بو گجه قوناقدی خرابه ده
در شهادت حضرت رقیه سلام الله علیها
بو گجه قوناقدی خرابه ده
یارالی باباسی رقیه نین
اوجالوبدی ناله سی زینبین
کسیلور نواسی رقیه نین
گجه نین زمانی اوقانلی باش
طبق ایچره گلدی او منزله
یو هودی چراغی خرابه نین
خبذ ایتدی سیّد ساجدین
اوجالوبدی شورش و ولوله
هامی نوحه باشلادی باشلانوب
باشینون بلاسی رقیه نین
طبقین گوتوردوله اور توگون
حرم ابوالحسن آغلادی
دولانوبدی حالی حرملرین
یارالی باشی گورن آغلادی
یودولار سرشگیله لبلرین
او دوداقلاری اوپن آغلادی
سارالوبدی ظلیمله گوردوار
گل با صفاسی رقیه نین
او جمالی زینب ئوپوب،بو گل
دیدی بلبل چمنینکیدی
هامینون بو سفره ده حقّی وار
برکتدی انجمنینکیدی
چاغروب رقیه نی گل بالا
گل اوتانما نوبه سنینکیدی
سیونوبدی مجلس فیضیده
دل بی ریاسی رقیه نین
باشیمون توکون دیدی باشوه
آچارام لحاف ایدرم بابا
گوزی یاشلی ناوک عشقیله
سینمی شکاف ایدرم بابا
باجیلار باخار حاجیلار کیمی
باشوی طواف ایدرم بابا
ئولوم ایستورم اولا مستجاب
بو گجه دعاسی رقیه نین
اوزی توزلی عاشقیوم سنون
شرر غمونده یانام گرگ
سنی اصغرین جانی آچ گوزون
سن اوتانما من اوتانام گرگ
توکولور عذاره جبینیدن
عرق حیاسی رقیه نین
یاسا باتدی بلبلون اونداکی
گُلی دست دشمنه ویردیلر
الی باشدا یولدا من آغلادیم
چوخ اذّیتی سنه ویردیلر
او خدایه شکر اولا بو گجه
یارالی باشی منه ویردیلر
دیمه بی وفادی قیزیم منم
سنه وار وفاسی رقیه نین
کلامی زنجانی
منبع : تورکی نوحه لر - توحید قربانعلی زاده www.noohalar.blogfa.com
کانال تلگرامی:turki_noohalar@
لینک کانال کانال تلگرامی تورکی نوحه لر و ارتباط با ما: