لایلای ای قمچی لر آلتیندا چخان جانی ننم وای

نوحه حضرت زهرا«س»

 لایلای ای قمچی لر آلتیندا چخان جانی ننم وای/

لایلای ای ئوز قاپیمزدا سوزولن قانی ننم وای/

 آناجان زینبووم من

باغریقا زینبووم من

___________________________

گل کیمی صورتی سولموش او آغیر ال اثریندن/

اورگین قانی آخاردی سوزولن اشگ تریندن/

ائوده راحت یِریینمزدی دوتاردی کمریندن/

عمری آز غصه سی چوخ غمده یانان جانی ننم وای/

 

یارالی جانووه قربان

توکولن قاننوه قربان

__________________________

آی ننه بیلمزیدیم گون کیمی آخشام باتاجاقسان/

بیلمزیدیم منی بو تزلیگه گوزدن آتاجاقسان/

نه بیلیدیم آناجان قبریده من سیز یاتاجاقسان/

یاندیروب درد و غمون یکسره دنیانی ننم وای/

 

آی ننه هاردا یاتوبسان

زینبی گوزدن آتوبسان

___________________________

آناجان گول یوزوه سیلی ویران ال شل اولیدی/

سینوه زهریلی مسمار باتاندت گول اولیدی/

باتدی مسمار سینوه آی ننه سینم کول اولیدی/

سینوون دردینه زینب اولا قربانی ننم وای/

 

میخ در سینووی بولدی

آنامیز دای دئدیم ئولدی

___________________________

در و دیوار آراسیندا ننه قوش مثلی اسوردون/

جان وئرنده بابامین صبرینی نسگللی کسوردون/

او زمان من بیلیرم ئولمگووه چوخ تلسرودون/

سنی یوخ عرشیده یاندیردیلا قرآنی ننم وای/

 

آنا جان عمرون آز اولدی

قلبیمه نسگلی دولدی

___________________________

آنا بیر اللی قنوتون منی گریان ائلییردی/

او نشسته نمازون قلبیمی شان شان ائلییردون/

دیوارا تا ال آتاردون دیلیمی قان ائلییردون/

سویلییردیم آنامون اولمادی درمانی ننم وای/

 

نفس سردووه قربان

بی دوا دردووه قربان

___________________________

اوچ یوز اشرار دنی ایلدی حمله سنون اوسته/

ویردیلار اُود قاپیا ائتدیله گل جسمووی خسته/

باخوری حیدر صفدر قاپیا اللری بسته/

هی دئیور ئولدوم الهی یانا دورانی ننم وای/

 

قاپیمیز یاندی الهی

ننم اوتلاندی

 

تورکی نوحه لر - قربانعلی زاده www.noohalar.blogfa.com

ئوزوم‌گوردوم‌قاپوم‌یاندی‌تماشایه گلن‌دوردی

زبانحال امام علی (ع) به چاه

 

ئوزوم‌گوردوم‌قاپوم‌یاندی‌تماشایه گلن‌دوردی

 

ئوزوم‌گوردوم‌که‌زهرانی‌اونامردزمن‌وردی

 

ئوزوم‌گوردوم‌اشاریله‌دیوردی‌قنفذه‌ثانی

 

داینما‌ورایاقدان‌سال‌اورگی‌داغلی‌زهرانی

 

ئوزوم‌گوردوم‌نه‌نوعیله‌یره‌زهرایخلمشدی

 

ئوزوم‌گوردوم‌که‌دیواره‌نقدری‌قان‌یاخلمشدی

 

ئوزوم‌گوردوم‌بالام‌محسن‌دوشوب‌یرده‌چخورجانی

 

نه‌زهراگوردی‌ئوزاوغلون‌‌نه‌محسن‌گوردی‌زهرانی

 

ئوزوم‌گوردوم‌«عمر»آلدی‌الینه‌بیریانق‌هیزوم

 

منیم‌باغلیدی‌قوللاریم‌اووردی‌من‌باخوب‌دوردوم

 

ئوزوم‌گوردوم‌حسینون‌گوزلری‌گریان‌دایانموشدی

 

ئوزوم‌گوردوم‌که‌مسمارون‌اوجونداقان‌دیانمشدی

 

ئوزوم‌گوردوم‌قاچورزینب‌دیوروای‌بی‌کمک‌قالدیم

 

گلون‌آی‌قونشولارئولدی‌ننم‌اللرده‌تک‌قالدیم

 

ئوزوم‌گوردوم‌حسن‌آغلوردیورالله‌ننم‌ئولدی

 

کیچو‌کدورسنیم‌حیف‌اولسون‌بوغصه‌قلبیمی‌بولدی

 

ئوزوم‌‌گوردوم‌قزیم‌کلثوم‌ائله‌رنگی‌سارلموشدی

 

ایتورموشدی‌ئوزون‌گویابالام‌آواره‌قالموشدی

 

💠السلام علیک یا فاطمه  الزهرا💠

 

تورکی نوحه لر - قربانعلی زاده www.noohalar.blogfa.com

گَل اتاقی بیر خلوت ایلیاق تنگه گَلدی سینم عم اوغلی جان

گَل اتاقی بیر خلوت ایلیاق تنگه گَلدی سینم عم اوغلی جان
آغلیاق حسینیله زینبه بیر دویونجا باهم عم اوغلی جان
دوقّوز ایلدی بو ایوده لطفیوین سایه سینده من دالدالانموشام
جان دیوب سنه جان ایشیتمیشم سن یانان مصیبتده یانموشام
هر گئجه حسینیم سو ایستیوب فضّه دن قاباق من اویانموشام
یوز گوزین اوپوب استراحتین ایتمیشم فراهم عم اوغلی جان
خاطر شریفون بو سوزلرین خاطرینه ناراحت اولماسون
زینبین اوزوم زلفینی یودوم فضّیه دیدوم زحمت اولماسون
اوز وظیفمه ایتموشم عمل خدمتیم سنه منّت اولماسون
بو دله گَلن سوزلریمده وار آیری سرّ مبهم عم اوغلی جان
نه بو ایوده کی خدمته گوره جان ویرن زمان اجرت ایستورم
نه حسین نه کلثوم و زینبیه ویردیقیم سوده قیمت ایستورم
بو سینمده کی قان اولان سودین خاطرینه حلّیّت ایستورم
سن منی حلال ایله تا ایدوم جان نثارِ مقدم عم اوغلی جان
دردمند اوشاقلاریمی چاغور شرح درد هجران ایدوم گیدوم
صبری تاپشوروم غم چکنلره درد اَلیله درمان ایدوم گیدوم
ویر حسینیمی بیرده سینمه، جان حسینه قربان ایدوم گیدوم
واضح اولسون آخِر وداعیده ابتدای ماتم عم اوغلی جان
گون باتاندا سعی ایله بو ایوه ظلمت دجی سایه سالماسون
آخشام اولجاقین بو یتیملر خاطرین غبار غم آلماسون
سن اوزون چراغ یاندور هر گئجه زینبیم قرانلوقدا قالماسون
زینب اوخشاسا منده آغلارام قبر ایچینده هردم عم اوغلی جان
قلبی تیز سنار لحظه الفتین بیر نفر کسنده حسینیلن
قویما سنده بیر لحظه آیریلا قارداشی حسنده حسینیلن
بیر زمان هله آیری گَزمیون مجتباده، سنده حسینیلن
سن یتیملر دادخواهی سن ای پناه عالم عم اوغلی جان
دست چشم بند قضائیلن سن که یانمالیدون فراقیمه
کاش او گون اُلِیدیم که ووردولار یاره قلب پر اشتیاقیمه
آستانه ده دفن ایدوب منی محسنی ویرِیدون قوجاقیمه
قبر اولیدی دلسیز شهیدیمه بو یارالی سینم عم اوغلی جان
یاندی ظلم ثانیدن ای عجب آستانه ی وحی لم یزل
باغلادی سنون قولّارون فلک، دشمنون منه قویمادی محل
قائد شریعت عیالینه اوز ایوینده آخِر آچیلدی اَل
بوسه گاه جِبریله ووردولار پشت پای محکم عم اوغلی جان
دفن و کفنیمون قیل تدارکین نصف شبده ویر غسلیمی اوزون
کوینگیم چخارتما یارالیم فاش اولونماسون سرّی بو سوزین
آی اگر ایشیق سالسا سینمه نالوی بلند ایتمه، یوم گوزوم
بیرده بیر گیچن حادثاتی سن ایلمه مجسّم عم اوغلی جان

            منزوی اردبیلی

 تورکی نوحه لر - قربانعلی زاده www.noohalar.blogfa.com

قبریوین کنارینده هر گئجه مرتضی پریشاندی فاطمه

زبانحال حضرت ابوالحسن علی ابن ابی طالب در فراق حضرت زهرای مرضیه از استاد حاج ولی الله کلامی زنجانی

قبریوین کنارینده هر گئجه مرتضی پریشاندی فاطمه

صبحه تک بو پوزقون مزاریوه گوزلریم نگهباندی فاطمه

 

قبریوین کنارینده هر گئجه مرتضی پریشاندی فاطمه

صبحه تک بو پوزقون مزاریوه گوزلریم نگهباندی فاطمه

غم سپاهی تعقیب ایدور منی بو چوله گلنده قدم قدم

فرقتونده ای مونس علی غم منیم انیسیمدی دمبدم

گلمیوم نجه قبرون اوستونه ایوده آغلاماقدان مقیّدم

منزلیمده ای باغبان غم گللرون پریشاندی فاطمه

ای عزاسی رسما دوتولمیان من اوزوم عزاداریوم سنون

ای مزاری خلقه تانینمیان دلشکسته زواریوم سنون

ایولرینده بیگانه لر یاتوب آشنای بیداریوم سنون

بو زمانه سندنصورا داخی مرتضایه زندانی فاطمه

ای مدافع حقّ مرتضی ای سلاله ی ختم مرسلین

ای عفیفه ی قائم الصلوه پاسدار شب زنده دار دین

ایوده خالی محرابیوه باخوب آغلارام غمونده حزین حزین

ای گل رسالت سنه علی عندلیب خوشخواندی فاطمه

قلبیم اودلانار گون باتان زمان گوزلریم دولار آغلارام سنه

زینبون چراغلاری یاندیرار دل غمین اولار آغلارام سنه

غصه دن آناسیز بالالاریم گل کیمی صولار آغلارام سنه

گوزیاشیم آخار چون بو گوزیاشی اهل درده درماندی فاطمه

غسلیوی ویرنده جنازه وه سو توکوردی اسما یواش یواش

پرده نین دالیندا صحابه لر آغلاشوردی امّا یواش یواش

بیر اسفلی صحنه گوروب دیدیم وای یارالی زهرا یواش یواش

گورمییدیم ایکاش او صحنه نی قلبیم ایمدیده قاندی فاطمه

یوخدی خیر سنسیز بو عمریده فرقتون ووروب قلبیمه یارا

یوخسا هر گئجه آه و زاریله من هارا بقیعون چولی هارا

گوندوزی بغیشله گلنمورم سرپرستم ایوده اوشاقلارا

قورخورام اجل گیج تاپا منی محنتیم فراواندی فاطمه

 

آنا نعشینه دوشنوب حسین آنا وای دیوب حسن آغلادی

حضرت زهرا (س)

آنا نعشینه دوشنوب حسین          آنا وای دیوب حسن آغلادی

کفن ایچره ایله سیزیلدادی           باش آچیب اباالحسن اغلادی

 

ایکی شاهزاده ای خونجگر          ایله گلدی  شیونیله     دیله

ایکی اندلیب شکسته پر          دیه سن قونوبدی سولان گله

اولارین فغانی غم   آرترور           هامی    بلبله  گله   سنبله

یری وار دیم   بو  مصیبته            گل و گلشن و چمن آغلادی

 

حسینینون ایلدی ناله سی            کفن ایچره فاطمیه      اثر

آچیلوبدی بند کفن آچوب            قولین اول بلا کش خون جگر

ایله چکدی سینیه جان کیمی     حسنینی توکدی سرشک تر

خانمین او کشف کرامتین          او جلالتین   گورن    آغلادی

 

 

نه دلیله من ایلیم بیان              نه ئمیش جلالت      فاطمه

سالوب اهل عالمی حیرته         او جلال و شوکت    فاطمه

بونی بیر خدای جهان بلور          که ندور شرافت     فاطمه

او شرافته او     مصیبته           ایدوب انجم انجمن آغلادی

 

ایله بیر مجلله بیر خانم            نه جهاندا کیمسه نشان ویروب

ایله بیر جلالتی بیر کسه         نه خدای  کون و مکان   ویروب

بیله شأن صاحبینه دیمه         که بیر آنی غصه امان    ویروب

ئولنه کیمی آتا وای دیوب         توکوب اشک دیده دن آغلادی

 

او مقام و مرتبه صاحبی         آتاسی    خلاصه ای     انبیا

قولینی سالاردی گورن کیمی   گوزی  نوری   فاطمه   بویننا

گهی سینه سین گه الین اوپوب       بالاما دیردی اوزوم    فدا

بو سوزی دینده گوردیلر          او رسول ممتحن     آغلادی

 

 

بویوروردی سیز بیله بولمیون     آتالیق    محبّتین      ایلورم

بو محبّت امر الهی دور           من اونون اطاعتین     ایلورم

بیر علاوه مد نظر که بو          بالامین مصیبتین       ایلورم

گتورور ملال و   مصیبته          منی بو غم و محن آغلادی

 

بو قدر مصیبت و غم چکن      بو یقیندور عالمه   گلمیوب

آتادان صورا گئجه آغلیوب     گونوز آغلیوب یوزی گولمیوب

خبر صریحیدی بو خانم        که شهید اولوب اوزی المیوب

بدنینده صدمه ئیرین گوروب   اوئیدی ابالحسن  آغلادی

 

بو خانم جوانه وفات ایدوب    ایلیبدی ترک جهان گیدوب

او آز عمریله آغاروب ساچی   بوکولوبدی قدی کمان گیدوب

بدننده قمچیلرین یرین         ایکی قولاریندا نشان گیدوب

آتاسی بهشته گورن کیمی   گویروب او گل بدن آغلادی

 

ایلمشدی  خاتم  الانبیا       اوزی     امّته     بو وصیّتی

قویورام ایچوزده سیزون بوگون بو ایکی گرامی امانتی

بریسی کلام مجیدیدی       بریده همین بو اوز عترتی

بو کلامی هر ایشیدن یانوب   بو وصیّتی ایدن آغلادی

 

او وفاسیز امّته باخ عجب      عمل ایلدی بو وصیّته

توکولوب جفائیله اود وروب      نجه گور او باب رسالته

قیزی فاطمه دوتوب اودیانوب   نه دیوم که دوشدی نه حالته

او اسفلی حاله کناریدن        نظر ایلین گورن آغلادی

 

او حسینجانه نی حق گوروم     اوزی پایدار ایده هر زمان

واریدی{شهابیله}هر گئجه       نچه یار هم دل و هم زبان

سبب اولدی اوردا بو نوحیه       او جوان سید نوحه خوان

آناسی یقین نظر ایتدی کیم      ایشیدن گورن بولن آغلادی

 

شهاب تبریزی (ره)

 

آناوین چخور یورولان جانی گَل اماندی زینبیم آغلاما

 

آناوین چخور یورولان جانی گَل اماندی زینبیم آغلاما

گیدورم بهشتیده محسنیم نگراندی زینبیم آغلاما

سن ایوین بویوک قیزیسان گرک آناوین یرین آلاسان بالا

سنی گوزلریم کیمی ایسترم اورگیم سوین بالاسان بالا

بویوموش یازون که اوشاق چاقی باشوا قرا سالاسان بالا

آناسیز فقط بُلر آیریلیق نه یاماندی زینبیم آغلاما

ایله گون سایاردیم اُلن زمان باشیم اوسته آغلاماقون گوروم

گوزوم آختاراردی بو ساعتی بیله سینه داغلاماقون گوروم

دوروب ایله سینمی خشکبند بالا یاره باغلاماقون گوروم

یارا باغلاماق یاراشور سنه بو عیاندی زینبیم آغلاما

سن عزیزیم عالم عشقیده منیم اوز یریمده نشانه سن

حسنیله همدم و همقدم غم ایوینده صاحب خانه سن

آنا عزّتی آتا زینتی دُر بی دلیل و یگانه سن

سنه جان دیدیم که محبّتون منه جاندی زینبیم آغلاما

اوزیوی یوروب منی پوزما چوخ گوروسن ایاقه دورانمورام

باشیم اوسته دورما اوتور یره اُلورم دوروب اوتورانمورام

 

 

آناوی بغیشله که زلفیوه بیر الیمله شانه وورانمورام

قاپوموز یاناندا الیم قولوم یارالاندی زینبیم آغلاما

دیمیشم علی آتاوا اوزی قازا قبریمی علن اولمیه

گئجه وقتی دفن ایده نعشیمی بو قضیّه نی بُلن اولمیه

غربا کیمی منی اوخشیون ایوه قورخورام گَلن اولمیه

که سحر خدا اوزی ناظر جریاندی زینبیم آغلاما

کمک ایله سن دوروب اشکیله اورک آتشین خنک ایلرم

عوضینده من اوزیمی سنه هامی غمده مشترک ایلرم

توکولنده خیمه لره قوشون گَلرم سنه کمک ایلرم

هله صبر ایله که یامان گونون او زماندی زینبیم آغلاما

من او پیرهن که نوائیلن توخیوب سنه دیمیشم سوزون

گوز ایوینده ساخلا او کوینگی سفره گیدنده آپار اوزون

اونی سندن ایسته سه قارداشون بوغازیندان اُپ ولی یوم گوزون

آناسیندان اوغلونا یادگار او نشاندی زینبیم آغلاما

خبر آلما علّت فوتیمی آنا قلبینه سوزون اوخ ساچار

سنه چوخ سوزی آچا بُلمرم ولی کربلاده فلک آچار

او زمان که خیمه لروز یانار سویولوب رقیّه چوله قاچار

گَلرم سنه دیرم قاپوم نیه یاندی زینبیم آغلاما