ای شمع بزم ماتمه پروانه یا حسین
حضرت امام حسین (علیه السلام)
ای شمع بزم ماتمه پروانه یا حسین
ای اود سالان مصیبتی هر جانه یاحسین
عبّاس خاطرینه او قانلی جمالوی
ویر بیر نشان بو قلب پریشانه یاحسین
تا بیر بیره یغوم بو پریشان خیالمی
باعث اولوم بو یئرده چوخ افغانه یاحسین
کانال مدح و مرثیه
بی شک سالور توجّه انسان کاملون
جسم جمادی صورت انسانه یاحسین
انصافیدور قویام آدیمی شیعه یانمیام
اما سنون چادرلارون اودلانه یاحسین
انصافیدور یوزیمه گوزوم یاشی آخمیا
امّا سنون قانون آخا هریانه یاحسین
هانسی امام شیعه سین ایستر سنون کیمی
راضی اولوب بو ظلم نمایانه یاحسین
اکبر کیمی جوان اوغولا گیدیرر کفن
زلفینه اوز الیله ویرار شانه یاحسین
مین عذریله آناسی الیندن آلور اونی
یولّار باشی کسیلمگه میدانه یاحسین
هانسی امام خیمه لرین اودلیوبدولار
اولادینی توکوبله بیابانه یاحسین
کانال مدح و مرثیه
عورت اوشاخ،گلین،قیز،عیالی ایاق یالین
قاچدیلا قورخودان هره بیر یانه یاحسین
بیر التفات قیل بو ذلیله (دخیلووم)
مسکین گلوب بو خوان گرانمایه یاحسین
شاعر : دخیل مراغه ای
منبع : تورکی نوحه لر - قربانعلی زاده www.noohalar.blogfa.com
لینک کانال کانال تلگرامی تورکی نوحه لر و ارتباط با ما: