تورکی نوحه لر

وداع حضرت اباعبدالله الحسین علیه السلام

من دینیمین قربانییم

                        زینب خداحافظ

اؤز جدّیمون مهمانیم

                        زینب خداحافظ

آب فراتی نئیلورم یوخ اوندا بیر مقدار

اصغر کوسوب اوندان ، اونا نفرین ایدر احرار

اول آب بی مقداریلن حاشا ایدم افطار

من وصل هو عطشانییم زینب خداحافظ

سینمده پیکانلار یازار یاسیّد معصوم

تپراقدا ثبت ائیلر قانیم یا حیّ و یا قیّوم

قادر دگل یوز مین قلینج ائتسون منی مظلوم

من صولت سبحانیم زینب خداحافظ

حاشا اولا روحیم منیم زندانی عالم

قوی شمره قالسون مکنت و مهمانی عالم

شانیمدن آلچاقدور منیم سلطانی عالم

من محشرین سلطانیم زینب خداحافظ

یاسیندی وصّافیم منیم مداحیم الرّحمان

والعصرم و والفجرم و والرّوح و والرّیحان

هم اوّلم هم آخرم ، هم جوهرم هم جان

هم باقی ام هم فانی ام زینب خداحافظ

بو باش بو پیکر مایه ی هجران وحسرتدی

باشدا بدنده عاشقه اسباب زحمتدی

اوخلار قلیجلار قاصد گلزار وحدتدی

الواحدون ریحانییم زینب خداحافظ

صبر و ثباتوندن باجی ممنوندی عاشورا

قمچی گووردن قول لارا مدیدندی عاشورا

محکم خطابون اولماسا مکفوندی عاشورا

من نطقوون میزانییم زینب خداحافظ

مندن سورا بو عرصه ده صاحب علم سن سن

قول باغلی راه حقده ثابت قدم سن سن

جان آفرین مکتب خیرالامم سن سن

منده اونون جانانییم زینب خداحافظ

شامین یولوندا حلقومی اینجیتسه نی خواهر

نی حلقومون زواریدور ائتمه گیلی خواهر

داش ویرسالار گر آلنیما صبر ایله ای خواهر

قربان هو پیشانییم زینب خداحافظ

شاهی اردبیلی

   منبع : تورکی نوحه لر - توحید قربانعلی زاده www.noohalar.blogfa.com