تورکی نوحه لر

کربلا قبله ی عشقیمدی منیم
اورگیم دفتر مشقیمدی منیم
یازارام روحیمه ریحاندی آغام
عالمین دردینه درماندی آغام

آغامین تربتی  ذکریمدی منیم
حرم و صحنی بهشتیمدی منیم
دییرم روحیمه ریحاندی آغام
عالمین دردینه درماندی آغام

بو حسین ذکری شرافتدی منه
سوت وئرنده آنام اورگتدی منه
قاره پیراهنیم عزتدی منه
من گدایم منه سلطاندی آغام
عالمین دردینه درماندی آغام

دئمرم مقصدیمه یتممیشم
واجبات امرینی ترک ائتممیشم
من کی آیری قاپویا گئتممیشم
من گدایم منه سلطاندی آغام
عالمین دردینه درماندی آغام

گوزیمه کچمه بهشتین باغینی
مین باغا وئرمم اونین دیرناغینی
اوپرم کرببلا توپراقینی
دییرم شاه شهیداندی آغام
عالمین دردینه درمان دی آغام

گوی عزاداره گوله آل یزید
کمرینن ویرار عباس رشید
آغامین کسدی باشین شمر پلید
دئمدی حجت رحماندی آغام
عالمین دردینه درماندی آغام

آغامین باشی چیخوب نیزه لره
ارمغان گئتدی حرامزاده لره
باش کسنلر توکولوب خیمه لره
زینبین خیمه سی تک یاندی آغام
عالمین دردینه درماندی آغام

منبع : تورکی نوحه لر - توحید قربانعلی زاده www.noohalar.blogfa.com

فایل صوتی در کانال تلگرامی 👇👇👇

🆔https://t.me/turki_noohalar