تورکی نوحه لر

شمعسن جلوه رخساریوه قربان مهدی

شاهسن دولت بیداریوه قربان مهدی

ماهسن پرتو انواریوه قربان مهدی

آقاسان رحمت سرشاریوه قربان مهدی

او دوداقلارداکی اذکاریوه قربان مهدی

مین جهان زلفده بیر تاریوه قربان مهدی

شمع یازدیم که محبت چراغون دلده یانور

شاه یازدیم ولی شاهلار کرموندن اوتانور

آی دیدیم آنامادیم چون باشیواگون دولانور

آقا یازدیم آقالیق عزت آدوندان قازانور

نه یازوم بسکه ملکلر سنی ارباب تانور

عرشیده فرشیده آثاریوه قربان مهدی

سنه کیم دیل ویره غم تیرینه آماج اولماز

تاج سر سن بیزه؛باشلاردا بله تاج اولماز

سن بلکده گویه گیتدون بله معراج اولماز

اقتدا ایتدون حسینه بله منهاج اولماز

جیره سین سنن آلان هیچ کسه محتاج اولماز

کرم و بخشش و ایثاریوه قربان مهدی

بیزسنی محیی آیین پیمبر تانیروخ

یادگارعلوی حجت داور تانیروخ

او وجودی هامی عالمه سرور تانیروخ

هرکسین بیرکسی وار بیز سنی سرور تانیروخ.....

مین جهان زلفده بیر تاریوه قربان مهدی

منبع : تورکی نوحه لر - توحید قربانعلی زاده www.noohalar.blogfa.com

 راه ارتباطی و کانال تلگرامی ما:turki_noohalar@