تورکی نوحه لر

منیم ای امیر لشکریم

 بلیمین دایاغی قارداش

سوسوزونان اصغر اوغلومون

قورویوب دوداغی قارداش

دور گداخ خیمیه عطشان قارداش

قان دولان گوزلره قربان قارداش

گوز آچ آدامسیزام من ابالفضل

 بو چولده یالقیزام من ابالفضل

بدنینده چوخدی یاران اخی

 نجه من دوزوم بو درده

نجه گور سیزیلییر آغلیر

بالا قیزلاریم خیم ده

بالالار ایندی یاخیر یولاریوا

نه گلیپدی گوزلیم قولاریوا

گوز آچ آدامسیزام من ابالفضل

 بو چولده یالقیزام من ابالفضل

باشین اوسته ای هنروریم

ائلی بلده قالمیشام من

گوزون آچ بو غصه دن اخی

 نجه گور قوجالمیشام من

کمگیم جان جیگریم دادرسیم

نجه گور تنگه دوشوبدر نفسیم

گوز آچ آدامسیزام من ابالفضل

 بو چولده یالقیزام من ابالفضل

گوزلیم سنین کیمی پهلوان

داخی بو جهانه گلمز

او بئلی کی قارپاش بئلینی

 پوکه واللهی دوزلمز

ال چالان دوره دع چوخدور قارداش

پیکرون سر به سر اوخدور قارداش

گوز آچ آدامسیزام من ابالفضل

منبع : تورکی نوحه لر - توحید قربانعلی زاده www.noohalar.blogfa.com

فایل صوتی👇👇👇

🆔@turki_noohalar