تورکی نوحه لر

بیماریوم ای کربلا ...

غمخواریوم ای کربلا

بیماریوم ای کربلا

هر بیر گجه صبحه کیمن

بیداریوم ای کربلا

ای کربلا ای کربلا ( 2 )

ای مقصد آزادگان

قلبیم اولوب هجرینده قان

قیلام گجه گوندوز فغان

بیماریوم ای کربلا

ای کربلا ای کربلا ( 2 )

نام حسین ذکریم منیم

قبر حسین فکریم منیم

الله وار شکریم منیم

بیماریوم ای کربلا

ای کربلا ای کربلا ( 2 )

من راضی ام جانیم وئرم

قبر ابوالفضلی گورم

نار فراقی سوندورم

بیماریوم ای کربلا

ای کربلا ای کربلا ( 2 )

هجرانیوه مشکلدی صبر

صبریم آلوب شش گوشه قبر

گریان گوزوم مانند ابر

بیماریوم ای کربلا

ای کربلا ای کربلا ( 2 )

سنده حسین قانه باتیب

حقی گییوب حقه چاتیب

اصغر قوجاقینده یاتیب

بیماریوم ای کربلا

ای کربلا ای کربلا ( 2 )

رزمنده لر ایستر سنی

ای فضل و رحمت گلشنی

مدحوش ایدوب عشقون منی

بیماریوم ای کربلا

ای کربلا ای کربلا ( 2 )

ای پند زینب زینتون

کعبه کیمی وار حرمتون

گیچمیش صبادن عزتون

بیماریوم ای کربلا

ای کربلا ای کربلا ( 2 )

باغلی یولون آچماقلیقا

باتدی قانا چوخ مه لقا

شانون تاپیپ چوخ ارتقا

بیماریوم ای کربلا

ای کربلا ای کربلا ( 2 )

وار توپراقوندا امتیاز

عاشقلرون قیل سرفراز

ای تربتون مهر نماز

بیماریوم ای کربلا

ای کربلا ای کربلا ( 2 )

 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:turki_noohalar@