ای گل جمالی بی بدل   هامی گوزللردن گوزل

درد فراقون بسدی گل      یابن الحسن  یابن الحسن

سنسن ولی کردگار         سنسن شه گردون مدار

سنله تاپوب یر گوی قرار      یابن الحسن یابن الحسن

گلمیم نه نوعی شیونه      من عاشقم دلدن سنه

گلسین سنون دردین منه        یابن الحسن  یابن الحسن

هجرونده قان آغلار گوزوم       آخر نجه سنسیز دوزوم

اولموش گیجه گوندوز سوزوم     یابن الحسن  یابن الحسن

آخمور سرشگیم بی سبب       زهرا غمیندن روزو شب

قلبیمده وار رنج و تعب       یابن الحسن یابن الحسن

باجادی دل چکسین شرار       مسمار دردن یوخ قرار

ایتدی آناوی زخمدار          یابن الحسن یابن الحسن

تا یر یوزینده هر قدر         وار صحبت مسمار و در

گیتمز اورکلردن کدر          یابن الحسن یابن الحسن

آز پرده ی غیبتده قال        گل محسنون سن قانون آل

مرهم دل زهرایه سال         یابن الحسن یابن الحسن