تورکی نوحه لر

متن نوحه ترکی جان آغا سنه قربان آغام

گل زهرادی حسین زینت طاهادی حسین

شرف عالمیان آیری بیر دنیادی حسین

اللهه ای دردانه سسلیروخ مستانه

سن بیزه شمع عشق اول بیزده سنه پروانه

جان آغام سنه قربان آغام سیدالعطشان آغام

 شهریاریمسن آغا دار و نداریم سن آغا

افتخاریم سن آغا دیلده شعاریمسن آغا

دیر و کنشکیم سنسن دیلده سرشتیم سنسن

ایستمیرم رضوانی چونکه بهشتیم سنسن

جان آغام سنه قربان آغام سیدالعطشان آغام

دل و دلبر سن آغا سرور بی سر سن آغا

ایکی دنیاده فقط سن بیزه رهبر سن آغا

دل نئجه بی تاب اولماز وصلیده گوز خواب اولماز

آختارالار دنیانی سن کیمی ارباب اولماز

جان آغام سنه قربان آغام سیدالعطشان آغام

ماتمونده اوجالان ناله لره مشتریم

سنه نوکر یوخ آغا نوکریوین نوکریم

سن یاتان یئر آغا جان عرش معلایه دیر

کربلانون بیر آووش توپراقی دنیایه دیر

گلدی اورکلر جوشه چیخدی علملره دوشه

کل جهان اغیارین بسدی بیزه ششگوشه

جان آغام سنه قربان آغام سیدالعطشان آغام

آغلاروخ اکبرووه ماه ملک منظریوه

سوت امر سوت سوز اوشاخ دیل سیز علی اصغریوه

مهدی گلر قان باتماز  شیعه اویاخ دور یاتماز

پرچمیوون بیر تارون کاخ سفیده ساتماز

 جان آغام سنه قربان آغام سیدالعطشان آغام

من ربابون آغا جان بیر سگ بیچارسیم

کربلاده دربه دری زینبون آوارسیم

زینبه دنیا قربان مریم و سارا قربان

نازلی رقیه سینه هاجر و حوا قربان

جان آغام سنه قربان آغام سیدالعطشان آغام

ای اول صحرای غمین قلبی یارالی مارالی

تا نفس  وار دییرم جان یارالی جان یارالی

انت قدیم الاحسان انت عزیز الرحمن

حب جعین الایمان انت شهید العطشان

جان آغام سنه قربان آغام سیدالعطشان آغام

⚡️متن بالا ممکن است غلط املایی داشته باشد. چون از روی فایل صوتی نوشتم. التماس دعا

فایل صوتی در کانال تلگرامی وبلاگ👇👇👇

 منبع : تورکی نوحه لر - توحید قربانعلی زاده www.noohalar.blogfa.com

 کانال تلگرامی:@turki_noohalar