آچ گوزون اویان خواب نازیدن آل هاشمه ویر خبر باجی

شهادت حضرت امام حسن (ع)


آچ گوزون اویان خواب نازیدن
آل هاشمه ویر خبر باجی
ظلم الیله مسموم اولموشام
جانیمه دوشوبدی شرر باجی


دور ایاقه یاتما آنام باجی
بو جنایتین پرده سین گوتور
قارداشیم حسینین حضورینه
ایلمه تامّل اوزون یتور
کشف قیل بو رازی اونا دینه
گل اوزونده عبّاسیده گتور
قارداشون حسن ظلمیله دوشوب
رختخوابیده محتضر باجی


یتدی دشمن اصل مرادینه
کینۀ ضمیرین ایدوب علن
اولدی جور و کین و عنادیدن
سو سبوده ممزوج زهریلن
منده جرعه ای میل ایلدیم
گوردوم اود دوتوبدی بو جان و تن
بو اودین شرارین فقط ئولوم
بو وجودیدن سوندورر باجی


ایله واردی بو زهریده اثر
قلبیدن توان و قرار آلار
حالیمی گوروب تاب ایدنمسن
گوزلرون بهار ابری تک دولار
دردیمه منیم چاره یوخ باجی
صبح اولونجا عمریم تمام اولار
قورتولار غم و غصّه دن حسن
مجلس لقایه گیدر باجی


آچمارام باجی دل شکایته
صابرم هر امر قضایه من
صبریده من ایّوبه وارثم
عاشقم اورکدن بلایه من
جور و ظلم بیگانه سهلدور
دوزموشم غم آشنایه من
باخسا ایمدی هر کیم بو حالیمه
سرّینی بو امرین بولر باجی


روزگاریده کیمسه من کیمی
اولمیوب گرفتار درد و غم
مین لریله طومار اولار اگر
دردیمی ایدم بیر به بیر رقم
وار یری آتام مرتضی کیمی
دردیمی گیدوب چاهه من دیم
بو جماعت سنگ دلده چون
ایتمدی داخی سوز اثر باجی


بادۀ سیاستله مست اولوب
بو جماعت پست کینه جو
حکم ویردیلر برخلاف حق
مفتیان بی شرم و آبرو
منجرف اولوب راه حقّیدن
دوتدولار جهالتله جمله خو
گیچمسون گوروم بو انامیدن
روز حشر خیرالبشر باجی


هر زماندا تیر ملامته
قلبیمی نشان ایتدیلر منیم
بار تهمت ناروائیله
قدّیمی کمان ایتدیلر منیم
عاقبت جفائیله باغریمی
غنچه کیمی قان ایتدیلر منیم
گوندوزوم گجم تک سیاهدور
جور شبدن آلما خبر باجی


خوشدلم قوتولدوم بو رنجیله
صحنۀ غم روزگاریدن
جستجوی تدبیر ایلمه
چاره دردیمه اولدی یاریدن
شوق وصل یاریله بو گجه
جان و دل تُهیدی قراریدن
طالب وصال حبیب اولان
محنت و ریاضت چکر باجی


قیل بساط ماتم تدارکی
باشه قاره سال آه و زار ایله
اوخشا سن حسینیمده آغلاسون
یاد اوزگه بیر روزگار ایله
یعنی ایت مجسّم بلا چولین
محنت و غمون بی شمار ایله
اول زمان سنی قارداشیم حسین
اوخشاماقه اصرار ایدر باجی


اونداکی ابوالفضل قارداشیم
راه حقده ایثار ثار ایدر
آی کیمی جمال منوّرین
قانلی بیر شفق استتار ایدر
چشمۀ جهان تاب مهریدن
سلب اختیار و قرار ایدر
رزمگاهیدن خیمه گاهینه
اللری بِئلینده گلر باجی


سویلر اوخشا عبّاسیمی باجی
آغلیوم فغانیله من اوزوم
بو یانقلی قلبیم ایله یانار
خون دل عذاره توکر گوزوم
گوردوم ایله بیر حالیده اونی
شرح ایدم سنی گلموری یوزوم
حالینی سوال ایلسن اگر
اوخلی مشکینه سال نظر باجی


طیّ ایدوب وفا شاهراهینی
چون او سالک بی عدیل عشق
کعبۀ وفانی طواف ایدوب
یتدی تا منایه خلیل عشق
ایلدی ایکی قولّارین فدا
اولدی راه حقده قتیل عشق
حق ایکی جهاندا فداسینه
امتیاز عالی ویرر باجی


سیر ایدردی سکّان نه فلک
صحنۀ مواساتینه اونون
عالم خرد محو و مات اولوب
همّت و کراماتینه اونون
غبطه هر شهید وفا ایدر
حشریده مقاماتینه اونون
اول یگانه کنز وفا کیمی
باش و جانیدن کیم گیچر باجی


باشی اوستونه من یتن زمان
درد هجریدن ناشکیبیدی
جسمیده یوخیدی رمق ولی
انتظار وصل حبیبیدی
نرگسی گوزوندن آخاردی قان
دید چشمیدن بی نصیبیدی
اوز الیمله پاک ایلدیم گوزون
آچدی گوزلرین مختصر باجی


باخدی اوّل حسرتله بیر منه
گوردی حالیمی یاندی آغلادی
ایتدی بیر وصیّت او حالیده
قلبیمی وصیّتی داغلادی
ویردی او کناریمده جان باجی
یوزیمه ره چاره باغلادی
تا وارام گرک عارضه توکم
فرقتینده اشک بصر باجی


هرگز ایستمز «احمدی» یازان
شعرینه مباهات ایلسون
آستانیمیزدن ولیک او
ایستر اخذ حاجات ایلسون
آرزوسی واردی ئولن کیمی
بیزلری ملاقت ایلسون
پیشگاه مولاسینی غلام
بی گمان اؤرکدن سویر باجی

حاج محمد احمدی
✍️ زبدة الاشعار ✍️

   منبع : تورکی نوحه لر - قربانعلی زاده www.noohalar.blogfa.com

گئنه دل مژده وئرور مهدی زهرا گله جک

انتظار فرج و استعانت از امام زمان (عج)

🌷💠🌷💠🌷💠🌷💠🌷💠🌷💠🌷

گئنه دل مژده وئرور مهدی زهرا گله جک
پسر   منتقم   ام ابیها      گله جک
گله جک جان علی مرشد دانا گله جک
هامی درد اهلی دیور غم یئمه مولا گله جک
نگران اولما ئورک بیر گونی مولا گله جک



گئنه ای اهل ولا عهد و وفا صحبتی وار
شکر حق زمزمه لطف و عطا صحبتی وار
عاشقان غم یئمیون عشق و صفا صحبتی وار
حکمتیلن آچیلور باب رجا صحبتی وار
صاحب عصر گلور مهدی بیا صحبتی وار
قطره لر حاضر اولون وصلت دریا گله جک


گله جک مهدی زهرا که جهان گلشن اولا
گله جک منجی حق گوزلریمیز روشن اولا
گله جک اهل زمین حادثه دن ایمن اولا
گله جک ذکر بیا مهدی اگر دلدن اولا
قویمیاق نعمت وصلون دادینی الدن اولا
بی ریا سسله دئنن گل آقا ٬ آقا گله جک



دولی فتنیله دئنن عصر و زمان اولدی آقا
فلکین حادثه دن قدی کمان اولدی آقا
بعضی انسانلارا دین سفره نان اولدی آقا
آقالار آلدی قاشین شکل زنان اولدی آقا
قوجالار تیپ جوان ووردی جوان اولدی آقا
گؤره سن پیر و جوان اصلینه آیا گله جک؟


آقاجان حجب و حیا گوهری ارزان ساتیلور
جان وئرور روح بشر حرمت انسان ساتیلور
فقر دنیانی آلیب نان شبه جان ساتیلور
مرزی یوخ فاجعه نین مرزده نسوان ساتیلور
دین و ایمان و شرف گؤر نجه ارزان ساتیلور
داخی بونداندا بتر روز مبادا گله جک؟



کوچه بازاری دولانماق آقا چوخ مشکل اولوب
یانوب ایمان بوداقی شاخ نجابت کول اولوب
سنگ و میزان بشر گور نقدر یونگول اولوب
فصل خرمندی خانملار ساچ آچوب سنبل اولوب
خاردن کمدی اگر ئوزگیه خاطر گل اولوب
نچه سین یولدا قویوب گر ائوه تنها گله جک


قاریشوب رنگ و ریا نیت و اعمالیمیزه
جن و انسان و ملک آغلیور احوالیمیزه
بوشلی دوشدوق آقاجان عزت و اجلالیمیزه
چوخ چتین نایل اولاق کعبه آمالیمیزه
سنی درک ایتماق آقا بسته دی اقبالیمیزه
طالع و بختیمیز آیا سر سودا گله جک ؟



حقلی سن گر آقاجان ایندی ظهور ائتمیه سن
هله غیبتده قالیب عرض حضور ائتمیه سن
عالمی غرق صفا عرصه نور ائتمیه سن
بیزی حسرتده قویوب قلبه عبور ائتمیه سن
یانسون اول قلب که سن اوندا خطور ائتمیه سن
قلبلر وصلینه گر اولسا مهیا گله جک



ایستیسوز باغ وصالینده گئدوب گل دره سیز؟
ایستیسوز شاخه گل نرگسه گل گؤندره سیز؟
ایستیسوز مهدی گله قامت سروین گؤره سیز؟
ایستیسوز مقدمینون آلتدا دوشوب جان وئره سیز؟
ایستیسوز فیض ظهورین سر وقتین بیله سیز؟
قوی دییم هانسی زمان نرگس زیبا گله جک


اوندا که یئر دیل آچوب دور زمان گلدی دیله
اوندا که پرچم وجدان بشر دوشدی اله
اوندا که عالم ئوزی عامل اولانماز عمله
اوندا که حاصل ایمانی بشر وئردی یئله
چوخ اوشاق وار که بیلینمور آتاسی کیمدی هله!
گلسه مولا ئورگی دردیله همپا گله جک


اوندا که دولدی ئورکلرده فسادین آجیسی
اوندا که یوردی بیزی غم یولونون قی قاجیسی
اوندا که قارداشینا رحم ائلمز ئوز باجیسی
نصف ایمان داغیلوب ٬ زایل اولاندا هامیسی
اوچ یوز اون اوچ نفرین کامل اولاندا سایسی
ذوالفقار الده او گون مهدی زهرا گله جک

🌴🌸🌴🌸🌴🌸🌴🌸🌴🌸🌴🌸🌴

✍ابوالفضل عباسی معروفان اهری ( معروف )

   منبع : تورکی نوحه لر - قربانعلی زاده www.noohalar.blogfa.com

الی بوش گلمیشم خان ولایه

نوحه امام رضا (ع)

سبک واحد سینه زنی(وصال تبریزی)

الی   بوش   گلمیشم   خان  ولایه
تا  دیم     دردیمی     میر    هدایه
جانم اولسون فدا موسی الرضایه

آقا
سنسن  عالملره ، باب لطف و سخا
هامی بیکسلره اولموسان سن رجا
جان و دیلدن دیون یا رضا یا رضا

کرمونده     وار        گوزوم   رضا
قالمیوب    منده       دوزوم   رضا
سوز باشی اولموش سوزووم رضا

جان آقام آقام رضا رضا....

@sabkhayevesaaltabrizi

یوخدی   نوکرلیقا   منده   لیاقت
سن ولی ائتموسن قبریوه دعوت
شکر اولا اولدی بیردا منه قسمت

ای
نار   غمنون   آقا     سینمی   دئلمیشم
حرمون تا گوروب داخی   دینجلمیشم
اوزومه   اوز   سالوب  قاپووا گلمیشم

قویما دیلدن من یانوم آقا
غم   الینون   اوتلانوم آقا
باشوا   من     دولانوم آقا

جان آقام آقام رضا رضا....

@sabkhayevesaaltabrizi

سایه   رحمتونده    آقا   قالام
داریخاندا یولوم قبریوه سالام
حرمونون بهشت عطرینی آلام

آقا
شکر اولا حقه کی ، عشقیله قالموشام
هر نه دردیم اولوب آقامنان  آلاموشام
اوزومی  من  سنون قاپووا سالموشام

جان چخان دمده آقام  گلر
شوق وصلونون اورک  بولر
نوکر   اربابه  باخوب   ئولر

جان آقام آقام رضا رضا....

@sabkhayevesaaltabrizi

حرمون  ناز  ائدر  عرش  برینه
عزت آرتورموسان بو  سرزمینه
گلر   ایراندان   عطر      مدینه

ای
بارش   ابر  تک  گوزلریم یاش الر
گنبدون تا گوروب اورگیم دینجلر
قبریوه   هر  شبه  جمعه زهرا گلر

دردلره  ائیلر   دوا خانم
دیلدن  ائیلیر  نوا  خانم
طوسی ائیلر کربلا خانم

جان آقام آقام رضا رضا....

   منبع : تورکی نوحه لر - قربانعلی زاده www.noohalar.blogfa.com

گئنه بیرهفته سایدیم جمعه گلدی گلمدین سن

🍃❤️🍃💞🍃❤️🍃💞🍃❤️
 
گئنه بیرهفته سایدیم جمعه گلدی گلمدین سن
هامی پروانه دور شمعه گلدی گلمدین سن
داشوب صبریمیز
یانور قلبیمیز
           آدون دیللرده مولا
صفا سنده دی
وفا سنده دی
         گل ای فرزند زهرا
یابن الحسن یابن الحسن ........

سنون درد فراقون شیعه قلبین درده سالدی
اولوب ازبر هامی دیللرده مهدی هاردا قالدی
الینده علم
گل ای منتقم
          آچیقدور یوللارین گل
گل ای دادرس
او خنجرله کس
          بو ظلمون خوللارین گل
یابن الحسن یابن الحسن ...

(معروفان اهری)

   منبع : تورکی نوحه لر - قربانعلی زاده www.noohalar.blogfa.com

ای اوغولسوز امّ البنین آدی غم قرینی بی غم گسار آنا

✳️احوالات ورود به مدینه _ مرحوم مولانا یتیم

ای اوغولسوز امّ البنین آدی غم قرینی بی غم گسار آنا
سن کیمی اوغول داغ دیده سی حقّی وار اولا اشکبار آنا
حشره دین ایده آه و زار آنا
*************
دلده کی یانان شعله ی غمه بیز گرک یانوب سینه داغلیاق
صبح زینبی تیره شام ایدن غمده باشه گَل قاره باغلیاق
آغلا آغلاسان هر قدر بو گون سنده منده عبّاسه آغلیاق
بلکه عمروموز تیز فنا اولا دور ایدونجه بو روزگار آنا
***************
هر قدر که تار حیاتینه اوز وجودی بستِیدی بو جوان
گلستان آل پیمبره اولمادی یته صرصر خزان
قویمادی جفا خاری جور ایده بیر گله بو همّتلی باغبان
گلشن حیاتینده حیف اولا تیز خزان اولوندی بهار آنا
*************
هارداکی بو شهزاده ایستیوب ایله سون منی محمله سوار
خم قیلاردی اوز سرو قدّینی بدر ماه اولوردی هلال وار
کاروان عشقه غلام اوزون فرض ایدردی یا بیر طلایه وار
ایله با وفا جان فشانه من حیف اولانمادیم جان نثار آنا
***************
عاقبت مکان اولدی بیزلره وادی غم افزای کربلا
دم به دم منیم ناله مونسیم اولدی همدمیم محنت و بلا
نوره ابر ظلمت محیط اولوب عاشر محرّمده برملا
آیدا باتدی گونده اولوب منیم روز روشنیم لیل تار آنا
**************
اونداکی شهید اولدولار هامی آل حیدره یتدی چوخ اَلم
شیر پنجه سی بنده بندیدی قولّار اوسته چون شاخه ی قلم
خیمه لرده بیر پادشاهیدی بیر وزیری اول صاحب علم
العطش دیردی خیامیده هر نفسده خرد و کبار آنا
*************
شدّت عطشدن بنات تک جمع اولوبلا یکسر مخدّرات
ماه دوره سین هاله تک دوتوب گوئیا جُدی فرض ایدوب بنات
عرض ایدوب سکینه عمو منه سو تدارک ایت، ایله التفات
چون اوزی بُلوردی او بینوا اود دوتوب سوسوزدان یانار آنا
***************
تشنه لبلره سو گَتورماقا اذن آلندی دربار شاهیدن
ماه هاشمی آفتاب تک چخدی مشرق خیمه گاهیدن
سایه تک او دم گوندن آیریلوب پادشاه عالم پناهیدن
رزمگاهه یوز قویدی گیتماقا شیر شرزه ی جان شکار آنا
***************
بیر ایله شجاعت نشان ویروب لشکره او فرزند مرتضی
فرقه ی جفاکاره تنگ اولوب برملا او وسعتله بیر فضا
اَللری کسیلمزدی مطلقا یازماسِیدی گر منشی قضا
شیر پنجه سیز قالماقین یقین ایلمز اوزی اختیار آنا
************
وارد اولدی نهر فراته تا آچدی بیرق فتح پرچمین
مشکی دولدوروب چخدی نهریدن نه یسار فکرینده نه یمین
بُلمدی که دست قضا ایدوب مشک آبی بیر تیریله کمین
مشکه اوخ دگوب شربت حیات اولدی چوخ اونا ناگوار آنا
****************
دینه خدمتین مقتضی بُلوب نفسینه او سردار باوفا
خدمتینده بیر جفت اَل ویروب تاپسون اوز مقامینده ارتقا
دفتر شهادتده ثبت اولوب اول مکین دیهیم ارتضی
بیر دَمیر عمودیله اولماقا مُلک عشقیده تاجدار آنا
***********
سن کیمی بیر اهل دل ایسترم درد دل دیوب بی قرار ایدم
شعله ی دل داغداریمی آه سردیلن آشکار ایدم
قورخورام دیم دردیمی سنی قبر ایوینده ده اشکبار ایدم
بیر بیر ایتدوقوم شرح حال اوچون سندن ایلرم اعتذار آنا
**************
کوفه ده او گون روز حشریدن زینبه که اعلان اولونمادی
بیر جدا بویوندا دایاندی گون حیف آی نمایان اولونمادی
احتراماً آلچیقلانوب قمر اقترانه عنوان اولونمادی
قویمادی قیامت قیام ایده ماه ایلدی استتار آنا
**************
نار ظلمیلن گوردوم اودلانوب یاندی خیمه ی طاهراتی من
ایلدوم شکایته زبانینه قفل، قید صبر و ثباتی من
یوخسا یاندیراردوم او حالیده نه رواقیلن شش جهاتی من
شعله ی غمه آه سردیلن بی ثبات و بی اصطبار آنا
**************
سعدین اوغلی گوردی که زینبه غم گونونده غمخوار قالمادی
خیمه گاهه اود ووردولار یانوب، دار غمده دیّار قالمادی
یاندوروردی بیماریده گوره بیر نفر هوادار قالمادی
تار عمریمی یاندورِیدی کاش اوندا شعله ی حرّ نار آنا
***************
باشیما گَلن رنج و محنتین شرحینه ویرم گر ادامه من
عُشر اولونجا اعشاریدن بیری عمریمی یتورّم تمامه من
قالدی کوفه و کربلا غمی ایمدی دور گیداخ سنله شامه من
محضر امامتده گور ندور بزم شرب و نرد و قمار آنا
****************
ای یتیم همواره چنگ وور ذیل لطف باب الحوائجه
ایسته سن خدا تیز مرادیوی حاصل ایلسون سالماسون گئجه
سنده اوز دلونجه آناسینا عرض قیل صباح اولسا یا گئجه
ای اوغولسوز امّ البنین آدی غم قرینی بی غم گسار آنا
***********

   منبع : تورکی نوحه لر - قربانعلی زاده www.noohalar.blogfa.com

حیالی زینبیم آمان سن آغلاما من آغلارام

ورود به مدینه(✔️ سوال و جواب حضرت ام البنین (س) با حضرت زینب (س))

✔️ سوال
حیالی زینبیم آمان
سن آغلاما من آغلارام
جوان قدی کمان اولان
سن آغلاما من آغلارام
آمان بالام آمان بالام
یامان گونه قالان بالام


✔️ جواب
ئولونجه آغلارام ننه
گئچوبدی قاره گونلریم
بلا چولونده ظلمیله
خزانه دوندی گللریم
نه وار یانیمدا قاسمیم
نه اکبریم نه اصغریم
اولوبدی مونسیم فغان
سن آغلاما من آغلارام
آمان ننه آمان ننه
یامان گونه قالان ننه


✔️ سوال
هانی رجال هاشمی
نولوبدی ائللرون سنون
دانیش منیم شیرین دیلیم
هانی او دیللرون سنون
ندن بو آز زمانِیده
آغاردی تللرون سنون
اولان ستمله باغری قان
سن آغلاما من آغلارام


✔️ جواب
آغاردی ساچلاریم ولی
قارالدی معجریم منیم
ووروبدی قمچی کوفیان
کبود اولوبدی پیکریم
ننم بتول تک آنا
گوروبدی صدمه شهپریم
وروبدی ثانیِ زمان
سن آغلاما من آغلارام


✔️ سوال
بو منتظر گوزوم فدا
او چشم اشکریزیوه
نولوب حسینِیم هاردا دور
بیان ایله کنیزِیوه
گله قاداسی جانیمه
نه گلدی اُول عزیزیوه
هانی سنون ایکی بالان
سن آغلاما من آغلارام


✔️ جواب
یوزون آغ اولسون آی ننه
سنون قَوی جوانلارون
حسینه ائتدولر سپر
بلا چولونده جانلارون
منیم ایکی بالام ئولوب
سنونده پهلوانلارون
یتوشدی کامه کافران
سن آغلاما من آغلارام


✔️ سوال
جوانلاریم هامی فدا
اولا او نور عینمه
نشان ختم الانبیا
عزیز عالمینمه
آتام فدا آنام فدا
ئوزوم فدا حسینمه
حسینه نولدی ائت بیان
سن آغلاما من آغلارام


✔️ جواب
دئسم اگر صریحینی
آنا گئدرسن حالِیدن
گونش قمر ستاره لر
قوتارمادی زوالِیدن
فقط امام ساجدین
قالوب نشان رجالِیدن
وفاسیز اولدی کوفیان
سن آغلاما من آغلارام


✔️ سوال
شراره دوشدی جانیمه
بو غم اثر کلامِدن
ایدور اسفلی سوزلرون
اشاره قتل عامِدن
باتوب امامتون گونی
دوشوبسن احترامِدن
عدو گوزونده خوار اولان
سن آغلاما من آغلارام


✔️ جواب
مدینه دن چیخاندا من
رفاهی باشدان آتموشام
بلی دیوب بلالره
عزا عزایه قاتموشام
ایله ایاقه دوشموشم
خرابه لرده یاتموشام
خانملوقوم اولوب یالان
سن آغلاما من آغلارام


✔️ سوال
خزان یتوبدی گلشنه
جفائله سولوب گلون
ندن صداسی گلموری
قولاقه خسته بلبلون
هانی حسین عزیزه سی
رقیّه اُول شیرین دلون
نولوب او طفل مهربان
سن آغلاما من آغلارام


✔️ جواب
گرک ئولونجه آغلیا
بو محنته گوزوم آنا
مزاره قویدوم اُول قیزی
خرابه ده اوزوم آنا
وارومدی فرصت ایله ساق
ئورکده چوخ سوزوم آنا
اولوبدی عزّتیم تالان
سن آغلاما من آغلارام


✔️ تخلص
دی «منتظِر» خلوصیله
ایکی بلا کشیدیه
ایکی مصیبته نشان
عزالی قد خمیدیه
بقیعِده دَمشقیده
غمیله آرمیدیه
ایکی اسفلی داستان
سن آغلاما من آغلارام


ـــــــــــــ
🔰 سبک های مشابه ⬇️⬇️

سبک اول : الهی دفن ائدیم نجه ...
واگیر برای این سبک :

(حیالی زینب
وفالی زینب
باشیندا قاره
یارالی زینب)

✍️ زبدة الاشعار ✍️   
حاج محمدعلی منتظری شریف آبادی

   منبع : تورکی نوحه لر - قربانعلی زاده www.noohalar.blogfa.com

ال ساخلیون ای کوفیان عباس نام آور منم

✅شجاعت حضرت عباس بن علی(ع)✅

💠💠💠💠💠

ال ساخلیون ای کوفیان عباس نام آور منم
فرماندهِ سلطان حق، بو ارتشه حیدر منم
    اون آلتی یاشدا اولموشام رمز نبرده آشنا
    یردن گویه صف باغلیون، صفلر پوزان صفدر منم
----------------

هرچند اگر شهزاده یم، فرزند شیرِ حیدرم
سقای دشت کربلا، بو لشکره سرلشکرم
فرمانده عالم اولام، من شهریاره نوکرم
    تا من وارام واردور حسین، اولسون قسم پیمانیمه
بو قان علینون قانیدور تزریق اولوبدور قانیمه

امضا ازلده وئرمیشم بیر باش ایکی قولدان گئچم
گوزدن گئچم جاندان گئچم هم صاق و هم صولدان گئچم
بو یول صراط عشقدور، حاشا که بو یولدان گئچم
    یاخشی تانیرسوز سیز منی، میدانیده شیر نرم
من حیدر اوغلی حیدرم، قورخی نه اولسا بولمرم

اولسون قسم پیمانیمه، سینمده کی قرآنیمه
گر قطعه قطعه دوغرانام، ال تاپماسیز ایمانیمه
قانین توکوب خار ایئلرم کیم چپ باخا سلطانیمه
    اَیْن المحارب سسلورم ای کوفیان بیحیا
من شیریزدان اوغلویام بومن بو سیز بو کربلا

سیز بیحیالر عترتِ پیغمبره یول باغلادوز
زهرای اطهر قلبینی بو معصیتده داغلادوز
اوچ گون گجه گوندوز بیزی، بو چولده عطشان ساخلادوز
    سطان عشقیمدور حسین، من پیشمرگ اصغرم
    باشیم بدندن آیریلا هند اوغلونا باش اگمرم

کفّاری سالدی لرزه یه، پرورده ی شیر خدا
بیر حمله ده نهری آلوب فرمانده کلّ قوا
صفلر دگوبدی بیربیره بو پهلوانه مرحبا
    هر بیر قدمده بیر باشی کسدوقجه غوغا ایلدی
    گویا دیریلدی مرتضیٰ صفّینی احیا ایلدی

صد حیف اولا ویردی فلک آخر او گیزلین داشینی
هم اوچ پر اوخ بیچدی گوزون، هم یاردی نوفل باشینی
بولمم نه نوعی سسلدی امدادینه قارداشینی
    واضح دئیوم چون قانیله دولموشدی عطشان لبلری
بیر سمته دوشموشدی علم، بیر سمته دوشموش اللری

💠💠💠💠💠

مجید قلعه بیگی «فقیرخویی»

   منبع : تورکی نوحه لر - قربانعلی زاده www.noohalar.blogfa.com

دور ایاقه بیر قبردن آنا وار شکایتی زینبون سنه

بازگشت به مدینه
زبانحال حضرت زینب کبری (س) پس از مراجعت از واقعه کربلا در مدینه بمادرش

دور ایاقه بیر قبردن آنا
وار شکایتی زینبون سنه
بو سفرده سوقات کربلا
گتدیم اوغلوون کوینگین سنه


بو وفاسیز امّت سقیفه دن
حکم ظلم و جوری آلوبدولار
ئولدوروبله پیغمبر اوغلونی
یر گوگ اهلی حیران قالوبدولار
کوینگین بو حاله سالاندا گور
پیکرین نه حاله سالوبدولار
عرض ایدم اگر گوردوقوم غمی
بیر به بیر گلر چوخ چتین سنه


کربلایه گلدون بهشتیدن
غملی سینه وی داغلیاندا سن
قتلگهده آلدیم سَسون سَنون
وای اوغول دیوب آغلیاندا سن
جان ویرن زماندا حسینوون
قانلو گوزلرین باغلیاندا سن
سس چکوبله همناله اولدولار
ساکنان عرش برین سنه


بیر گیجه یانان خیمه گاهده
گَلدون آل طاهایه دیده سَن
زینبی یادوندان چخاتمادون
گوز گوتورمَدون اهل بیتدن
عفو ایله آنا دستگیریدیم
ایمدی گلمیشم بازدیده مَن
بو عزاده ویرسون بیوک جزا
خالق جهان آفرین سنه


کوفه دن بیزی شیعه لر گوروب
قورخودان یاواش ایتدیلر فغان
شامون اهلی امّا تانمیوب
خارجی آدی قویدی شامیان
داد و داد ظلم یزیددن
اهل شام الیندن اَمان اَمان
نه دیلیله عرض ایلیوم آنا
شام شهرینون محنتین سنه


مرد و زن هامی اَلده ساز و نی
پیشواز ایدوب آل حیدری
توکدولر کجاوه لر اوستنه
بامدن ز بس اودلی نی لری
اود دوتوبدی سجّاد عمامَه سی
ظلم الیله باغلیدی اللّری
ویر اجازه اوغلون اوزی دیسون
سرگذشتینی دلغمین سنه


قولقولا بیزی باغلامیشدیلار
مجلس یزیده گیرنده بیز
هر بالا که رفتاریدن قالوب
تازیانه ایلردی اشگریز
بیر نفر گوزوندن ایراق سنون
فاطمه قیزون ایستدی کنیز
قویمیوبدی حرمت پیمبره
باخمیوب او مرد لَعین سنه


شهر کوفه ده گرچه اینجیدوخ
بیز جفای زاد سمیّه دَن
وای شماتتِ اهل شامدن
داد ظلم آل امیّه دن
وار سنه اسَفلی حکایتیم
جان ویرن زماندا رقیّه دن
چوخ اولوب دیدی عمّه زحمتی
آز زماندا بو بیکسین سنه


هاردادور آتام گلموری نَدن
قالدی یولدا بو گوزلریم منیم
حقوی حلال ایله عمه جان
آرتوخ اولدی دردسریم منیم
صون نفسده بیر زحمتیم بودور
ویر خبر گَله اکبریم منیم
جانویرنده یانیمدا اگلشه
تا اولا شریک اَنین سنه


آغلاما بو مُحنتده صبر ایله
توکمه گوز یاشون گَلمه شیونه
بو خرابه ده جانویرَنده من
هرگز عمّه یالوارما دشمنه
گوز یاشونله ویر غسلیمی منیم
زلفویله ایله کفن منه
چونکه غسل و تکفینه امر ایدوب
حکم شرع و دین مبین سنه


خدمتون «ریاضی» بهاسی وار
حیف بیلموسن که بهانه دور
ایله جدّیوین دیننه عمل
چون عما یقیندن نشانه دور
دین حقی خلقه یتورماقا
آغلاماخ اوزی بیر بهانه دور
غفلت ایلمه امَر فرضدور
بو زماندا تبلیغ دین سنه

✍️ زبدة الاشعار ✍️   
مرحوم سید حسین کهنمویی (ریاضی تبریزی)

   منبع : تورکی نوحه لر - قربانعلی زاده www.noohalar.blogfa.com

دور قبریدن آنا که اسیر بلا گلوب

ورود به مدینه  (زبانحال حضرت زینب «س» با مادرش)

دور قبریدن آنا که اسیر بلا گلوب
اما وئروب حسینوی دینه فدا گلوب


تا دعوت اولدی قارداشیم اهل و عیالیلن
عازم اولوبدی کوفیه مال و منالیلن
دشت بلایه تا یتشیوبدور جلالیلن
بولدی عراقین اهلی شه کربلا گلوب


باخ میزبانیده آناجان سن شقاوته
اوٌلده باغلیوب سو یولون اهل عصمته
آل اللهی او چولده سالوب رنج و محنته
گوردوم او چولده اون نچه مین اشفیا گلوب


مسکن اولوب او چولده بیزه بیر چوخور مکان
بولمم نه سرعتیله گئچوب ختم اولوب زمان
یوم بلا یتوشدی او گوندن آنا امان
بی جا دگور دئسم او چوله انبیا گلوب


اول چولده ظلمیله آنا اول لشکر پلید
هر کیمسه اولموشیدی جگرگوشوه مرید
رحم ائتمیوبله ایلدیلر بیر به بیر شهید
یولداشلاری قوتولدی آنا اقربا گلوب


اکبر گئدنده خیمده احساسیمی آنا
گوردی سریه سالدی یولا قاسیمی آنا
اما نجور دیوم  سنه ,نجه عباسیمی آنا
جام الده سالماقا یولا بیر مه لقا گلوب


اکبر گلنده قیزلار ائدوب شیون آغلادی
قاسم غمینده ناله چکوب دشمن آغلادی
عباسه ظلم اولاندا گل و گلشن آغلادی
گویا نجفده یاسینه شیر خدا گلوب


اما حسینوی آناجان من نه حالیلن
گتدوم امانتین ولی وئردیم ملالیلن
ئوپدوم بوغازینی یولا سالدیم جلالیلن
گوردوم گئدنده نالیه ارض و سما گلوب


توکدوم عذاره خیمه ده گوز یاشینی آنا
سس گلدی شمر کسدی حسین باشینی آنا
ووردیم مصیبتون باشیما داشینی آنا
جنتده آه و وایه رسول خدا گلوب


ظلم آتشی او چولده چکنده زبانه سین
آل اللهین باخا باخا یاندیردی خانه سین
سعیم بوئیدی قورتارا قیزلار بهانه سین
یاندیم گل عمه خیمده زین العبا گلوب


اما نه چکدی گوزدن ایراق یولدا زینبون
وار تازیانه ردی آنا قولدا زینبون
هم ساغ قولوندا واریارا هم صولدا زینبون
بو قبره ایستوری آلا سندن شفا گلوب


وار کوفه دن سنی ولی آیری حکایتیم
قصر زیاده چکدی طناب اسارتیم
تا باشلانوب او یرده ندای رسالتیم
سس دوشدی نیزه دن باجی صد مرحبا گلوب


ابن زیاد او یره بیزه ناروا دئدی
ایچدی شرابی قارداشیما ناسزا دئدی
زینبده شوره گلدی سوزی بر ملا دئدی
ظالم اوتانموسان بیزه حقدن ندا گلوب


حمزه بیزیمدی عترت اطهار بیزده دی
فخریم بودور کی جعفر طیار بیزده دی
دین آبروسی حیدر کرار بیزده دی
گئت باخ کتابه آیه قل انما گلوب


بیر یرده ایلدیم آنا من نهضته قیام
هم خاص  گلمیشیدی او ماوایه هم عوام
تا وار جهان تاپار آناجان نهضتیم دوام
مظلومه چونکه دست خدا اتکا گلوب


شام بلایه وارد اولاندا قطاریمیز
گوردوم کی کف چالاندی یمین و یساریمیز
دوشدی آنا یهود الینه اختیاریمیز
سسلندیلر گلون حرم مرتضی گلوب


هر کیمسه کینه سی واریدی ائتدی اهتمام
بیر لحظه کوچه ده آناجان اولدی ازدحام
تا اذن اولوبدی ایستوری هر کیمسه انتقام
داشلار الینده ایلدی دئینین ادا گلوب


اما خرابه اولدی مکان جمله عترته
قاتدی بلالی باشیمی بیر آیری محنته
ئولدی رقیه  من نئجه دوزدوم مصیبته
الله بولور کی قامتیمه انحنا گلوب


دم وئردی « حیدری » بو سوزه سینه داغلادی
یازدی ولیک « صادقی » سس چکدی آغلادی
لطف ایله سن آنا بو سوزی بیله باغلادی
ایستور بقیع سنون قاپووا چون گدا گلوب

محمدرضا صادقی

   منبع : تورکی نوحه لر - قربانعلی زاده www.noohalar.blogfa.com

گلدی کاروان شامیدن خدا

ورود به مدینه

زبانحال حضرت ام البنین «س»

گلدی کاروان شامیدن خدا
          دوشدی زار دل اختیاریدن
گلمیوب حسینیم ثمر ندور
          چکدیقیم بیر ایل انتظاریدن


حسرت ائتدیلر ظلمیله منی
شمس مشرق و مغربینیمه
مایۀ مباهاتیمه او سرـ
ـخاندانیمه نورِ عینیمه
آزدی اوخشیوب هرنه آغلاسام
شهریار عطشان حسینیمه
حشر اولونجا بسدور اونون
فقط نسکلی منه روزگاریدن


ماه دی گیدندن صورا گینه
جلوه سین جهاندا چمن ویرر
روزگاریده هم بهار اولی
تازه دن گلین نسترن ویرر
دائمی خزان چوکدی عالمه
بانگ ناله زاغ و زغن ویرر
باش اشاقه چون نرگس غمه
سنبلین دوشر تاری تاریدن


قبرینی دیولّه حسینیمون
آلتی گوشه اصغر قوجاقدادی
ماه پاره اکبر وقاریله
غرق خوندی سمت ایاقدادی
بلمورم ابوالفضلیمون نیه
قبری بس حسیندن اوزاقدادی
انتقالی ممکن اولونمیوب
حتما آیریلوب شهریاریدن


نقل ایدولّه عبّاسیمون منه
کربلاده لشگر یولون کسوب
چار سمتیدن لشکر اوخلارین
یاغدوروبلا صاق و صولین کسوب
مکریله تعاقبده بلمورم
کیم اونون او بیر جوت قولین کسوب
عاقبت عمودیله پنجه سیز
شیر نر دوشوب اختیاریدن


ویردیلر خبر من بلاکشه
پیشوازه چخ کاروان گلور
کاروانی گوردوم نه کاروان
داغ دلدن اتش فشان گلور
بلمدیم علی قیزلاری بیله
قدی بار غمدن کمان گلور
هر کیمی سراغ ایلدیم جواـ
ـبینده لا گوروب اختباریدن


روزگار دون قویمادی قالام
دائما مقام منیعیده
گیتدی الدن اوغلانلاریم منیم
یاندیم اعتبار رفیعیده
منده بس خانم فاطمه کیمی
داده گلَّم هرگون بقیعیده
حق ویرور منه حقّی وار یانا
آغلیا باخانلار کناریدن


«شاکرا» خلوص عمل یتور
مطلبین بو اوّل بناسیدی
حقّی ایله که تاپدون حقّیدن
ایسته هر نه دل مُدّعاسیدی
ائت وسیله امّ البنینی چون
بو خانم ابوالفضل آناسیدی
باور ائت برآورد اولار هامی
مشکل حاجتین کردگاریدن

مرحوم شاکر تبریزی

✍️ زبدة الاشعار ✍️  

   منبع : تورکی نوحه لر - قربانعلی زاده www.noohalar.blogfa.com

یا اَبَالمنتظَر یا حسنِ عسکری

در شهادت امام حسن عسکری (ع)

✍️ زبدة الاشعار ✍️


یا اَبَالمنتظَر یا حسنِ عسکری
ای اولان عالمین سیدی و سروری
ماتمون آغلادور بو شیعۀ حیدری
زهریله جان وئرن
 سامراده ئولن
یا مولا یا مولا (۴)


یاابالمهدی ای والدِ شاه جهان
جان فدا جانیوه شهید اولوبسان جوان
ماتمونده قرا گیدی امام زمان
سینه سین داغلیار
چوخ سنه آغلیار
یامولا یامولا (۴)


اولدون آقا اسیرِ عدویِ مستبد
حصره سالدی سنی قورخودان اول معتمد
اولمادی شأنیوه او بی حیا معتقد
صولتون حیدری
هیبتون عسکری
یامولایامولا(۴)


سامراده سنی ساخلادی تحت نظر
باغلادی قتلیوه دشمنِ پستون کمر
آخر الامر وئردی سنه زهرِ شرر
ایچموسن زهر کین
قالدی مهدی حزین
یامولایامولا (۴)


سامراده سنی قویدولا تحت فشار
منزلین دورینه چکدیله محکم حصار
قویمادی معتمد مکریله راه فرار
ای امام کریم
بالان اولدی یتیم
یامولا یامولا (۴)


قسمت ایله گلک گورمه لی سردابیوه
باش قویاق بیزده بیر تربت محرابیوه
دعوت ایله ووراق بوسه گوزل بابیوه
وئر جواز سفر
یا ابالمنتظَر
یامولا یامولا (۴)


آلتی گوشه مزارون ائله بیل کربلا
بیر طرفده یاتوبدی آتان هادی آقا
بیر طرف نرجس اُول مادر نورالهُدی
کیمدی پایین پا
باجون اُول باوفا
یامولا یامولا(۴)


بیر دعا ایله کی جور اولا امر ظهور
بلوط آلتدان کناره چیخا اول قرص نور
سینۀ شیعیانه وئره شور و سرور
گلسه آخر امام
آلاجاق انتقام
یامولایامولا (۴)

حجت مرتضایی(کیان)

   منبع : تورکی نوحه لر - قربانعلی زاده www.noohalar.blogfa.com

جان وئریر غربتده الله مرتضانین مظهری

در شهادت امام حسن عسکری (ع)

 

جان وئریر غربتده الله مرتضانین مظهری

آیریلیر اهل و عیالیندن امام عسکری

 

ایکی یوز آتمیش ایلینده ثبت اولوپ بو ماجرا

هشتم ماه ربیع الاول اولدی غم فزا

بو گجه صاحب زماندی واقعی صاحب عزا

یاد ائدیر محنت لری آغلیر دیور ای وای بابا

گوردی باباسی وئریر جان دولدی غمدن گوزلری

 

 

معتمد ملعونه گلسین لعنت حق مستدام

ایلیوبدی چوخ اذّیت حضرته هر صبح و شام

ییرمی دوقّوز سینّیده دنیانی ترک ائتدی امام

هاشمی خالی یوزونده صورتی ماه تمام

امر ائدیب مسموم ائدیبلر سمّیلن اُول سروری

 

 

حضرت صاحب زمانین قانه دونموش گوز یاشی

بیر اوشاقدی حضرت اوردا یوخ باجی یا قارداشی

یوخدی بیر کس غمگساری غم گونونده یولداشی

غصّه لر قلبین آلیبدی چوخ کیچیکدی دورت یاشی

گوز یاشی قانه دونوب سسلیر هرایه مادری

 

 

ترک ائدیر دنیانی حضرت آغلاشیر ارض و سما

عالم علم کلام و فلسفه ابن الرضا

یوخدی دنیاده نظیری اهل فضله مقتدا

لب لریندن قان آخیر تاثیر ائدیب سمّ جفا

شهر غربتده وئریر جان یوخ امامین یاوری

 

 

یادیمه دوشدی بو یرده ماجرای کربلا

بیر غریبین دورین آلمیش کربلاده اشقیا

تک قالیب زهرا بالاسی یئر گویی دوتموش بلا

یوخدی یار و یاوری بی کس قالیب میر هدی

یوخدی بیر کس رد ائده اوردان او قوم کافری

 

 

تکجه زینبدی اونا یاور آقا قالمیشدی تک

یوخدی زهرا اوغلونا کرب و بلاده بیر کمک

ای حسین ای جان قرآن عشقه ای عالی محک

جان سنه قربان حسین یا لیتنا کنّا معک

کاش سنه قربان اولوب حفظ ایلییدوخ سنگری

 

 

بار الها حضرت صاحب زمانی تئز یتیر

زادۀ یخیر النسا میر هُدانی تئز یتیر

جدّی نین قویما قالا تا یئرده قانی تئز یتیر

یادگار مرتضی شاه جهانی تیز یئتیر

تا که خوشنود ایلیه بو گلماقی پیغمبری

 

سیّد ناصر ولایی زنجانی

   منبع : تورکی نوحه لر - قربانعلی زاده www.noohalar.blogfa.com

تمام شیعه لر گلوب نوایه یابن العسگری

نوحه شهادت امام حسن عسگری (ع)

🕋⭐️🕋⭐️🕋⭐️🕋⭐️🕋⭐️🕋⭐️🕋

تمام شیعه لر گلوب
نوایه یابن العسگری
باشیندا قاره سنده گل
عزایه یابن العسگری
               باشا قاره باغلیاروق آقا
                 بو عزاده آغلیاروق آقا

🌺🌺🌺🌺🌺🌺🌺🌺🌺🌺🌺🌺🌺

امام انس و جان ئولوب
ولی شیعیان ئولوب
بو درده آغلاروق آقا
امامیمیز جوان ئولوب
               فلک آغلیور ملک آغلیور
          سینه ده یانان ئورک آغلیور



ئورک دوشوب تلاطمه
تاپوبدی عمری خاتمه
خبر چاتوبدی جنته
گیوبدی قاره فاطمه
                  دیور آی اسیر محن بالا
             سنه جان فدادی حسن بالا



اگر چه فخر شیعیان
ستمدن اولدی باغریقان
ائوینده یومدی گؤزلرین
سو ایچدی جان وئرن زمان
           ولی تشنه شاهه جانیم فدا
         بیر ایچیم سو وئرمدی اشقیا


🕋🕋🕋🕋🕋🕋⭐️🕋🕋🕋🕋🕋🕋

✍ ابوالفضل عباسی معروفان اهری ( معروف )

غریب آتان زهریلن ئولوب

در  شهادت امام عسکری (ع)


غریب آتان زهریلن ئولوب
                        سامراده یامهدی
باشون ساق ای پور عسکری
                        بوعزاده یامهدی

وئروبدی زهرجفا اونا معتمدعباسی
اورکده واردی گول آدینه شیعیانون احساسی
بوگون تمام جهانیده واردی مجلس یاسی
قراگیوبدی بو ماتمه نه سماده یامهدی


گهی ائدوب معتمد اونی بارگاهینه احضار
گهی آپاردی حضورینه ایلدی اونی اجبار
ربیع الاولده ایلیوب زهریله اونی بیمار
گرگ اورکلر اولا حزین بوجفاده یامهدی


اولاردی تحت نظر آتان بیرمحل غربتده
تمام عمرونده قالدی او غصه لرده محنتده
قالوبدی بیرپادگانیده معرض جسارتده
یانار اونا هم غریبه هم آشناده یامهدی


جوانلیقیندا ئولوب آتان آغلیار اونا زهرا
قرا گیوب شیعه لر بوگون غرق غمدی سامرا
ویرورباشا سینه زن بوگون ذکری آه واویلا
جناندا غمگین اولوب آقا مرتضاده یامهدی


وئرنده جان سسلدی سنی گل بالا منه آغلا
بیوردی ای وارث حسین گوزلریمی گل باغلا
دوداقیوی قوی دوداقیمه بیرآتاوی قوجاقلا
یوخومدی چون بیرکسیم منیم بوسراده یامهدی


آتان غمی سختیدور سنه یابن العسکری مولا
بیزایلوروک عرض تسلیت شیعه رهبری مولا
«کیانه» ده بیرعنایت ایت قوقما نوکری مولا
نصیب ایله بیرزیارت کربلاده یامهدی

حجت مرتضایی

  منبع : تورکی نوحه لر - قربانعلی زاده www.noohalar.blogfa.com

شیعه بو گون عزایه گل

شهادت حضرت امام حسن عسکری علیه السلام

شیعه بو گون عزایه گل
                     حجت حق عزاسی وار
غملیدی صاحب الزمان
                      دیلده  بابا باباسی وار

          یاسه  باتوبدی  ماسوا
          شیعه لرون نواسی وار



زهرجفاایدوب اثرایتدی امامی بی قرار
تاب وتوانی قالمادی گوز لری اولدی اشکبار
مهدی صاحب الزمان قلبی اولوبدی داغدار
اشکی رواندی صورته دیلده بیوک بکاسی وار


معتمدین جنایتتی اولدی جهانه  برملا
میل ایلیوبدی زهرکین دردینه اولمادی دوا
سسله دی گل آنا حسن اولدی  غریب سامرا
سالدی شراره جانیمه اود باشیمون بلاسی وار


گل آناجان چاتوب منیم زهرجفا دوداقیمه
پیک اجل آلارجانی ایندی گلر سراقیمه
تک قالی مهدی زمان قلبی یانار فراقیمه
یاندی جگرلریم آناگل نجه گوریاراسی وار


غربت ایچینده گر اُولم مهدی بالامدی آغلیین
واردی اگرچه قارداشیم اولماز او سینه داغلیین
باغلا اوزون بوگوزلری یوخدی بویرده باغلیین
منتظرم مدیندن سن گلسن صفاسی وار


ظلمونی اشقیاندن بولدی منه آنا روا
خزانه دونروب منیم بهارعمرومی جفا
شام غریبانمدا گل ساخلا اوزون  منه عزا
سامرده ایکی بالان دفن اولی غم بناسی وار


گونکیمی باتدی شاه دین کسدی او نورونی حسن
گلشن دینیدن سولوب شاخة گل سرو وچمن
سالدی بو شیعه قلبینه نسگلی درد وغم مِحن
آغلا گوزوم بو غمده سن آغلیینین جزاسی وار


گللرآچاربهاریده هرچمنون گلی اولار
غنچیه منتظرقالان عشقلی بلبلی اولار
مهدیسی اولسا هرکیمون سانماکه مشکلی اولار
(عدلی) اولوبدی عاشقی دلده بو ادعاسی وار

حاج اصغر فرشچی (عدلی تبریزی)

  منبع : تورکی نوحه لر - قربانعلی زاده www.noohalar.blogfa.com