تورکی نوحه لر

یاحسین

ای شرف آل عبا یاحسین یاحسین
دردیمیزه ایله دوا یاحسین یاحسین
قاره علمده یازیلیب دور آدون
آدیوه دنیادی فدا یا حسین

ای قره پرچملره قربان کسن
خیرداجا قربانی نی عطشان کسن

عشقین آدین سینه ده یازدیرمشام
مهرینی تایید شده قازدیرمشام
نام حسینیله الوبدور عجین
نفسیمی بیراهه دن آزدیرمیشام

ای قره پرچملره قربان کسن
خیرداجا قربانی نی عطشان کسن

عاشق اولان باشیله جانان گئچر
قاره بولوت داغدا دومانان گئچر
دینیله قرآنی سئون دهریده
عشقیله یتمیش ایکی جانان گئچر

ای قره پرچملره قربان کسن
خیرداجا قربانی نی عطشان کسن

الده علم روح الامین علمینن اوپر
قتلگه کرببلا قدمینن اوپر
منشی تقدیر و قضا قلمینن اوپر
بانی کعبه باش اگر حرمینن اوپر

هامیه شامل دی سنین کرمین یاحسین

ای قره پرچملره قربان کسن
خیرداجا قربانی نی عطشان کسن

منبع : تورکی نوحه لر - توحید قربانعلی زاده www.noohalar.blogfa.com

فایل صوتی👇👇👇

🆔@turki_noohalar