچ اینانمازدیم ئولم غسل ایلینده اولمیا

قوی دئیوم بلادن جوش ائدیب داشدیم حسین

بارغم چیگنیمده عمرون داغلاری آشدیم حسین

بیرقدم یوخ...مین قدم قبره یاخونلاشدیم حسین😭

قویمادی جان منده بیرقلبی کبابین ئولمگی

ئولمگیمی چوخ تئزه سالدی ربابین ئولمگی

هاردا سان گل ای بلالی باشدا تاجی زینبون

سسلمزدیم قالمیوب الده علاجی زینبون

چوخ یامان گونده وارسنه احتیاجی زینبون

ای وفاده سکه سی دنیاده رایج الدخیل

قالموشام مشکلده یا باب الحوائج الدخیل

منبع : تورکی نوحه لر - توحید قربانعلی زاده www.noohalar.blogfa.com

کانال تلگرامی👇👇👇

🆔https://t.me/turki_noohalar