تورکی نوحه لر

شام غریبان حضرت امام رضا علیه السلام

يابن الحسن جدون رضا طاهايه مهماندی

گل طوسیده ساخلا عزا  شام غريباندی

    دللر دولی قاندی   شام غریباندی

باش ساغليقی ويروخ سنه حالون پريشاندی

زهرا آنان تك غصه دن قلبون دولی قاندی

بو شيعه لر ماتم دوتوب نالان و گرياندی

گويده ملك لر آغلاشور محشر نماياندی

اجداد پاکون عدنیده اوزسینه سین داغلور

شام غریبان ساخلیوب زهرا آنان آغلور

گوز یاشینی بو شیعه لر رخسارینه باغلور

باشون سلامت مهدیا حالون پریشاندی

گل هارداسان غربت یری اولدی رضا مظلوم

اکبادی یاندی زهریله مأمون ایدوب مسموم

گتدی دیلینده حسرتی اوز قبرینه مغموم

قیلدی نمازین دفن ایدن اوغلی اولولاندی

ایل لر بویی بی اَقربا دور از  وطن قالدی

معصومه طوسه گلمدی صبر و توان آلدی

آخر یانان اود زهر کین جانه شرر سالدی

ایوای بابا ایوای رضا افلاکه قوزاندی

مأمون ملعون جیفۀ دنیایه آللاندی

مولا رضانون حقنی بولدی ولی داندی

مقصوده چاتسون ظلم ایدوب از بسکه ناداندی

بغضون نشان ویردی آقا گل وقت هجراندی

ایتموشدی مأمونِ دَنی اُول سروری مجبور

تا زهرلی بیر خوشه دن میل ایلسون انگور

امر قضایه باش اگوب اولموشدی چون محصور

روحون غم دنیا یوران طاهایه مهماندی

آغلور دیور اوغلی جواد گوندوز گونوم باتدی

یورموشدی دینون دشمنی یومدی گوزون یاتدی

هم اهلبیتین شیعنی بو غمده آغلاتدی

بو ضامن آهو اولان اسلامه قرباندی

یابن الحسن  صاحب عزا سنسن بو ماتم ده

سن ملجأ شاه و گدا هم برّریده یم ده

سن بول آنان زهرا آقا باش چک اُلن دم ده

جدّون حسین درگاهینه (عدلی) نوا خواندی

حاج اصغر فرشچی ( عدلی تبریزی)

 
 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@