باش آچوبدی جنتده فاطمه

شهادت حضرت خاتم الانبیا(ص) و امام حسن (ع)

حاج علی زلفی تبریزی

باش آچوبدی جنتده فاطمه
دمبدم دیور وامصیبتا
مجتبی غمونده ایدور فغان
گه دیور رضا گاهی وای بابا

(وامصیبتا) (4)




کسمیش الفتین بو جهانیدن
رحلت ایلیوب ختم مرسلین
رافتین محال امریدی کسه
عرش و فرشیدن ناخدای دین
بیر طرفده اوغلی امام حسن
مکر و ظلمیله ایچدی زهر کین
ضجه چکدی خاصان ماسوی
قاره پوش اولوب عالم بقی

(وامصیبتا) (4)




باتدی حیف اولا رکن دینه ماه
شورشینیده خطه حجاز
گتدی درده قلب عوالیمی
بو تالم و درد جانگداز
جعده ظلمی طغیان ایدوب خدا
جان ویروب حسن اولدی کشف راز
باشینه سالوب قاره معجری
فاطمه بو غمده ایدر نوا

(وامصیبتا) (4)




مصطفی غمی باش آچوب بو گون
آرتروبدی درد و تعب لری
مجتبی او مسموم اولان سودان
ایچدی بیر ایچیم یاندی لب لری
شرمسار ایله مالک جزا
جبریله اولان منتسب لری
دخت فاطمه باشدا اللری
سسلنوبدی سوزیله وا اخا

(وامصیبتا) (4)




جان ویرنده جانانه مصطفی
تاپشوروبدی قرآن و عترتی
بیوفا جماعت عجب ایدوب
مو به مو عمل بو وصیتی
نور چشم زهرای اطهره
ایلدی خیانت ئوز عورتی
آغلاشاندا اکباد مجتبی
عرش حقیدن گلدی بو ندا

(وامصیبتا) (4)




گرچه جان ویروب خاتم رسل
لیک بازدور باب رحمتی
اهل بیتی آلمیشدی دوره سین
جان ویرنده اولموبدی زحمتی
اوخلانوبدی تابوت مجتبی
بو خبر گلوب واردی صحتی
یادیمه سالاندا او صحنه نی
قلبیم اوت دوتور اوتلانور خدا

(وامصیبتا) (4)




اوخلانوبدی تابوت مجتبی
لیک جسمی عزتله دفن اولوب
کربلاده گلزار عترت
آل مصطفی ظلمیلن سولوب
هم شهید اولوب شاه مشرقین
هم جفائیله مشکه قان دولوب
سسلنردیلر شورشینیله
وای اوغول بتولیله مرتضی

(وامصیبتا) (4)




مجتبی شهید اولدی تشتیده
جلوه گر اولوب لخته لخته قان
آیری تشتیده وا مصیبتا
دگدی لبلره چوب خیزران
سسلنوب یزیده علی قزی
بسدی بیحیا شرم ایله اوتان
همت ایله مطلب تمامیدی
ساخلا ال دایان بسدی (زلفیا)

(وامصیبتا) (4)



  منبع : تورکی نوحه لر - قربانعلی زاده www.noohalar.blogfa.com

خواب نازیدن دور اویان بودم

شهادت حضرت امام حسن (ع)

مرحوم مضطر قفقازی

خواب نازیدن دور اویان بودم
حالیمه ایله بیرنظرباجی
زهر دوغریوب دل دوداقیمی
اود دوتوب یانار بو جگر باجی


سالام عالمه ایمدی شورشین
بس هایاندادی شاه مشرقین
گیت چاغور گله قارداشیم حسین
آل حیدره ویرخبرباجی


سویله تا گله شاه کربلا
گوگلیم ایستوری قبرمصطفا
اوردا من تاپام بلکه تیز شفا
زهرایلیوب چوخ اثرباجی



ایلیوب منی زهر ناتوان
آغزیما دولوب لخته لخته قان
دوغرانوب جگر گلدی بوزمان
طشته قیل بودم بیرنظرباجی



سالما زحمته جسم و جانوی
کربلاده ایت بو فغانوی
شمرالدوررنوجوانوی
اوندا توک یوزه اشک تر باجی


آغلاماقیدن بیرگوتور باشون
صبر قیل یوزه توکمه گوزیاشین
وارسنون هله نچه قارداشون
زهریله اولم من اگرباجی


بیرتصورایت ایمدی حالیمی
عارضه سوزن اشک الیمی
جمع قیل بودم سن عیالیمی
قالدی قاسمیم دیده تر باجی


ایلدی سنی محنت بتول
بو زمانه ده دائما ملول
هرنه باشیوا گلسه ایت قبول
واردی چون سنه چوخ کدر باجی


کربلاده چوخ زینب آغلاسان
هر مصیبته سینه داغلاسان
بو حسین گوزون اوندا باغلاسان
شمر ایدر سنی دربدر باجی


کربلاده وار چوخ مصیبتین
شام و کوفه ده چوخدی زحمتین
خیزرانیدن وار شکایتین
شامه ایلسن سن سفرباجی

  منبع : تورکی نوحه لر - قربانعلی زاده www.noohalar.blogfa.com

قارداش باشون جداده قرآن تلاوت ایلر

احوالات کوفه

مرحوم شأنی تبریزی ( شعر ناتمام از مرحوم شهاب تبریزی که توسط مرحوم شأنی تکمیل شده است )

قارداش باشون جداده
                         قرآن تلاوت ایلر
هر یرده اهل کفری
                         اسلامه دعوت ایلر


دونموش سنان سنانی نورونله نخل طوره
گلِّم یوزوند گورنده بی اختیار شوره
خولی قویوبدی باشون بولدوم گئجه تنوره
گول رنگی گول یوزونده حالون حکایت ایلر


سن نیزده یارالی من ناقه ده پریشان
سن قانیله مزیّن من زارو دیده گریان
دیندیر من غریبی ای خسرو و لب عطشان
باجی اولاندا غمگین قارداش محبت ایلر


تا وار نفس ئولونجه کسمم علاقه سندن
بو یولدا گوز گوتورمه سنده بیر آنی مندن
من سندن اؤتری قارداش آیریلمیشام وطندن
هانسی باجی منیم تک قارداشه خدمت ایلر


هر یانه گئتسه باشون نوک جداده گلَّم
هر بیر قدمده قارداش فریاد و داده گلَّم
گئتسن دالونجا بزم ابن زیاده گلَّم
هر بیر غمونده تک تک زینب شراکت ایلر


یوللار توزی سالونجا مه طلعتون خسوفه
ای کاش حسین دوشیدی عمریم گونی کسوفه
نه عصریدور نه گوندوز بو وضع حال کوفه
صبریم ائوین عزیزیم یکباره غارت ایلر


بولمولَّه بس کیموخ بیز بو اهل کوفه آیا؟
رحم ایلیوب ورولَّه اطفاله نان و خرما
کلثومیم ندن آرتوخ اودلار بو ملّت امّا
ناحق گورر بو ظلمی حقّه شکایت ایلر


قان توکسه گوزدن آزدور بو چشم اشگریزیم
بش ایل بو کوفه ده من خاتونیدیم عزیزیم
دنیایه باخ منه باخ گور ایندی اوز کنیزیم
بو دخت مرتضایه صدقاً حمایت ایلر


بیجا دگل که نطقیم بو نوع دل نشین دور
خردا اوشاقلار آهی از بس که آتشین دور
هر بیر مصیبتیندن بو چوخ منه چتیندور
اطفالون آغلیاندا دشمن شماتت ایلر


بیرحم ساربانلار اللرده تازیانه
اطفالووین فغانین الده ائدر بهانه
یوخ بیر دین بو شمره بو زجر و بو سنانه
مسلم اسیره بیله کافر اذیت ایلر؟


بو نوع که ائدوللر اطفالیوه اذیت
شاماتیدن حجازه بیرده ائدنجه رجعت
قالماز تمام اوشاقلار قارداش یقین سلامت
سندن منی بو مطلب بولَّم خجالت ایلر


«شأنی» حسین کاتب ایلوبدی بیله تصیب
بو ناتمام نوحه اولسون تمام تعقیب
مرحوم اولان «شهابی» یاده سالور بو تعقیب
قارداش باجون جداده قرآن تلاوت ایلر

  منبع : تورکی نوحه لر - قربانعلی زاده www.noohalar.blogfa.com

✍️ زبدة الاشعار ✍️  

بو گون دار فنادن گئدوب حضرت سجّاد

در شهادت امام سجاد علیه السلام

محمد باقر محمدزاده قومیان (غمگین)

بو گون دار فنادن
                گئدوب حضرت سجّاد
باتوب ماتمه عالم
                اولوب دین ائوی بر باد

الیندن فلکین داد
                او مظلومی ائدون یاد


حیا ائتمدی حقدن وئروب زهر اونا هشّام
ائله زهریدی ائتدی گوزونده گونوزی شام
ائدوب قلبینه تأثیر آلوب طاقت و آرام
گئچن گونلرین ائتدی او بیمار حزین یاد


صولوب رنگی شریفی سارالدی ساری گول تک
دئدی زادۀ مروان منِ زاردن ال چک
گوروب جور و مصیبت کیم عالمده منیم تک
مگر آز ستم ائتدی بیزه فرقۀ بیداد


عراق اهلی گتوردی بیزی کرب و بلایه
او گون اوج ائدوب آهیم منیم عرش خدایه
بو بسدور منه گوردوم ووروب نوک جدایه
آتام باشینی اعدا نئجه ایلمیوم داد


عمو قوللارین عدوان قلم ائتدی قفادن
گئنه گچمدی امّا او گون رسم وفادن
آنام فاطمه گلدی فغانه او جفادن
مواساتینه حیران قالوب عالم ایجاد


اولوب قانینه غلطان جوان قارداشیم اکبر
اوغول وای دیوب ائتدی فغان لیلیِ مضطر
اَموب نوک خدنگی سوسوزدان علی اصغر
آتام قالدی کمکسیز بیری ائتمدی امداد


باجیم نازلی رقیه ایله صولدی سارالدی
ویروب جان قوری یرده شرر عالمه سالدی
وطن اولدی خرابه اونون نسگلی قالدی
قازوب قبرینی عَمَّم ائدوب ناله و فریاد


بیزه هامّودان آرتوق چتین اولدی او ساعت
گَلن شامده ائتدی بیزه طعن و شماتت
بیزوق آل محمّد کیمین وار بو شرافت
او ظلمی که ائدوبسوز نه وقت ایلدی شدّاد


قسم وئرّوق الهی او دل خسته امامه
ئوزون ایله توجه یتاق بلکه مرامه
بو حضّاریله «غمگین» گله عرض سلامه
او گونلر قاباقیندا قالان قبرین ائداق یاد
ــــــــــــــــــــ

  منبع : تورکی نوحه لر - قربانعلی زاده www.noohalar.blogfa.com

 

قرخ ایل بابا دنیاده من سندن صورا قان آغلادیم

زبانحال حضرت امام سجاد علیه السلام

مرحوم بهار

قرخ ایل بابا دنیاده من سندن صورا قان آغلادیم
آخِرده زهر کینیله ویردیم بابا جان آغلادیم


دوشدوقجا یاده کربلا
قان آغلادیم صبح و مَسا
دردیم مَزید اولدی بابا
هر لحظه هر آن آغلادیم


گوردوم بابا هر یرده سو
ایتدیم سنی من آرزو
کَسدی سوسوز باشون عَدو
ئولدوردی عطشان، آغلادیم


قویمادیلار قومِ ظلَم
نعشون سنون غسلین ویرم
قبره قویوب دفن ایلیم
اولمادی امکان، آغلادیم


یاندیم غم ایّامیده
هر صبحیده هر شامیده
گه کوفه ده گه شامیده
اولدوم نواخوان آغلادیم


اولدی عیالون دستگیر
اشرار اَلینده بیر به بیر
بیماریدیم منده، اسیر
اولدوم بابا جان آغلادیم


ویران اولِیدی کوفه نی
اودلاره یاندوردی منی
خولی ایدوب بُلدوم سنی
کول اوسته مهمان آغلادیم


گوردوم باشون زیبِ سِنان
ایتموش جداسینده سَنان
بو ظلمی من گورجک همان
چوخ ایتدیم افغان آغلادیم


یاندیم سنون احوالیوه
پوزقون پریشان حالیوه
باشسیز قالان اطفالیوه
اولدوم نگهبان آغلادیم


اولدوم جهاندا اشکبار
قان آغلادیم لیل و نهار
ایتدیم حسین آدین «بهار»
هر یرده عنوان آغلادیم

  منبع : تورکی نوحه لر - قربانعلی زاده www.noohalar.blogfa.com

قارداش بوباش سیزعترتون

راه شام
زبانحال حضرت زینب (س)

قارداش بوباش سیزعترتون
                   شامه یولار گیسو گیدر
باشون دالنجه بیر سوری
                   گویا دوشوب آهو گیدر


زینب باشندا جذبۀ عشقونده بیرتأثیره باخ
ال چکموری اولدورسه لر سنده بوگون تقدیره باخ
مقصد اوزاق  عریان دوه بوینوندا بو زنجیره باخ
آردینجه ایمدی یوزقویوب قارداش دیوب هرسو گیدر


قارداش مبادا اینجیه بو خاطرون مندن بوگون
بیرجه دویونجه من سنه تا ایتمدیم شیون بوگون
آنجاق الیمدن بوگلور آیرولمادیم سندن بو گون
اولموش شکسته قلبیوه زینب بوگون دلجو گیدر


گونلر اوگونده نیزه ده چوخ یول گلوبسن خسته سن
گاهی گیدوب گاهی دوروب آمّا کیمه وابسته سن
بو گول یوزیوی توز دوتوب یا یاتموسان کول اوسته سن
ابر شفق آلتوندا گور قالموش او ماه رو گیدر


قربان او قانلی گوزلره آز باخ منِ محزونیوه
باخدوقجه گویلوم قان اولور بو دیدۀ پرخونیوه
چون تشنه سن سو دگویوب بوللم لب گلگونیوه
زینب گوزونده ساخلیوب وار سندن اوتوری سوگیدر


من تابعم قارداش سنه هر نه بلا یتسه منه
اوز باشیمی سندیرموشام همرنگ اولام ناکه سنه
صبرایلرم سن تک حسین جوروجفای دشمنه
ایتموش اسیر ایمدی منی اول شمر کینه جوگیدر


دار جداده عالمه عیسی کیمی سن ویر نفس
قوم یهود ایتسون منه قوی طعنه و آزار بس
من آغلارام دشمن گولر باخ چولقیوب دنیانی سس
فریاد و افغانیم او دور تا قُبّۀ مینو گیدر


موجه گلوب درد و بلا باشدان آشوب دریا کیمی
بو قبطیان شام آلوب دُور و بَرون موسی کیمی
ایلوب تجلّی شعلۀ آهون ید بیضا کیمی
مَحو رُخ آلون اولوب بو فرقۀ جادو گیدر


اُلسون باجون بیر باخ گلن باشیمده کهنه معجره
سندن اوزاقلاشدیم حسین دوشدوم بو قاره گونلره
بولمزلرآخرمن کیمم  قارداش یتوشسم هریره
باجون کنیزه اوخشادار هیچ کیم دیمز بانوگیدر


واردور یری عالم بولور عرش احتجاب اولسون منه
گون باشیم اوسته سایه تک چتر و حجاب اولسون منه
لازمدی قارداش بوزمان زلفوم نقاب اولسون منه
من  اشک ریز آل علی یکسر پریشان مو گیدر


(غمناک) اَل چک قصّۀ جانسوز راه شامیدن
زینب نه چکدی کیم بولور درد و غم ایامیدن
آگاهیدور بیرجه حسین باشی اول سرانجامیدن
افلاک قدّین ایمدیده خم ایلوب اول ابرو گیدر

مرحوم غمناک تبریزی

  منبع : تورکی نوحه لر - قربانعلی زاده www.noohalar.blogfa.com

رقییّم باشیم بلالی اولدی

زبانحال حضرت رقیه  (س)
بایاتیلار

سیفی اردبیلی

رقییّم باشیم بلالی اولدی
آرخام ائلیم مندن آرالی اولدی
آینا کیمی سئندیم قضا داشیندان
درد الیندن قلبیم یارالی اولدی


اوچ ایل منه بهار اولدی یاز اولدی
آییم گونوم نعمت اولدی ناز اولدی
ارث آپاردوم دردی بُیوک ننمدن
نازلی گونوم گُلَش یوزوم آز اولدی


خانملقیم کربلاده یوخ اولدی
منیم غمیم نَنَمدَندَه چوخ اولدی
ئوز بی بیمه دینمدیم دردیمی
نسگللریم قلبیمه بیر اوخ اولدی


من بیر قیزام شیرین شیرین سوزوم وار
کمان قاشیم شَوه کیمی گوزوم وار
اوچ ایل کئچوب هله تَوّلدومدن
منده نجه دوگولمگه دوزوم وار


من بیر قیزام عزیزِیدیم ائللره
آدیم سانیم ازبریدی دیللره
یالان اولدی آیدین گونوم جفادن
آتام ئولدی دوشدی یاخام اللره


من بیر قیزام زمانه ساتدی منی
قزل گول تک غملر سارالتدی منی
ساربانلار قوللاریمی باغلادی
سویقونچلار ناقه دن آتدی منی


من بیر قیزام حالیمه بیر یانان یوخ
یورولموشام پیکریمده توان یوخ
قان سوزولور قابار ایاقلاریمدان
آدامسیزام یاره می باغلیان یوخ


من بیر قیزام دردیمی یوخدور بیلن
غصه توزین قرا تِلیمدن سیلن
ئولسم اگر بو  وحشتلی دمنده
 کیم غسل ایدر منه کیم ایلر کفن


من بیر قیزام آتدی منی ائللریم
غم دیزیمیده داراخلانوب اللریم
گوز اولومشام گوزدن بیله دوشمشم
آلتی آیدور دارنمیوب تللریم


سو آخماسا چمن لاله بترمز
قورد اولماسا قویون سوری ایترمز
اوچی قوان مارال کیمی ایتمیشم
هیچ کیم منی ائللریمه یترمز


قلبیم کیمی داغلار باشی دوماندی
گوزلریمده حسرت سرشکی قاندی
سنّیم اوشاق نابلدم یولارا
شامون یولون تاپانمورام هایاندی

  منبع : تورکی نوحه لر - قربانعلی زاده www.noohalar.blogfa.com

 

بهانه آختارانا بهانه دی حرمون

در انتظار اربعین......

در آهنگ (ای آسمان غمین.... )
___________________

بهانه    آختارانا    بهانه دی     حرمون
سالوبدی سایه بوتون اورکلره  کرمون
بو   اربعینی  اگر  چاغیرماسان  ئولرم
آلوب قراریمی چون شها یاشیل علمون
عشقون جسمیمه جاندی
قبرون    باغ     جناندی
ذکریم    اه   و  فغاندی
دییم   لایلای    _   آقام    لایلای


قالوبدی  گلمگیمیز  سنون  کرامتیوه
فدا  آتام  هم  آنام او  قانلی تربتیوه
سنی رقیه جانی بو جمعی دعوت اله
اورکده   آه  و   فغان  گلک  زیارتیوه
نه  صبر  و  نه   دوزوم وار
مرقدونده         گوزوم وار
چوخ نیسگیلی سوزوم وار
دییم   لایلای    _   آقام    لایلای


کرگ   یانان   سینمی   بلا  اوخیلا  دلم
بو   اربعینده    کربلایه    ساری      گلم
دیلیمده نوحه غم؛ گوزومده اشک روان
باشیمدا  شال  عزا _ الیمده  قاره   علم
دائم   آغلیارام  من
سینه داغلیارام من
قاره  باغلیارام  من
دییم   لایلای    _   آقام    لایلای

✅  پــــر یشــــــــــــــــان ✅

  منبع : تورکی نوحه لر - قربانعلی زاده www.noohalar.blogfa.com

ظلم عرشه دایانوب داده یتیر یامهدی

✅ درد دل با بقیة الله«عج»

اجتماعی_انتقادی
💠💠💠💠💠

مجید قلعه بیگی (فقیرخویی)

ظلم عرشه دایانوب داده یتیر یامهدی
ذوالفقار الده گل امداده یتیر یامهدی
  آغا گل گور نجه بیر عده نی طغیان ایلوری
   بو قَدَر ظلمی نه نصرانی مسلمان ایلوری



آغا گل کشور اسلامیده انسانلارا باخ
سنی زهرا بو ایکی اوزلی مسلمانلارا باخ
ایاق آلتوندا قالان شیعه ده وجدانلارا باخ
   چوخ سوزوم وار اوتانیر خامه الیمده آلیشیر
   بیزی ارشاد ایلینلرده یالاننان دانیشیر



گجه هیئتده اولور اشکی اوزوندن جاری
یاحسین سسلوری اما،اؤزون آل گفتاری
گینه رایجدی گونوز،رشوه ربا بازاری
   نیه عجّل فرجه فکری پراکنده ائدَخ
   چاغوراخ صاحب عصری اونی شرمنده ائدَخ



شیعه ی حیدر کرّار ریاست بولمز
تابع خط ولایت که خیانت بولمز
شهدا قانینه ارزش اولا غارت بولمز
    بیز منافقلره اؤلسقده مسلمان دئمَروخ
    اوللار دهریده علّامه ده انسان دئمروخ

آغا بیر عدّه گینه دعوی قدرت ایلوری
آدینی شیعه قویوب خلقه خیانت ایلوری
بیزه هر نیلوری او میز ریاست ایلوری
    شمری قاتل ایلدی بیر گجه ده، ری هوسی
   هله ده دهریده چوخ چوخدی او شخصین نوه سی



همان انسان تانوری یاخشی اوز همسایه سینی
قاپوسین بیر گجه دوگمور،ایشیدیر وای سسینی
چون حرامیله اکوبدور ایوینون پایه سینی
    او حرامیله دولان ثروتی طغیان ایلوری
   گوروسن ایلده نچه دفعه ده احسان ایلوری



هله وار تا نقدر دهریده تبعیض و ریا
دولانیم باشیوه عف ائیله بیزی،گلمه آغا
بوریوب دهری تملّق نه نیایش نه دعا
     بیری بیر آیدا گوروسن نچه میلیون آلوری
    بیرده گونده خجالت،باش اشاقه سالوری




سیندیرا بولمه دی اسلام بئلین قوم یهود
چپ باخانماز حرمه داعشیله آل سعود
بیز علی شیعه سیوخ،فاطمیوخ عبد ودود
   دلده یا فاطمه دور حرمینی گزروخ
    حرمه چپ باخانون بوینونی والله اَزروخ



سن دعا ائیله بیزه،باهم اولوب ال بیر اولاخ
داعئشین صفحهٔ تاریخیدن آدینده پوزاخ
مفتیِ پَست سعوده علوی سیلی ویراخ
   بیراولاخ آل سعودین آغا قبرین قازاروخ
     حجرالاسوده یا حضرت زهرا یازاروخ


آغاجان آنلامادیم عرض ایلدیم گلمه آغا
فرقتین شیعه نی دیلدن سالوب ای باب رجا
ذوالفقار الده اوزون گل،قوتولا ظلم و جفا
    درد دیلدی،آغا ظاهرده «فقیرین» سوزودی
    شیعهٔ آل علی عالمِ هستی گوزودی

باشیوی جداده گورن دیر گل گلستان رباب اوغول

 

✔️راه شام

✔️ مرحوم حسینی سعدی زمان

 

باشیوی جداده گورن دیر گل گلستان رباب اوغول

بو جهاندا آل امیّه نین ایوی کاش اولیدی خراب اوغول

 

بو طرفده بیر قوری نی کیمی ایدورم نوا من بینوا

او طرفده چنگ و ربابیله بیزه پیشواز ایدوب اشقیا

قاریشوبدی بیربیره نای و نی چخوب عرشه ناله ایله نوا

بو طرفده ناله رباب ایدر او طرفده ناله رَباب اوغول

 

سرِ نِی ده گون تک اولوب باشی آتاوین مروّج شرع و دین

ولی گیزلدردیله قوم کین باشون اولماسیدی اونا معین

باشون ایلوری اَمَویلرین هامی کفر و ملعنتین مبین

نه کسوبدی بیر سودامر باشین نه کسر بیر اهل کتاب اوغول

 

نه اولوبدی بیر اوشاقا ستم سنه یوز ویرن بو ستم کیمی

بیر آنایه نه یتیشوب الم ایویمی یخان بو الم کیمی

ایله دلده موجه گلوبدی غم داشوری گوزوم یاشی یم کیمی

نه اولار غمون کیمی بیر عزا نه منه مثال مصاب اوغول

 

غم و غصّه یوز ویروری گوزوم باخوری بو شهریده هر یانا

گورورم که بیر سودامر بالا آلوب اوز قوجاقینه هر آنا

آخوری عذاره گوزوم یاشی گلورم فغانه یانا یانا

ایشیدن سیزیلتیمی سویلوری یانوری اود اوسته کباب اوغول

 

ایکی حسرت اللریمی گهی دیزیمه قووشدورورام علی

گهی سینمین سودی موج ایدور سینمی اوغوشدورورام علی

بو طریقیله اورگیمده کی اودیمی سووشدورورام علی

چوخ عجبدی صاق قالوب اُلموری بو ایوی خراب رباب اوغول

 

دگوری صبا یِلی نیزه ده حرکت ویرور بالا تِل لره

پوزوری شماتت ایدنلری ایدوری ملول بو منظره

او غمیکه یاندورا دشمنی گور اولار نه سوزشی مادره

آنانین داش اولسا اگر دلی گور ایدر تحمّل و تاب اوغول

 

بیر اووون بالاسینی رسمیدور ایلیه بیر اوچی شکار اگر

آناسی دالنجا دوشر ملر بالاسی گیدن یولی طیّ ایدر

باشیوین دالنجا اودور دوشوب بو ایوی یخلمش آنان ملر

ایدر اوز دقایق عمرینی اجلی گلینجه حساب اوغول

 

فلک هدایته شمسدور آتاوین کسوک باشی نیزه ده

قمر منیریدی تک به تک هامی قوم و قارداشی نیزه ده

او گویون ستاره سی دور باشون مه و مهر یولداشی نیزه ده

ایله بیر ستاره گوروب نه یر نه بو هفت پرده قباب اوغول

 

هله گرمدور ایله داغ دل که بولنمورم اثراتینی

بولرم مرور زمانیله بو مصیبتین حرقاتینی

ایشیده اگر بیر آچوخ قولاق بو یارا دلین ضرباتینی

غم اودی بولر سو کیمی ایدوب بو یارالی قلبی مذاب اوغول

 

آناوین الیندن آلوب ایله بو ملال تاب و توانینی

که چکوب سس آغلوری باخموری ایشیدولّه داد و فغانینی

منه ویرسه لر او کسوک باشون یووارام سرشکیله قانینی

گلسرخ تک اُپوب ایگلرم سپرم او گل یوزه آب اوغول

 

هله بو اسارت غمفزا هله بو شماتت اشقیا

اولور آغلاماقلیقا مانعیم دیه بولمورم سوزیمی بالا

دولانوب اگر گله بیر زمان بو اسیرلیقدان اولام رها

ایله آغلارام یم اشکیمه گورونر بو چرخ حباب اوغول

 

بیر حسین نوکری که اونون بو حسینه چوخدی محبّتی

لقبی هنرور آدی حسین حاجی بقّال اوغلیدی شهرتی

دیدی یاز «حسینیه» اصغرین باشنا بو شرح مصیبتی

باشیوی جداده گورن دیر گل گلستان رباب اوغول

منبع : تورکی نوحه لر - قربانعلی زاده www.noohalar.blogfa.com

 

اهل بیت مصطفانی چوخ مصیبتدن صورا

مرحوم مضطر اردبیلی

اهل بیت مصطفانی چوخ مصیبتدن صورا
گتدیلر دروازه ی شامه نه مدتدن صورا


منزله یتجق عوض اینکه او جمع بی پناه
استراحتلیق ائده یا قدری رفع رنج راه
چخدی حکمی اول یزید بی حیانون آه آه
شهره وارد ایلیون بیر نچه ساعتدن صورا


چکدیلر اول شومون امرینه بو جاری شهرده
هر محلات و عبور و رهگذرده شهرده
باش آچوق بیر جمع یاغی وار کنار شهرده
پیشواز ائتسون هامی شهر اهلی عشرتدن صورا


سید سجاد گوردی ظلمی بو اندازه ده
غرق دریای محن اولدی بو ظلم تازه ده
قالدی اوچ ساعت تمام آل علی دروازه ده
داخل شهر اولدیلار چوخ چوخ خجالتدن صورا


نار طعنه یاندیرار آرتوق شرار ناردن
ائتدیلر جویا أشد ظلمی چون بیماریدن
سؤیلدی الشام ثم الشام بو تکراردن
بس بویورموش بو سؤزی طعن و شمادتدن صورا


غرفه و بامه دولوب اهل تماشا صف به صف
مرد و زن اعلا و ادنا شهرین اهلی هر طرف
عشرته مشغول چالورلار بعضیلر اللرده دف
آچدیلار دیل طعنیه چوخ عیش و عشرتدن صورا


گوردیلر جانانه بیر عاشق وئروب سرمایه سین
محکم ایلوب نیزه ده عشقین حقیقت پایه سین
گه باخار اهل و عیاله گه اوخور کهف آیه سین
جاری ایلر اشک آلین هر تلاوتدن صورا


گفتگو ایلردی زینب نیزه ده بیر باشیلن
بیربیرینه کشف درد ایلردیلر گوزیاشیلن
بیر عجوزه غرفه دن وردی او باشی داشیلن
تا ئولونجن آغلادی زینب او ضربتدن صورا


عرض ائدوب قارداش حسین ای سرور ملک حجاز
شاهی استقبال ائدرلر با جلال و اعتزاز
داشیلن اما سنی بو قوم ایلر پیشواز
چوخ تعدی و جفای بی نهایتدن صورا


من دئمم کند و ضعیف و یا قلمدن تیزسن
قافیه نشناس یا استاد آتش ریز سن
"مضطر" اما سویلرم بی چیز سن بی چیز سن
عقل بی ثروتده اولماز طول صحبتدن صورا

  منبع : تورکی نوحه لر - قربانعلی زاده www.noohalar.blogfa.com

من تک بلالی گلمز بو روزگاره عمه

✔️ خرابه شام ✔️

  مجید قلعه بیگی (فقیرخویی)

من تک بلالی گلمز بو روزگاره عمه
قلبیم اولوبدی غمدن،صد پاره پاره عمه
صحرای نینواده،نی تک نوایه گلدوم
زولفیم آغاردی دوشدوم،چوخ چوخ فشاره عمه
-----------------------
شهزاده یم بو قومِ بی رحمه دستگیرم
قول باغلی،سینه داغلی،گوزیاشلی،من اسیرم
کیم گورجکین اینانماز،اوچ یاشدا بیله پیرم
    بیجا دگول رقیه،گر ائتسه ناله عمه
    سندن منه مصیبت اولموش،حواله عمه

خو تاپموشام بو یرده،مدتدی گوز یاشیمدان
سیل بلالر آشدی،ویرانه ده باشیمدان
نه وار خبر بابامدان،نه عمّ و قارداشیمدان
    یاننام غم آتشینده،گلّم فغانه عمه
   تیرِ غم و بلایه،اولدوم نشانه عمه

زهرایه بنزرم من،جنّاتیده عزیزم
اکبر اؤلوب غمینده،هر ساعت اشک ریزم
شام اهلی فکر ائدوللر،ویرانه ده کنیزم
    تحقیریلن باخوللار،بنت الحسینه عمه
     من آغلورام گوللر بو شور  و شینه عمه

ویرانه خارجینده،اوینور بوتون اوشاقلار
امّا یانیمدا بعضی،قیزلار آجیندان آغلار
لیلایئله ربابی،گوررم دیزین قوجاقلار
     اللّه بولور یورولدوم،از بس فغانه گلدوم
    دویدوم من اوچ یاشملان،واللاهی جانه گلدوم

گوردون نه حاله قالدوم اخیامیلر یاناندا
یاندی«فقیرخویی» بو مطلبی یازاندا
گوشوارمی چکنده،خولی منی ویراندا
     چونکه او گوشواره،اهدایِ اکبریدی
   جبریله غارت اولدی،تندیس دلبریدی

عمه فنا جهاندا،اوچ ایلده جانه دویدوم
دردین سنین آزیدی؟من گور نه حاله قویدوم
لطف ائت منی باغیشلا،الحق سنیده یوردوم
    گر ایستوسن رفاهین،دخت شه جنانین
    عجّل وفانی سسلوم،سن لطف ائله دئ آمین

    منبع : تورکی نوحه لر - قربانعلی زاده www.noohalar.blogfa.com